ساعدوني وانصحوني ( العلاج فالخارج ) ^عاجل^ [الأرشيف]

مشاهدة النسخة كاملة : ساعدوني وانصحوني ( العلاج فالخارج ) ^عاجل^

qatare999

11-08-2012, 11:21 PM

السلام عليكم ورحمة الله وبركاته

كل عام وانتو بخير جميعا

اتمنى من ذوي الخبره ان يساعدوني وينصحوني بالنسبة لموضوعي الي هو العلاج فالخارج

عندي الوالد الله ايطول بعمره اكتشفنا من كم شهر ان فيه مرض السرطان في القولون والكبد وغشاء البطن الله ايكافيكم شره ويشفي كل مريض

بعد عناء مع مستشفى حمد العام قدرنا بتوفيق من الله سبحانه وتعالى ان يكون علاجه فالخارج

الي ابيه من الي لهم خبره المعلومات كامله والله يعطيكم العافيه ويشفي مرضى المسلمين كلهم

س1: ابي اسم افضل مستشفى لعلاج السرطان وفي اي دوله ؟

سألت كمن شخص وصار عندي ترتيب لثلاث دول هم
اولاً امريكا ثانياً المانيا ثالثاً بانكوك

بالنسبة لبانكوك انا كنت حاط فبالي العلاج هناك لان الوالد من طبعه ان يتملل بسرعه ويقرر يرجع وقلت بانكوك اذا جلس تحت عند المطاعم والمقاهي ماراح يحس بالملل لكن قالي شخص انه راح علاج مع اخوه والي اكتشفه ان العلاج في المستشفى الامريكي هناك عباره عن شغل تجاري يعني اهم شي عندهم الفلوس اما العلاج فاشل ياليت حد يأكد المعلومه اذا في حد له خبره عن بانكوك

وسمعت عن الصين وتجميد الورم الي اشوفه ان كلام بلاك بيري لان يقولون ان قناة الجزيرة اذاعت عن العلاج فالصين وماشفت او حد رسل التقرير عن قناة الجزيرة وبعد ارسلو ان فالهند دكتور يعالج بالاعشاب اذا في حد يعرف حد راح وعلاج اتمنى يفيدنا

اتمنى من الي يعطيني اسم المستشفى يعطيني تفاصيل السفر لان ماعرف حد راح وعاش التفاصيل

س2: السكن ؟ وهل لازم احجزه قبل السفر

لان سمعت ان في امريكا السكن عباره عن مجمع تجاري وفيه حارس فـ كيف احجزه من قطر

س3: افضل طريقه للمواصلات ؟

س4: شنو لازم اسوي اول ما اوصل هل لازم اروح المسشتفى او السفارة مع الوالد على طول او لا ؟

س5: ان كان العلاج في امركيا او المانيا هل في محضورات مثلن مايصير تطلع بعد وقت معين او اي شي من هالنصايح .

س6: اللباس ؟

وكل التفاصيل الي مب عارفها ليت الي لهم تجربه يذكرونها

والله يعطيكم العافيه

والله يشفي جميع مرضى المسلمين

وتحياتي للجميع

intesar

11-08-2012, 11:23 PM

الله يشفي الوالد ان شاء الله..
ويفيدونك الأخوان..

عبدالله 2022

11-08-2012, 11:28 PM

بانكوك

اول كان المستشفى الامريكي ممتاز بس تحول الى مستشفى تجاري بحت

وانا انصحك بمستشفى بانكوك الملكي والمكتب القطري الطبي هناك

برشلوني قطر

12-08-2012, 12:49 AM

الله يشفي الوالد ويعطيه الصحه والعافيه..

اعتقد لذي الامراض عندك امريكا ف هيوسن..

اخوي لجنة العلاج فالخارج او الدكتور الي يعالج عنده ما انصحه ع مستشفى معين ؟؟

اول شي شوف المكان الي بتروح له وباقي الامور ان شاءالله سهالات وبتترتب..

وبشكل عام اعتقد العلاج ف امريكا رقم 1 والله اعلم..

واسأل الله العظيم رب العرش العظيم ان يشفي والدك ويرده بالسلامه ان شاءالله

حميداني

12-08-2012, 12:51 AM

أهم شي لا تسوي غلطتنا وتخليهم يعالجونه عندنا اهني ...

