وبعدين مع الشياب !!!!!!

[khalid525]

المعركة المستمرة بين الشباب والشياب في المساجد بدأت مرة اخرى هذه السنه وسبب هذه المعركة المكيفات ، بعد ان انتهت فترة الهدنه وهي تقريبا ثمان سنوات الذي مر فيها رمضان في الشتاء .

دخل علينا رمضان هذه السنه في عز الحر والرطوبة ، والشباب مثل باقي المسلمين يريدون ان يغتنموا صلاة التراويح في هذا الشهر الفضيل ، لكن الذي يفقع مرارتهم و يخرب ام اندماجهم في الصلاة هم الشياب الذين يطفون المكيفات اثناء صلاة التراويح ، ليش ياعمي والله حر والله لواهيب من صوب ورطوبة من صوب ياخي انتوا اذا بردانين البسوا جاكيت او فروة او كوت ، بس لا تحرمونا من البراد وانفاس المكيفات المنعشة ، يعني عاجبكم منظرنا واحنا نعرق في الصلاة ووجهونا ممتعظه ليس بسبب الخشوع بل بسبب ان النفسية طايحة وغترنا بسبه العرق تطيح على وجوهنا تتحول كانها حجاب نفس اللي يحطونه الاندونيسيات ، شوي الواحد وده يزاعق على الامام :بسرعه جزاك الله خير .

انا قلت لازم احل هالمشكلة ، فقلت بتم انطر ورا واذا قاموا الصلاة وتأكدت ان كل الشياب صفوا وصلوا بروح اشغل كل المكيفات ، وفعلا نطرت وبدا الكل يصلي ورحت شغلت كل المكيفات ورحت اصلي وانا احس بانتعاش المكيفات التي لاتوصف ، دقيقتين ما اوعى الا شايب جاي للصلاة متأخر وقام يطفي كل المكيفات ما ترك الا مكيف واحد يابلفيت بخشيش حق الشباب ، ورجعت عقب انا ومن على شاكلتي للبقة والعرق ....

يعني شنسوي نوزع المساجد بين الشباب والشياب ولا نصلي صلاتين وحدة للشياب والثانية حق الشباب ...

نريد حلا ،

الله يحفظ شيابنا ويديمهم لنا ..

ملاحظة : الى اولئك الذين يتسبحون بدهن العود بو ريحة ثقيلة ، شقصدكم ؟ تبون تختبرون هل بتلوع جبودنا ام ماذا ، ياخي الدنيا حر ورطوبة لزجة لا تكملها علينا بريحة دهن العود الخارق للجمجمه اللي تحطه ، مب كفاية الشياب يطفون المكيفات ، جهاد هذا مب صلاة تراويح .

اما الشخص اللي يحط ريحة مدري شسميها هي مادة مزيج من دهن العود على مشموم على دارسين وشوية غاز ، ما اقول الا الله يسامحك بس ، الله يسامحك .

[بن غيث]

شيابنا ما نقدر نكلمهم .. الي يبونا يصير ولازم نتحمل
والطيب شي محبوب .. ياريال احسن من روايح ناس يجونك مب متسبحين او يجيك
واحد ماكل بصل .. الله يسامحهم

[كتكوت الوحش]

الله يصلح الحال

[بومحمد 00]

تبي تفتك من هالسالفه الي أغلبنا يعاني منها

سو نفسي غير المسيد الي اتصلي فيه شوف لك مسيد ثاني

[سكتون]

حياك مسجد سليمان الفارسي رضي الله عنه في الهلال
صدقني بتنتعش من البرد
ماشاء الله المكيف يدف صح

[ذيب ازغوى]

ياخوي حنا مسوين هدنه مكيفين شغالين ومكيفين مسكرين ومكيفين ورى محد معطهم اي اهتماام وامورنا كويسه

[khalid525]

شيابنا ما نقدر نكلمهم .. الي يبونا يصير ولازم نتحمل
والطيب شي محبوب .. ياريال احسن من روايح ناس يجونك مب متسبحين او يجيك
واحد ماكل بصل .. الله يسامحهم

صدقت لازم نتحمل وتسلم على المرور .

[khalid525]

الله يصلح الحال

امين وشكرا اخوي

[khalid525]

تبي تفتك من هالسالفه الي أغلبنا يعاني منها

سو نفسي غير المسيد الي اتصلي فيه شوف لك مسيد ثاني

تهقى ؟؟؟ فكره حلوة :)

مشكور اخوي

[khalid525]

حياك مسجد سليمان الفارسي رضي الله عنه في الهلال
صدقني بتنتعش من البرد
ماشاء الله المكيف يدف صح

لا تحسد نفسك اخاف يفترون عليكم الشياب :) تسلم اخوي على المرور

[khalid525]

ياخوي حنا مسوين هدنه مكيفين شغالين ومكيفين مسكرين ومكيفين ورى محد معطهم اي اهتماام وامورنا كويسه

هههههه خوش حل ، خلاص بنحاول نقنع شيابنا ، مشكور اخوي

[flourish]

هههه والله يا خوي ما أذكر صار في فترة هدنة أبداً.. المشكلة إنا بنصير شياب يوم من الأيام وبنبرد يعني الحين ما نقدر نتكلم أبداً لأنا ممكن بعدين نكتب موضوع: وبعدين مع الشباب!!! ما مخلينا نصلي لازم عظامنا تتكسر علشان يصلون في جليد؟ يا ولدي لو حران خفف ثياب :)

يمكن مشكلتي أهون شوي ما يسكرون المكيف بس يوجهونه بعيد

أنا غيرت المسجد لمسجد كبير التكييف في مركزي فوق ما حد يقدر يغيره

تبقى المشكلة في الروايح :(

[BoFahed]

