مأساة جديدة اسمها دوار قطر للديكور

[الدولي]

حتى يثبتو انهم انجزو شئ في نفس الوقت سوف يسببون الزحام الشديد حد يتفتح تقاطع اشارات
والشارع ما اكتمل انا امس ربع ساعة على ماقطعة الاشارة من داوار مدماك الى دوار قطر شلون لويطبقون هالشي مع دوار السوق ودوار العزيزية وعندك دوار الغانم يبغي لي سبيعين دقيقة لين دوار الصناعية ، يفترض فيهم ان يتم الوضع على ماهو علية لين يكتمل المشروع كامل

[استغفرالله]

لاحول ولا قوة الا بالله

[ANONYMOUS]

خل يتلاحقون شارع مشروع بروه اللي جنوب عين خالد احذى المقبره قبل لاتفتح المحلات

ولا بتصير كارثه انسانيه هناك من الزحمه

[قلبي الطيب]

تخطيط مافي للأسف

[وحيد-الشوق]

صرت اكره اروح طريق سلوى

الله يعينا مع الزحمة

[qews]

قطر تحتاج قنبله هورشيما يدمرون الاولي والتالي حاليا ماعمرهم سوو انجاز صح لازم عوي

[يراعٌ فراتي]

والله ياوحيد اشوق

سبقتني بالكلمة

اكره اروح هالطريق

[رجل الجزيرة]

يا جماعة الخير:

السبب هو:

تعلن هيئة الأشغال العامة "أشغال" عن إغلاق تقاطع العسيري لتركيب اشارات ضوئية ، وستقوم الهيئة ببدء الاعمال يوم السبت الموافق /8/2012 ولمدة 15 يوما.

حيث سيتم اغلاق التقاطع من الساعة الثانية عشر ليلاً وحتى الساعة الخامسة صباحاً طول فترة العمل لتنظيم الحركة المرورية.
وتعتذر الهيئة عن أي إزعاج قد تسببه لمرتادي الطريق وترجو التقيد بالعلامات المرورية والإرشادية.


http://www.ashghal.gov.qa/Arabic/Ashghal/News/Pages/%D8%A5%D8%BA%D9%84%D8%A7%D9%82%D8%AA%D9%82%D8%A7%D 8%B7%D8%B9%D8%A7%D9%84%D8%B9%D8%B3%D9%8A%D8%B1%D9% 8A.aspx

[بن غيث]

ان شاء الله يخلصون هذا المشروع بسرعة
الناس تأذت منه

[BoFahed]

تهون الزحمة اخوي قدام الحفر في الدوواير انا قالص امس موتر صالون طب في حفرة كبيرة وما طلع منها في دوار صوب المعسكر في اخر الصناعية وشكثر مواتر صغيره تكسرت فيه وغالبيتهم مواتر قديمة عمال علا قد حالهم والوضع مستمر من اسابيع انا بلغت الدوريات امس وان شالله خير

راحووووووووووووو الطيبين

[حميداني]

الله المستعان , بصراحه اذيه صرت ما اطيق اطلع

[ضوى]

وايد هالدوار صاير كارثة ، قطعته تماما هالشارع

[راشد محمد]

لاحول ولا قوة الا بالله

[الرويـس]

حتى يثبتو انهم انجزو شئ في نفس الوقت سوف يسببون الزحام الشديد حد يتفتح تقاطع اشارات
والشارع ما اكتمل انا امس ربع ساعة على ماقطعة الاشارة من داوار مدماك الى دوار قطر شلون لويطبقون هالشي مع دوار السوق ودوار العزيزية وعندك دوار الغانم يبغي لي سبيعين دقيقة لين دوار الصناعية ، يفترض فيهم ان يتم الوضع على ماهو علية لين يكتمل المشروع كامل

لو طبقوا هالشي مع ( فتح الانفاق ) راح تستغرق رحلتك ان شاء الله من تقاطع رمادا حتى الصناعية حول السبع دقايق وليس سبعين كما تفضلت .

[الزعفراني]

هالمشاريع والتأخير فيها سبب الكثير من أمراض هالعصر مثل السكري والضغط وحرق الاعصاب ... هذا وللحين مابدت مشاريع الطرق الكبيرة .. الله يعين

[اليحصبي]

قبل اسبوع وشوي عدلوا فيه ،
ولولا ستر الله كنت دعمت فيه لان فجأه تغير شكل الدوار والاشارات مب شغالة ،
صاير دوار مربع يعني تدش الدوار كأنه شارع ،
http://www.mrusf.com/imgs/bbm/whew.png

[bu 3li]

انا فـ حياتي ماشفت مشاريع تنجز بهالطريقه ولا تحويلات مروريه ولا اغلاقات مثل اللي عندنا
مابي اقول اوروبا ولا امريكا ولا هالدول ( المتطوره ) باقول الخليج على اساس نفس المستوى ( ولو اني اشك ) الامارات والبحرين بشكل خاص .. الواحد اذا مر على اغلاق مروري او شارع محول مايحس انه الشارع تحول لان الشي يكون تدريجي

بس عندنا فجأه الواحد يلف لفه خشنه يمكن يسوي حادث او يسلم منها .. ولا علامات التحذير تكون قبل الحفره بـ متر !! ولا مثل ماذكر احد الاخوان .. الدوار تغير شكله

المشكله مادري هل هي في اشغال ولا فالعمال اللي يسكرون الشارع ؟؟ من المسؤول عن طريقة التحويل والاغلاقات !!!

