طريقة عمل القهوة العربية

[QaTaR MaFia]

السلام عليكم

اخباركم عساكم طيبين :) , بغيت اسألكم اشلون اضبط القهوة العربية بالتفصيل
تعبت من كثر ماحاولت :weeping: , ومحد بالبيت يعرف يضبطها :rolleyes2: ..

[بن غيث]

ملعقتين قهوة .. ملعقة صغيرة هيل مطحون .. 7 حبات مسمار .. ملعقة صغيرة بهارات قهوة
ماء ورد في الدله .. وبالعافيه

[لاجل QT]

دلة خاصة بعمل القهوة المتوسطة..تترسها ماي لين ثلاث ارباعها..4 ملاعق ك قهوة محموسة مع هيل وزعفران ومطحونة..ملعقة ك هيل مطحون وتتركها لين تفوح خلها 5 دقايق..واذا حاب ضيف مسمار ضيف 4 حبات..

في دلة التقديم حط ملعقة صغيرة هيل وزعفران
عقب صب القهوة الساخنة في دلة التقديم

[عاهد بن علي]

اذا تقدر تجيني المحل اعلمك ما عندي مانع راسلني على الخاص
لان الشرح العملي غير
والاعداد يختلف من قهوه الى قهوه

[غايه الطواش]

كان ودي اساعدك بس لاني الي اشربها ولاني الي اعرف اسويها :)

[doha2012]

,



على حسب قهوتك .. اللي خالطها

يعني هل هي رقم 1 او 2 او 3 او مخلوطه من بعض يعني تبيها فاتحه ولا غامقه


وبعدين الخلطه .. حسب الخلطه فيه جاهز فيه تسويه بنفسك


حدد اولا نوعية قهوتك والخلطه وكيف تبيها تكون غليظه او خفيفه وهل تبي الخطله مع القهوه او بنفسها ..

وبعدين اطبخها حسب الكميه ..الافضل تخليها تطبخ كثير












,

[QaTaR MaFia]

يعطيكم العافية جزاكم الله خير ماقصرتوا :)

[قطري !]

لايمكن ان تعرف كيف تسوي القهوة بالشرح



لازم تشوف اللي يسوي القهوة قدامك لان لها نسبة وتناسب ,,, يعني يزيد الماء لازم تزيد كمية القهوة والهيل... اذا نقصت الماء نفس الشي تنقص كمية القهوة والهيل


الافضل تروح حق احد يعرف يسوي قهوة عدل وتشوفه مرة ومرتين ...

[qatarman8008]

باختصار:
3 ملاعق طعام قهوة عربية ( يفضل يمنية ) صافي من غير اضافات ... ( بالنسبة لي اخذ رقم واحد ونص من محلات الجنوب )
لتر ونص ماء ... يفضل من الفلتر
ملعقة هيل مطحون .. ( الامريكي درجة ثانية بعد الهندي لكن نكهتة مع القهوة تطلع احلى )
بهارات قهوة حسب الرغبة ... ( بالنسبة لي شوية مسمار مطحون + شوية قرفة مطحونة )

اول شي تغلي الماء ... ثم تخفف عليه النار
اضف ملعقة قهوة واحدة في البداية .. اتركها تغلي بهدوء لمدة دقيقتين ... ثم ضع الملعقة الثانية ... اتركها تغلي لمدة خمس دقائق ... ثم صب اشوي وشوف .. هل تناسبك كذا والا تحبها اثقل او اخف !!!
اذا خفيفة ... اضف الملعقة الثالثة ... اتركها تغلي لمدة خمس دقائق ...
انا افضل عدم اضافة اي بهارات للقهوة وهي تغلي لان هذا الشي يخرب لون القهوة ( يميل للسواد ) وايضا يخرب الطعم .. يطلع فيه حموضة تزيد تدريجيا مع الوقت ..
الزعفران هو متطاير ... فاذا غليته تبخر اسرع من الماء وصار لون بلا نكهه
البهارات والزعفران والهيل كله في الدلة ... ثم يضاف عليها القهوة بواسطة مشخال ...
انتظر 10 دقائق عالاقل قبل تقديم القهوة ... حتى تطلع نكهة البهارات والهيل والزعفران بشكل واضح ...
خذ لك قطايف بالمكسرات .. وكنافة بالجبنة ... وشوف الشغل !!!

هههههههه

[QaTaR MaFia]

^
ماقصرت الشيخ :)