مواقف سيارات العمارة

[الوليد]

السلام عليكم ورحمة الله وبركاته

اخواني انا ساكن بعمارة فيها 12 شقة ولها تحت 13 موقف

12 موقف مرقم بأرقام الشقق وفي موقف واحد زايد بالآخر ما عليه أي رقم

بواب العمارة الهندي وجعلي راسي، هو غير مسلم واسلوبه همجي و سيء صراحة، وانا عندي سيارتين ومانعني احط السيارة الثانية بالموقف هذا وكل ما اصفها بالغصب اشوفه مكشر و يقلي صاحب العمارة مانع اي احد يصف فيه و بلغته اعطيني رقم صاحب العمارة انا اكلمه و رفض و صاحب العمارة ولا اشوفه علشان العمارة مستأجرتها الشركة الي انا شغال فيها

وصلنا بالاخر انه كل ما اطلع بالسيارة ارجع و اشوفه مسكر الموقف الاضافي بحجر و اعمدة و حاليا اضطريت احط السيارة برة العمارة بالشارع و تحت الشمس و دايما الشارع جنبها زحمة...

الصورة مرفقة للموقف الي اختلفنا فيه انا وهو

سؤالي هل يحق له الزام كل شقة بموقف واحد؟ وفعلا ليس من حقي اني اوقف فيه؟ وهل من اجراء رسمي ممكن اسويه بحالة هو زودها مثلا؟

وشكراً للجميع

[alfahad1]

اعتقد قانونيا لكل شقة موقف وممكن يكون هذا مكتوب في العقد

اما اذا في موقف زائد وهم رافضين انك توقف فيه فهذا من حقهم

في حل اخر ممكن تقوله انك تبدل مع واحد ثاني بحيث ان موقفه تقدر تصف سياره ثانيه خلفها بدون ما تصكر على حد

[khaldoon]

اخوي عادة لكل شقة موقف واحد او اكثر حسب ما هو مكتوب في العقد و احيانا ما يكون لك اي موقف اصلا .... يعني كنت ساكن بعمارة لمدة عشر سنوات و العمارة فيها 12 شقة و عشر مواقف و كل شقة ممكن تلاقي لها سيارتين و كانت السياسة المتبعه هي من سبق لبق.... يعني ايام استخدم موقفين و احيانا ولا موقف و الكل مثلي و لا احد يقدر يعترض


بالسيارات و المواقف لا انصحك نهائيا انك تعاند لانه ما تضمن ايش بيسوون بسيارتك وما تقدر تثبت اي شي عليهم الا لو بتحط كاميرات طول الليل و النهار!!

[رآعي موآجيب]

قدم كتاب لجهة عملك بأنك ترغب في استغلال الموقف الثاني لحاجتك له وبأنه غير مستفاد منه و ارفق لهم الصوره وأذكر لهم بانك متكفل بالمقابل المادي في حال أن صاحب العماره طلب مقابل

أعتقد غير هالأجراء مالك طريقه أخرى

[الوليد]

الله يجزيكم كل خير جميعاً اخواني