من جرب مكيفات gree :.. ـــــــــــــــــــــــــــــــــــ !

[بو الجوري]

السلام عليكـم جميعاً ، شخباركــم ؟

بغيت آخذ آرائكـم عن مكيفات GREE سبيلت :..

أكثر من شخص مدح المكيفات و الصيانـه :..
لكـن بغيت آخذ تجاربكـم :telephone:

أنا أتكلـم عن السبيليت بيستون

[ameeer3]

اخوي بو الجوري بالنسبة للي امدحولك المكيف سألتهم اشكثر صار لهم مركبين المكيف لان جمييييع المكيفات في البداية تعمل بشكل ممتاز لكن بعد سنة ولا سنتين بالكثير المكيف ما يسوى ريال - واما لتجربتي جربت مكيف فوجي (بيستن) من بداية 2008 والصرااااااحة مكيف مااااااااااااا عليه كلام من برودة وصيانة وللعلم ان ولا مرة اخترب عندي شي - وان احب انوه عليك اذا بتاخذ حق بيت العمر فخذ شي يدوم لك علشان ما تتعب في تبديل المكيفات كل فترة بسيطة - والله يوفقك بو الجوري

[أم وضاحي]

المكيفات ممتازه
بس صناعه صينيه

[مضارب دوسري]

انا انصحك تسوي مكس
فوجي وجري
جري لغرف الاطفال
وفوجي للصالات والماستر

[رآعي موآجيب]

كثر الكلام والقيل والقال عن مكيفات قري

بعض الناس عندهم أسم الشركه المشهوره والسعر الغالي تكون هي الأجدر بالآداء العالي

والشركه الغير مشهوره والسعر المعقول أو الرخيص نوعا ما هي صاحبة الآداء المنخفض

وطبعاً هالكلام مش منطقي ولا علمي

انا عدت وزدت في مواضيع المكيفات في أكثر من موضوع ولا راح اعيد المعلقه اللي دايما اقولها

لكن مكفيات قري خذيت منها عينات للتجربه قبل الفلعه لأني مقبل على شراء أكثر من 40 مكيف وهذي كانت تحتاج مني أختيار لا اندم عليه لأن الموضوع مكلف

ومن سنتين إلى الآن والعينات اللي خذتهم من قري ما اشتكيت منهم

المختصر المفيد

الآن عندي قناعه بأن أي مكيف ومن أي شركه راح يكون جيد

ولكن بشرط

يكون الكمبريسر بستن ولا غيره كمبريسر حتى لو يرجعون يصنعون ناشونال من جديد

وبالتوفيق ان شاء الله

[صــوت قطــر]

اخوي ابو الجوري انا مجرب مكيفات جري .. وجربت تروبيكاال وجربت البستن وبصراحه ماعليهم كلام ابدا

مكيف التروبيكال طن ونص مركبه من ثلاث سنوات والله جامد .. وماغسلته الا ممكن مرتين

ولكن انصحك خذ بيستن .. اخوي مركب بيته من اربع سنوات تقريبا ولحد الحين ماشتكى منهم ولله الحمد ..

[بو الجوري]

تسلمون جميعاً ماقصرتوا :..

أشوف أكثر من واحد مدح فوجي :..
لأن الصراحه ميزانيتي للمكيفات محدوده :)

وفي ناس إمدحو قري :..

بتصل في فوجي بشوف أسعارهم :..

[بو الجوري]

أخوي راعي المواجيب

تسلم ، وهل عقب ماجربت العينات ، خذت باقي المكيفات من قري ؟

[ابوعلي]

أخوي راعي المواجيب

تسلم ، وهل عقب ماجربت العينات ، خذت باقي المكيفات من قري ؟

اخوي بوالجوري

اخوي انا مثلك كنت محتار وسئلت واكثر من شخص امدحوا والحمدلله تعاقدت معاهم 25 مكيف

واخوي مثلهم ورفيجي 13 مكيف ورفيجي بعد 22 مكيف

ولكن اخوي اقولك شوف عرض فوجي وعقب استخير والله يكتب لك الخير

[ام روز]

ممتازه عن تجربه شخصيه

[بو الجوري]

اخوي بوالجوري

اخوي انا مثلك كنت محتار وسئلت واكثر من شخص امدحوا والحمدلله تعاقدت معاهم 25 مكيف

واخوي مثلهم ورفيجي 13 مكيف ورفيجي بعد 22 مكيف

ولكن اخوي اقولك شوف عرض فوجي وعقب استخير والله يكتب لك الخير

أخوي أبوعلي :..

