مكتب الخدم

[55الريم55]

السلام عليكم ورحمة الله وبركاته


الرجاء منكم مساعدتي بالمشورة ويشهد الله على ما سأقوله
طلبت خادمه من مكتب لجلب الايدي العامله ووقعنا العقد وقال لي الموظف سوف تصل الخادمه خلال 45 يوم او قبل ،وافقت ودفعت العربون، واخترت الخادمة ومرت 45 يوم ولم تصل فتصلت على المكتب فقال لي الموظف يوم الاثنين القادم وانتظرت، ولم تصل ثم اتصلت فقال تاريخ 20 /7 قبل رمضان لانه التذاكر الان غاليه ،،)فقالت لهم ليس ذمبي ،وجاء التاريخ ولم تصل والمشكله عند الاتصال بصاحبه المكتب )على الجوال لاترد لانها تعرف رقمي، فذهبت الى المكتب فقالت لى صاحبت المكتب لقد قمنا بتغير المكتب في الفلبين فختاري خادمه ثانيه فخترت خادمه ثانيه والان سأكمل الثلاثه اشهر ولم تصل الخادمه واتصل على صاحبه المكتب لاتردوالمشكله لديها انتظار ثم ردت بمسج انها منومة في المستشفى ولا تسطيع الرد )))
فاجو مساعدتي باجراء الذي استطيع ان اقوم به مع هذا المكتب ...او الحل،،
ولكم جزيل الشكر

[Lili2005]

صراااحه بلشــه والله

شغلة الخدم حظك نصيبك يا بتتسهل امورك يا بتتعركس مع هالمكاتب

انا رأيي جيبيلهم الشرطـه و٢٤ ساعه بتكون عندك

تحياتي

[وبشرالصابرين]

اي الموضوع عادي

شعبان ورمضان موسم الخدم ... مافي مكتب يصدق .. يمكن تجيك بعد العيد

وهاي المكاتب لازم الحركات معروفين ...


قولي يارب الله يعينك

[55الريم55]

صراااحه بلشــه والله

شغلة الخدم حظك نصيبك يا بتتسهل امورك يا بتتعركس مع هالمكاتب

انا رأيي جيبيلهم الشرطـه و٢٤ ساعه بتكون عندك

تحياتي

اخاف يقولون لي بنرد الفلوس وانا انتظر كل هذي المدة وخدامتى بتسافر

[55الريم55]

اي الموضوع عادي

شعبان ورمضان موسم الخدم ... مافي مكتب يصدق .. يمكن تجيك بعد العيد

وهاي المكاتب لازم الحركات معروفين ...


قولي يارب الله يعينك

الله يعين ان شاء الله

[بني تميم]

الله يعينج اختي موضوع الخدم مشكله كبيره

[وحش قطر]

اتصلي حق وزاره العمل واطلبي فارس الكعبي او ابراهيم المعضادي وهم بيسنعونهم عن تجربه وترا يحقلج بتعويض

[حميداني]

اتصلي حق وزاره العمل واطلبي فارس الكعبي او ابراهيم المعضادي وهم بيسنعونهم عن تجربه وترا يحقلج بتعويض

ماكو الا مثل هالحلول , ولا ما يتسنعون ترى

[أخت الكل]

السلام عليكم ورحمة الله وبركاته


الرجاء منكم مساعدتي بالمشورة ويشهد الله على ما سأقوله
طلبت خادمه من مكتب لجلب الايدي العامله ووقعنا العقد وقال لي الموظف سوف تصل الخادمه خلال 45 يوم او قبل ،وافقت ودفعت العربون، واخترت الخادمة ومرت 45 يوم ولم تصل فتصلت على المكتب فقال لي الموظف يوم الاثنين القادم وانتظرت، ولم تصل ثم اتصلت فقال تاريخ 20 /7 قبل رمضان لانه التذاكر الان غاليه ،،)فقالت لهم ليس ذمبي ،وجاء التاريخ ولم تصل والمشكله عند الاتصال بصاحبه المكتب )على الجوال لاترد لانها تعرف رقمي، فذهبت الى المكتب فقالت لى صاحبت المكتب لقد قمنا بتغير المكتب في الفلبين فختاري خادمه ثانيه فخترت خادمه ثانيه والان سأكمل الثلاثه اشهر ولم تصل الخادمه واتصل على صاحبه المكتب لاتردوالمشكله لديها انتظار ثم ردت بمسج انها منومة في المستشفى ولا تسطيع الرد )))
فاجو مساعدتي باجراء الذي استطيع ان اقوم به مع هذا المكتب ...او الحل،،
ولكم جزيل الشكر



