استفسار عن عملية تغيير مفصل الركبة

[(المهندس)]

إخواني الأفاضل والدتي الله يشافيها عندها مشكلة تأكل مفصل الركبة وقالي دكتور في مستشفى حمد بالطوارئ انها لازم تعمل عملية تغيير المفاصل وبعد يومين رجعتها للطوارئ بسبب الألم القوي وسألت دكتور ثاني عن موضوع العملية بس هذا الثاني قالي العملية ما تنفع لوالدتك بسبب ثقل وزنها ويمكن ترجع تمشي ويمكن ماتمشي نهائي حقيقة انه خوفني

اللي عنده اي معلومه عن العملية او حد عملها وأي مستشفى سواء خارج قطر او داخلها يفيدني بمعلوماته جزاه الله خير

مع الشكر للجميع مقدما

[Rider]

وده ياخوي حق اسبيتار الي في سباير خل مستشفى عنك

[ولد الشحانية]

أسئل الله رب العرش العظيم ان يشفيها

[ابوعلي]

ياخوي الله يحفظ ويشفي والدتك

ومن رايي قبل العملية شركها في الدايت عشان تخفف وزنها وشوف النتيجة لان والدتي كانت تشتكي من المفاصل خاصة الركب والحمدلله خف وزنها وما تشتكي مثل قبل

[بن غيث]

نعم صحيح
ان الوزن ياثر سلبا على المشي بالمفصل الصناعي .. واهم من العملية العلاج الطبيعي والتمارين الرياضية
بس سالفة انها ما تقدر تمشي مرة ثانية ..؟؟؟
مالها علاقة
بس نصيحة سوها بره احسن ..
وما تشوف شر الوالدة

[nagano]

اعرف واحد كان معانا في بانكوك سواها لوالدته زراعة مفصل لركبة واحدة

وعلى اساس انها بعد فترة بترجع تسوي الثانية ولين الحين ماعزمو ويقولي

انها ولله الحمد ماعاد تشتكي منها وكلفتهم تقريبا ٧٠٠٠٠ الف ريال العملية

ورجعت الدولة الفلوس لهم وعلى فكرة كانو يقولون له نفس الكلام عن الوزن

بس الحمد لله توكلو على الله وسوو العملية وأي استفسار أنا حاضر

[jasjar85]

صحيح الوزن يسبب احتكاك في الركبة ، ولكنه لايمنع من العمليه
العمليه الهدف منها ازالة الالم
وفي دكاترة في مؤسسة حمد معروفين في هذا المجال وعملياتهم ناجحة جدا مثل الدكتور محمد العتيق والدكتور صالح اليزيدي..انصحك تخلين احد من الدكاترة يشوفهه وهو بينصحكم بخصوص العمليه..

[لاجل QT]

الوالدة سوتها في عيادة الدوحة ..والحمدالله امورها طيبة الحين

وبعد والدتى من الوزن الثقيل تكلفة العملية تقريبا 80 الف

ماعليها شر الوالدة

[doha2012]

،




سوتها وحده في دبي المستشفى الامريكي ركبتين والامور طيبه الحمد لله وتمشي عادي مكلفه صح بس الحمد لله شغلهم زين



الله يشفي والدتك وماتشوف شر والاستخاره مهمه بارك الل فيك






،

[(المهندس)]

وده ياخوي حق اسبيتار الي في سباير خل مستشفى عنك


مشكور اخوي على اهتمامك هل اسبيتار متاح لغير القطريين؟

[(المهندس)]

أسئل الله رب العرش العظيم ان يشفيها

جزاك الله خير وعافاكم من مثل هالامراض

[(المهندس)]

ياخوي الله يحفظ ويشفي والدتك

ومن رايي قبل العملية شركها في الدايت عشان تخفف وزنها وشوف النتيجة لان والدتي كانت تشتكي من المفاصل خاصة الركب والحمدلله خف وزنها وما تشتكي مثل قبل

والله اخوي أبوعلي حاولنا معها بس في صعوبة في الالتزام بنظام غذائي بس فكرة الاشتراك في الدايت
بس مارح تحل المشكلة لان المفصل متأكل والعظم يحتك في بعضه وهو اللي يسبب آلم قوي

[(المهندس)]

نعم صحيح
ان الوزن ياثر سلبا على المشي بالمفصل الصناعي .. واهم من العملية العلاج الطبيعي والتمارين الرياضية
بس سالفة انها ما تقدر تمشي مرة ثانية ..؟؟؟
مالها علاقة
بس نصيحة سوها بره احسن ..
وما تشوف شر الوالدة
مشكور اخوي على النصيحة بس تمارين ماتقدر لانها بصعوبة تمشي على ووالكر

