|| أستفسار بخصوص أيطاليا || ميلان

[mE mYself & i]

السلام عليكم ورحمة الله وبركاته

حجز للسفر لايطاليا - ميلان و جاردا من 18 إلى 26 أغسطس وعندي كم استفسار

- كيف أقسم الأيام؟ كم يوم تكفي لزياره ميلان وكم يوم لبحيره جاردا
- السكن في ميلان وفي جاردا ( أبغي سكن يكون قريب من كل شي ما أبغي أتعب بالمواصلات)
- أهم الأماكن للزياره في ميلان وفي بحيره جاردا
- وهل أول ما أوصل ميلان اروح جارد ولا أخليها لنهايه الرحله ؟
- المطاعم الحلال

[هارودز]

بالتوفيق وتروح وترجع بالسلامة

[بومتعب]

ميلان ثلاث ليال كثير عليها وكل شي متمركز في منطقة الدومو الي جنب الكنيسة .... اقرب الفنادق وافضلها على مستوى ميلان هو فندق حياة الملاصق للدومو .... بالنسبة للمطاعم يوجد هناك العديد من المطاعم والكافيهات ولكن بالنسبة للذة الطعام فهي تعتبر عادية من وجهة نظري .... ولكن خلك حذر من الكافيهات الي تقدم الحلويات والكيك لان اغلبها فيها كحول ....... لاتنسى زيارة لوغانو في سويسرا فهي تبعد 45 دقيقة عن ميلان .... تقدر تروح لها الصبح وترجع على العصر ..... كذلك يوجد هناك اوت لت كبير على طريق لوغانو لايحضرني اسمه الان ..... بصورة عامة ميلان تعتبر مملة من وجهة نظري.... زرتها العام الماضي ولا افكر في زيارتها مرة اخرى ..... مع تمنياتي لك برحلة موفقة

[mE mYself & i]

مشكور أخوي , ياريت اذا حد عنده فكره عن جاردا ليك

[mE mYself & i]

وحبيت أستفسر ما هي أفضل شركة أتصال ؟ وأقدر أفتح عليها خدمة البلاكبيري والأي فون ؟

[mE mYself & i]

للـــرفع

[المسعف]

ميلان ثلاث ليال كثير عليها وكل شي متمركز في منطقة الدومو الي جنب الكنيسة .... اقرب الفنادق وافضلها على مستوى ميلان هو فندق حياة الملاصق للدومو .... بالنسبة للمطاعم يوجد هناك العديد من المطاعم والكافيهات ولكن بالنسبة للذة الطعام فهي تعتبر عادية من وجهة نظري .... ولكن خلك حذر من الكافيهات الي تقدم الحلويات والكيك لان اغلبها فيها كحول ....... لاتنسى زيارة لوغانو في سويسرا فهي تبعد 45 دقيقة عن ميلان .... تقدر تروح لها الصبح وترجع على العصر ..... كذلك يوجد هناك اوت لت كبير على طريق لوغانو لايحضرني اسمه الان ..... بصورة عامة ميلان تعتبر مملة من وجهة نظري.... زرتها العام الماضي ولا افكر في زيارتها مرة اخرى ..... مع تمنياتي لك برحلة موفقة
كفيت و وفيت مانقدر نزيد:nice:

[captin]

مثل ما قالوا الشباب ثلاث أيام لاتزيد
معظم المدن الأوروبية مالت ثلاث أو أربع أيام
سريع سريع تمر على اهم المعالم والمتاحف وانت طالع


بالنسبة للإتصالات وتشغيل خدمة البلاك بيري في أيطاليا وميلان بالتحديد
عندهم شركتين رئيسيتين Tim و Vodafone
انا اذكر أني شريت في ميلان كرت فودا فون والمفروض عليه
خدمة البلاك بيري وتميت انتظر تفعيل الخدمة ثلاث أيام
لين ركبت الطيارة راجع الدوحة وهي ما اشتغلت
للأسف معظم المدن الأوروبية الواحد تصيده مشكلة خدمة البلاك بيري

أعتقد الواتس اب في ظل توفر الواي فاي في الفنادق والمقاهي
بعض الأماكن العامة يفي بالغرض ويقضي الحاجة لين الواحد يرجع الدوحة.

[cartier]

يأخي اشدعوه مطاعم حلال رايح الصين اول شي أكلهم حلال لأنهم من اهل الكتاب ولا كل سيفود وخضرا يعني ايطاليا اشفيها غير. سيزر وباستا سيفود ومارقريتا اما بخصوص ميلان فهيا روعه ولو اقعد فيها شهر ما أتملل اسكن في الدومو كل شي حولك وقريب منك او اسكن جنب محطة سنترالي بس افضل الدومو ولازم أتروح كومو روح وارجع نفس اليوم

[آنــه]

عن نفسي ما حبيت ميلان ابد مافيها شي يذكر بس أحسن شي فيها انها قريبه من سويسرا والمناطق الحدوديه الفرنسية شامونيه و انسي و أنصحك بالتسوق في المحلات اللي مؤ في الدومو فنادقهم اقل من العاديه كوسع او ترتيب لكن تؤدي الغرض
في شارع اذا الكنيسة في ظهرك و انت بساحة الكثدرالية تمشي وتخلي الدومو على يمينك لين نهاية الساحة و تروح يمين وتكمل مشي فيه تنال عليه كافيهات منها محلات تركية وعربية مكتوب عليها حلال وغير المحلات الايطالية يعني لازم توقف بالدور عندهم ووووو بس

[يوسف الحمادي]

لاتنسى تجرب الروزيتو

وود معاك بخاخ للنامس (مادري وش سر انتشارة عند الدومو)
وحاسب من الهنود النصابين في الساحة
اذا تبي السوق ثقل جيبك لان سوق ميلان تقريبا احدث الموديلات تتوفر فيه وأرخص شوي من باقي دول اوروبا
والتأكس فري يرجع لك اكثر من اي دولة اوروبية