[ANONYMOUS]

الله يعين اللي عنده بنيان

بيصير شارع سلوى بيته الثاني

احمدو ربكم الحين تعدل شوي

انا كنت اروح له اب هليكوبتر

[العبرات]

للأسف بعد كل هذه الملايين اللي تندفع لهذا الشارع في الأخير يتضح أنه عبارة عن اشارات من كل الاتجاهات فقط من جهة وحده بيكون النفق !!! وشوف الزحمة والتكدس والانتظار الطويل .. يعين ليش كل هذه المصاريف وكل هذا تضييع الوقت وفي الاخر (اشارات) !!

يعني وين التخطيط والتفكير بشكل ابداعي وطرح الحلول العملية ..

وبعدين ليش التحويلات بهذه الصورة من السوء وكأنك راكب (طراد) في البحر عبارة عن أمواج ومطبات وتحويلات مفاجئة!

الله المستعان ..

[اوف ليميت]

عندي سيكل موقفه في محطة مدماك
خاشه هناك ورابطه بسلسله

بس اوصل مدماك .. اوقف موتري..وانزل انخش بمكان ابدل ملابسي واركب سيكلي واشغل التيربو ;p

وتوكلنا على الله


:]

[ahmed jasim]

لو يفتحون الطرق الجانبية بيخف الضغط على دوار قطر للديكور

http://www6.0zz0.com/2012/08/07/13/152556756.jpg

[غايه الطواش]

قبل اسبوع وشوي عدلوا فيه ،
ولولا ستر الله كنت دعمت فيه لان فجأه تغير شكل الدوار والاشارات مب شغالة ،
صاير دوار مربع يعني تدش الدوار كأنه شارع ،
http://www.mrusf.com/imgs/bbm/whew.png

انااول امس بغيت ادخل فيه ....كل احد يكون طريقي من ذاك الصوب ... ومتعوده علي شكل معين ماوعيت الاشكل مربع مادري شلون جدامي زين ان الشارع كان فاضي ع الساعه 3 العصر

[D0ha]

يا اخي قريت عنوانك امس وما استوعبت
استوعبت مشاركتك وتمعنت في كل كلمه اليوم
نشف ريجي هالمكان، والمصيبه ماتدري شسالفه، بس تتخيل السيارة اللي قدامك اتحرك....

[meeemz]

طريق سلوى دايما امر عليه عشان اروح جهه المعموره ، كنسلت دوار قطر للديكور وقمت اروح من جهه العزيزيه وامر على الخميس والجمعه و نفس الشي معاناه دوارات معوقه ، اخر شي قلت خلاص بس روح طريق الوعب ومدمااك تخيلوا اسرع لي من مادخل هالمعمعه بس قبل متجاهلين هالطريق لانه كان زحمه بسبب فلاجيو
وانشالله يفتحونها ونفتك من الزحمه

[3beed]

.. لا تعليق

ولا حول ولا قوة اللا بالله

[باراكودا]

شارع سلوى من دوار الصناعية لين دوار قطر للديكور أصبح خطير لوجود انحناء مفاجىء كل عشرين
متر ويحتاج الى مراجعة دقيقة من الجهات المختصة بالسلامة المرورية والمشروع شكلة مافيه نظرة
مستقبلية طويلة الامد فقط خمسة سنوات والمشكلة الاكبر أن المشروع بينتهي بعد أربع سنوات
لتصبح النظرة المستقبلية سنة فقط .

[سداوي&مدريدي]

الله يعينا على طريق سلوى

مريت هناك من ثلاث ايام وياليتني مامريت :(

عندي سؤال ليش المشاريع في قطر تتأخر في الانجاز واذا استعجلوا في المشروع يطلع اي كلام !!

[ابوالكلام]

عليكم بالبطابط فعالة

[اوف ليميت]

لو يفتحون الطرق الجانبية بيخف الضغط على دوار قطر للديكور

http://www6.0zz0.com/2012/08/07/13/152556756.jpg

مكان ارامكس غلط
غيروا مكانه
صار عند اشارات رجينسي..صوب دوار بوهامور

http://im21.gulfup.com/2012-08-08/1344412823341.jpg (http://www.gulfup.com/show/X9e510pyadeskw4)

[بوخالد911]

فعلا
هالطريج صار يلوع الجبد

والبديل هو شارع الوعب

أخف منه وأهون

[kitmat]

شوارع الدوحة كلها ماساه تعالو شوفو شارع السلام في الهلال صار لهم فترة يفتحون عند كل بيت حفرة ويسكرون ويفتحون ويسكرون لين الحين خلو عند كل بيت حفرة على هالحال الحين شهرين اذا كنتو ناسين هالحفر يااشغال تري احنا بنسكرها لان العيد ياي والبيوت صار شكلها يفشل لين متى بنتم على هالحال

[كازانوفا]

المهم ينجزو قبل العيد
لان كل عيد لازم يسكرو الطرق اتحسهم كانهم يقدموها عيديه لناااااا

[الرمـــاح]

كرهت امر من دوار قطر للديكور والسبب الزحمه :(

زحمه لا تطاق

[رجل الجزيرة]

هالأيام أمر عليه وأحس إن الشوارع فاضية بسبب العطلة السنوية للطلبة بعد ما أطلع من الدوام من جسر الجيدة لين السيلية بس الزحمة عند إشارات رامادا.

[لاجل QT]

اصلا المنطقة هناك صارت خطرة..كلن مستعجل وطريقة طلوعهم من الدوار تسوى حوادث خطرة جدا يغامرون بالطلعات ..قمت اخاف اروح هناك

[cl63]

لاحول لاقوة الابالله

[الغرناس]

ذكرتوني بدوار المجنون