[(المهندس)]

اعرف واحد كان معانا في بانكوك سواها لوالدته زراعة مفصل لركبة واحدة

وعلى اساس انها بعد فترة بترجع تسوي الثانية ولين الحين ماعزمو ويقولي

انها ولله الحمد ماعاد تشتكي منها وكلفتهم تقريبا 70000 الف ريال العملية

ورجعت الدولة الفلوس لهم وعلى فكرة كانو يقولون له نفس الكلام عن الوزن

بس الحمد لله توكلو على الله وسوو العملية وأي استفسار أنا حاضر

ما شاء الله

كنت افكر في تايلاند

[(المهندس)]

صحيح الوزن يسبب احتكاك في الركبة ، ولكنه لايمنع من العمليه
العمليه الهدف منها ازالة الالم
وفي دكاترة في مؤسسة حمد معروفين في هذا المجال وعملياتهم ناجحة جدا مثل الدكتور محمد العتيق والدكتور صالح اليزيدي..انصحك تخلين احد من الدكاترة يشوفهه وهو بينصحكم بخصوص العمليه..

إحنا منحولينا موعد لمستشفى حمد بس للحين ماعطونا الموعد وراجعناهم بس للحين شكلهم مريحين برمضان

[(المهندس)]

الوالدة سوتها في عيادة الدوحة ..والحمدالله امورها طيبة الحين

وبعد والدتى من الوزن الثقيل تكلفة العملية تقريبا 80 الف

ماعليها شر الوالدة

ما شاء الله الله يحفظها لكم تكلفتها عاليه

ممكن اسم الدكتور اللي سوى العملية ؟

[(المهندس)]

،




سوتها وحده في دبي المستشفى الامريكي ركبتين والامور طيبه الحمد لله وتمشي عادي مكلفه صح بس الحمد لله شغلهم زين



الله يشفي والدتك وماتشوف شر والاستخاره مهمه بارك الل فيك






،

جزاك الله خير

كم تكلفتها في دبى؟

[لاجل QT]

ما شاء الله الله يحفظها لكم تكلفتها عاليه

ممكن اسم الدكتور اللي سوى العملية ؟

اسمة د .مارتن.. هولندي الجنسية ..يجي زائر..بيي شهر 10 الجاي ..اتصل على عيادة الدوحة واستفسر منهم اكثر

بالنسبة للتكاليف هي هي لوسافرت للخارج..سوها في البلاد افضل

موفقين وماعليها شر الوالدة:)

[حسن]

شوف عندك ثلاث اماكن لاتروح غيرها
عمتي سوت العمليه في بانكوك والحمدلله بخير
وعندك في الامارات دكتور مشهور للركب يسون عنده
وعندك مثل ماقالت لاجل قطر في عياده الدوحه سو العمليه لخالتي وهو بعد مشهور ونفس السعر

وراي حسن يقولك عند الهولندي ارخص وابرك وفي بلادك
ونتمني لوالدتك الصحه والعافيه وجميع المسلمين
والراي لك

[بوحارب]

الوالده سوتها عند الدكتور محمد العتيق والعملية ناجحة 100%

بس للأسف الألم موجود من سنه ونص للحين ماراح من العملية

أما المشي الحمدلله تمشي طبيعي الوالده ووزنها قريب 70 وما اثر عليها لله الحمد

[عضو نشيط]

الله يشفيها شفاء لا يغادر سقماً

أمي سوت عملية تبديل مفصل للركبة بتايلند قبل تقريباً سنتين والحمدلله أمورها طيبه ،،

وسوت هالسنه بألمانيا من قبل 10شهور تقريباً بس في آلام باقيه ومضاعفات ،،،

وتمدح على تايلند ،،،

أما بالنسبة لموضوعك الوزن ،،، أمي كان وزنها فوق الثمانين ،،،،

وأما من ناحية الزين وإللي مو زين فالبركة من رب العالمين ،،

والشافي الله ،،

وأستخير يا خوي وعليك بقطر بمستشفى حمد أو غيره ،،،

ابرك لك من العلاج بالخارج والغربة لأن النفسيه لها دور وقرب الأهل والأقارب له دور ،،،

والأهم من هذا كله ،،، بعد العملية ،،،

99% من العلاج طبيعي ،،، عليك بالعلاج الطبيعي

[عاهد بن علي]

حتى في دبي في دكتور مشهور وهو عربي الجنسيه
نص عجايز دبي مسوين عنده يمكن اسمه ( الطربوشي او شي من هالقبيل )
ما تشوفون شر

[(المهندس)]

