صليت الجمعه وطلعت ابي اركب سيارتي بس ....()())()()()()()()()

[الجوكر90]

السلام عليكم ورحمه الله وبركاته
شحالكم يالربع
وكل عام وانتو بخير
اخر ايام الشهر الفضيل بدت تنقضي اعاده الله علينا وعليكم ان شاء الله


المهم بدخل الموضوع


http://up.arab-x.com/May12/K4091760.jpg (http://up.arab-x.com/)

هالصوره توني مصورها

انا راعي الجمس وابي اطلع من المسيد

معلومه بسيطه الصلاه خلصت 12 وربع بالضبط
انا طلعت من المسيد 12:25


راعي البي ام الي جنبي حرك موتره وانا بعدها قدرت اطلع ولا يمكن لين الحين انطره لين مايخلص سوره الكهف

يعني انا والله ماقلت شي ان وقف وراي
بس خاطري اعرف هو متاخر ع الصلاه وصاف غلط يصلي السنه ويقرى قران ليش
ترى عادي الواحد يصلي الفرض فالمسيد والسنه فالبيت
اما يعطل العالم ترى مايجوز لازم نحترم الناس
مب اصكر ع العالم والحجه الصلاه
وقف وخلص صلاتك واطلع ع طول

والله كسرت خاطر ابوي
يقولي تعال اركب معاي وبعدين تعال وخذ موترك

وبالتوفيق ان شاء الله

[ابداع قلم]

والكاظمين الغيظ والعافين عن الناس

[جاد]

الله يهديهم ، نفس الموضوع صار معاي اليوم بعد صلاة الجمعة . وفعلا تضايقت في نفسي من الاستهتار بالاخرين .

[السد]

انا راعي الجمس وابي اطلع من المسيد


راعي البي ام الي جنبي حرك موتره وانا بعدها قدرت اطلع ولا يمكن لين الحين انطره لين مايخلص سوره الكهف





اولا : تقبل الله اعمالك
بعدين فيه مسافة كافية لان تطلع من المسجد لانك تارك مسافة كافية من اليمين واليسار

وثانيا هل سمعت انه يقرا سورة الكهف؟

[CH Engineer]

اخوي البعض اذا راح المسجد يصف فالشارع ويسكر ع العالم ويقولك ماتبوني اصلي
يمن على الناس وعلى ربه صلاته
مادري هو يصلي لي ولا لنفسه
ويستغل هالفرصه لان الاغلبيه راح تسكت ينتطرونه يخلص صلاته
بشكل عام اذا ماحصلت موقف وتبي تدخل تصلي وقف في الشارع اذا في مجال لك بس لاتسكر على خلق الله واضعف الايمان احترم الي صفيت وراه واطلع بسرعه

[qtr qtr]

كان رديت عليه ريوس وعطيته بصمة الصدام على بيبانه للعبره.

[ANONYMOUS]

كان رديت عليه ريوس وعطيته بصمة الصدام على بيبانه للعبره.



والله خوش راي

لان في ناس بجم ماتفهم ولا عندها احساس ولا عقل ولا اخلاق ... الخ

[Aaziz]

احذر من ثلاث :
من الوعد عند السعادة ،،، ومن الرد عند الغضب ،،، ومن القرار عند الحزن

[سعادة الوزير]

اولا : تقبل الله اعمالك
بعدين فيه مسافة كافية لان تطلع من المسجد لانك تارك مسافة كافية من اليمين واليسار

وثانيا هل سمعت انه يقرا سورة الكهف؟

حتى لو ترك مسافة تكاد تكفي الاخ ، فهذا لا يعفي صاحب السيارة من الاثم بسبب ايذاء المصلين ، اما عن موضوع سورة الكهف ، اخونا ضرب مثال على تأخر صاحب السيارة في الخروج من المسجد ، وكان بامكانه على الاقل الخروج وافساح الطريق للناس و ثم الدخول للمسجد لاستئناف الصلاة او القراءه ، اما انه يترك سيارته مثل مايقولون (عرضة ابليس) فهذا مالا يجوز لا شرعا ولا قانوناً!

[ahmed203949]

كان رديت عليه ريوس وعطيته بصمة الصدام على بيبانه للعبره.

ههههههههههههههههههههههههههه :nice:

[الجنوبي]

الله يعينك وبعد جمس بوغمارتين ههههههه يعني انسى تطلع

[أبورودي]

السلام عليكم
اخى دائما خليك حليم والتمس بعض الاعذار لاخوانك
لن يكون كل الناس مثل اسنان المشط
لاتعلم وصدقنى فى ذلك مثل هذه الشياره وققفتها قد تكون اخرتك ومنعت عنك شرا وانت لاتدري فدائما كن حليم
وانت اخلاقك طيبه من كلماتك
ربنا يرضي عنك

[رجل الجزيرة]

السلام عليكم ورحمه الله وبركاته
شحالكم يالربع
وكل عام وانتو بخير
اخر ايام الشهر الفضيل بدت تنقضي اعاده الله علينا وعليكم ان شاء الله


المهم بدخل الموضوع


http://up.arab-x.com/may12/k4091760.jpg (http://up.arab-x.com/)

هالصوره توني مصورها

انا راعي الجمس وابي اطلع من المسيد

معلومه بسيطه الصلاه خلصت 12 وربع بالضبط
انا طلعت من المسيد 12:25


راعي البي ام الي جنبي حرك موتره وانا بعدها قدرت اطلع ولا يمكن لين الحين انطره لين مايخلص سوره الكهف

يعني انا والله ماقلت شي ان وقف وراي
بس خاطري اعرف هو متاخر ع الصلاه وصاف غلط يصلي السنه ويقرى قران ليش
ترى عادي الواحد يصلي الفرض فالمسيد والسنه فالبيت
اما يعطل العالم ترى مايجوز لازم نحترم الناس
مب اصكر ع العالم والحجه الصلاه
وقف وخلص صلاتك واطلع ع طول

والله كسرت خاطر ابوي
يقولي تعال اركب معاي وبعدين تعال وخذ موترك

وبالتوفيق ان شاء الله

والعافين عن الناس وإلتمس لأخيك عذرا ويمكنه نسى إنه وقف خطأ، إلا إذا أنت متأكد فلازم تكلمه وهذا من حقك

[qtr qtr]

شكلك اتدور ع حد تتبلى عليه لاجل تاخذ منه تعويض مادي ،، ههههههههههههههه

الله يعينك والله ،،:shy:

يا خوي الواحد ياخذها من باب المزح .. وبعض الاعضاء يبي يعلمني اصول التربيه ويغلط .. كأني متربي فالشارع .. والحمدلله الولد والوالده علموني وربوني احسن تربيه الله يطول بأعمارهم ويحفظهم ..

وان شاءالله راح اخذ اجراءاتي ضده بالقانون

[Lili2005]

اخي الجوكر،،
سبحانه وتعالى قال في كتابه العزيز ،، من عمل صالحاً فلنفسه ومن اساء فعليها وما ربك بظلامٍ للعبيد،، يعني المفروض ان نتحلى باخلاق الاسلام ونتسامح اذا احد اساء لنا،، المصطفى عليه افضل الصلاة والسلام قال فمن عفا واصلح فأجره على الله،، هااي اذا قلنا اساء لك هالشخص اسائه مباشره،،
اما بالنسبه لموضوعك المسافه المتروكه عن يمينك وعن يسارك كافيه بانك تطلع،، وثانيا انت قلت الصلاة خلصت ع 12 وربع وانت طلعت ع 12 و25 يعني كل اللي تاخرته 10 دقايق وما قدرت تصبر وتستنى أو حتى تصفح عن هالشخص او تحطله رساله صغيره ع الزجاج الامامي بها كلام طيب او نصيحه لتصحح خطأه،، انت ما شاء الله صححت الخطأ بخطأ أكبر،، انت صورت رقم سيارة الرجال وحطيتها امام الملأ عشان تفضحه ويتخالف،، هاي اهي شيم الانسان المسلم!! الله يهديك ،، بس حبيت اذكرك انه احنا في العشر الاواخر وكل حسنه بعشر اضعافها ياخوي،،،

[اوف ليميت]

كان رديت عليه ريوس وعطيته بصمة الصدام على بيبانه للعبره.

