بخصوص حمله حاتم

[مرت محمد]

الي ناويين يروحون الحج السنه نبي ارائكم في افضل حمله للحج واذا كان حمله حاتم وين ممكن نسجل في الحج وين مكانهم واوقات دوامهم لانهم مايردون على التلفون وجزاكم الله خير

[بورصواوي]

التقيم بعد الرجوع من الحمله الحج مش قبل
اذا عن قبل الكل يمدح حملته وفي الاخير مافي تنظيم

[elders]

مكانهم بالمطار ...عالخط اللي فيه الرونق

[مشاكل]

الفرقان رقم واحد وبلا منازع ومن واقع تجربه
بس طبعاً انسى تحصل فيها لانهم يفتحون التسجيل ومايمديهم الا يغلق في نفس اليوم

حملة حاتم بعد زينه ولكنها مب في مستوى الفرقان

[مرت محمد]

حمله الفرقان وعرفنا وين مكانهم بس الفرقان وين محلهم يمكن لنا مان عندهم

[مشاكل]

حمله الفرقان وعرفنا وين مكانهم بس الفرقان وين محلهم يمكن لنا مان عندهم

ونتي جايه من نفق المانع باتجاه جسر الجيده قبل نهاية الشارع على اليمين في مجمع تجاري من ضمنه حملة الفرقان

[بوخالد911]

هلا

بشارع المطار
الاتجاه من اشارات المطار ونتوا رايحين اشارات الباراشوت
ع اليمين
صوب عمارة يوسف كافود

حملة حاتم للحج 44654440

[مرت محمد]

الله لايحرمنا من الناس الاجويد الي مثلكم وشرواكم طيبين طيبين هل القطر

[PrivateHeart]

الله ييسر الك امورك ويكتب لك الحج انشاء الله
واذا عرفتي اسعارهم حطيها بالمنتدى :)

[BuFaisal]

حملة حاتم سمعتها طيبة

لكن العام صارت فيها مشاكل الكل سمع عنها

حملة الفرقان هي الافضل .. ثم حملة طيبة

[بريق الحق]

مب متاكد من الخبر بس سمعت ان سحبو التصريح من حاتم مب متاكد .... عندك التوبة بعد فالمطار ... تبي نصيحتي جووف لك حملة سعودية والله ترتاح ومبالغهم من 7 الى 15

[اداري]

بالتوفيق

[Locale]

حملة حاتم الافضل في كل سنه تاخذ جائزة افضل حمله
والعام ولاحمله خذت الجائزه.. وكانت اسوء سنه لحاتم
ولكن مو معناته انها صارت سيئه بالعكس تبقى الافضل

[ذكي جدااا]

الهدى والفرقان زينين

[الحاقول]

حملة حاتم كانت الافضل بس السنه الماضيه الكل يشتكي من الحمله

لانه اخذ عدد فوق طاقة الحمله ... لدرجه انه اخذ جزء من مخيم الباكستانيين

لحملته وكانت اختي معهم

[اوف ليميت]

حملة حاتم حملة طيبه
ومكان المكتب من بعد اشارات المطار وانت جاي من صوب المطار..عقبها اشارات شارع المطار التجاري..اول ماتعديها جنك رايح جنوب (الوكره) اول لفه يمين..اللي ادخلك على مركز تسوق ومعرض سيارات ومغاسل ومطاعم وجذي..لفه دائريه داخل..بس انت من تاخذ اللفه من الشارع الرئيسي بتلاقي بعد لفه يمينك ادخلك المواقف...لادشها..كمل بس مترين..شايف المبنى اللي على يمينك شكله قديم وفيه محل اثاث او ادوات صحيه..في بنصه مدخل لداخل السوق (نفس شكل سوق العبي الل يفالغرافه يم الجوازات)..وقف ودش من هناك..المكتب بتلاقيه اخر الممر على يمينك

وللعلم..كل اللي وصلني من الاخوه الاعزاء اللي راحوا العام..ان الفرقان كانت الافضل ومدلعين ربعهم صح
حاتم شوي خارتها وازعلوا الناس..غلط غلطه وخذا عدد مبالغ فيه اكثر من طاقتهم الممكنه

وبالتوفيق


:]

[سفير الدوحة]

أنا توني جاي من الحج العام ،، انصحكم بحملة الحرمين للحج ،، المنتزة مقابل الشاهين

اللي بيجربها يذكرني بدعوه صالحه،،
بوخالد