ابي حد يسوي رصيف وانترلوك وحواض زراعه حولين البيت

[صــوت قطــر]

السلام عليكم

بالربع مثل ماهو واضح من العنوان

ابي حد يسوي رصيف وانترلوك وحواض زراعه حولين البيت

علما البيت على 3 شوارع

وبيض الله وجيهكم على كل حال

[Bozizoo]

اخوي نصيحة لك أبدا الشغل او تدور عمال على شهر ٩
العمال أرخص الايااام ذي كل شي غالي ولا تحصل عمال بسرعه
اكثرهم مايشتغلون في رمضان

[بن غيث]

حاول تبدع وتتفنن في الزراعة والتنسيق
لانها بتعطي منظر جمالي للبيت من ثلاث جهات
موفق ان شاء الله

[السد]

بس السؤال
هل الواحد ممكن يسوي رصيف وانترلوك وحواض زراعه حولين البيت
قبل استلام رخصة البناء
لان اللي سمعته ما يصير وكذا شخص تخالف بسبب الزراعة خارج البيت

[روح الاطلس]

^


ليش الدولة تمنع الزراعه خارج البيت!!! كل البيوت امامها حصى وتراب والزراعه تعطي منظر جمالي ممكن يشرطون فقط حشيش او نباتات معينه بدون زراعه الاشجار اللي جذورها تضرب بالارض

[السد]

يا ريت احد يفيدنا

[بن غيث]

اهم شي تبعد عن الكيبل الارضي
انا شخصيا لعوزوني اول الايام عقب ملوا مني

[السد]

كيف لعوزوك؟

[بن غيث]

كل اسبوع يجوني لو سمحت ممنوع زراعة الشجر برع والمرة الثانيه ليه جينا بنجلعله لك .. مرات اهاوشهم ومرات اشربهم بارد .. وصرنا ربع
عقب قمت ازرع نخل وشجر عادي .. بس اني ابعد عن الكيبل الارضي وما اقرب الماي صوبه ..

[@الأدعم@]

انا زرعت وخسرت وبالاخير جو عمال وحفروا قدام بيتي وكل شي راح :(

[@الأدعم@]

اخوي روح المشاتل ورا سوق العماني عماله رخيصه ويسون لك كل شي

[بو الجوري]

و الله أنا فكرت أسوي ، لأنه قدام بيتي حصا ورمل تقريبا 6 أمتار وعقب الشارع الرئيسي :..

بس نصحني المقاول أخليها عقب ما أستلم شهادة إتمام البناء ، يعني عقب العيد بإذن الله :..

عالعموم يا ريت حد يفيدنـا ويجاوب على سؤال راعي الموضوع :)

وبعد بغيت أسال من وين أسوي قار من الشارع لباب السيارات !!
وهل يكلف ؟

[صــوت قطــر]

بيض الله وجيهكم جميع

[بو الجوري]

امس شفت صوب بيتي الجديد هالرصيفين :..

اللي فيه زرع رهيب ما شاء الله :..


ياريت حد يعطينـا رقم واحد يسوي هالسوالف :)

http://im18.gulfup.com/2012-08-16/1345101543441.jpg (http://www.gulfup.com/show/X2clvyq2l9fk00)


http://im18.gulfup.com/2012-08-16/1345101543862.jpg (http://www.gulfup.com/show/Xl5gv2257ez6)

[بو الجوري]

هل حد عنده فكره إذا أبغي أحط إسفلت من مدخل السيارات للشارع
كم يكلف تقريبا 4*7
وهل مسموح :)

يعني الواحد يغسل موتره ومستانس وأخيرا بيصف موتره فالحوش :shy:
وآخرتهـا رمل قدام البيت :(

أكيد الدوله بترتب مدخل الخدمات نفس ماسوو في بعض المناطق
لكـن يبيلهـم سنتين يمكـن لين يجون صوبنـا :)

وبس و الله خخخخخخ

[Chambray]

بوالجوري مب شئ تحط مبلغ وقدره في قار للشارع الرئيسي شوي الا اشغال مخربه القار علشان تمديد بيبات او مجاري او اي شئ ثاني طبعاً مستحيل بيجون يستأذنون منك .. والرأي لك :)

وعلى فكرة لازم تصريح

او تعرف شركة تشتغل لك بالخفاء ( في الليل ) ..

وموفق ان شاء الله

[بو الجوري]

^
صادق يا مشرفنا

بس بنشوف عقب العيد :)

يعني مافي stp بعد الغسيل ههههههههه

[ابو رها]

السلام عليكم

كل عام وانتم بخير وعايدين للعيد

بقدم نصيحه للي بيحط نجيله عند الباب او داخل الحوش

افضل شي النجيله اليابانيه الناعمه ماتصير طويله بسرعه تستمر قصيره وتتحمل انواع الاجواء الحاره والبارده والرطبه وقليله باستهلاك المياه وماتحتاج صيانه الا بعد خمس او ست سنوات تطول تقريبا من 10 او 15 سم وممكن تضيفلها هضبات واشجار زينه صحراويه ع مدار العام خضراء*

وابعد عن النجيله الامريكيه او الهولنديه لانهم يلعوزون بالصيانه




بالنسبه للقار انتم ابخص بنظامكم لكن فيه بديل
سوي بردورات رصيف او بلوك على اطراف مدخل السياره وافرش الطريق
كنكري مقاس 4/3 وترتاح من اي مخالفه وتحافظ على نظافة السياره*
وميزته يمتص المويه

دخلت عرض عليكم بس حبيت اشارك بمعلومه ممكن كثير ناس تعرفها

اسف ع الاطاله

تقبلوا تحياتي
اخوكم ابو رها

[فارس قطر]

اخوي على حسب المنطقة

اذانت من سكان الدفنة او المنتزة لازم تصريح من البلدية

اما المناطق الثانية على حسب هوا ء المفتشين في بلدية الريان والوكرة

[بو الجوري]

تسلم يا بو رها :.. شرفنا تواجدك


فارس قطر
أنا مع بلدية الريان