اعرف واحد من هالنوعيه و24 ساعه فالتحقيقات وتصليح مواتر وبعد ماتاب

:]

[اوف ليميت]

احد الاخوه قالك والكاظمين الغيب

الشخص اللي سكر عليك ماراح اعلق عليه..تراني حاس فيك

تراك مش غلطان اذا اتصلت بالدوريات تيجي تسحب موتره..الصلاة انتهت..والشخص كان يجب يجي يحرك موتره..وذنبه على جنبه

بس للاسف بعض دورياتنا طيبين..ويقولون روح شوفه..او روحه ناده وخلاص..او يقولون لك انتظره ربع ساعه اذا ما جا...هالطريقه حلوه بارك الله فيهم..لكن لاتتساهلون وياهم وايد..عاقبوهم مره عشان يتوبون وبيحسون فيه اذا كانت السالفه فيها (فلوس) من دمه طالعه

:]

[Stars]

السلام عليكم
انا جيت صلاةالجمعة متاخر وصفيت وراى سيارة
خلصت صلاة الجمعة تسننت وخرجت فورا وحركت الموتر ..

التأدب مع الناس مطلوب ..والله ييسر امورك ياخوي .

[OREO]

يا خوي الواحد ياخذها من باب المزح .. وبعض الاعضاء يبي يعلمني اصول التربيه ويغلط .. كأني متربي فالشارع .. والحمدلله الولد والوالده علموني وربوني احسن تربيه الله يطول بأعمارهم ويحفظهم ..

وان شاءالله راح اخذ اجراءاتي ضده بالقانون

حبيبي لا تبالي و لا تشل هم ،، خلك كبير و كلٍ عارف نفسه و تربيته و اهم شي ثقتك بنفسك ،، :)


لكن في موضوع السيارة ،، اسمحلي اقولك صاحبنا الجوكر المفروض عليه منزل الرمانه و ركبها و رد عليه و بط بدي موتره ،، اذا اني كنت مكانه جان سويت هالشي لاجل يتعلم السنع ،، لان المرور ما راح ياخذون حقه و انا اخوك فالواحد هالايام صاير ياخذ حقه بأساليبه الخاصه و كأننا في غابه ،،


المرور فالحين يخالفون المواطنين في الاسواق بس ،،

[نمـر]

السلام عليكم
اخى دائما خليك حليم والتمس بعض الاعذار لاخوانك
لن يكون كل الناس مثل اسنان المشط
لاتعلم وصدقنى فى ذلك مثل هذه الشياره وققفتها قد تكون اخرتك ومنعت عنك شرا وانت لاتدري فدائما كن حليم
وانت اخلاقك طيبه من كلماتك
ربنا يرضي عنك


أشكرك على ردك للرجال

[Ahmed25]

انا تعقدت من اللي يصفون غلط ! يا رجال يجون يصفون قدام باب بيتنا ، احطلهم ورقه لو سمحت لا توقفون هنا ، بالعربي والانجليزي ،، اسبوع الاقي سياره ثانيه واقفه !

[حميداني]

الله يستر عليه , والله يثيبك لانه الصيام بمعنى الصبر لوجه الله

[السد]

انا تعقدت من اللي يصفون غلط ! يا رجال يجون يصفون قدام باب بيتنا ، احطلهم ورقه لو سمحت لا توقفون هنا ، بالعربي والانجليزي ،، اسبوع الاقي سياره ثانيه واقفه !

احسن شي اتسويه
كتابة جملة

موقف خاص
الرجاء عدم الوقوف مره ثانية

Privite Parking
Pleace Dont Park Here

[Riku3]

هلا والله بالجار :] .. المسجد جنبي اروحله مشي p: ..

الوقوف خطأ والله بيحاسبه على ايذائه للاخرين .. وتصرفك وصبرك في هالموقف بإذن الله تأجر عليه .

وانا ضد فكرة الي يقول انك غلطان لانك فضحته او لازم تسامحه وتستميحله العذر ..

هو ما وقف كذا الا لانه جاي متأخر والاخ جوكر موقفه جنب الباب يعني جاي مبكر .. يعني ما بغى يطلع ايمانه القوي ويتم في المسجد بعد الصلاة الا وهو مصكر على الناس برع !! .

والي يستهين بالعشر دقايق .. ليش ينتظر من الاساس !! .. هو من حقه يطلع ويمشي مباشرة .

[عزووز قطر]

الله يتقبل طاعتك أخوي الجوكر

الحل انك تركب مثل هالرمانة

http://3.bp.blogspot.com/_4qXXFX9Fz9Q/STQAAOicBUI/AAAAAAAABX8/cRpMAtZA7wk/s400/DSC003512.JPG

واللي مايبي موتره يصف وراك :nice:

[qatara]

كان رديت عليه ريوس وعطيته بصمة الصدام على بيبانه للعبره.

طيب لو كانت سيارتك هل تقبل ان يصدمها
سبحان الله الانسان يقبل على الناس ما لايقبله على نفسه
حتى لو كان مخطي يا اخي الحلم سيد الاخلاق

[qtr qtr]

طيب لو كانت سيارتك هل تقبل ان يصدمها
سبحان الله الانسان يقبل على الناس ما لايقبله على نفسه
حتى لو كان مخطي يا اخي الحلم سيد الاخلاق

الحمدلله .. انا واعوذ من كلمة انا مب من النوع اللي يصكر على العالم لاني عندي اخلاق ولله الحمد وذوق .. وما أحب مضرة الناس .. لاني قبل لا اسويها افكر مليون مره يمكن الرجال يكون عنده حاله طارئه ..

اذا انت من هالنوع اللي يصكر على العالم تحمل مايجيك .. لانك اذيت ناس وعطلتهم ..وهذا مب من اخلاق المسلمين .
وليش ما حطيت نفسك في مكان اخونا الجوكر وكان عندك حاله طارئه ويش راح تسوي .. اتحول سيارتك هليكوبتر .

وانا راح اقبلها بكل سعة صدر .. لان التصرف غير اخلاقي .. هذا لوا سويتها .. والحمدلله ولا عمري صكرت على حد ألا بأذمن الشخص ..

ورجاء كل واحد يعلم نفسه واهله دروس الاخلاق

[qatara]

الحمدلله .. انا واعوذ من كلمة انا مب من النوع اللي يصكر على العالم لاني عندي اخلاق ولله الحمد وذوق .. وما أحب مضرة الناس .. لاني قبل لا اسويها افكر مليون مره يمكن الرجال يكون عنده حاله طارئه ..

اذا انت من هالنوع اللي يصكر على العالم تحمل مايجيك .. لانك اذيت ناس وعطلتهم ..وهذا مب من اخلاق المسلمين .
وليش ما حطيت نفسك في مكان اخونا الجوكر وكان عندك حاله طارئه ويش راح تسوي .. اتحول سيارتك هليكوبتر .

وانا راح اقبلها بكل سعة صدر .. لان التصرف غير اخلاقي .. هذا لوا سويتها .. والحمدلله ولا عمري صكرت على حد ألا بأذمن الشخص ..

