المساعد الشخصي الرقمي

مشاهدة النسخة كاملة : حطيت لي هاتف ومكتب وعنـوان


fivee5
23-06-2006, 01:15 AM
الناس بالدنيا على أشكال وألـوان
هزوا خفوقي ثـم جنـوا جنونـي
ربع وجماعه صدق واصحاب واخوان
مرت سنين أضحكتهم واضحكونـي
حتى تفرقنـا بـلا هـم واحـزان
بالعكس والله شلتهـم فـي عيونـي
واخذت لي مده وصاحبت خـلان
واليا ذكرت أصحابي أرهت جفوني
حتى لياليهم غدت كـان ماكـان
واصبحت أقول من الغلا مانسونـي
حطيت لي هاتف ومكتب وعنـوان
وقلت انهـم اليـا بغونـي لقونـي
والحين لي مده وهو شانهـم شـان
لقيتهم مـره وصـدق اجحدونـي
ماكنهم شافوا على العيـن عثمـان
ولا كنهم طول السنيـن اعرفونـي
راحوا وصرت أشكي من الهم سلوان
يمكـن مضايقهـم وهـم مايبونـي
واقفيت مثل اقفاية الذيب سرحـان
لعلهـم لابعـدت يمكـن يجونـي
لني ولد من ناسن أحرار وشجعـان
وشلون في وضح النقـا ينكرونـي
ودار الزمان وجاني الخـل بلشـان
ويقول حنا ويـش حنـا بدونـي
توه تذكرني واصبح الشيخ ولهـان
من يوم شافوا مصلحـه صادقونـي
وينك من أول تجحد الناس جحدان
تـوه نذكرنـي وتـو اذكـرونـي
هذي حياة الذل حجـه وبرهـان
شفت انهم واليـا بغونـي لقونـي







:court:
خاربه خاربه
23-06-2006, 02:15 AM
يعطيك العافيه يارب كلمات معبره جدا

وهي خاربه خاربه

والدنيا جذي يوم لك و10 عليك
يابعدهم كلهم
23-06-2006, 09:32 AM
اشكرك يالغالي
تسلم يدك ياذوووووووووووووووووووووق
روعه والله :nice: :nice: :nice: :nice: :nice:
fivee5
23-06-2006, 02:59 PM
يعطيك العافيه يارب كلمات معبره جدا

وهي خاربه خاربه

والدنيا جذي يوم لك و10 عليك الله يعافيك يارب واسعدني مرورك المتواصل والله لايحرمني من:nice: احبابي الغالين علي في قطر
fivee5
23-06-2006, 03:01 PM
اشكرك يالغالي
تسلم يدك ياذوووووووووووووووووووووق
روعه والله :nice: :nice: :nice: :nice: :nice:


الله يعافيك يارب واسعدني مرورك المتواصل والله لايحرمني من احبابي الغالين علي في قطر