ههههههه والله شي مستفز انا احس فيك لما الواحد يجي من برا وحران وقاعد قبل الصلاة ومنتعش بهواء المكيف يجي شايب وبدون اي مقدمات ولا استئذان طاخ قفل سويتش المكيف وطول الصلاة وانته ميت خاطرك تدعي عليه بس ماتقدر هذيلا هم الخير والبركة وصعب تقنعهم لانه احنا بنظرهم عيال النيدو هههه و ياما صارت هوشات بين الشيبان بسبب المكيف

[اليحصبي]

http://www.mrusf.com/imgs/bbm/straight-face.png
عبالي هالحاله عندنا ، يآخي انت تتكلم عن صلاه التراويح يعني فـ الليل ،
تخـيل عندنا في صلاة الظهر او العصـر مسكرين المكيفات اللهم مكيفين ،
مشكله يوم زاد وزني صرت اعرق بسرعه حتى مرات وقت الركوع اشوف قطره تطيح ههههههههه
http://www.mrusf.com/imgs/bbm/whew.png

اما بخصوص دهـن العود ، يستخدم في اوقات الشتاء او البرد
والعطور الزهريه او الخفيفة تستخدم في الصيـف
http://www.mrusf.com/imgs/bbm/angel.png

[toghma]

نفس المشكلة واجهتها في مسجد قبة ـ واضطريت وغيرت الوجهة إلى مسجد البخاري
نصيحة اخوي شوف لك مسجد مكيفه اسبليت مش أرضي :) :)

[elders]

نفس المشكلة واجهتها في مسجد قبة ـ واضطريت وغيرت الوجهة إلى مسجد البخاري
نصيحة اخوي شوف لك مسجد مكيفه اسبليت مش أرضي :) :)

رب ضرة نافعة :victory:

[bu 3li]

احنا مسجدنا فيه صفين بس !! وبعد اول 4 ركعات من التراويح يصيرون صف واحد
واغلب الموجودين يا دريوليه وعمال ولا رجال وشباب .. لا اثر للشياب في فريجنا هههههه

بس مثل ماتفضلوا الاخوان .. الريحه مشكلتها صعبه خصوصاً لـ العمال اللي يشتغلون فالرطوبه والحر
ووقت الصلاه يدخلون المسجد .. مساكين مالهم ذنب ولا يقدرون على شي
يلا شتسوون تصبروا والله ياجركم خير

[عاهد بن علي]

غير المسجد

[فلتة زمانها]

زعلتوا الشيبان:tease:

[عاهد بن علي]

زعلتوا الشيبان:tease:

صح
:nice:

[عوآآآآشـي]

هههههههههههههه حركة الشايب مالها حل

[رآعي موآجيب]

يعني ماشي عاجبك ابد !!

لا المكيفات ولا دهن العود :)

الحل بسيط طال عمرك ، تتفق مع الشيبان ان لهم من منتصف المسجد والجهه الشماليه وكيفهم فيه حتى لو يركبون دفايات في القيظ

وأنتوا يالشباب لكم المنتصف و الجهه الجنوبيه شغلوا فيها المكيفات

وأكتب على الباب هالجمله

أيها الشيبان :eek5:

سوف تندمون :anger1:

[اوف ليميت]

تدري ايش القهر؟

يوم يكون المسجد عود...وبصلاة ظهر او عصر خل نقول
وانت تعبان والجو حر بهالحزه...وداش المسجد تبي تصلي..ومثل ماهو معروف المسجد الصغير او المتوسط انت تشوف وين انصلي..بالنص..ف تخيل لو المسجد كبير عاد...فسيح يعني

يعني يمكن بينك وبين المكيف اللي ورى او اللي قدام 8 أمتار..المسجد كبير ومصلين قليل والصلاه نتجمع فالنص ورى الامام..لان كلنا على بعضنا صف واحد وللا صف ونص

وانت تصلي وتسمع صوت البريييييييييييييييييييز الجميل للمكيف آآه وبراااد مع انه بعيد بس املطف الجو مخليه كول..

وفجأه بعد ماانسجمت فالصلاة وربك لطف فيك وخلاك تخشع بهاللحظه...
فجأه..
فجأه..

شايب داش المسجد متأخر وتارك نص الباب مفتوح بهالحر..وبعد متعني راح يبند المكيف اللي باخر زاوية بالمسجد الوحيد اللي شغال..و وقف يصلي مع الناس

تيرارارااااااااااااا...انت بس سمعت صوت المكيف اختفى (كنه سويتش بمخك حد شغله) رفعت راسك واصطلبت وبققت عيونك..(ودك تفر راسك ورى تشوف منو؟ منووووو مسوي جذي؟؟ منننننننننن؟) ..

شبتسويله هذا؟ انزين ليش ياخي الله يرحم والديك
حر
ومسجد كبير
والمكيف مسافته 8 امتار وراك بعد مش في وجهك
وفوق هذا تارك الباب (اذا نوع الباب مافيه رداده) امعلق فالسجاده او باب خشبي عود وماحاولت اترجعه..شنو يعني بردان لهالدرجه وعبالك المسجد ثلج وتبي اتسخنه شوي وانت توك جاي من برع..مع ان نزلتك من السياره لباب المسجد..بتشحن راسك 3 واط من الحراره للشمس

شتقول بس

:]

[الجني]

شكراً على الموضوع أخي/إبني الكريم

أنا محسوب على قائمة الشياب و متأكد إنني سأسبقك في سباق الركض

الموضوع مهم جداً لعدة أسباب و انت جزاك الله خير أشرت إلى جانب واحد من الموضوع

و كنت أتمنى أن تنظر وزارة الأوقاف في موضوع التكييف في تصميمات المساجد

المساجد الجديدة توضع المكيفات السبليت فوق المصلين مباشرة و الصف الأمامي أمام المكيف يكون في موقف خطر من وجهة نظري و خصوصاً إذا دخل مباشرة تحت المكيف و هذا سوء توزيع حيث أن الصفوف الخلفية أقل خطراً

المساجد الكبيرة بمكيفات كبيرة جانبية مكيفها قوي و دفع الهواء قوي و الصف الذي يدفع عليه الهواء يكون في وضع خطر .