ورجاء كل واحد يعلم نفسه واهله دروس الاخلاق

مشكور
يا اخي اعذر الرجل لربما جاء متاخر ولم يجد مكان ويبي يلحق الصلاه
وش بيضرني لو انتضرته وطولت بالي شوي
ما اختلف ويا صاحب الموضع ان وضع السياره
ضيق على الناس وواضح من الصوره انه يقدر يطلع

لاكن بالله عليك هل اني اصدم سيارته وهو مهب قاصدني بشر
فهل هاذا حل يرضي الله ؟
ولا اطول بالي شوي حتى لو كان قاصد
واكون اخير منه واكسب الحسنه ؟

[qtr qtr]

مشكور
يا اخي اعذر الرجل لربما جاء متاخر ولم يجد مكان ويبي يلحق الصلاه
وش بيضرني لو انتضرته وطولت بالي شوي
ما اختلف ويا صاحب الموضع ان وضع السياره
ضيق على الناس وواضح من الصوره انه يقدر يطلع

لاكن بالله عليك هل اني اصدم سيارته وهو مهب قاصدني بشر
فهل هاذا حل يرضي الله ؟
ولا اطول بالي شوي واكون اخير منه واكسب الحسنه ؟

الموضوع مب قاصدك بشر ولا طولة البال الموضوع الواحد ما يعلم بظروف الشخص قد يكون من ذوي الاحتياجات الخاصه او رجال شيبه او عنده ظروف طارئه وانت عارف الحالات الطارئه الدقيقه الواحده ممكن تنقذ المريض او غيره ..
وياما ناس صكروا علي والحمدلله وانتظرت ساعه كامله لين ما جاء راعي السياره ويتأسفلي .. مع ان كان عندي شغل مهم وعطلني .. ما قبلت اعتذاره واعطيته درووس فالاخلاق لانه تصرفه غير اخلاقي ..

[qatara]

الموضوع مب قاصدك بشر ولا طولة البال الموضوع الواحد ما يعلم بظروف الشخص قد يكون من ذوي الاحتياجات الخاصه او رجال شيبه او عنده ظروف طارئه وانت عارف الحالات الطارئه الدقيقه الواحده ممكن تنقذ المريض او غيره ..
وياما ناس صكروا علي والحمدلله وانتظرت ساعه كامله لين ما جاء راعي السياره ويتأسفلي .. مع ان كان عندي شغل مهم وعطلني .. ما قبلت اعتذاره واعطيته درووس فالاخلاق لانه تصرفه غير اخلاقي ..

اتفق معك ان قلت تصرف خاطي
لاكن ان صبرنا فخير وبركه
وليش مانقول مثل ماقلت لربما هو جاي من مستشفى متاخر لضرف
وش الحل اذا مافي مجال لخروج سيارتك نهائيا
اتصل باقرب دوريه وياخذ مخالفه

[Riku3]

مشكور
يا اخي اعذر الرجل لربما جاء متاخر ولم يجد مكان ويبي يلحق الصلاه
وش بيضرني لو انتضرته وطولت بالي شوي
ما اختلف ويا صاحب الموضع ان وضع السياره
ضيق على الناس وواضح من الصوره انه يقدر يطلع

لاكن بالله عليك هل اني اصدم سيارته وهو مهب قاصدني بشر
فهل هاذا حل يرضي الله ؟
ولا اطول بالي شوي حتى لو كان قاصد
واكون اخير منه واكسب الحسنه ؟
لو تعرف المسجد وين ما بتعمله اي عذر .. وانا ساكن جنب هالمسجد واقولك هالشخص تمادى وتصرف بشكل خطأ ..

المسجد على ثلاث شوارع كبيرة وجنبه ارض كبيرة جداً فاضيه يصفون فيها الناس مستعده توسعه و100 من امثاله في اقسى اوقات الزحمة .. بس هو اختار الطريقة السهله وهي الوقوف خطأ جنب الباب مباشرة وهو جاي متأخر .

وجوكر الله يجزاه خير ما تمادى ولا غلط على الرجال .. وما كان بينتظر وينزل يصور المكان لو كان يقدر يطلع بسهولة وواضح وقال انه طلع بعد ما البي ام تحرك .

[qatara]

لو تعرف المسجد وين ما بتعمله اي عذر .. وانا ساكن جنب هالمسجد واقولك هالشخص تمادى وتصرف بشكل خطأ ..

المسجد على ثلاث شوارع كبيرة وجنبه ارض كبيرة جداً فاضيه يصفون فيها الناس مستعده توسعه و100 من امثاله في اقسى اوقات الزحمة .. بس هو اختار الطريقة السهله وهي الوقوف خطأ جنب الباب مباشرة وهو جاي متأخر .

الله يعين ويهدي
صحيح في بعض الناس تحب السهل
ولو على حساب تاخير الغير
لاكن مثل هل الحاله ودك تتصل لاقرب دوريه
تجي تعطيه مخالفه عشان يعرف يوقف عدل
او تاخذ رقمه وتشتكي عليه عسى يحجز موتره
ويعرف يحترم مادام المكان وسيع وفيه مواقف

[qtr qtr]

اتفق معك ان قلت تصرف خاطي
لاكن ان صبرنا فخير وبركه
وليش مانقول مثل ماقلت لربما هو جاي من مستشفى متاخر لضرف
وش الحل اذا مافي مجال لخروج سيارتك نهائيا
اتصل باقرب دوريه وياخذ مخالفه




تصدق ان في خلال ساعة انتظار وانا كل شوي اتصل على المرور واقولهم وينهم .. ويقولون انشاءالله هم قريب جايين .. وانت اكيد خذت تجربه منهم وقت الحادث الله يكافينا شرها دايما يتأخرون في خلال ساعه ..

اخو كاتارا دينا الاسلامي ولله الحمد علمانا الاخلاق على اصوله ..

ومثل ما تفضل اخونا Riku3 وضحلك الصوره .. والدوريه ما منها فايده عن تجربه مب كلام فالهوى

[qatara]

تصدق ان في خلال ساعة انتظار وانا كل شوي اتصل على المرور واقولهم وينهم .. ويقولون انشاءالله هم قريب جايين .. وانت اكيد خذت تجربه منهم وقت الحادث الله يكافينا شرها دايما يتأخرون في خلال ساعه ..

اخو كاتارا دينا الاسلامي ولله الحمد علمانا الاخلاق على اصوله ..

ومثل ما تفضل اخونا riku3 وضحلك الصوره .. والدوريه ما منها فايده عن تجربه مب كلام فالهوى

والله ياخوي كنت افكر مافيه مواقف
وجاء ووقف مضطر
لاكن مثل ماوضح اخونا صاحب الموضوع ان فيه مواقف كثيره
ودك مثل هل التصرفه مخالفته او اخذ رقمه وتشتكيه

الله المعين

[الزعفراني]

اخوي الرجال صف وراك لان يدري في مجال تطلع وواضح من الصورة يعني بس الظاهر يبيلها دروله

لو كنت موجود كان طلعت لك الموتر :)

[السلولي]

اخوي الرجال صف وراك لان يدري في مجال تطلع وواضح من الصورة يعني بس الظاهر يبيلها دروله

لو كنت موجود كان طلعت لك الموتر :)





اعتقد ان كلام الزعفراني صحيح يبيلها دروله :victory:

[الجوكر90]

والكاظمين الغيظ والعافين عن الناس

تسلم الشيخ
ولاهنت ع المرور

[الجوكر90]

الله يهديهم ، نفس الموضوع صار معاي اليوم بعد صلاة الجمعة . وفعلا تضايقت في نفسي من الاستهتار بالاخرين .

امين
صحيح شي يضايق
ولاهنت ع المرور

[الجوكر90]

اخوي البعض اذا راح المسجد يصف فالشارع ويسكر ع العالم ويقولك ماتبوني اصلي
يمن على الناس وعلى ربه صلاته
مادري هو يصلي لي ولا لنفسه
ويستغل هالفرصه لان الاغلبيه راح تسكت ينتطرونه يخلص صلاته
بشكل عام اذا ماحصلت موقف وتبي تدخل تصلي وقف في الشارع اذا في مجال لك بس لاتسكر على خلق الله واضعف الايمان احترم الي صفيت وراه واطلع بسرعه

صحيح اخوي يصلي ويطول فالصلاه ع حساب الناس
هالشي ملاحظه وايد
ولاهنت ع المرور

[الجوكر90]

كان رديت عليه ريوس وعطيته بصمة الصدام على بيبانه للعبره.

