ضروري وش احسن دكتور حديثي الولادة أطفال

[خشوف]

ضروري وش احسن دكتور حديثي الولادة أطفال مستشفي خاص او عيادة

[عاهد بن علي]

جعل الله يشفي كل مسلم

[ابوعلي]

مهند ممتاز اختي وماعليهم شر ان شاء الله

[ضوى]

اختي خشوف

تم الرد عليج في الخاص

لكن نصيحة من مجربة ، اذا الطفل صغير وتوه مولد وكانت فيه مشاكل عند الولادة لا تجازفين مع اي دكتور خاص ، روحي لطواري الاطفال تعاملهم باحترافية اكثر مع اطفال الحديثي الولادة ، اذا مشكلة عادية مثل زكام او كحة او اشياء عادية ممكن اي دكتور اطفال مثل مهند ودكتور هاني سويد ينفع لهالموضوع

[كازانوفا]

الف مبرووووووووووووووووك على قدوم البيبي يتربى بعزكم يارب
ويطمنكم عليه يارب

[خشوف]

الله يجزاكم خير ابي للفحوصات زكام كحه فحص شامل

[بصمة قطرية]

اختي أطفالي كلهم يولدون في الشهر السابع ..
بصراحة ما أثق الا في الدكتور هاني ..
أو طواريء السد ..

[naif3]

هاني سويد

[خشوف]

هاني سويد وين عيادته

سؤال
البيبي لما يتمغط يشد حيله عادي يصير احمر عقب يرجع طبيعي

وش الحل مع الزغطه بعد مايترع ؟؟

[اهل قطر]

الف مبروك غاليتي الله يخليه لك
التمقط عادي لفيه مهديه من يتكدى يجيه ابو فاق لان المعده تتوسع
من يصير عمره 15 يوم ابدي بالاعشاب رضعه

[غزلان]

الف مبروك خشوف فرحت لج :nice::nice:

الله يخليه لكم ويتربى بعزكم

[عناد2009]

ضروري وش احسن دكتور حديثي الولادة أطفال مستشفي خاص او عيادة

مبارك ماجبتي ,, والله يجعله عبد صالح ,,
والمواليد الافضل تودينهم للسد والزكام كريه لاتهملينه لانه ينزل عالصدر ويتعب البيبي ويسبب التهاب ..

وجعله مايشوف شر ان شاءالله

[الوسيط العقاري]

روحي لعيادة الدكتور محمد الكيالي .. أخصائي طب أطفال

وماتشووفون شر

[آنــه]

صراحه استانست ان في مولد جديد احب العب فيهم :)~

التمغط شي طبيعي انه بيصير لونه حمر
انتي لا تمغطتي شفي نفسج شتسوين تةقفين تنفس ويمدين ايدياااااتج
نفس هالحركه يسويها الياهل ف يستوي لونه احمر
اذا فيه بو فاق عادي حطي فنيال فيه ماي وقطرة ليمونه
وشربيه بالقفشه بالابره اي شي بس شوي شوي وبيوقف البوفاق

وعن دكاترة اليهال احب الدكاتره المصريين وايد احسن بس ما عندي اسم معين

[لمعة الالماس]

هاني سويد وايد ممتاز

بس تحملي تستخدمين قطرة الملح للزكام بينزل اللي في خشمه للصدر وبيسبب له بلغم

دفي البيبي يمكن من البرودة زكم.

[خشوف]

الله يبارك فيكم ويجزاكم خير

[Chanel]

الف لا بأس على البي بي عزيزتي انا استخدمت لبنتي من الاربعين اوشن سبري ووووووووووووووعه
ولكن أخذي الحجم الصغير أنا ما حصلته الا في صيدلية ابن الهيثم

[canOon]

دكتور الكيالي

[بصمة قطرية]

هاني سويد وين عيادته

سؤال
البيبي لما يتمغط يشد حيله عادي يصير احمر عقب يرجع طبيعي

وش الحل مع الزغطه بعد مايترع ؟؟
عيادته في بوهامور
شارع العيادات
مقابل عيادة الجفيري

بالنسبة للبيبي
كل اللي قلتيه طبيعي حبيبتي
لا تحاتين
و لا تخلين الوسواس يلعب فيج ،،
الزغطة قصدج البوفاك ..!!
عادي جداً يوسع رئة البيبي :victory:

[canOon]

وبعد د مامون

[khaldoon]

مبارك ما جبتي ,, والله يجعله عبد صالح ,,

و كل عام و انتم بخير

[حـ ن ـيـ ن]

خشوف ألف ألف مبروووووووووووووك

وجعله الله من الصالحين البارين

[محمد سعيد]

عادي يتمغط أختي

زكام وكحة مانصح في الخاص جربتهم

طواري السد افضل وبدون أدوية حدهم بس مشروب الحرارة اذا لزم

وعلاجهم للكحة والبلغم هو بخاخ بس اتمين فترة حوالي شهر لين تخف الكحة والبلغم

ولاتعطين عيالج مضاد حيوي الا اذا لاسمح الله خلاص وصلوا لمرحلة الالتهاب

[مـراحـب]

خشوف

ألف ألف مبروك يالغالية ، ،

تستاهلين كل خير ، ،

الحمدلله صّبرتي ونلتي ، ،

يتربى بعزك وعّز أبوه ، ،

الله يحفظه وجعله من المواليد الصالحين الحافظين للقرآن الكريم ، ،

فرحت لك والله من كل قلبي ، ،