المساجد القديمة بمكيفات شباك أو مركزي هي أفضل المساجد من ناحية التوزيع

المواسم:
دخول الشتاء: يتغير الجو فجأة و تكون المكيفات لا تزال على البارد و تدخل المسجد و يكون فريزر

دخول الصيف : تكون المكيفات على وضع الشتاء و يكون المسجد حار

المصيبة إذا توضأت في المسجد و دخلت في المكيف قد لا تنجو من ضربة البرد المؤدي للزكام و الحمى .

الوقاية بالغترة : الغترة و خصوصاً الحمراء تلعب دور كبير في الوقاية من المكيف عندما اسحبها و أسبلها الى الأمام فهي تقي من برد المكيف

الشياب : هناك مساجد معروفة يتردد عليها شياب الفريج و مكانهم معروف في المسجد و يعتبر المسجد ملكه الشخصي يأمر الأمام و ينهاه , هذا ما له حل .

التراويح : هذا يجب أن تختار المسجد الذي تصلي فيه و ليس كصلاة الفرض تنتهي في 10 دقائق

و الله أعلم

[حسن]

غير الشيبان ولا روح الضحى وشيل البلكات وخله داريكت واير مع واير
ولا تلفه بلزقه خله مكشوف صدقني بتسدحهم واحد واحد

[FCB 123]

المعركة المستمرة بين الشباب والشياب في المساجد بدأت مرة اخرى هذه السنه وسبب هذه المعركة المكيفات ، بعد ان انتهت فترة الهدنه وهي تقريبا ثمان سنوات الذي مر فيها رمضان في الشتاء .

دخل علينا رمضان هذه السنه في عز الحر والرطوبة ، والشباب مثل باقي المسلمين يريدون ان يغتنموا صلاة التراويح في هذا الشهر الفضيل ، لكن الذي يفقع مرارتهم و يخرب ام اندماجهم في الصلاة هم الشياب الذين يطفون المكيفات اثناء صلاة التراويح ، ليش ياعمي والله حر والله لواهيب من صوب ورطوبة من صوب ياخي انتوا اذا بردانين البسوا جاكيت او فروة او كوت ، بس لا تحرمونا من البراد وانفاس المكيفات المنعشة ، يعني عاجبكم منظرنا واحنا نعرق في الصلاة ووجهونا ممتعظه ليس بسبب الخشوع بل بسبب ان النفسية طايحة وغترنا بسبه العرق تطيح على وجوهنا تتحول كانها حجاب نفس اللي يحطونه الاندونيسيات ، شوي الواحد وده يزاعق على الامام :بسرعه جزاك الله خير .

انا قلت لازم احل هالمشكلة ، فقلت بتم انطر ورا واذا قاموا الصلاة وتأكدت ان كل الشياب صفوا وصلوا بروح اشغل كل المكيفات ، وفعلا نطرت وبدا الكل يصلي ورحت شغلت كل المكيفات ورحت اصلي وانا احس بانتعاش المكيفات التي لاتوصف ، دقيقتين ما اوعى الا شايب جاي للصلاة متأخر وقام يطفي كل المكيفات ما ترك الا مكيف واحد يابلفيت بخشيش حق الشباب ، ورجعت عقب انا ومن على شاكلتي للبقة والعرق ....

يعني شنسوي نوزع المساجد بين الشباب والشياب ولا نصلي صلاتين وحدة للشياب والثانية حق الشباب ...

نريد حلا ،

الله يحفظ شيابنا ويديمهم لنا ..

ملاحظة : الى اولئك الذين يتسبحون بدهن العود بو ريحة ثقيلة ، شقصدكم ؟ تبون تختبرون هل بتلوع جبودنا ام ماذا ، ياخي الدنيا حر ورطوبة لزجة لا تكملها علينا بريحة دهن العود الخارق للجمجمه اللي تحطه ، مب كفاية الشياب يطفون المكيفات ، جهاد هذا مب صلاة تراويح .

اما الشخص اللي يحط ريحة مدري شسميها هي مادة مزيج من دهن العود على مشموم على دارسين وشوية غاز ، ما اقول الا الله يسامحك بس ، الله يسامحك .

ههههههههههه

والله العظيم كل يوم اشوف شخص من هاي النوعية بالمسجد .. مب يبط راسك .. إلا يسبب لك جفاف في المخ هههههههه

بالتوفيق للجميع

[قطريه ماركه]

نفس ما قالوا الاخوان غير المسيد
اصبر لانه في هالشي اجر كبير

الله يعينك

[ROSE]

هههههههههه الله يحفظهم ويحفظكم جميعا ضحكت على اخر فقره بخصوص الروائح

مافي الا مثل ماقالوا لك الاعضاء اما انك تغير المسيد او انك تتفق وياهم يوقفون في جهة وانتوا بجهة ثانيه

[وطن]

الله يكون بعونكم
صج صج جهاد
لكم اجر ان شاء الله
بكل قطرة عرق

يبي له مكيفات مركزية و مثبته من الأوقاف و مقفول على جهاز التحكم :secret:

[اوف ليميت]

مافي شي اسمه جهه وهم بجهه ثانيه..مافي تقاسيم بالصلاه..اصطفاف تام كامل امام الله كما تصطف الملائكه أمام ربها