لا والله اخوي ماتعلمت اسوي جي
صدقني لو سويتها ابوي اول واحد راح يوقف ضدي ويهاوشني مع ان الحق معاي
ولاهنت ع المرور

[الجوكر90]

احذر من ثلاث :
من الوعد عند السعادة ،،، ومن الرد عند الغضب ،،، ومن القرار عند الحزن

انا ماقلت له شي
بس انا بسكت عنه ترى غيري ولا راح يفتكرون راح ينطره ويسفل فيه
ولاهنت ع المرور

[الجوكر90]

حتى لو ترك مسافة تكاد تكفي الاخ ، فهذا لا يعفي صاحب السيارة من الاثم بسبب ايذاء المصلين ، اما عن موضوع سورة الكهف ، اخونا ضرب مثال على تأخر صاحب السيارة في الخروج من المسجد ، وكان بامكانه على الاقل الخروج وافساح الطريق للناس و ثم الدخول للمسجد لاستئناف الصلاة او القراءه ، اما انه يترك سيارته مثل مايقولون (عرضة ابليس) فهذا مالا يجوز لا شرعا ولا قانوناً!

لا والله حشى مب بسهوله اقدر اطلع
والمسافه كلش ضيقه
والمفروض اول مايخلص يطلع ويعدل موتره ع الاقل

[الجوكر90]

الله يعينك وبعد جمس بوغمارتين ههههههه يعني انسى تطلع

شفت اشلون
فكل مكان لازم اعاني :secret:

[الجوكر90]

السلام عليكم
اخى دائما خليك حليم والتمس بعض الاعذار لاخوانك
لن يكون كل الناس مثل اسنان المشط
لاتعلم وصدقنى فى ذلك مثل هذه الشياره وققفتها قد تكون اخرتك ومنعت عنك شرا وانت لاتدري فدائما كن حليم
وانت اخلاقك طيبه من كلماتك
ربنا يرضي عنك

ماعليه الشيخ الحمدلله انا هادي وماعصب بسرعه
بس هو وغيره لازم يعرفون ان مب كل الناس نفسي
في الاحسن مني وفي الي راح يدعم موتره وفي الي راح يتهاوش معاه
يعني ليش يجيب الكلام حق نفسه ع شي مايسوى
ومشكور ع الرد الطيب
ولاهنت

[الجوكر90]

والعافين عن الناس وإلتمس لأخيك عذرا ويمكنه نسى إنه وقف خطأ، إلا إذا أنت متأكد فلازم تكلمه وهذا من حقك

لا والله ماعرفه
ماقلت له شي
اصلا حتى لو طلع وسلم عليه بقوله كلمتين ياخي عدل موترك او صف بعيد شوي عادي وبحرك عنه
ولاهنت ع المرور

[الجوكر90]

اخي الجوكر،،
سبحانه وتعالى قال في كتابه العزيز ،، من عمل صالحاً فلنفسه ومن اساء فعليها وما ربك بظلامٍ للعبيد،، يعني المفروض ان نتحلى باخلاق الاسلام ونتسامح اذا احد اساء لنا،، المصطفى عليه افضل الصلاة والسلام قال فمن عفا واصلح فأجره على الله،، هااي اذا قلنا اساء لك هالشخص اسائه مباشره،،
اما بالنسبه لموضوعك المسافه المتروكه عن يمينك وعن يسارك كافيه بانك تطلع،، وثانيا انت قلت الصلاة خلصت ع 12 وربع وانت طلعت ع 12 و25 يعني كل اللي تاخرته 10 دقايق وما قدرت تصبر وتستنى أو حتى تصفح عن هالشخص او تحطله رساله صغيره ع الزجاج الامامي بها كلام طيب او نصيحه لتصحح خطأه،، انت ما شاء الله صححت الخطأ بخطأ أكبر،، انت صورت رقم سيارة الرجال وحطيتها امام الملأ عشان تفضحه ويتخالف،، هاي اهي شيم الانسان المسلم!! الله يهديك ،، بس حبيت اذكرك انه احنا في العشر الاواخر وكل حسنه بعشر اضعافها ياخوي،،،

سلامتك الشيخ
المسافه كلش مب كافيه
ماتقدر تطلع الا بطلعه الروح
ع اليمين واليسار في مواتر
انا طلعت بعد 10 دقايق ونطرت تقريبا 7 دقايق زياده
وماغلطت عليه ترى حتى راعي البي ام رقمه ظاهر
اذا هو معانا فالمنتدى اتمنى يقرى الموضوع
عشان يعرف ان في ناس ماعندهم مشاكل يدعمونه وفي ناس راح يتهاوشون معاه وفي ناس راح يسكتون عنه وانا سكت وماقلت شي
ومايتخالف الا اذا انا اشتكيت عليه او طلبت له الدوريه
ولاهنت ع المرور

[الجوكر90]

احد الاخوه قالك والكاظمين الغيب

الشخص اللي سكر عليك ماراح اعلق عليه..تراني حاس فيك

تراك مش غلطان اذا اتصلت بالدوريات تيجي تسحب موتره..الصلاة انتهت..والشخص كان يجب يجي يحرك موتره..وذنبه على جنبه

بس للاسف بعض دورياتنا طيبين..ويقولون روح شوفه..او روحه ناده وخلاص..او يقولون لك انتظره ربع ساعه اذا ما جا...هالطريقه حلوه بارك الله فيهم..لكن لاتتساهلون وياهم وايد..عاقبوهم مره عشان يتوبون وبيحسون فيه اذا كانت السالفه فيها (فلوس) من دمه طالعه

:]

صحيح مره صارت حق رفيجي ساعه نطر وطلب الدوريه ومحد عطاه ويه
صحيح انا مع المخالفه وبقوه
ربالعالمين مايبي صلاتك اذا فيها من او اذى حق الغير
ولاهنت ع المرور

[الجوكر90]

السلام عليكم
انا جيت صلاةالجمعة متاخر وصفيت وراى سيارة
خلصت صلاة الجمعة تسننت وخرجت فورا وحركت الموتر ..

التأدب مع الناس مطلوب ..والله ييسر امورك ياخوي .

انا مره تاخرت وكنت مصكر ع واحد ع طول بدون ماتسنن طلعت لان فيواحد يمكن يكون مشغول
ولاهنت ع المرور

[الجوكر90]

حبيبي لا تبالي و لا تشل هم ،، خلك كبير و كلٍ عارف نفسه و تربيته و اهم شي ثقتك بنفسك ،، :)


لكن في موضوع السيارة ،، اسمحلي اقولك صاحبنا الجوكر المفروض عليه منزل الرمانه و ركبها و رد عليه و بط بدي موتره ،، اذا اني كنت مكانه جان سويت هالشي لاجل يتعلم السنع ،، لان المرور ما راح ياخذون حقه و انا اخوك فالواحد هالايام صاير ياخذ حقه بأساليبه الخاصه و كأننا في غابه ،،


المرور فالحين يخالفون المواطنين في الاسواق بس ،،


مشكور اخوي ع المرور
ان شاء الله ماراح احتاج اسويها
ارجع البيت مشي ولا ادعم مواتر خلق الله

[الجوكر90]

انا تعقدت من اللي يصفون غلط ! يا رجال يجون يصفون قدام باب بيتنا ، احطلهم ورقه لو سمحت لا توقفون هنا ، بالعربي والانجليزي ،، اسبوع الاقي سياره ثانيه واقفه !

صحيح كنت متاذي من هالشي فبيتنا القديم
والله يعينك الشيخ
ولاهنت ع المرور

[الجوكر90]

الله يستر عليه , والله يثيبك لانه الصيام بمعنى الصبر لوجه الله

ويستر ع الجميع ان شاء الله
ولاهنت ع المرور

[الجوكر90]

هلا والله بالجار :] .. المسجد جنبي اروحله مشي p: ..

الوقوف خطأ والله بيحاسبه على ايذائه للاخرين .. وتصرفك وصبرك في هالموقف بإذن الله تأجر عليه .

وانا ضد فكرة الي يقول انك غلطان لانك فضحته او لازم تسامحه وتستميحله العذر ..

