أستشيركم عن التجاره الالكترونيه

[حميداني]

السلام عليكم ورحمة الله وبركاته



يقولون ما خاب من استشار

أهلاً وسهلاً بكم جميع , يا شباب بغيت استفسر عن التجاره الالكترونيه وعندي كم من سؤال قاعد يدور في بالي واتمنى من استطاع يجاوبني عليهم ان ما يقصر علي باللي يقدر وانا له شاكر ^^

معليه تحملوني أدري غشيم , بس ناوي ابتدي



1- هل عشان اكون تاجر الكتروني لازم يكون لي ليسن خاص ؟

2- ان فرضاً يبت هالكم من سلعه اللي انا ابي ابيعها وسبحان الله ربي تفضل علي بمشتري , شلون بيوصله الطلب ؟ ادريول ولا هل فيه طريقه ابسط واسهل ممكن استعملها ؟

3- اقدر اتفاهم مع محل عادي انه يخصص لي مساحه حق بضاعتي بالايجار وهل فيه اجراء قانوني احتاج اسويه ان بغيت هالشي ؟

4- هل علي ضرايب جمركيه ولا شي لازم اسويها ولا هو على حسب الاغراض وعددها ؟ يا ليت شرح ان ما عليكم امر .

5- الحين ان ببتدي هالتجاره الالكترونيه , هل لازم علي ان اتخصص في بضاعه معينه ؟ مثلاً بس ساعات ؟؟
ولا عادي أقدر ابيع ساعات شنط ادوات منزليه .. الخ ؟

6- هل التجاره الالكترونيه ماشي سوقها ؟ أقصد هل في تفاعل وشرايين ؟؟ ولا هم قله ينعدون عالاصابع ؟





هالاسئله اللي قاعد افكر فيها الحين , و تسلمون مقدماً لمن ساعد ولمن حاول او نوى وما عرف او استطاع .

في حفظ الرحمن

[shaheen-915]

السلام عليكم ورحمة الله وبركاته

يقولون ما خاب من استشار
أهلاً وسهلاً بكم جميع , يا شباب بغيت استفسر عن التجاره الالكترونيه وعندي كم من سؤال قاعد يدور في بالي واتمنى من استطاع يجاوبني عليهم ان ما يقصر علي باللي يقدر وانا له شاكر ^^
معليه تحملوني أدري غشيم , بس ناوي ابتدي

1- هل عشان اكون تاجر الكتروني لازم يكون لي ليسن خاص ؟

2- ان فرضاً يبت هالكم من سلعه اللي انا ابي ابيعها وسبحان الله ربي تفضل علي بمشتري , شلون بيوصله الطلب ؟ ادريول ولا هل فيه طريقه ابسط واسهل ممكن استعملها ؟

3- اقدر اتفاهم مع محل عادي انه يخصص لي مساحه حق بضاعتي بالايجار وهل فيه اجراء قانوني احتاج اسويه ان بغيت هالشي ؟

4- هل علي ضرايب جمركيه ولا شي لازم اسويها ولا هو على حسب الاغراض وعددها ؟ يا ليت شرح ان ما عليكم امر .

5- هل التجاره الالكترونيه ماشي سوقها ؟ أقصد هل في تفاعل وشرايين ؟؟ ولا هم قله ينعدون عالاصابع ؟




هالاسئله اللي قاعد افكر فيها الحين , و تسلمون مقدماً لمن ساعد ولمن حاول او نوى وما عرف او استطاع .