مسجد هذا
صفوف مصطفه مع بعضها..الكتف بالكتف وسد الفرج بين المصلين
فما ورد في الصحيحين من حديث أنس - رضي الله عنه - قال: قال رسول الله: ((سوّوا صفوفكم، فإن تسوية الصف من تمام الصلاة)) رواه البخاري ومسلم

أصلا اقامة الصلاة تتطلب الاستقامه الصحيحه وتسوية الصفوف وسد الثغرات..وللا بيكون مشكوك بالصلاة..فقبل كل صلاة جميع الأئمه جزاهم الله خير يذكرون بهالشي عند الاقامه والشرع بالصلاة

الناس تتقاتل على الصفوف الأولى,,رسول الله قال: ((لو يعلم الناس ما في النداء والصف الأول ثم لم يجدوا إلا أن يستهموا عليه لاستهموا)) رواه البخاري ومسلم
((خير صفوف الرجال أولها وشرها آخرها، وخير صفوف النساء آخرها وشرها أولها)) رواه مسلم وأبو داود والترمذي والنسائي وابن ماجة
وعن النعمان بن بشير - رضي الله عنه - قال: سمعت رسول الله يقول: ((إن الله وملائكته يصلون على الصف الأول))، أو: ((الصفوف الأُوَل)) رواه أحمد
وعن جابر بن سمرة - رضي الله عنه - قال: خرج علينا رسول الله فقال: ((ألا تَصُفُّون كما تصف الملائكة عند ربها؟)) فقلنا: يا رسول الله، وكيف تصف الملائكة عند ربها؟ قال: ((يُتِمُّون الصفوفَ الأُوَلَ، ويَتَرَاصُّون في الصف)) رواه مسلم وأبو داود والنسائي وابن ماجة

وفي رواية لأبي داود وابن حبان في صحيحه قال: أقبل رسول الله على الناس بوجهه فقال: ((أقيموا صفوفكم أو ليخالفن الله بين قلوبكم))، وعن عبد الله بن عمر - رضي الله عنهما - قال: قال رسول الله: ((خياركم ألينكم مناكب في الصلاة، وما من خطوة أعظم أجرًا من خطوة مشاها رجل إلى فرجة في الصف فَسَدَّها)) رواه البزار بإسناد حسن وابن حبان في صحيحه كلاهما بالشطر الأول، ورواه الطبراني في الأوسط


يعني مافي شي اسمه مفر من شباب او شياب..الكل متى مادش المسجد او جا متأخر وللا حتى بدري..لان شباب يجون بدري والشياب يتأخرون او العكس
ومرات الشايب جاي بس ماخذله زاويه قاعد عالكرسي مايقدر يوقف..ف تلاقي بينه يمين ويسار شباب وجذي

أما بالنسبة للرائحه..ف بالأول والأخير .. حتى لو كانت عطرا ورائحه طيبه ولكن قويه وحاده مما تسبب أذى او صداع..فالعم اخي انك بهذا تزعج الملائكه قبل المصلين
في رواية لمسلم: فإن الملائكة تتأذى مما يتأذى منه بنو آدم

وايضا برائحة الثوم..بدليل قول النبي صلى الله عليه وسلم: من أكل من هذه البقلة فلا يقربن مساجدنا حتى يذهب ريحها يعني الثوم. رواه مسلم

واذا كان فيه مرض بأن رائحته لاتزول..لان صج بعضهم فيهم هالشي..رائحة العرق او هرمونات حاده او الإبط .. ف العلماء استحبوا بأنه لايستوجب عليه حضور الصلاة في المسجد..فهو معذور

ولآخر شي..بخصوص تبخير المسجد
التبخير مش واجب ولافرض..وانما مستحب
فلتجنب الأذية للمصلين من رائحة البخور..ف يجب على القائمين على المسجد بتبخيره قبل قدوم المصلين ب ربع ساعه الى 20 دقيقه
او استبدال البخور في اوقات الصلاة ب ملطفات جو .. لان رائحتها اقل تركيز واخف
واللي متوهق لان ملطفات الرش للجو عنده قويه او مركزه..ياخي الله لايهينك نزلها وفكها وضيف عليها ماي ورد لانه يخفف الريحه

ارجو ان يكون الشرح وافي قدر المستطاع




لكن هناك من أئمتنا من هم شداد بالحكم..فقالوا لا ضرر ولاضرار..ولا يلزم بوقف فعل مالايضر الاخرين او الشريحة الكبرى
وايضا منهم من قال ان هذا العمل (التبخير) ابتدعه النصارى في كنائسهم..فلا يجب تقليدهم

والله أعلم


وشكرا

:]

[khalid525]

ههههههه والله شي مستفز انا احس فيك لما الواحد يجي من برا وحران وقاعد قبل الصلاة ومنتعش بهواء المكيف يجي شايب وبدون اي مقدمات ولا استئذان طاخ قفل سويتش المكيف وطول الصلاة وانته ميت خاطرك تدعي عليه بس ماتقدر هذيلا هم الخير والبركة وصعب تقنعهم لانه احنا بنظرهم عيال النيدو هههه و ياما صارت هوشات بين الشيبان بسبب المكيف

ههههه ايه اتخيله وهو يقفل السويش يطالعك ويبتسم ابتسامة شرشبيل ، تسلم على التعليق

[khalid525]

هههه والله يا خوي ما أذكر صار في فترة هدنة أبداً.. المشكلة إنا بنصير شياب يوم من الأيام وبنبرد يعني الحين ما نقدر نتكلم أبداً لأنا ممكن بعدين نكتب موضوع: وبعدين مع الشباب!!! ما مخلينا نصلي لازم عظامنا تتكسر علشان يصلون في جليد؟ يا ولدي لو حران خفف ثياب :)