هو ما وقف كذا الا لانه جاي متأخر والاخ جوكر موقفه جنب الباب يعني جاي مبكر .. يعني ما بغى يطلع ايمانه القوي ويتم في المسجد بعد الصلاة الا وهو مصكر على الناس برع !! .

والي يستهين بالعشر دقايق .. ليش ينتظر من الاساس !! .. هو من حقه يطلع ويمشي مباشرة .

هلا والله يالغالي
تبادل تجي بيتنا واجي بيتكم
يصف بعيد شوي ويمشي ع الاقل اجر
صدقني اكثر من 10 دقايق
انا خلصت بعد 10 دقايق ونطرت يمكن 7 دقايق
ولاهنت ع المرور

[الجوكر90]

الله يتقبل طاعتك أخوي الجوكر

الحل انك تركب مثل هالرمانة

http://3.bp.blogspot.com/_4qxxfx9fz9q/stqaaoicbui/aaaaaaaabx8/crpmatza7wk/s400/dsc003512.jpg

واللي مايبي موتره يصف وراك :nice:


هههههههههههههه
ماحب هالرمانه
تخرع الواحد
الشاصي راح لو دعمته

[الجوكر90]

لو تعرف المسجد وين ما بتعمله اي عذر .. وانا ساكن جنب هالمسجد واقولك هالشخص تمادى وتصرف بشكل خطأ ..

المسجد على ثلاث شوارع كبيرة وجنبه ارض كبيرة جداً فاضيه يصفون فيها الناس مستعده توسعه و100 من امثاله في اقسى اوقات الزحمة .. بس هو اختار الطريقة السهله وهي الوقوف خطأ جنب الباب مباشرة وهو جاي متأخر .

وجوكر الله يجزاه خير ما تمادى ولا غلط على الرجال .. وما كان بينتظر وينزل يصور المكان لو كان يقدر يطلع بسهولة وواضح وقال انه طلع بعد ما البي ام تحرك .

تسلم ع الرد يالغالي
صحيحالمكان كان ضيق وحاولت اطلع بس يبيلها سالفه
ونطرت الا راعي البي ام طلع وبعدها قدرت اطلع
مادري يمكن الاخوان يعرفون يسوقون احسن مني

[عيون الدوحة]

غريبة
كل هاي المسافة وماقدرت تطلعها

[الجوكر90]

اما بالنسبه لباقي الردود عن في مجال اطلع اشلون عرفتوا ان اقدر اطلع وانتو ماشفو الصوره الا من ورى
ترى الموتر فيه شنطه وباب وبانه وصدام امامي يعني مادري يمكن الموتر الي وراي بس نص موتر
اقولكم شكلكم ماجربتوا جمس غمارتين بتعرفون اشلون بتطلعون
لو اقدر اطلع ماكنت تعنيت ونزلت موضوع

[دااانة قطر]

تراك مش غلطان اذا اتصلت بالدوريات تيجي تسحب موتره..

بس للاسف بعض دورياتنا طيبين..ويقولون روح شوفه..او روحه ناده وخلاص..او يقولون لك انتظره ربع ساعه اذا ما جا...هالطريقه حلوه بارك الله فيهم..لكن لاتتساهلون وياهم وايد..عاقبوهم مره عشان يتوبون وبيحسون فيه اذا كانت السالفه فيها (فلوس) من دمه طالعه
:]

الدورياات لين تكلمهم وتعطيهم رقم السيااره ويردون يكلمونك ويقولون احنا في الطريق وين المكاان بالضبط يااخذوون اكثر من نص سااعه

صاارت معااي من اسبوع وانا طاالعه من الدواام يوم جيت عند سياارتي ماافي مجاال احرك وكلمت الدورياات ولافوق 3 مراات اخر شي يوم جا رااعي السيااره وحرك متصلين علي تطاالبينه بشي اذا في شي تعاالي مرور الرياان :rolleyes2::omg:


ومره في السد ابي اصف الا وااحد وااقف في نص الموقف يوم قلت ابي اصف يقول انطر رفيجي بصف سياارته هني :omg: ماادريت ان النوااقف تنحجز وادق عالدوريه واكلمهم والاخ مايبي يتحرك والدوريه احنا في الطريق وويين وين واخرتها جا اللي بيصف وانا مابي احرك يوم شااف ماافي فاايده غير طريقه والمرور نفس الكلام تطالبينه بشي :rolleyes2::eek5:

وبعدين يعني؟؟!!:telephone:




الله يعين صااحب الموضوع ويعين اي وااحد يمر بنفس الموقف

[do7ani]

اخوي شكلك توك ماخذ الجمس ترى صحيح
كلام بعض الاخوان تقدر تطلع بس يبيلها دروله
انا عندي جمس وفي البدايه كنت اخاف
لأن الموتر طويل بس مع الايام تعلمت على سواقته
بس لين الحين شوي فيها ضربة رصيف من التاير الخلفي :secret:

والله يعطيك الصحه والعافيه

[المجدم]

كان رديت عليه ريوس وعطيته بصمة الصدام على بيبانه للعبره.

يعطيك العافية ، :):):) ضحكتني

[المجدم]

مشكور اخوي ع المرور
ان شاء الله ماراح احتاج اسويها
ارجع البيت مشي ولا ادعم مواتر خلق الله

يا سلام عليك والله نعم الاخلاق ، الله يزيدك من نعيمه

[كان فيه وخلص]

السلام عليكم ،،
أولا : أعرف واحد ، هذا الشخص لا يحب ان يضع سيارته إلا لازم يسكر على احد يعني ابدا مايتعب نفسه ويدور على مصف ، واكثر من مره شفته ونفس الحاله ، يضع سيارته خلف واحد ويجلس بالنصف ساعه ، وكلمته وقلت له ما يجوز لك تضيق على خلق الله ، ولاكن لاحياة لمن تنادي ،،


ثانيا : قمت مره في اليل وكنت لازم اروح الطوارئ وأشوف ، وإلا قدام الباركنج سيارتي اللي في البيت ، واحد حاط سيارته ومسكر على ، وهذا الكلام الساعه 2 في الليل ما في احد ابدا في الشارع ، المهم دبرت نفسي ،
وحفظت رقم سيارته ، وبعد أسبوع وجدته في الشارع وكنت بتركب فيه جريمه ،
المهم انه قال لي عن سبب وضعه سيارته خلفي ، انه ما في مكان يحط سيارته فيها وين يروح يعني ؟؟؟؟

ثالثا:المواقف السيئة اللي الواحد يغضب علشانها
1- واحد يسكر عليك الموقف
2-واحد خايف على سيارته وياخذ موقفين والناس الباقيه تنحرق مش مهم عنده
3-التجاوز عن اليمين أو عن اليسار إذا كان على شارع واحد وعلى إشاره ، والناس اللي ماسكه سير يدوس عليهم كلهم بعد ينحرقون عنده ،
4- واحد ماشي شوي شوي ومسكر الشارع والأمه وراه هرنات وهو يلعب في الجوال ، ولا بعضهم يعصب على اللي يهرن له ،
وهذا غيظ من فيض ،
بعض الناس عندهم كبر والعياذ بالله ، نعوذ بالله من شرورهم ،،

المعصب
كان فيه وخلص

[الجوكر90]

اخوي شكلك توك ماخذ الجمس ترى صحيح
كلام بعض الاخوان تقدر تطلع بس يبيلها دروله
انا عندي جمس وفي البدايه كنت اخاف
لأن الموتر طويل بس مع الايام تعلمت على سواقته
بس لين الحين شوي فيها ضربة رصيف من التاير الخلفي :secret:

والله يعطيك الصحه والعافيه

الشيخ حياك بصف لك مواتر نفس الصفه وبصور عشان تشوف ان نفس الصفه وطلع الموتر بدون ماتضرب الرصيف
لا تشوف ان في مساحه فالصوره
اول ماترجع شوي خلاص صدامك فبابه
اي ادري ان في احتمال تطلع تعرف اشلون
لازم ارجع واقدم وارجع واقدم 5 مرات عشان اطلع
انزين شالي يحدني ويمكن اشحف البي ام او الكروزر وهم مالهم شغل بس عشان انتو تقولون اعرف اسوق
حسافه ماصورت لكم من جدام ومن الهلكوبتر عشان تقيسون المسافه

