استنتاج بعد تجربة عدة مكيفات وطلب مشورة

[almaf1a]

السلام عليكم ورحمة الله وبركاته

جربت الفوجي وجنرال (العمادي) وبانسونيك وهيتاشي و كرير

فوجي وجنرال (الي هم بستن) ماعليهم كلام من ناحية الخربات فهي قليله ولكن في المقابل التبريد ما يجي 50% من تبريد بانسونيك وهيتاشي و كارير (الي هم روتاري) خصوصا في الليل يصير مكيف البستن حااااار ولا يصلح لغرف النوم
ممكن يصلح لمخزن او مكان لا تحتاج فيه برودة عاليه للنوم
الخربات موجوده في البانسونيك و الكارير والهيتاشي ممكن يخرب قريب ولكنه صامد لمدة سنتين وهي فتره قصيره للاختبار

الميتسوبيشي لا اعرف اذا كان بيستن او روتاري الخوف يكون بيستن واتوهق في تبريده نفس الفوجي والجنرال

الخلاصه غرف النوم راح اخذ لها مكيفات روتاري والصالات والمجالس باخذ الميتسوبيشي ان كان تبريده ممتاز

بغيت شوركم ورأيكم في احجام المكيفات المطلوبه لغرف العيال 5*5 هل الطنين كافي او اخذ طنين ونص
لان الطنين النص الروتري ارخص من الطنين البستن باكثر من الف ريال
وايضا رأيكم في الميتسوبيشي للصالات والمجالس فقط الطنين ونص هل يسوى سعره الغالي او لا

تحياتي

[ضوى]

فوجي وجنرال تبريده مب ذاك الزود ؟؟

يصرقعني والله خاصة بالليل اسكره من البرودة ، غريب والله انك تقول جذي

[almaf1a]

فوجي وجنرال تبريده مب ذاك الزود ؟؟

يصرقعني والله خاصة بالليل اسكره من البرودة ، غريب والله انك تقول جذي

حاليا عندي جنرال صارله 3 شهور في غرفه 6*4 والمكيف طنين
نزلت الباناسونيك وركبت الجنرال
التبريد مب ذاك الزود لا ابالغ اذا قلت انه لا يتقارن مع الباناسونيك

والفوجي بالليل حار اول ما تشرق الشمس يبرد
شاري ديك مب مكيف :(

[BUHASSEN]

والله الشيخ معروف ان البستن احسن من الروتري

انا صار لي سنتين علي مكيفات قري بستن شغل عدل وصيانه سريعه

وبالنسبه للغرفه 5*5 طنين كفايه

[ضوى]

حاليا عندي جنرال صارله 3 شهور في غرفه 6*4 والمكيف طنين
نزلت الباناسونيك وركبت الجنرال
التبريد مب ذاك الزود لا ابالغ اذا قلت انه لا يتقارن مع الباناسونيك

والفوجي بالليل حار اول ما تشرق الشمس يبرد
شاري ديك مب مكيف :(

الجنرال صار له سنتين عندي بغرف النوم غرف بمساحة 6/5 و5/4 وطنين والله اني احط التبريد عالواطي كلش وعلى درجة 25 ولا تغير ليومك هذا بجد بارد :rolleyes2:

[عيون الدوحة]

من شهر ماخذت اسبلت ماركة شارب طنين
وحجم الغرفة 6 في 4
وضابطة الدرجة على 20

والله التبريد موووت يذبح

-----------------------------
وخذت سامسونغ شباك طنين لغرفة 3في 4
وعلى ادنى درجة

ماحس بالبرودة
ماعرف كيف يشتغل ربع ساعة ويفصل يصير مروحة 5 دقايق ويرجع يشتغل

تعيس السامسونغ

[almaf1a]

والله الشيخ معروف ان البستن احسن من الروتري

انا صار لي سنتين علي مكيفات قري بستن شغل عدل وصيانه سريعه

وبالنسبه للغرفه 5*5 طنين كفايه

انا ما اختلف في نقطة ان البستن افضل
فأنا اشوفه افضل لانه قليل الخرابات ولكن تبريده لك عليه ممكن المشكله عندي




الجنرال صار له سنتين عندي بغرف النوم غرف بمساحة 6/5 و5/4 وطنين والله اني احط التبريد عالواطي كلش وعلى درجة 25 ولا تغير ليومك هذا بجد بارد :rolleyes2:

اليوم بدق عليهم بشوف شسالفه المكيف الي عندي
انا ماخذه اختبار حق البيت الجديد وما عجبني تبريده
هو مب حار لكن مب بارد لدرجه التلكوت بالملحف

بشوفهم اليوم لعل وعسى يكون فيه خراب ويصلحونه

[naif3]

حاليا عندي جنرال صارله 3 شهور في غرفه 6*4 والمكيف طنين
نزلت الباناسونيك وركبت الجنرال
التبريد مب ذاك الزود لا ابالغ اذا قلت انه لا يتقارن مع الباناسونيك

والفوجي بالليل حار اول ما تشرق الشمس يبرد
شاري ديك مب مكيف :(

هههههههههههههههه

[السد]

شاري ديك مب مكيف :(


بتبيع الديك انا بشتريه !!

http://im14.gulfup.com/2012-08-06/1344252285911.jpg (http://www.gulfup.com/show/Xs60ys2ftnw0oo)




تاكد من الفلتر واحتمال المكيف متسخ محتاج لتنظيف الوحدة الداخلية والوحدة الخارجية
وبالتوفيق

[almaf1a]

في حالتي والوضع الي مريت فيه هو الاختبار الحقيقي للمكيفات
نفس الغرفه ونفس الاضائه ماتغيير غير المكيف
بنشوف اذا ما كانت فيه مشكله وهذا تبريده بنشوف غيره


هههههههههههههههه

دوم الضحكه ان شاء الله


بتبيع الديك انا بشتريه !!