يمكن مشكلتي أهون شوي ما يسكرون المكيف بس يوجهونه بعيد

أنا غيرت المسجد لمسجد كبير التكييف في مركزي فوق ما حد يقدر يغيره

تبقى المشكلة في الروايح :(

عادي ذاك اليوم بنقلب وبنطيح في الشباب . مشكور اخوي

[khalid525]

http://www.mrusf.com/imgs/bbm/straight-face.png
عبالي هالحاله عندنا ، يآخي انت تتكلم عن صلاه التراويح يعني فـ الليل ،
تخـيل عندنا في صلاة الظهر او العصـر مسكرين المكيفات اللهم مكيفين ،
مشكله يوم زاد وزني صرت اعرق بسرعه حتى مرات وقت الركوع اشوف قطره تطيح ههههههههه
http://www.mrusf.com/imgs/bbm/whew.png

اما بخصوص دهـن العود ، يستخدم في اوقات الشتاء او البرد
والعطور الزهريه او الخفيفة تستخدم في الصيـف
http://www.mrusf.com/imgs/bbm/angel.png

لا وضعكم صعب انتوا شيابكم ماخذين الميدالية الذهبية في الشر هههه، في الصيف افضل شي العطور الخفيفة الفرنسية ، شكرا اخوي

[khalid525]

نفس المشكلة واجهتها في مسجد قبة ـ واضطريت وغيرت الوجهة إلى مسجد البخاري
نصيحة اخوي شوف لك مسجد مكيفه اسبليت مش أرضي :) :)

كل مساجد فريجنا مسيطرين عليهم الشياب ، شكلي بشد الرحال حق مساجد الفرجان الاخرى ، تسلم اخوي

[khalid525]

احنا مسجدنا فيه صفين بس !! وبعد اول 4 ركعات من التراويح يصيرون صف واحد
واغلب الموجودين يا دريوليه وعمال ولا رجال وشباب .. لا اثر للشياب في فريجنا هههههه

بس مثل ماتفضلوا الاخوان .. الريحه مشكلتها صعبه خصوصاً لـ العمال اللي يشتغلون فالرطوبه والحر
ووقت الصلاه يدخلون المسجد .. مساكين مالهم ذنب ولا يقدرون على شي
يلا شتسوون تصبروا والله ياجركم خير

هههههه فريجكم عجيب ما عندكم بيت للبيع ، لا ما علقت على العمال المساكين اللي يقهرونك هالشباب اللي يحطون دهن عود تركيز مليون في اوقات الرطوبة ، يعني هالمعتق ما يطلع الا في هالرطوبة ... مشكور اخوي

[khalid525]

غير المسجد

تسلم اخوي

[khalid525]

زعلتوا الشيبان:tease:

لا مستحيل نزعلهم هم تاج راسنا ، وبيني وبينج مب كفو نزعلهم هههههه.

وايد حلو التوقيع اللي حاطته .

[khalid525]

هههههههههههههه حركة الشايب مالها حل

هههههه حركات مب حركة ، شكرا على المرور

[غايه الطواش]

بيجيك يوم الشباب بيشتكون عليك مطفي المكيف عليهم فالمسيد :)

[قلبي الطيب]

إحنا الحريم العكس تماماً تلاقى العجائز قاعدين جنب المكيف ومحتلين هالمكان

[روح الاطلس]

اول مايسلم الامام روووح ركض وشغل المكيفات مابيلحقون عليك يطفونها *_*

احنا الحريم بالعكس ندور المكيف وينه وهوشه عليه اوجهه صوبي وتجي وحده من وراي وتوجه صوبها بس عادي الجو محتمل مب لدرجة العرق نفس ماوصفتوا

وبخصوص دهن العود ياحيكم انا ما اشم الا ريحة دهن قلي وسمبوسه :(

وفي الخلف اطفال جميلون جايبين كورة معاهم وقالبينها ملعب وساحة معارك وين الخشوع ياعرب :( فضلاً عن الرضع اللي يحبي وياخذ جوالي يتذوقه ولا يخبط فيه بالطوفة عباله لعبه

انتو ارحم بوايد

[لمعة الالماس]

المفروض تكون مكيفات المساجد مركزية عن اللعبة طف وافتح !!

حتى اخواني يشتكون من مكيف المسجد مع انه مسجد صغير بس كل المكيفات حاطينها على المروحة في هالحر !!!

ووايد من المصلين ما يكملون صلاة التراويح ويكملونها في البيت

انا من رايي الناس اللي جسمها بردان تدفي نفسها وتلبس شتوي ولا تكون انانية وتخرب على غيرها الجو لان مثل ما هو يبي يصلي فغيرة وايد ناس تبي تصلي بس جو المسجد حار

[ROSE]

اول مايسلم الامام روووح ركض وشغل المكيفات مابيلحقون عليك يطفونها *_*

احنا الحريم بالعكس ندور المكيف وينه وهوشه عليه اوجهه صوبي وتجي وحده من وراي وتوجه صوبها بس عادي الجو محتمل مب لدرجة العرق نفس ماوصفتوا

وبخصوص دهن العود ياحيكم انا ما اشم الا ريحة دهن قلي وسمبوسه :(

وفي الخلف اطفال جميلون جايبين كورة معاهم وقالبينها ملعب وساحة معارك وين الخشوع ياعرب :( فضلاً عن الرضع اللي يحبي وياخذ جوالي يتذوقه ولا يخبط فيه بالطوفة عباله لعبه