[الجوكر90]

السلام عليكم ،،
أولا : أعرف واحد ، هذا الشخص لا يحب ان يضع سيارته إلا لازم يسكر على احد يعني ابدا مايتعب نفسه ويدور على مصف ، واكثر من مره شفته ونفس الحاله ، يضع سيارته خلف واحد ويجلس بالنصف ساعه ، وكلمته وقلت له ما يجوز لك تضيق على خلق الله ، ولاكن لاحياة لمن تنادي ،،


ثانيا : قمت مره في اليل وكنت لازم اروح الطوارئ وأشوف ، وإلا قدام الباركنج سيارتي اللي في البيت ، واحد حاط سيارته ومسكر على ، وهذا الكلام الساعه 2 في الليل ما في احد ابدا في الشارع ، المهم دبرت نفسي ،
وحفظت رقم سيارته ، وبعد أسبوع وجدته في الشارع وكنت بتركب فيه جريمه ،
المهم انه قال لي عن سبب وضعه سيارته خلفي ، انه ما في مكان يحط سيارته فيها وين يروح يعني ؟؟؟؟

ثالثا:المواقف السيئة اللي الواحد يغضب علشانها
1- واحد يسكر عليك الموقف
2-واحد خايف على سيارته وياخذ موقفين والناس الباقيه تنحرق مش مهم عنده
3-التجاوز عن اليمين أو عن اليسار إذا كان على شارع واحد وعلى إشاره ، والناس اللي ماسكه سير يدوس عليهم كلهم بعد ينحرقون عنده ،
4- واحد ماشي شوي شوي ومسكر الشارع والأمه وراه هرنات وهو يلعب في الجوال ، ولا بعضهم يعصب على اللي يهرن له ،
وهذا غيظ من فيض ،
بعض الناس عندهم كبر والعياذ بالله ، نعوذ بالله من شرورهم ،،

المعصب
كان فيه وخلص

سالفه ان 2 فليل ومصكر عليك هاي لازم تشتكي عليه وماتخليه
الله يعينك الشيخ
ولاهنت ع المرور

[الجوكر90]

يا سلام عليك والله نعم الاخلاق ، الله يزيدك من نعيمه

تسلم الشيخ ع الاطراء
ولاهنت ع المرور

[ن.سهيل]

وسع صدرك

انا مره واحد لز موتره على باب موتري بحيث اني ماقدر اركب السياره ولما طلع من المسجد لقاني انتظره

( قالي )

كان ركبت من باب العبري !!!!

ههههههههههههههه

[بوخالد911]

هلا

ناس ما عندها ذووووووووق
والمفروض اللي يجي متاخر ان يطلع أول الناس
يوخر موتره بعيد
وبعدين يتعبد ربه

وشفايدة انك تتعبد ربك وفي ناس تدعي عليك والسبب انك مسكر عليهم

صج بعض المصلين عندهم تخلف كبير بذي النقطة

[الخزرجي قطر]

الله يهديهم بعض الناس تصرفهم فيه انانيه مايفكر غير في نفسه وبس
طيب جيت الصلاة متاخر وموقف السياره خطا خلص صلاتك وحرك موترك
افسح المجال للسيارات المسكر عليها بوقوفك الخطا لاتاخذ نفسك بسعه غيرك
ناطرك تحرك موترك هذه سلوكيات مرفوضه وعلينا التحلي بخلق المسلم الواعي
لحقوق غيره قبل حقوقه ولايؤذي غيره بتصرفات وسلوكيات وافعال غير مقبوله

[مرحوم قطر]

والله ما شاء الله عليك

فلك صبر و عندك حلم

لو انا كان خليت رمانة الجي توقع على بيبان موتره


بس جد في ناس ما تستحي


بيتنه عند استاد خليفه

و كان في مبارات و وقت المباريات حنى نتاذه وايد لان الناس تحاصر بيتنه ابمواترهم

بس يعني عادي نمشي يصفول دار م دار بيوتنا مع العلم بيتنا على 3 شوارع

و كان في حزات ناس تجي اتصف عند بيبان البيت ( 3 بيبان )

و كانو يضايقونه فكرت في حل و رحت شريت حواجز مثل مالة اعمال الطريق و قمت احطها حوالي البيبان

و مخلي باقي المساحات بس يعني احطها من البيبان 3 ولا 4 امتار عشان محد يصف قريب الباب


بس مره من المرات كان عندنا عشى و كان في بطوله

واحد نحيس و اعتقد عراقي لان اعلام العراق كانة داخل موتره

ما لقا مكان يصف فيه سياره الى على باب المجلس بالضبط و مقدم خشم موتره لين الباب

و ابكل وقاحه قبل ما يصف شال البويات و حذفهم في الشارع و صف السياره

و مثل ما قلت لكم فا انا حاطهم عن البيبان مترين او ثلاث بس عشان محد يصف و باقي الاماكن مفتوحه

والي يبي يصف كيفه فا الظاهر هذا العراقي كان يتليعن علينه

يعني كنه يقول تهبون تدخلون المجلس و فعلاً دخلنا الضيوف من باب الحوش و مشيناهم لداخل المجلس



بس والله ما سكت عنه و عاد ادري الي سويته غلط و جازيته ابجزاء اكبر من الي سواه


بس هو الغلطان و هو الي وصلني لهلدرجه و كيفه هو الي جابه حق نفسه

فششنا تواير سيارته كلها و خليت خاواني الصغار يزلغونها كامله من صدام لصدام ابحديده و كان عنده يوكن


و خليت الصبي يوقف عند المجلس عشان يناديني اذا جا الرجال


و لما ناداني طلعت الا قاعد يلعن و يسب و يشتم الهوا و طلع فعلاً عراقي


طلعت قلت له ترى انا الي سويت كذا في سيارتك

و ان كثرت كلام دخلتك المجلس و ما خليتك تطلع منه

و اعلى مافي خيلك اركبه

و اذا مب عاجبك روح مركز الصناعيه اشتك علي و دليته المركز خخخخخخخخخخخخ

و كان هلكلام حوالي الساعه 1 الفجر يعني خلصة المباريات و الظاهر كان سهران مع اللعيبه

المراد انه جاب مكينه و نفخ التواير و حرك و ما عاد شفت وجها مره ثانيه

و بعدها اذا كان في مباريات قمت اجيب طابوق اصفه دار مدار واجهة البيت

و حاط لافته و كاتب ممنوع الوقوف و الي بيوقف بطلب له الدوريه

و فعلاً مره واحد سوداني عاد ذي حظه اسود

انا طالع من الباب الي هو و رفيجه يظحكون و شايلين الافته و حاذفينه و قاعدين يصيلون الطابوق عشان يصفون

ناديت لهم اخواني و طلبنالهم الدوريه و عطوهم خالفه و تم يصيح شوي بس لان حركته خايسه ما سامحته

[bo3adel]

هاي الله يسلمك المسجد في فريجنا .. صليت ف مسجد ثاني وقلت بروح بيتنا من طريق ثاني ..وصلت قريب هالجامع اشوف العالم على كيفهم سادين الشارع ومسكرين على خلق الله ومعطلين المصالح .. ياخي على عيني وراسي تبي تلحق ع الصلاه وتبي تصلي بس مب انك تأذي خلق الله .. صف فوق الرصيف ولا قدام المسيد في براحه وارض فاضيه شكبرها تشيل ولا 100 سياره .. لاكن خلق الله على كيفهم يتفلسفون ويصفون اي مكان ..

ان شاء الله الاسبوع الجاي اي واحد يسد الطريق بحيث ان السيارات ماتقدر تمر يتخالف .. الشارع خطين رايح وخطين راد .. وكبير .. لاكن العالم يصفون خمس سيايير احذا بعض .. مايخلون اي مساحه حق الناس عشان تمر للاسف ..