في حفظ الرحمن


1- هل عشان اكون تاجر الكتروني لازم يكون لي ليسن خاص ؟ الافضل علشان تكون بالسليم امش سيده يحتار عدوك فيك وتقدر تسال بوزارة الاعمال والتجارة عن الموضوع والله اعلم

2- ان فرضاً يبت هالكم من سلعه اللي انا ابي ابيعها وسبحان الله ربي تفضل علي بمشتري , شلون بيوصله الطلب ؟ ادريول ولا هل فيه طريقه ابسط واسهل ممكن استعملها ؟ يبالك مندوب امين وصادق تتعامل وياه

3- اقدر اتفاهم مع محل عادي انه يخصص لي مساحه حق بضاعتي بالايجار وهل فيه اجراء قانوني احتاج اسويه ان بغيت هالشي ؟

4- هل علي ضرايب جمركيه ولا شي لازم اسويها ولا هو على حسب الاغراض وعددها ؟ يا ليت شرح ان ما عليكم امر .
اكيد تقدر تروح كاروفور ولا اللولوة على سبيل المثال وتنسق معاهم وبعد المحلات وحسب نوعة بضاعتك وطبعا هذا يزيد ان شاء الله من مبيعاتك
5- هل التجاره الالكترونيه ماشي سوقها ؟ أقصد هل في تفاعل وشرايين ؟؟ ولا هم قله ينعدون عالاصابع ؟
حاليا نعم بقطر ودول الخليج سوقها مشى

تفضل مني فائق الاحترام

[حميداني]

تسلم اخوي شاهين ما تقصر وربي يوفقك على سرعة الاستجابه والاجوبه وسعة الصدر .
بس بعد في شي واحد ودي استفسر عنه .. مندوب المبيعات ذي وش هو بالضبط ؟ وكم بياخذ مني ؟؟

والسموحه خذت من وقتك كفيت ووفيت

:victory: هاي فايف

[shaheen-915]

تسلم اخوي شاهين ما تقصر وربي يوفقك على سرعة الاستجابه والاجوبه وسعة الصدر .
بس بعد في شي واحد ودي استفسر عنه .. مندوب المبيعات ذي وش هو بالضبط ؟ وكم بياخذ مني ؟؟

والسموحه خذت من وقتك كفيت ووفيت

:victory: هاي فايف

يعني شخص تتعامل وياه يوصلك البضاعة للعملاء

[حميداني]

جزاك الله خير
والله يقويك

[حميداني]

استفسار يديد توى مر على بالي , فيا ليت حد يقدر يفيدني فيه

6- الحين ان ببتدي هالتجاره الالكترونيه . هل لازم علي ان اتخصص في بضاعه معينه والتزم فيها ما اغيرها , يعني مثلاً ساعات وبس ؟؟
ولا عادي أقدر ابيع ساعات شنط ادوات منزليه .. الخ .

ويا شباب اللي عنده لي نصيحه شي ما شيات أو حب يساعد بكم معلومات اكثر , اكون له شاكر .

[بوصلووح]

موقع قطر ستور يخصص لك مساحة لعرض بضاعتك مجاناً

[حميداني]

قواك الله يا بوصلووح ما قصرت

[shaheen-915]

استفسار يديد توى مر على بالي , فيا ليت حد يقدر يفيدني فيه

6- الحين ان ببتدي هالتجاره الالكترونيه . هل لازم علي ان اتخصص في بضاعه معينه والتزم فيها ما اغيرها , يعني مثلاً ساعات وبس ؟؟
ولا عادي أقدر ابيع ساعات شنط ادوات منزليه .. الخ .

ويا شباب اللي عنده لي نصيحه شي ما شيات أو حب يساعد بكم معلومات اكثر , اكون له شاكر .

الحين ان ببتدي هالتجاره الالكترونيه . هل لازم علي ان اتخصص في بضاعه معينه والتزم فيها ما اغيرها , يعني مثلاً ساعات وبس ؟؟
ولا عادي أقدر ابيع ساعات شنط ادوات منزليه .. الخ .