ياختي ليكون مكتب مسرات اللي بالغرافة اللي تقولينه نفس السيناريو اللي مريت فيه السنة اللي فاتت معهم واشتكيت عليهم في مكتب العمل وسحبت فلوسي وقدمت بمكتب ثاني والحمد لله 45 يوم او ازود شوي وجاتي خدامتي

[السد]

حتى لا نظلم مكتب الخدم في الدوحة
عن تجربة
التاخير يكون منالمكتب الذي يتعامل معه في الفلبين ولا ننسى السماسره في الموضوع

[روح الاطلس]

وليش تنطرين ؟ اسحبي العربون وروحي مكتب ثاني انتي غلطانه صراحه الله مكثر المكاتب واحد لعوزج روحي لغيره

نصيحة قولي خلاص مابي واخذي عربونج

[CH Engineer]

بينكم عقد بهالكلام ارفعي قضيه وخذي تعويض
واذا بس كلام اسحبي فلوسج وروحي لمكتب ثاني
عادي حد دفع لها 1000 ريال زياده وخذها

[حسن]

الله يعين مالك الا وزاره العمل واشتكي عليهم
ومثل ماذكر احد الاخوان فارس الكعبي

[naif3]

مكتب الخدم نصاااابين كلهم

[ANONYMOUS]

مكتب الخدم نصاااابين كلهم

اغلبهم لاتظلمهم

قول يمكن 99% :p

[المحترفون]

على طول قدمي بلاغ في ادارة العمل وطالبي المكتب بفلوسج وتعويض عن التأخير

[اوف ليميت]

انا ماقول الا (الله يعطيني صبر كثر طول صبركم)
3 شهور يقولون كل مره وقت محدد وتصدقهم وتقول اوكي

وربي انت انسان صبور..الله يوفقك

مادري ليش تنتظر كنت..من اول موعد اذا تم الاخلاف به..تاخذ فلوسك ودورلك مكتب اخر
هذا اذا ماتبي عوار الراس
واذا فيك شده..طالب بتعوريض..روح الشرطه..بس تأكد بالاول ان بينكم عقد وماينص على اي حاجه لها علاقه بمكتب خدم بالفلبين عشان لايتزامن التأخير الغير منصوص بعقدك مع ثغره اخرى مش من مسؤوليتك

:]

[55الريم55]

اتصلي حق وزاره العمل واطلبي فارس الكعبي او ابراهيم المعضادي وهم بيسنعونهم عن تجربه وترا يحقلج بتعويض

المشكله اخوي عجزت اتصل بمكتب محد يرد وجوال مديرة ما ترد او عندها انظار والمكتب في العشر الاوخر من رمضان يفتح بس الصبح ودوامي ما يسمح لي ،و اليوم ردت على الجوال وقالت لي ان انتظري بعد )صار لي اكثر من 3 اشهور) قالت لها بتصل لادراة العمل قالت لي شنو بسون ادارة العمل بس بقولون رجعي فلوسهم بس (شوف القهر):anger1::anger1:

[55الريم55]

ياختي ليكون مكتب مسرات اللي بالغرافة اللي تقولينه نفس السيناريو اللي مريت فيه السنة اللي فاتت معهم واشتكيت عليهم في مكتب العمل وسحبت فلوسي وقدمت بمكتب ثاني والحمد لله 45 يوم او ازود شوي وجاتي خدامتي

لا اخوي مكتب تهمينا في مركز الربيعه مقابل مجمع غرناطة..
المشلكة يوم رحت ارجع المكتب لانه الخدمة تاخرت لقيت نساء يشتكون من كذب صاحبه المكتب تاخير في طلباتهم ...انا افكر وين ادارة العمل عن هذا المكتب والمشكله كل يوم دعايه في جرايد عن المكتب

[55الريم55]