الله يرحم ايام رمانه قلص الطراد .. تسوي ام الرعب

[q6ri_vip]

عاد هذا يهون ... عجل وش تقول ع جارك اللي قدام بيتك ومضيق عليك الشارع ومدخل البيت من مواترهم
لا وحتى الله يعزكم درام زبالته حاطها ع سور بيتي مااوصف لكم المنظر كلمتهم مره ومرتين وثلاث بس مافي فايده معهم ومب حلوه مني اشتكي ع جاري . الله المستعان

[bo3adel]

عاد هذا يهون ... عجل وش تقول ع جارك اللي قدام بيتك ومضيق عليك الشارع ومدخل البيت من مواترهم
لا وحتى الله يعزكم درام زبالته حاطها ع سور بيتي مااوصف لكم المنظر كلمتهم مره ومرتين وثلاث بس مافي فايده معهم ومب حلوه مني اشتكي ع جاري . الله المستعان

والله ياخوي قطري انا ضدك في سالفة مب حلوه اشتكي .. الحين وايد ناس ماقامو يقدرون حق الجار على الجار ولا يحترمون هالشي .. مع انه في الدين الاسلامي وفي عاداتنا وتقاليدنا وتربينا عليه ..

صارت لي سالفه مره كنت في بيت جدتي وسكر علي جارهم مصري .. طقيت الباب عليه مايرد .. ولاعياله يردون ونطرته فوق الساعه ونص كل شوي اروح له ومافي فايده وانا ادري انه ف البيت .. اتصلت ف الشرطه وجو جزاهم الله خير .. اول ماسمع صوت الدوريه عند موتره نزل وقال انا ماكنت ادري .. المهم تناحست معاه ومع الشرطي .. لان الشرطي كان يبي يهدي الموضوع ويقول اثنينا مخالفين .. ومن بعدها حلفت وقدام الشرطي ان كرر الحركه بشق توايره كلهم .. لانه ماحترم حق الجار .. ولانها مب اول مره يسوي هالحركه سواء فيني او في مواتر بيت جدتي

البلاد فيها قانون واخلاق .. بس بعض الناس قاموا يتعدون على القانون .. ومايلتزمون بالاخلاق ..

نصيحتي لك كلمه مره اخيره وقوله بوصلها للشرطه وبشتكي عليك .. وان مانفع معاه كلم الشرطه بيسحبون مواتره للشبك

[do7ani]

الشيخ حياك بصف لك مواتر نفس الصفه وبصور عشان تشوف ان نفس الصفه وطلع الموتر بدون ماتضرب الرصيف
لا تشوف ان في مساحه فالصوره
اول ماترجع شوي خلاص صدامك فبابه
اي ادري ان في احتمال تطلع تعرف اشلون
لازم ارجع واقدم وارجع واقدم 5 مرات عشان اطلع
انزين شالي يحدني ويمكن اشحف البي ام او الكروزر وهم مالهم شغل بس عشان انتو تقولون اعرف اسوق
حسافه ماصورت لكم من جدام ومن الهلكوبتر عشان تقيسون المسافه

مادريت ان ردي بيضايقك السموحه منك يالجوكر وحقك علي
بس القصد انك كنت تقدر تطلع الموتر بأي طريقه
:)

[elders]

موضوع مستفز ..والاكثر استفزازا انو على مسجد ...

http://www.qatarshares.com/vb/showthread.php?t=518851&highlight=%C7%E1%DA%C8%C7%CF





اي ادري ان في احتمال تطلع تعرف اشلون
لازم ارجع واقدم وارجع واقدم 5 مرات عشان اطلع


صح هيك بتطلع

[shadad]

كان رديت عليه ريوس وعطيته بصمة الصدام على بيبانه للعبره.

مالك حل وربي . وبالعشر الاواخر والحسنه بعشر امثالها. ونعم الحل .

صارت مره معاي وقفل علي واحد وانا كانت قافله معاي الف وانتظرت ويوم رجع لقيته .......... من اصحاب الاحتياجات الخاصه .. سبحان الله بس شفته وشافني اعتذر لي وانا ما كنت متوقع بس سبحان الله هو وقف قدامي لانه ما في باركنج والشارع ضيق وهو الله يشفيه ويعافيه وانا ما عذرته على تاخيره ابدا لان السبب منطقي. ( والا انا ما تفرق معاي لو الواحد يصك علي المهم ما يتاخر وايد )

خلاصة الكلام ياليت لو الواحد فينا يصبر شوي ويغفر للناس خطاويهم وينصح بالحسنى.

[قطري متواضع]

حصل خير انشاء الله بس اخوووي فيه مجال تطلع

[naif3]

الله المستعان

[qtr qtr]

مالك حل وربي . وبالعشر الاواخر والحسنه بعشر امثالها. ونعم الحل .

صارت مره معاي وقفل علي واحد وانا كانت قافله معاي الف وانتظرت ويوم رجع لقيته .......... من اصحاب الاحتياجات الخاصه .. سبحان الله بس شفته وشافني اعتذر لي وانا ما كنت متوقع بس سبحان الله هو وقف قدامي لانه ما في باركنج والشارع ضيق وهو الله يشفيه ويعافيه وانا ما عذرته على تاخيره ابدا لان السبب منطقي. ( والا انا ما تفرق معاي لو الواحد يصك علي المهم ما يتاخر وايد )

خلاصة الكلام ياليت لو الواحد فينا يصبر شوي ويغفر للناس خطاويهم وينصح بالحسنى.

اقول الحمدلله ولا اله الا الله .. اللهم تقبل صبامنا وقيامنا وأعمالنا ..

مافي داعي اوضحلك او لغيرك اخلاقي .. لان ربنا هو العالم مافي قلب المسلم ونواياه :)



وبعدين اخوي ترى يبين اذا هو من ذوي الاحتياجات الخاصه من الاستكر على السياره ..

وبعدين عادي اخلي التأمين يعدل له .. دافعين التأمين عالفاضي كل سنه 800 ريال تروح هوى.. :)[/b]

[ابن سينا]

انا عن نفسي عندي في السياره الي يفتح ابرة التاير افتح ابر اربع تواير وادخل المسجد لين يطلع الي عن يميني راعي لكروزر وخله يعابل توايره راعي الهوندا

[ولد قحطان]

يمديك تطلع شوف المسافة بينك وبين الكلوزر

ريوس ولف يسار
وقدم شوي وعقب طلعت

بين موترك وموتره مسافة من مترين لين مترين ونص

ولا كان في داعي تزعل او تنزل موضوع
ما تعرف ظروفه يمكن متاخر
يمكن مريض
يمكن ما فطن
يمكن دش الحمام وانت بكرامه

والدنيا رمضان

واللي يقولك ادعمه و لا رد عليه ريوس

وين حن في روسيا .....؟

اما الاخ اللي يقولك ببطل الابر اللي فالتواير الاربعه

للعلم ترى لو لمست سيارته يشتكي وهو راعي حق

هو مخالف ما اختلفنا
بس مالك حق تتعدى عليه

[دانوو]

بصراحه انا اسويها بس عند الدكان او المحلات الصغيرة
بحيث اني اشوف صاحب السيارة اذا وصل واحرك موتري
لكن عند المسجد وهَذي الاماكن اصف اخر الدنيا واكمل طريقي مشي
بس يحق لك تكلم المرور وما تتهاون وياه وتطالب بإتخاذ الاجراءات عشان يتعلم
يوقف في موقف او يروح بيتهم ابرك :anger1:

[ولد قحطان]

والله ما شاء الله عليك

فلك صبر و عندك حلم

لو انا كان خليت رمانة الجي توقع على بيبان موتره


بس جد في ناس ما تستحي


بيتنه عند استاد خليفه

و كان في مبارات و وقت المباريات حنى نتاذه وايد لان الناس تحاصر بيتنه ابمواترهم

بس يعني عادي نمشي يصفول دار م دار بيوتنا مع العلم بيتنا على 3 شوارع

و كان في حزات ناس تجي اتصف عند بيبان البيت ( 3 بيبان )