انتو ارحم بوايد

هههههههههههه نفس الحالة والله ،، انقهر لما يجون يهال ويشتتون تركيزج

يلعبون ويصارخون ويمدون ايدهم على اغراضج وانتي تصلين ماتعرفين تركزين

ولا الروايح بس للامانه مب كلهم يمكن وحده او ثنتين وحظي يوقفون يمي بالغالب :(

[غايه الطواش]

اول مايسلم الامام روووح ركض وشغل المكيفات مابيلحقون عليك يطفونها *_*



وبخصوص دهن العود ياحيكم انا ما اشم الا ريحة دهن قلي وسمبوسه :(





ليكون مسيدكم نفس مسيدنا ....
والله مادري شلون يجيون وريحتهم طباخ انت في بيت الله تصلين لربج تواجهيه بالريحه ذي والله ان احنا فالبيت نستحي نصلي وريحتها طباخ
الوحده يوم تسير عليها صاحبتها احسن لبس واحسن ريحه ويوم تصلي لربها ريحتها دهن وطباخ

الي الي كانت تصلي جنبي استغفر الله كرهتني فالمسجد ..غير الريحه ..مره حمسه ومره سمبوسه ومره ريحه لقيمات ..
ميته وتتحرك وايد وانا اقرا تسالي وتسندري وحطي القران وسولي وشيلي ..وتخابط وتومي بالعبايه .. اخر شي يوم سجدت اقعدت على راسي :shy: تخيلي ....
مادري جنها مسيوقه علي سياقه ماتقعد الا حذاي وتزاحم بعد ..استغفر الله بس
والا اليهال الي ورا حدث ولا حرج ...والله قمت اصلي فالبيت

[حسن]

ليكون مسيدكم نفس مسيدنا ....
والله مادري شلون يجيون وريحتهم طباخ انت في بيت الله تصلين لربج تواجهيه بالريحه ذي والله ان احنا فالبيت نستحي نصلي وريحتها طباخ
الوحده يوم تسير عليها صاحبتها احسن لبس واحسن ريحه ويوم تصلي لربها ريحتها دهن وطباخ

الي الي كانت تصلي جنبي استغفر الله كرهتني فالمسجد ..غير الريحه ..مره حمسه ومره سمبوسه ومره ريحه لقيمات ..
ميته وتتحرك وايد وانا اقرا تسالي وتسندري وحطي القران وسولي وشيلي ..وتخابط وتومي بالعبايه .. اخر شي يوم سجدت اقعدت على راسي :shy: تخيلي ....
مادري جنها مسيوقه علي سياقه ماتقعد الا حذاي وتزاحم بعد ..استغفر الله بس
والا اليهال الي ورا حدث ولا حرج ...والله قمت اصلي فالبيت


الحمدلله احنا ماعندنا مشاكل كلش صندقه وكلنا مانوصل العشره
مرتاحين

[الزعفراني]

اخوي خالد .. حاول اتضبط مع الامام او المؤذن بحيث يشرح لهم موضوع التكييف ويتفق وياهم على تشغيل جزء من المكيفات والجزء الثاني يطفيهم

[عزووز قطر]

اتوقع في درجة حرارية معتمدتها وزارة الاوقاف بين ال20 وال 22
والحل ياطويل العمر انك تكلم امام المسجد وبدوره يخاطب المصلين بين صلاة التراويح ،،،

والله يتقبل طاعتكم

[النهار]

قمت اروح مسجد الامام محمد بن عبدالوهاب بسبب طفي شغل والله تعبنا ومانقدر نقول شي الشيبان معروف عنهم يستبردون بسرعه وانا عندي ضغط ماحتمل الحر كلش يمكن يغمى علي لوطولت عندنا شايب يجي اخر واحد اول مايدش هات تسكير في المكيفات تقول حاطينه لهذه المهمه بس وياويله لوحد شغل مكيف تقوم حرب

[حميداني]

لا تزعلون شيابنا , هم اسبق واحق وأحوج لهالشي
فصج ربنا عطاكم القوه والصحه فغيرو مسجدكم , ما فيها شي ان رحتو مكان ابعد شوي او على نصيحة الشباب اتفقو ويا المؤذن والخطيب

[Riku3]

صوبنا في 3 مساجد دقيقة وشوي بالسيارة ومسجدين دقيتين مشي وانا بالعادة امشي .. يعني اختار على كيفك وانا انوع بين 3 منهم :] ..

بس ما احب البرد وايد واتأذى اذا طولت في المسجد واحاول اخذ زاوية اشرد من البرد ههههه .

[وحيد-الشوق]

ماالومك يأخي والله حاجه تنرفز

[وطن]

اول مايسلم الامام روووح ركض وشغل المكيفات مابيلحقون عليك يطفونها *_*

احنا الحريم بالعكس ندور المكيف وينه وهوشه عليه اوجهه صوبي وتجي وحده من وراي وتوجه صوبها بس عادي الجو محتمل مب لدرجة العرق نفس ماوصفتوا

وبخصوص دهن العود ياحيكم انا ما اشم الا ريحة دهن قلي وسمبوسه :(

وفي الخلف اطفال جميلون جايبين كورة معاهم وقالبينها ملعب وساحة معارك وين الخشوع ياعرب :( فضلاً عن الرضع اللي يحبي وياخذ جوالي يتذوقه ولا يخبط فيه بالطوفة عباله لعبه

انتو ارحم بوايد

هذا اللي خلاني اقطع المسجد واصلي في البيت
الخشوع يضيع مع لعب اليهال
وصياح الرضع

:weeping:

[بصمة قطرية]

الله يعينكم ..