اسمة د .مارتن.. هولندي الجنسية ..يجي زائر..بيي شهر 10 الجاي ..اتصل على عيادة الدوحة واستفسر منهم اكثر

بالنسبة للتكاليف هي هي لوسافرت للخارج..سوها في البلاد افضل

موفقين وماعليها شر الوالدة:)

شكرًا جزيلا

هل هذه التكلفة لركبتين ام واحده

[(المهندس)]

شوف عندك ثلاث اماكن لاتروح غيرها
عمتي سوت العمليه في بانكوك والحمدلله بخير
وعندك في الامارات دكتور مشهور للركب يسون عنده
وعندك مثل ماقالت لاجل قطر في عياده الدوحه سو العمليه لخالتي وهو بعد مشهور ونفس السعر

وراي حسن يقولك عند الهولندي ارخص وابرك وفي بلادك
ونتمني لوالدتك الصحه والعافيه وجميع المسلمين
والراي لك

يعطيك العافيه وجزك الله خير

[(المهندس)]

الوالده سوتها عند الدكتور محمد العتيق والعملية ناجحة 100%

بس للأسف الألم موجود من سنه ونص للحين ماراح من العملية

أما المشي الحمدلله تمشي طبيعي الوالده ووزنها قريب 70 وما اثر عليها لله الحمد

ما شاء الله ربي يحفظها ويزيل عنها الألم
وزنها مش ثقيل انا الوالدة وزنها 108 كم

عندي سؤال هل في علاج طبيعي او تمرين بعد العملية ومتى قدرت تمشي يعني بعد العملية بكم يوم؟

[لاجل QT]

شكرًا جزيلا

هل هذه التكلفة لركبتين ام واحده

حق ركبة وحدة

بس تونى اسئل امى تقول تكلفة العملية مع نومة المستشفى اسبوعين 120 الف :shy:
اسمحلي اخوى على الخطأ:shy:

[(المهندس)]

الله يشفيها شفاء لا يغادر سقماً

أمي سوت عملية تبديل مفصل للركبة بتايلند قبل تقريباً سنتين والحمدلله أمورها طيبه ،،

وسوت هالسنه بألمانيا من قبل 10شهور تقريباً بس في آلام باقيه ومضاعفات ،،،

وتمدح على تايلند ،،،

أما بالنسبة لموضوعك الوزن ،،، أمي كان وزنها فوق الثمانين ،،،،

وأما من ناحية الزين وإللي مو زين فالبركة من رب العالمين ،،

والشافي الله ،،

وأستخير يا خوي وعليك بقطر بمستشفى حمد أو غيره ،،،

ابرك لك من العلاج بالخارج والغربة لأن النفسيه لها دور وقرب الأهل والأقارب له دور ،،،

والأهم من هذا كله ،،، بعد العملية ،،،

99% من العلاج طبيعي ،،، عليك بالعلاج الطبيعي

الله يحفظ لكم الوالدة من كل شر ويخفف آلالم عنها

جزاك الله خير وشاكر لك نصيحتك

[(المهندس)]

حتى في دبي في دكتور مشهور وهو عربي الجنسيه
نص عجايز دبي مسوين عنده يمكن اسمه ( الطربوشي او شي من هالقبيل )
ما تشوفون شر

لي أقارب في دبى ان شاء الله بسأل عنه

جزاك الله خير

[(المهندس)]

حق ركبة وحدة

بس تونى اسئل امى تقول تكلفة العملية مع نومة المستشفى اسبوعين 120 الف :shy:
اسمحلي اخوى على الخطأ:shy:

ما شاء الله

والله مكلفة جداً الله يقدرنا عليها

مشكورة أختي

[doha2012]

جزاك الله خير

كم تكلفتها في دبى؟




،



مكلفه.. يمكن الوحده 80 او 90 الف


بس المره هذي ضعيفه وهذا ساعدها تسوي الثنتين مع بعض .. والحمد لله امورها طيبه


في دبي كان في المستشفى ناس متان ومسويينها عادي يعني ما اثر عليهم المتن


الله يكتب لوالدتك الشفاء ..





،

[(المهندس)]

،



مكلفه.. يمكن الوحده 80 او 90 الف


بس المره هذي ضعيفه وهذا ساعدها تسوي الثنتين مع بعض .. والحمد لله امورها طيبه


في دبي كان في المستشفى ناس متان ومسويينها عادي يعني ما اثر عليهم المتن


الله يكتب لوالدتك الشفاء ..





،

بارك الله فيك اخي

[حفيد الأنصار]

اسأل الله في هذا اليوم الفضيل ان يشفي والدتك وجميع مرضى المسلمين