الله يعين مالك الا وزاره العمل واشتكي عليهم
ومثل ماذكر احد الاخوان فارس الكعبي

المشكله قالت لصاحبة المكتب بكلم ادارة العمل قالت شنو بيسون بقولون ارجع الفلوس )يعنى الاخت عادي عندها الموضوع)

[55الريم55]

مكتب الخدم نصاااابين كلهم

الواحد ما يقول الا حسبي الله ونعم الوكيل

[nono80]

اول شي الله يعينك عليهم صار لي نفس الموقف بالضبط من شهر 3 لين شهر 5 وصاحبته هنديه كذابه والا تصدقها تهاوشت معاها واشتكيت في إدارة العمل والله العظيم ماسوا لي اي شي عمك أصمخ خذت فلوسي وهما والله العظيم ما حركوا ساكن يعني بالعربي حقك ضائع محد بينفعك والمكتب كذااااااابين لاتنطرهم

[كبير المتداولين]

ارفعي عليهم قضيه واطلبي استرداد المبلغ وفوقه تعويض وياريت اسم المكتب للتشهير عشان محد يتعامل معاه

[الشيخة شيوخة]

راح زمن الخدامات السنعات

اما بالنسبه لاصحاب المكاتب
بشقون الحلج وهم يستلمون لفلوس
وبعدها ينسونك
ياليت يلغون المكاتب
ويخلونها عن طريق النت
ويكون بس في بلد الخدم مكاتب
ويتم عرض بيانات وصورة الخادمه
والشخص الى يبى خدامه
يرسل بيناته من حيث عدد افراد الاسرة وحجم المسكن
وهى عليها توافق او لا
وبعد موافقة الخدامة يتم ارسال الفيزا والتذكره و في هذا عدل للطرفين للكفيل وللخدامه

[Abdullah_89]

اقرب مركز شرطه تابع للمكتب اشتكي فيه وودي الوصل وبيجيبون لج حقج

[الصغيره]

لا تسكتين اتصلي بوزارة العمل او اكتبي بالجريده او الخط الساخن جريدة الشرق لا تسكتين عليه مافيه من هالكلام ابد عليك به يااااختي لا تسكتين

الصراحه انا متعامله مع الباتل سوق العلي روووعه قبل شهر الخدامه بالبيت اخر خدامه خذت بس اسبوعين

الله يوفقك يارب

[خليفـة]

الموضوع منتهي ان شاء الله اختي
بشرينا لما توصل الخدامة على خير ان شاء الله
:)

بالتوفيق ان شاء الله


خليفــة

[الجوكر90]

سوال يطرح نفسه
هي قالت وشو راح يسون وزاره العمل
انتي جربتي تشتكين او ترفعين عليهم دعوه
مشكلتنا بس نسمع ومانطبق

[عضيدة بومطر]

أنا نفس مشكلتج قدمت على سيرلنكية بتاريخ ٢٠١٢/٦/٤من مكتب في سوق العلى ولين الحين ماجات وكل ما اتصل تقول لي الموظفة بعد يومين أوبعد اسبوع او او او لحد ماطفشت وكلمة صاحب المكتب الي بدورة طمني وقال كم يوم ويتوصل واذا ما وصلت تعالي استلمي المبلغ وهذا الكلام من اول رمضان ولين يومنا هذا وهي ماترد على التلفون وهو نفس الشي والمكتب كل ما اروح له مسكر والله مب عارفه شاسوي اعرف ان لي حق بس ما احب الشكاوى ، ممكن حد يفيدني مع العلم أني دافعة ٤٠٠٠ريال وعندي الوصل .

[ابو رها]

مسيكم بالخير

باين مشكلة الشغالات مو بس عندنا
الظاهر كل مكان بالخليج
الله يكون بالعون

دام الفلبينيات مسموح عندكم ليش ماتجيبونها مباشر
من المكتب الفلبيني او من اي شغاله موجوده تدبر اختها او جارتها

قبل سنتين ونص تقريباً جبتها عن طريق شغاله عندنا ووصلت هنا خلال14 يوم والى الان موجوده عن طريق مكتب فلبيني مباشره وكلفتني 1400 دولار


انصح اللي بيجيب من الفلبين عن طريق شغاله يعرفها خصوصاً القديمات


بالتوفيق ان شاءالله