ياجماعة بغيت حد يساعدني في موضوع الدبليو سي

[شيخ القبيلة]

السلام عليكم ورحمة الله وبركاته
ياجماعة بغيت حد يساعدني في موضوع الدبليو سي ، المسافة بين فتحة الصرف الله يكرمكم لين الجدار
عشان يكون ظهر الدبليو سي ملاصق تماما للجدار
يوم رحت ابي اشتري اطقم دبليو سي ماكنت ادري ان لازم المسافة تكون اقل شي 20 سم من الفتحة الى الجدار ، وانا الفيتري عافس الحمام علي مسوي 17سم في حمام الغرفة الرئيسية
الحين شسوي وهل هناك دبليو سي بمقاس 17 سم
ولو لقيت 20 أو 25سم شلون الطريقة علشان يتظبط الموضوع
وجزاكم الله خير

[@north_star@]

اخوي تاكد من المسافة من الحائط لين منتصف فتحة التصريف وبالنسبه للفرقية بين 17 الى 20 في ربلة تنباع بالسوق تتحكم بالمسافة من 3الى 5سم واذا بتروح على مقاسات اكبر مثل 25 او 30 لازم تكسر وتغير مكان الفتحة والله يعينك

[naklan]

هلا بشيخ القبيلة يالله حيه

اخوي اذا لم يتم عمل بلاط الحمام تقدر تعدل البايب الى 20 او 25 سنتي
واذا تم عمل البلاط خذ قواعد 20 سنتي واشتر تحويله موجوده عند محلات
السباكة وينتهي الموضوع التحويله تغير موقع الدبليو سي 3 او 4 سنتي باي
اتجاه عيب التحويله انها تضيق على الصرف يعني لو وقعت صابونه في الدبليو سي
ممكن تقفل الصرف لذلك ينصح بالتعامل بحذر في مثل هذه الضروف والاستعمال
بطريقة صحيحه والله يوفقك يالغالي وتفرج باذن الله :)

[السيليه]

الله يوفقك
الاختيار من الاول لو عندك سباك عدل كان ماعفس لك

[السد]

السلام عليكم ورحمة الله وبركاته
ياجماعة بغيت حد يساعدني في موضوع الدبليو سي ، المسافة بين فتحة الصرف الله يكرمكم لين الجدار
عشان يكون ظهر الدبليو سي ملاصق تماما للجدار
يوم رحت ابي اشتري اطقم دبليو سي ماكنت ادري ان لازم المسافة تكون اقل شي 20 سم من الفتحة الى الجدار ، وانا الفيتري عافس الحمام علي مسوي 17سم في حمام الغرفة الرئيسية
الحين شسوي وهل هناك دبليو سي بمقاس 17 سم
ولو لقيت 20 أو 25سم شلون الطريقة علشان يتظبط الموضوع
وجزاكم الله خير

المفروض على اختيارك لاسم العضو شيخ القبيلة
ان تكون صارم في مثل هذه الاشياء
في محل في طريق سلوى
بين
دوار سوق الخميس والجمعة وبين معرض الظبي
في هذه المسافة

يوجد محل يبيع اطقم wc ومتخصص في الامور الصحية
ان شاء الله اذا مريت طريق سلوى بخبرك وين مكانه

وفي حل آخر
انك اتشوف اطقم تركب على هذا القياس

وحل آخر
انك تكسر بلاط الحمام وقبل ما تكسر بلاط الارضية تاكد من وجوده ( متوفر السيراميك )

وبالتوفيق