تاكد من الفلتر واحتمال المكيف متسخ محتاج لتنظيف الوحدة الداخلية والوحدة الخارجية
وبالتوفيق

مستحيل توني شاريه ماصارله ثلاث شهور ما يمديه يتوسخ
اليوم بيجوني مع ان اخوي يقولي تبريده جيد وانا اشوفه اقل من المطلوب مقارنة بالي قبله

[الســـهم]

هلا اخوي almaf1a ..

الظاهر انت من نفس نوعيتي , اللي نحب الغرفة تصير فريزر من البرودة ..

بالنسبة لمكيف فوجي , فأنا متأكد انه طبيعي عندك ومافيه اي مشكلة , فعلا عندي بالنهار يكون بارد جدا , وبالليل تقل برودته بشكل واضح , بس هذا مش سببه المكيف , السبب فالطابوق العازل لانه يمتص الحرارة بالنهار , وبالليل تلقى الحراره طالعه عندك بداخل البيت ..

وطبيعي جدا المكيف بالنهار يطحن والكمبريسور يكون شغال بشكل شبه دايم , وبالليل لما تقل الحراره تعطي الثرموستات قراءة للكمبريسور وعليه تلقى الكمبريسور يريح كثير من الفترات بسبب انخفاض درجة الحرارة الداخلية ..

[بعيد المرامع]

مادري اذا متوفر عندكم هالمنتج ولا لآ

انصحكم بمكيفات Craft سبيلت ، ومنه احجام 24 ، 32 ، 36

المكيف ماركة امريكية ، والكمبروسر يكون امريكي ، وحجم كبير بعد

قيمته عندنا تقريبا 3500 ريال ، لـ 24 وحدة

[العولقي]

ماشاء الله اخوي maf1a ثلاثه شهور اشوي ؟
تخيل يااخوي أنا شاري مكيف فوجي اليوم الثالث سويت له تنظيف وكان متوسخ حده @ جو الدوحه مايرحم اي مكيف "
نصيحه تنظيف المكيف يكون شهريا افضل شيء
وترى مكيفات البستن كل مااستعملت فترة أطول كل ماصار تبريدها مب طبيعي خصوصا الجنرال والفوجي ( عن تجربه )
اخوكم/ العولقي

[almaf1a]

هلا اخوي almaf1a ..

الظاهر انت من نفس نوعيتي , اللي نحب الغرفة تصير فريزر من البرودة ..

بالنسبة لمكيف فوجي , فأنا متأكد انه طبيعي عندك ومافيه اي مشكلة , فعلا عندي بالنهار يكون بارد جدا , وبالليل تقل برودته بشكل واضح , بس هذا مش سببه المكيف , السبب فالطابوق العازل لانه يمتص الحرارة بالنهار , وبالليل تلقى الحراره طالعه عندك بداخل البيت ..

وطبيعي جدا المكيف بالنهار يطحن والكمبريسور يكون شغال بشكل شبه دايم , وبالليل لما تقل الحراره تعطي الثرموستات قراءة للكمبريسور وعليه تلقى الكمبريسور يريح كثير من الفترات بسبب انخفاض درجة الحرارة الداخلية ..

انشهد اذا ما تثلج الغرفه ما اعرف انام
تحليل منطقي جدا مع هذا اشوف ان الروتري ابرد بالليل والنهار
الف شكر لك


مادري اذا متوفر عندكم هالمنتج ولا لآ

انصحكم بمكيفات craft سبيلت ، ومنه احجام 24 ، 32 ، 36

المكيف ماركة امريكية ، والكمبروسر يكون امريكي ، وحجم كبير بعد

قيمته عندنا تقريبا 3500 ريال ، لـ 24 وحدة


ان شاء الله في البيت الجديد بجربه
لان خطتي الجديده اخذ اربع الى خمس انواع للمكيفات واشكلها على البيت


ماشاء الله اخوي maf1a ثلاثه شهور اشوي ؟
تخيل يااخوي أنا شاري مكيف فوجي اليوم الثالث سويت له تنظيف وكان متوسخ حده @ جو الدوحه مايرحم اي مكيف "
نصيحه تنظيف المكيف يكون شهريا افضل شيء
وترى مكيفات البستن كل مااستعملت فترة أطول كل ماصار تبريدها مب طبيعي خصوصا الجنرال والفوجي ( عن تجربه )
اخوكم/ العولقي

اي والله جونا مايرحم
أتمنى انه مع الوقت يزيد تبريده

[almaf1a]

للأسف مركز الصيانه في جنرال سيئ جدا
ما ادري متى بيجوني

[MAZEN37]

عن نفسي نفس كلام الاخت ضوى
حاطه ٢٣ومرات ٢٥ على غرفه٥في٦ طن ونص
اول شيء انا عجبني لان هواه ما يمرض ويكسر العظم
وبارد موت لو قفلت الغرفه تماما مب تشرع البيبان عقب تقول مهبارد
المكيفات يبيلها مراعاه وانك تريحه مب دوم شغال

[السد]

اذا مكيف ويندو
لااتحط المؤشر على تبريد عالي
حطه على تبريد متوسط
وبتشوف الفرق ولا اتحطه بعد علة مؤشر رقم 10 خله على رقم 8 وتاكد من اغلاق فتحة المكيف الخارجية مع تغطية اطراف المكيف
وبالتوفيق