بسالك من واحد خذ امه اهناك والحمدالله عالجوها واقتصو منها الورم , بشوف وين كان فيه باقرب وقت
والله يشفيه ابوك ويقويه

البحار00

12-08-2012, 12:53 AM

ياالله في هالليالي المباركه

انك تشفيه وتطول بعمرة

ماتشوفون شر ياخوي

(محمد)

12-08-2012, 01:05 AM

لا بأس طهور ان شاء الله

عن تجربة الوالد الله يحفظه ويطول بعمره على طاعة الله تعالج في بانكوك الملكي ... عند الدكتور تنافون

الوالد كان عنده الكبد والدوحة قالوا ميئوس منه كم شهر ويموت مافي فايده من علاجه .. وديته على حسابي .. وهالدكتور بعد الله سبحانه تعالى ولله الحمد والمنه عالجه بعملية واحده فقط .

لكن كان من سنين مادري شلون الحين .. وعندهم فندق في نفس المستشفى والافضل الاتصال والحجز قبل السفر ... وفيه فنادق قريبه ومطاعم اسلامية وعربية ... والجو مناسب واسعارهم جيده مناسبه.

وهذا هو الدكتور .. وتقدر تاخذ موعد .
http://www.bangkokhospital.com/index.php?p=doctor_profile&DrID=869

وعلى فكرة هالدكتور يسافر امريكا للعمليات هناك ... لانه الافضل في هذا المجال
وفقكم الله ويسر امركم وشفى مريضكم

مليت

12-08-2012, 01:33 AM

الحمد الله على كل حال عسى ربي شفيه ويشفي كل مريض اللهم امين يارب العاملين

الحمد الله اليوم الانترنت ووسائل البحث كثيره ووسائل العلاج تطورت كثير اقرا اهذا الخبر توه من خمس ايام
http://www1.youm7.com/News.asp?NewsID=749812&SecID=245&IssueID=0

نتفـه

12-08-2012, 02:00 AM

الله يشفي الوالد ان شاء الله ويطول لكم بعمره ان شاء الله الاعضاء يفيدونك ..

الـمـحـنـك

12-08-2012, 02:25 AM

http://t.co/zuXqjr6Z هذا اسم المستشفئ في الصين اسمه فودا وموقعهم فيه اللغه العربيه ونجاح ٥٠٠٠ عمليه حسب تقرير الجزيره اسأل الله الشفاء العاجل للوالد ولكافة مرضى المسلمين

وحيد-الشوق

12-08-2012, 02:30 AM

روح امريكا هي الافضل بعد الله سبحانة وتعالى

رمح الشمال

12-08-2012, 02:43 AM

اخوي بنسبه لحاله أبوك أنصحك تروح هيوستن افضل و بنسبه لترتيبات السكن فيه شخص امريكي من اصل سعودي اسمه ماجد القحطاني هو الي رتب لنا السكن هناك و هذا رقمه بعد اذا الادار ة18322797887+

عيون الدوحة

12-08-2012, 02:58 AM

وش تبي بتايلند
خلك على امريكا ولا المانيا

وارث العز

12-08-2012, 03:27 AM

اخوي مستشفى ام دي اندرسون في هيوستن تكساس الاول على العالم واذ على السكن لاتشيل هم اذ قررولك امريكا طرشلي على الخاص بخصوص السكن والمجمع الي بتسكن فيه كله قطريين والحمدلله تقول اخوان ومايقصرون مع ربعهم ماتشوفون شر

هارودز

12-08-2012, 03:52 AM

الله يشفي الوالد ان شاء الله ومايشوف شر

بوحمد1

12-08-2012, 03:55 AM

اول الله ثم هيوستن هي الجهه المناسبة كما ذكروا الاخوان
انا رايح لها اخر اغسطس
الله يشفي الوالد من كل شر
بخصوص ترتيب السكن والمواصلات عندك الاخ مأمون +1 (713) 459-1778
حط زايد واحد من اليسار بدل اليمين