تسلـم عالمداخله :.. لكن سؤال من متى عندك المكيفات !

إتصلت في فوجي توني
قالي سبليت طنين بستن بـ 4000 ممكن ينزّل لين 3800
وأنا أعرف الريّس وحتى لو كلمته ونزل لين 3500 بعد وايد علي :..
ميزانيتي ماتسمح :(

[ابوعلي]

أخوي أبوعلي :..

تسلـم عالمداخله :.. لكن سؤال من متى عندك المكيفات !

إتصلت في فوجي توني
قالي سبليت طنين بستن بـ 4000 ممكن ينزّل لين 3800
وأنا أعرف الريّس وحتى لو كلمته ونزل لين 3500 بعد وايد علي :..
ميزانيتي ماتسمح :(

اخوي بوالجوري انا قلت تعاقدت وللحين بيتي في التشطيب ولكن اثنيين من الأهل وثلثة من ربعي مركبين واحد منهم له في حدود ثلاث سنيين والبعض منهم لهم شهور واثنوا على المكيفات

[بو الجوري]

جزاك الله خير أخوي أبوعلى

و الله يتمم على خير ومنزل مبارك :..

[ابوعلي]

جزاك الله خير أخوي أبوعلى

و الله يتمم على خير ومنزل مبارك :..

ويجزيك اخوي ويبارك لك في بيتك والله يجعله منزل مبارك

وبعض الأعضاء ماقصروا ومن تجاربهم وضحوا

[السد]

مكيف تعبان ما يدف هواء
انا مجرب مكيف ويندو طن ونصف
كأنك حاط نصف طن فقط !!

[رآعي موآجيب]

أخوي راعي المواجيب

تسلم ، وهل عقب ماجربت العينات ، خذت باقي المكيفات من قري ؟


مرحبا ياطويل العمر

ومن قال سالم ،، للحين ماجهزت البيوت ، لكن قري حاطهم رقم واحد في قائمه الخيارات وبقولك ليش

اولاً اسعارهم معقوله مقارنه مع هالمناشير اللي بالسوق

ثانياً عندي المجالس 4 اقسام والتكييف بيكون مركزي ، وسويت توزيعة اطنان عند أكثر 5 شركات منهم متسوبيشي التيسير ومتسوبيشي الواحه وقري وجنرال وجنرال كول

كلهم كانوا مبالغين في الأسعار مع العلم ان توزيعاتهم في الأطنان كانت أقل من توزيعات قري وسعر قري أقل !!

طبعا طلبت من شركة قري اني اشوف مشاريعهم للمركزي اللي صارلها فوق سنه ، ودخلت مبنى من هالمباني الظهر وكان المكان بارد

( لكن سنه ما يعتبر قديم ولا يبين فيه عيوب لو كان فيه عيوب )

انا ما اقولك اني باخذ من عند قري 100% يمكن آخذ من شركه ثانيه لكن الأقرب اني باخذ من قري والله اعلم

موفق يا ابو الجوري

[بودحوم]

جربت مكيف واحد لغرفة 6 في 6.5 تقريباً

المكيف بستن طنين . مع ان الموظف يقول لي خذ طنين ونص .

صار له عندي سنه ونص . ودرجة الحرارة مخليها على 26 من يوم خذته لين اليوم ماغيرتها .

المكيف ماعليه أي كلام

وأن شاء الله يوم السبت بودي خرايط البيت لهم لتقدير التكلفة للتكيف المركزي والأسبلت .