[Lili2005]

😁😁 عن جد معاناة

والله يخليلنا هالشياب،، ترى البركه فيهم 😊

[khalid525]

اشكر الجميع فردا فردا على مرورهم وتعليقاتهم الجميلة .. شكرا جزيلا

[Dana’1]

الله ياجركم إن شاءلله
اذا ما تقدر تغير المسجد او ما تقدر تتفاهم مع احد كبار السن في المسجد والامام ايضا يبين لهم
مالك الا انك تحاول ما تكثر اكل يدوب تمرة وماء مع الفطور وشوربة بعد المغرب
وبس لين بعد التراويح اكل ما يحلوا لك جرب يوم وشوف انت كذا كذا متعود على هالمنوال
😊

[وليف قطر]

وان تحملت .. مابيكون فيه خشوع

[ضوى]

الظاهر هالمشكلة بكل مكان بقطر

زوجي غير المسجد يجي البيت يغلي من العصبية وانا اهدي فيه

الله يبارك لنا في شيبانا

[بوخالد911]

رضا الناس غاية لا تدرك

[شبح الصمت]

ههههههههههههههههههههاي

اضحك الله سنك

ياخوي غير المسجد على طوول

[ريم 28]

والله اسلوبك ضحكني اضحك الله سنك وامبين انك اتعاني بالفعل

الله يكتب اجرك علئ تحمل الشياب

اكيد بردانين مساكين

الحل انك اتغير المسجد افضل من انهم يعانون ويجون يكتبون موضوع ونقعد اندور لهم حل هههه

الله يعينك

[مخطط قطري]

انا شفت موضوعك اول مره وماحبيت اعقب عليه لانه مع احترامي لك موضوع تافهه وسامج ولكن مع كثر الردود الي تايدك احب اوضح لك شي مهم هالشياب الي تكلم عنهم واسلوبك معاهم ينقصه الادب والكلام المحشوم تراهم عمامك وخوالك وابوك وجارك وغيرهم اذا سكرو ترا كل كيلو في قطر في 10 مساجد رح اقرب مسجد لك وخل الشيبان يتبعدون ربهم وثراك في يوم من الايام الله بيبلاك بامراض ماتحمل وياها البرد وتشوق تصلي في بيت من بيوت الله ويجونك جيل يغبلونك ويلعزونك في صلاتهم وانت من الله في سعه
انت رايح تصلي وتعبد ربك لاتاذي المسلمين وخلك وسيع بال وصدرك رحب والشيبان ثراهم الخير والبركه
عقب ماتخلص صلاتك بوس راسهم واحد ورا الثاني وبوس يدهم ثراه فضلهم عقب الله على هالبلاد والخير الي انت فيه وثرا كبر السن اذا الله اطال في عمرك محطه بتمر عليها وبتشوف شلون نفسيتك وعاطفتك وعقلك كيف بيكون لاتحط راسك براسهم ولاتناحسهم لايدعون عليك وخصوصا في 10 الاواخر وعقببها ماترقع
روح مسجد الدوله ولا بيوت الله عامره بذكره وريح بالك والسوالف في المنتديات مب حاله هالمشكله ولا الشيبان الي ذكرتهم عسى الله يطول في عمارهم ويغفر لهم عندهم اكسس يدخلون هنيه ويشفون كلامك ويرحون المسجد ويشغلون لك المكيف !

[مخطط قطري]

ليكون مسيدكم نفس مسيدنا ....
والله مادري شلون يجيون وريحتهم طباخ انت في بيت الله تصلين لربج تواجهيه بالريحه ذي والله ان احنا فالبيت نستحي نصلي وريحتها طباخ
الوحده يوم تسير عليها صاحبتها احسن لبس واحسن ريحه ويوم تصلي لربها ريحتها دهن وطباخ

الي الي كانت تصلي جنبي استغفر الله كرهتني فالمسجد ..غير الريحه ..مره حمسه ومره سمبوسه ومره ريحه لقيمات ..
ميته وتتحرك وايد وانا اقرا تسالي وتسندري وحطي القران وسولي وشيلي ..وتخابط وتومي بالعبايه .. اخر شي يوم سجدت اقعدت على راسي :shy: تخيلي ....
مادري جنها مسيوقه علي سياقه ماتقعد الا حذاي وتزاحم بعد ..استغفر الله بس
والا اليهال الي ورا حدث ولا حرج ...والله قمت اصلي فالبيت

بيت الله :)

[غايه الطواش]

بيت الله :)

:waiting::waiting:

[ضوى]

هذا اللي خلاني اقطع المسجد واصلي في البيت
الخشوع يضيع مع لعب اليهال
وصياح الرضع

:weeping:

نعم وهذا اللي خلاني اقطع المسجد من سنين طويلة ولازلت اسمع نفس المشكلة الروايح ولعب الاطفال لذلك مافكر ابدا في المسجد حتى يمدحون لي مسجد مافيه هالامور كلها

[شبح الصمت]

اسمعني يالشيخ عندك مقابل مدرسة الراية للسواقه من شماليها بتحصل مسجد

روح صل عنده المسجد بارد وصوت الشيخ ماشاء الله ماشاء الله يشبه صوت الشيخ عبد الرحمن السديس ربي يحفظهم

يبدأ القيام الساعة 11.30 ويخلص على 12.30

والله يتقبل منا صلاتنا وصيامنا وقيامنا

[بنت المطر]

لأن المكيف والهواء البارد يضرب ف ركبهم ويعورهم

صدقني يسكرونة لأن يحسون ف ألم ف ريولهم

:( ؤالله مساكين هالشياب

الله يبارك لهم ف أعمارهم

وبعدين أصبر يأخوي ،،

[تاسيتوس]

الشباب اقدر على تحمل المشقة فيصبر وياخذ اجر والا يغير المسجد.

