المساعد الشخصي الرقمي

مشاهدة النسخة كاملة : بخصوص السجل التجاري


مرت محمد
08-08-2012, 09:34 AM
ياجماعه الخير انا ناويه افتح مشروع تجاري وين ممكن احصل على سجل تجاري يعني وين مكانهم وشنو شروطهم ياليت احد يفيدني بهالخصوص
مجرد سفير
09-08-2012, 08:28 AM
الله يوفقكم



للرفع
qatarlands
09-08-2012, 10:09 AM
وزارة الاقتصاد والتجاره
روحي هناك وبتعرفين كل شيء
رحال الدوحه
10-08-2012, 05:09 AM
ياجماعه الخير انا ناويه افتح مشروع تجاري وين ممكن احصل على سجل تجاري يعني وين مكانهم وشنو شروطهم ياليت احد يفيدني بهالخصوص


السلام عليكم ورحمة الله وبركاته ،،

تقبل الله صيامكم ويوفقكم ..
آمــــين

إختي العزيزه اول شئ ربي سبحانه يوفقج ويوفق الجميع ، ليتج كاتبه شنو نوع
المشروع علشان افيدج اكثر من ناحية الاجراءات عالعموم بعلمج الخطوات
والشروط :

1 - حددي نوع النشاط حق المشروع
( بعض الانشطه تحتاج موافقة مسبقه من اداره أو وزاره معينه )

2 - اختاري الاسم التجاري
( الاسم على حسب النشاط والاسم الاجنبي يكون برسوم اضافيه 1000 ريال )

3 - طباعة الطلبات الخاصه بالسجل التجاري مع صورة البطاقه الشخصيه

4 - تعبئة طلب غرفة تجارة قطر

5 - تروحين وزارة الأعمال والتجاره - الدور الاول - وتاخذين موافقة الاسم
التجاري وبعد الموافقه تدفعين رسوم اشتراك غرفه تجارة قطر ، وبعدها ترجعين
دور الاول ودفع رسوم السجل التجاري ( الرسوم حسب النشاط التجاري ) .

الرخصه التجارية :

بعد استخراج السجل التجاري ، تأجرين مكان ( محل أو فيلا أو شقه )
على حسب المشروع وتطبعين طلب الرخصه التجاريه وتتابعين الاجراءات
( الدفاع المدني ) وباقي الاجراءات على حسب النشاط التجاري .


أتمنى قدرت أفيدج وربي يوفق الجميع ، وأي خدمه أنا فالشوفه

أخوكم : رحال الدوحه
عاشق الغرافة
10-08-2012, 02:12 PM
جزاك الله خير يا رحال الدوحه كفيت ووفيت بمعلوماتك القيمه

وراجعت الرابط بعد ماشالله ماعليه قصور معلومات كامله
كاس العالم
10-08-2012, 09:49 PM
كنت بفيدج وبقولج المتطلبات وعقبها بقط السالفه على اخوي رحال الدوحه ههههه انشهد انه رجال فيه خير وكفو ودام رد عليج ابشري بكل شي ماتعرفينه بيعلمج اياه يصلح مدرس ماشاء الله والله يوفقج
استغفرالله
12-08-2012, 02:30 AM
ان شاء الله الموقع التالي يفيدج

http://www.investinqatar.com.qa/Arabic/Businessmen/Pages/default.aspx
رحال الدوحه
12-08-2012, 11:22 AM
السلام عليكم ورحمة الله وبركاته ،،

" اللهم بلغنا ليلة القدر واعتق رقابنا من النار
ووالدينا وجميع المسلمين يا رب العالمين "

كل الشكر والتقدير لكم اخواني وخواتي
وكلامكم الطيب شهاده أعتز فيها
رحم الله والديكم وجزاكم كل خير دنيا وآخره ..

آمــــــين
المبرمج صلاح
12-08-2012, 10:28 PM
لا اله الا الله محمد رسول الله
بالتوفيق ان شاء الله
فتى الجود
13-08-2012, 01:03 AM
السلام عليكم

مرى على رابط هالموضوع :

كيفية استخراج السجل التجارى والخطوات اللى تليه

بتاريخ 30/ 01/2010 م

http://www.qatarshares.com/vb/showthread.php?t=337976