و كانو يضايقونه فكرت في حل و رحت شريت حواجز مثل مالة اعمال الطريق و قمت احطها حوالي البيبان

و مخلي باقي المساحات بس يعني احطها من البيبان 3 ولا 4 امتار عشان محد يصف قريب الباب


بس مره من المرات كان عندنا عشى و كان في بطوله

واحد نحيس و اعتقد عراقي لان اعلام العراق كانة داخل موتره

ما لقا مكان يصف فيه سياره الى على باب المجلس بالضبط و مقدم خشم موتره لين الباب

و ابكل وقاحه قبل ما يصف شال البويات و حذفهم في الشارع و صف السياره

و مثل ما قلت لكم فا انا حاطهم عن البيبان مترين او ثلاث بس عشان محد يصف و باقي الاماكن مفتوحه

والي يبي يصف كيفه فا الظاهر هذا العراقي كان يتليعن علينه

يعني كنه يقول تهبون تدخلون المجلس و فعلاً دخلنا الضيوف من باب الحوش و مشيناهم لداخل المجلس



بس والله ما سكت عنه و عاد ادري الي سويته غلط و جازيته ابجزاء اكبر من الي سواه


بس هو الغلطان و هو الي وصلني لهلدرجه و كيفه هو الي جابه حق نفسه

فششنا تواير سيارته كلها و خليت خاواني الصغار يزلغونها كامله من صدام لصدام ابحديده و كان عنده يوكن


و خليت الصبي يوقف عند المجلس عشان يناديني اذا جا الرجال


و لما ناداني طلعت الا قاعد يلعن و يسب و يشتم الهوا و طلع فعلاً عراقي


طلعت قلت له ترى انا الي سويت كذا في سيارتك

و ان كثرت كلام دخلتك المجلس و ما خليتك تطلع منه

و اعلى مافي خيلك اركبه

و اذا مب عاجبك روح مركز الصناعيه اشتك علي و دليته المركز خخخخخخخخخخخخ

و كان هلكلام حوالي الساعه 1 الفجر يعني خلصة المباريات و الظاهر كان سهران مع اللعيبه

المراد انه جاب مكينه و نفخ التواير و حرك و ما عاد شفت وجها مره ثانيه

و بعدها اذا كان في مباريات قمت اجيب طابوق اصفه دار مدار واجهة البيت

و حاط لافته و كاتب ممنوع الوقوف و الي بيوقف بطلب له الدوريه

و فعلاً مره واحد سوداني عاد ذي حظه اسود

انا طالع من الباب الي هو و رفيجه يظحكون و شايلين الافته و حاذفينه و قاعدين يصيلون الطابوق عشان يصفون

ناديت لهم اخواني و طلبنالهم الدوريه و عطوهم خالفه و تم يصيح شوي بس لان حركته خايسه ما سامحته

اخوي ما يجوز اللي سويته

صح هو ما استحى وصف حذا البيت
بس مفروض تطلب له الدورية
وخلاص
اما تفشش توايره وتشمخ موتره من الصدام للصدام
هذا حرام وما يجوز وتهدده بعد
لو مشتكي عليك بيسوي لك سالفة انت في غنى عنها

سو لك صبية او حدايد وفك عمرك

[عليه العوض]

السلام عليكم ورحمه الله وبركاته
شحالكم يالربع
وكل عام وانتو بخير
اخر ايام الشهر الفضيل بدت تنقضي اعاده الله علينا وعليكم ان شاء الله


المهم بدخل الموضوع


http://up.arab-x.com/may12/k4091760.jpg (http://up.arab-x.com/)

هالصوره توني مصورها

انا راعي الجمس وابي اطلع من المسيد يعني المسجد

معلومه بسيطه الصلاه خلصت 12 وربع بالضبط
انا طلعت من المسيد 12:25 االمسجد


راعي البي ام الي جنبي حرك موتره وانا بعدها قدرت اطلع ولا يمكن لين الحين انطره لين مايخلص سوره الكهف

يعني انا والله ماقلت شي ان وقف وراي
بس خاطري اعرف هو متاخر ع الصلاه وصاف غلط يصلي السنه ويقرى قران ليش
ترى عادي الواحد يصلي الفرض فالمسيد والسنه فالبيت
اما يعطل العالم ترى مايجوز لازم نحترم الناس
مب اصكر ع العالم والحجه الصلاه
وقف وخلص صلاتك واطلع ع طول

والله كسرت خاطر ابوي
يقولي تعال اركب معاي وبعدين تعال وخذ موترك

وبالتوفيق ان شاء الله

ما عليه سامحه

[A.L.I]

كان رديت عليه ريوس وعطيته بصمة الصدام على بيبانه للعبره.





:nice::nice::nice::nice::nice::nice:

[الخيالة]

نفس الشي صار لنا اليوم واحنا طالعين من البيت عشان ابوي يوصلني الدوام الا نشوف سيارتين لاندكروز وحده يمين و وحده يسار صافين ومسكرين الطريج يعني زين ان كان في طريج من صوب الثاني ولي كنت بتأخر ع الدوام والسبة هاذيله لآن عقب كلمت أبوي قال لما رجعت للحين كانوا في مكانهم

[عميد الريان]

كان نسمت توايره خليته يضرب جيك في هالحر

[ASK2]

احد الاخوه قالك والكاظمين الغيب

الشخص اللي سكر عليك ماراح اعلق عليه..تراني حاس فيك

تراك مش غلطان اذا اتصلت بالدوريات تيجي تسحب موتره..الصلاة انتهت..والشخص كان يجب يجي يحرك موتره..وذنبه على جنبه

بس للاسف بعض دورياتنا طيبين..ويقولون روح شوفه..او روحه ناده وخلاص..او يقولون لك انتظره ربع ساعه اذا ما جا...هالطريقه حلوه بارك الله فيهم..لكن لاتتساهلون وياهم وايد..عاقبوهم مره عشان يتوبون وبيحسون فيه اذا كانت السالفه فيها (فلوس) من دمه طالعه

:]

ههه اي انطر عاد ليت تييك الدوريه !!! بيي الريال وبشيل موتره والدوريه ماياااتك ...

[ASK2]

الصراحه في كثير مايستحوون

خصوصاً اللي بيوتهم حولهم عيادات او فيلة خدامات

يسكر على طريق بيوت خلق الله ولا يسكر على المكان اللي جايه

يعني جاي عياده تسكر على البيت اللي جنب العياده ولا يصف في مكان ويسكر على باب العياده مثلاً !!

اذا بتسكر سكر على العياده لا تسكر على خلق الله !! انت جاي العياده !!

ولين كلمته يقولك ماشفت شدعوه ماشفت !!

اللي عند المسيد بصيدك الموقف مره مرتين في الشهر ويمكن السنه لكن اللي تصيدهم هذه المشاكل يومياً عند بيوتهم شيقولون ,, وهو طالع وداخل يدور راعي الموتر اللي مسكر عليه !! تلقاه قاعد يسوي مساج او قاعد يركب تقويم ولا يسوي تنعيم حق البشره ..

والله لو مب الخوف من الله صدقني يطلع يشوف موتره رماد ولا مستوي قوطي بيبسي ..!!

واكثر ذي الاماكن اللي تصير فيها هذه المشاكل التخطيط فيها الله بالخير لا فيها علامات ولا مواقف ..

لكن اللي يقهر اكثر ان اللي يسون ذي الحركات قطريين مادري هو قطري ولا كاشخ يعني !! يعني يشوف بيت وعليه اسم راعي البيت فلان بن فلان وساعات بيوت حذها مجالس تابعه للبيوت ويجي هوو ويصف عند باب البيت او على طريق البيت او المجلس ويدخل العياده او صالون و..الخ !! شدعوه

والله ياخي في ناس قليلين حيا !!