جادووور

12-08-2012, 04:44 AM

اسأل الله العظيم رب العرش العظيم ان يشفي الوالد ماعندي اي معلومات عن العلاج بالخارج والاخوان جزاهم الله خير ماقصروا اللي اقدر افيدك فيه اذكرك بقراءة القراءن والدعاء وماء زمزم فهو شفاء لما شرب له واليقين ان العلاج بيد الله وهو القادر على شفاءه بأذن الله

الصغيره

12-08-2012, 04:49 AM

الله يشفيه

الصين متقدمين بالكبد وتايلاند بعلاج السرطانات ما عليهم كلام

صل الاستخاره

المليونير الفقير

12-08-2012, 05:09 AM

نصيحه من اخوك امريكا وبس لاتايلند ولالندن ولا المانيا

ضوى

12-08-2012, 05:15 AM

خلك على هيوستن خبرة وكفاءة وان شاء الله ربي يمن عليها بالشفاء العاجل اميييين

q6ri_vip

12-08-2012, 05:25 AM

الله يشفي مريضكم أن شاء الله ... أمريكا تخصصهم بعلاج مثل هالأمراض

qatare999

12-08-2012, 12:48 PM

الله يشفي الوالد ان شاء الله..
ويفيدونك الأخوان..

مشكور وماقصرت ويشفي مرضى المسلمين كلهم ان شاء الله

qatare999

12-08-2012, 12:57 PM

اخوي بنسبه لحاله أبوك أنصحك تروح هيوستن افضل و بنسبه لترتيبات السكن فيه شخص امريكي من اصل سعودي اسمه ماجد القحطاني هو الي رتب لنا السكن هناك و هذا رقمه بعد اذا الادار ة18322797887+

مشكور ويعطيك العافيه يالغالي

qatare999

12-08-2012, 12:58 PM

qatare999

12-08-2012, 12:59 PM

qatare999

12-08-2012, 01:00 PM

بويعقوب

12-08-2012, 01:04 PM

أسئل الله العظيم رب العرش العظيم انه يشفي ابوك

اللهم اشفي كل مريض وسقيم

naif3

12-08-2012, 02:03 PM

الله يشفي والدك
ويشفي جميع مرضي المسلمين

ابوالحارث

12-08-2012, 06:58 PM

الله يشفي والدك و جميع مرضانا و مرضى المسلمين

ارسل لي رقم تلفونك على الخاص و ابشر بالخير

بوراشد82

13-08-2012, 02:51 AM

الله يشافي الوالد بقدرته سبحانه،، ان شاء الله مايحتاج لا مستشفى ولا غيره،، عليكم بالصدقات

captin

13-08-2012, 07:55 AM

أسأل الله الشفاء العاجل لوالدك
والله سبحانة وتعالى هو الشافي المعافي لكن الواحد ياخذ بالأسباب
ويدور العلاج ويسعى ,, حاليا أمريكا هي الأشهر في علاج امراض السرطان
وبالتحديد مدينة هيوستن بولاية تكساس

وأشهر مستشفيين فيها هم

أم دي أندرسون متخصص في الأورام
http://www.mdanderson.org/

هذا موقعه بالأنجليزي ومعلومات عنه

والمستشفى الثاني في هيوستن ميثوديست هو مستشفى عام لكن به قسم السرطان قوي جدا
وفيه حاليا عدد من القطريين يتلقون علاجهم وعندهم مكتب العلاقات الدولي للمرضى اللي قادمين من خارج الولايات المتحدة وبه عدد 5 منسقين يتكلمون اللغة العربية منهم الدكتور احمد وحليمة وكارلا لبنانية ومحمد ورولا http://www.methodisthealth.com/

بالنسبة لترتيبات القدوم إلى هيوستن بعد ماتوافق اللجنة يرسلون طلب للملحق الطبي في واشنطن ويطلبون لكم موعد اول ما يجي الموعد ترتب نفسك للسفر طبعا على رحلة القطرية اليومية إلى هيوستن

قبل السفر بأسبوع او أكثر تتصل باحد الأشخاص اما بمأمون على رقم 007139548771
أو تتصل بواحد ثاني أسمه عماد على رقم 0017132690673
الأثنين عندهم سكن وتأجير سيارات . اذا اتصلت بواحد منهم اتفق على كل التفاصيل والاسعار من البداية .