يالذيب لا تحط بيضك بسلة وحده وزع البيض على عدة اسلال

[حميداني]

أشهد انك كفو
عساك عالقوه دوم شاهين

[السيليه]

الله يوفقك

[KSK Logistic]

الصراحة الناس الحين تفتح لو محل اصغير وايجارة ارخيص ، وتعمد علي النت للتسويق ، والناس بعد التجربة بيونك وتاخذ سمعه لانة كل ماقلة مصاريفك قدرت اتقدم سلعه بسعر مناسب وهاي الناس اتدورة ، واليوم الناس كلها في النت اتسوق

[ابو ماهر]

بالتوفيق اخوي ربنا يسهل امورك

[مسك روز]

التجارة الالكترونيه لها اكثر من طريقه

1- عن طريق المنتديات ، تشترك بعضوية تاجر وتنزل مواضيع تعرض فيها بضاعتك بالصور والاسعار.

2- تسوي لك فلكر وتعرض فيه بضاعتك مرفقه بالاسعار .

3- موقع الكتروني خاص فيك ،وفي نوعين ، نوع بفلوس ونوع مجاني بس ماعندي خلفيه عنهم ، ممكن تبحث في النت.

وبخصوص المندوب ، هو شخص تتعامل معاه في توصيل البضاعه للزبون وماياخذ عليك فلوس

يستلم فلوسه من الزبون، وهي عادة تكون ب 30 او 40 ريال داخل الدوحه و70 ريال خارج الدوحه.


الله يوفقك ..

اذا عندك اي سؤال انا حاضره

[معتصم1]

التجارة الألكترونية صارت الجامعات تدرسها على مستوى الدكتوراه , عموما البداية جميلة ولو بشيء بسيط مع التكرار نتعلم المهم المحاولة والله الموفق

[الزعفراني]

اول شي لازم يكون عندك سجل تجاري ومن خلال هالسجل التجاري تروح تطلع رخصة تجارة الكترونية .. في طلب في وزارة الاعمال والتجارة بهالخصوص .. لان حد علمي نزل قانون ينظم موضوع التجارة الالكترونية في قطر .. عشان تحمي نفسك وعشان تنظيم المسألة بينك وبين الناس اللي تشتري منك ..

عقب ما تاخذ الرخصة تبحث لك عن شركة تصمم لك موقع الكتروني يتم من خلالها عرض البضائع وتصفحها واستعراض صورها ... إلخ

وخيارات الموقع عديده .. ممكن تخلي الشاري يسجل في الموقع وتكون له عضوية ويجمع اغراضه في سلة المشتريات .. وعقب هو يدفع عن طريق الفيزا كارد .. وانت تتكفل بتوصيل البضاعة له ..

او تسمح له بس يشوف البضاعه وفي حالة رغبته في الشراء يتصل على رقم مندوب عندك عشان يتفق معاه على تسليم البضاعة والدفع ...

في الدفع يفضل يكون عندك ايصالات ( نفس الفاتورة ) .. عشان تحمي نفسك وتحمي الشاري ..

لازم قبل هالاشياء كلها تحدد الفئة المستهدفة عندك .. مثلا النساء الرجال او عامة الناس ..

اشوف التخصص شي حلو ..

ابتعد عن الاشياء التقليد في عرضها في الموقع لان ممكن الشركات تشتكي عليك وتسكر لك الموقع

صارت في مواقع اجنبية كانت تعرض ساعات تقليد والان مسكره ..

ابدأ بتوفير عدد محدود من البضاعة .. وحاول يكون سعرك مناسب .. اتفق مع مندوب لتوصيل البضاعة للمشترين ..

ما اظن تحتاج لمخزن .. لنفرض مثلا البضاعه ملابس اطفال .. تقدر تخليها عندك في البيت

حاول تقرا اكثر عن التسويق والتجارة الالكترونية بتحصل نصايح ومواضيع ومقالات كثيره في النت ..

التسوق عبر الانترنت شي حلو .. خصوصا مع انتشار اجهزة التلفونات الحديثة مثل الايفون والبلاك بيري تقدر تسوق لبضاعتك عن طريقها وتجيك الناس ..

بالتوفيق ان شاء الله