[naif3]

الله يعين

[الجوكر90]

مسيد الدوله سنترال
والمكان شرح
واصواتهم حلوه
لاتضيع الفرصه جرب وشوف

[جراسا]

المسجد اللي اصلي فيه...يوم الجمعة تلاقاه مثل الثلاجة الحرارة تكون 16:nice:...براد يرد الروح في عز الحر...لكن يوم ما اصلي التراويح...يقفلون المكيف...او يرفعون الحرارة لين 28:eek5: و مرات30...تقول قاعدين داخل ماكينة شوي الدجاج..او معلقين في سيخ شاورما:secret:

[العديد]

ملاحظة : الى اولئك الذين يتسبحون بدهن العود بو ريحة ثقيلة ، شقصدكم ؟ تبون تختبرون هل بتلوع جبودنا ام ماذا ، ياخي الدنيا حر ورطوبة لزجة لا تكملها علينا بريحة دهن العود الخارق للجمجمه اللي تحطه ، مب كفاية الشياب يطفون المكيفات ، جهاد هذا مب صلاة تراويح .

اما الشخص اللي يحط ريحة مدري شسميها هي مادة مزيج من دهن العود على مشموم على دارسين وشوية غاز ، ما اقول الا الله يسامحك بس ، الله يسامحك .

اخوي ماتبي تحط اعلان على باب المسيد تنبهون شنو يحطون من عطورات ومن دهن العود وشنو العطور المفضلة لك اللي تحب ريحتها واللي ماتحب ريحتها وبعد تقترح شنو يلبسون وشنو مايلبسون ولاتنسى اذا تحب يلبسون غترة بيضة او حمرة
انت حط مقترحاتك في البس والعطورات والحركة داخل المسيد ومتى يشغلون المكيفات ومتى يبندونها ووين يوقفون بالخط الامامي او الخلفي وهم بيلتزمون فيها

[نمـر]

المعركة المستمرة بين الشباب والشياب في المساجد بدأت مرة اخرى هذه السنه وسبب هذه المعركة المكيفات ، بعد ان انتهت فترة الهدنه وهي تقريبا ثمان سنوات الذي مر فيها رمضان في الشتاء .

دخل علينا رمضان هذه السنه في عز الحر والرطوبة ، والشباب مثل باقي المسلمين يريدون ان يغتنموا صلاة التراويح في هذا الشهر الفضيل ، لكن الذي يفقع مرارتهم و يخرب ام اندماجهم في الصلاة هم الشياب الذين يطفون المكيفات اثناء صلاة التراويح ، ليش ياعمي والله حر والله لواهيب من صوب ورطوبة من صوب ياخي انتوا اذا بردانين البسوا جاكيت او فروة او كوت ، بس لا تحرمونا من البراد وانفاس المكيفات المنعشة ، يعني عاجبكم منظرنا واحنا نعرق في الصلاة ووجهونا ممتعظه ليس بسبب الخشوع بل بسبب ان النفسية طايحة وغترنا بسبه العرق تطيح على وجوهنا تتحول كانها حجاب نفس اللي يحطونه الاندونيسيات ، شوي الواحد وده يزاعق على الامام :بسرعه جزاك الله خير .

انا قلت لازم احل هالمشكلة ، فقلت بتم انطر ورا واذا قاموا الصلاة وتأكدت ان كل الشياب صفوا وصلوا بروح اشغل كل المكيفات ، وفعلا نطرت وبدا الكل يصلي ورحت شغلت كل المكيفات ورحت اصلي وانا احس بانتعاش المكيفات التي لاتوصف ، دقيقتين ما اوعى الا شايب جاي للصلاة متأخر وقام يطفي كل المكيفات ما ترك الا مكيف واحد يابلفيت بخشيش حق الشباب ، ورجعت عقب انا ومن على شاكلتي للبقة والعرق :nono:....

للأسف هذا تصرفك يعكس شخصيتك نسأل الله لك الهدايه

يعني شنسوي نوزع المساجد بين الشباب والشياب ولا نصلي صلاتين وحدة للشياب والثانية حق الشباب ...

نريد حلا ،

الله يحفظ شيابنا ويديمهم لنا ..

ملاحظة : الى اولئك الذين يتسبحون بدهن العود بو ريحة ثقيلة ، شقصدكم ؟ تبون تختبرون هل بتلوع جبودنا ام ماذا ، ياخي الدنيا حر ورطوبة لزجة لا تكملها علينا بريحة دهن العود الخارق للجمجمه اللي تحطه ، مب كفاية الشياب يطفون المكيفات ، جهاد هذا مب صلاة تراويح .

اما الشخص اللي يحط ريحة مدري شسميها هي مادة مزيج من دهن العود على مشموم على دارسين وشوية غاز ، ما اقول الا الله يسامحك بس ، الله يسامحك .

الله يهديك يالطيبب هاذيلن أبهاتنا لازم نحترمهم وأجسامهم ضعيفه ما تستحمل البرد والمكيفات ياخي انت شباب تقدر تغير المسجد

[khalid525]

شكرا للجميع سواء اللي نصح واللي سب واشكر الاعضاء اللي شاركونا تجاربهم ، واكيد الشياب هم بركتنا لا شك في ذلك ، وخلاص ابشركم صرت اصلي التراويح كل يوم بفريج اتوقع بستوي خبير مسايد .
افكر اسوي برنامج مساجد من بلادي ..

[جفى الجوارح]

يبيلهم ضرب ههههههههههه
شيسوون مساكين مثل ما انت تحس بالحر هم يحسون بالبرد

الحل الوحيد ان ترفعون درجة الحراره تخلونها وسط يعني بدل ما تكون درجة حراره المكيف 16 والواحد يبرد منها بسرعه تخلونها 24 عشان تكون معتدله ومحد يحس لا بالبرد ولا بالحر

[خـالـد]

الحمدلله اني ماحب المكيفات مثل الشياب خخخخخ