بالنسبة للسكن عندك خيارين

الأول مجمع أسمه سان مليا San Melia

http://www.lincolnapts.com/houston/san-melia-houston-apartments/
وهذا فيه اغلب القطريين في هيوستن وفيه مجلس يتجمعون فيه الشباب وفيه أيضا عدد من الخليجيين من الكويت والامارات بالإضافة الى الأمريكيين اللي ساكنين بعقود طويلة.
انا شخصيا سكنت فيه وما عجبني من ناحية الموقع .

الثاني مجمع أسمه الأكسن Alexan

http://www.alexanmainstreet.com/

هذا موقعة بوسط المدينة على الشارع الرئيسي وأسعاره اغلى شوي من الأولي وأرقى
وميزته انه قريب جدا من المستشفيات وجنبه على طول سوبرماركت كبير Target هذا تروح له مشي أنت او الاهل وأيضا سوبرماركت ثاني اسمه Fiesta .
هذا المجمع فيه أيضا عدد من القطريين والخليجيين وفيه أمن وكثير من
الأحيان تكون دورية شرطة واقفة بالمواقف في الليل.

بالنسبة للسيارة اخذ معاك رخصة دولية من سفريات ريجنسي احتياط ورخصتك القطرية ماشية
اذا معاك اسرة كبيرة تحتاج فان او تاهو واذا العدد قليل كامري تكفيك لان البترول غالي جدا ولا تنسى تجيب معاك GPS عليه خرائط أمريكا حديثة.

ما تشوفون شر والله يطمنكم على الوالد

H B A

13-08-2012, 04:43 PM

اسأل الله العظيم رب العرش العظيم ان يشفي والدك ويرده بالسلامه ان شاءالله

Northqatar

13-08-2012, 07:27 PM

السلام عليكم

ماتشوفون شر

والأخوان ماقصروا

بس لى انا لى رأي

انك تروح ادارة المكتب الطبي للعلاج بالخارج
وتدخل على الدكتور / أشرف
سكرتير اللجنة الطبية

وتقوله عن حالة الوالد

(( و وضح له ان العلاج على احسابكم ))

وهو بيرشح لك الدكتور المناسب

وانا من رأى تسأل عن مستشفى في المانيا اعتقد اسم المستشفى :

مستشفى جامعة هانوفر

و للعم هذي الأدارة هى المعنية بانها تاخذ لك مواعيد وتنسق لك مترجم من السفارة يكون متواجد معاك اثناء المواعيد وسيارة تاخذكم من المطار الى المواعيد

حتى لو كان العلاج على احسابكم

وأســـــــــــال الله العظييم رب العرش العظيم
ان يشفي الوالد وان يتجاوز عنه

qatare999

14-08-2012, 10:38 PM

أسأل الله الشفاء العاجل لوالدك
والله سبحانة وتعالى هو الشافي المعافي لكن الواحد ياخذ بالأسباب
ويدور العلاج ويسعى ,, حاليا أمريكا هي الأشهر في علاج امراض السرطان
وبالتحديد مدينة هيوستن بولاية تكساس

وأشهر مستشفيين فيها هم

أم دي أندرسون متخصص في الأورام
http://www.mdanderson.org/

هذا موقعه بالأنجليزي ومعلومات عنه

والمستشفى الثاني في هيوستن ميثوديست هو مستشفى عام لكن به قسم السرطان قوي جدا
وفيه حاليا عدد من القطريين يتلقون علاجهم وعندهم مكتب العلاقات الدولي للمرضى اللي قادمين من خارج الولايات المتحدة وبه عدد 5 منسقين يتكلمون اللغة العربية منهم الدكتور احمد وحليمة وكارلا لبنانية ومحمد ورولا http://www.methodisthealth.com/

بالنسبة لترتيبات القدوم إلى هيوستن بعد ماتوافق اللجنة يرسلون طلب للملحق الطبي في واشنطن ويطلبون لكم موعد اول ما يجي الموعد ترتب نفسك للسفر طبعا على رحلة القطرية اليومية إلى هيوستن

قبل السفر بأسبوع او أكثر تتصل باحد الأشخاص اما بمأمون على رقم 007139548771
أو تتصل بواحد ثاني أسمه عماد على رقم 0017132690673
الأثنين عندهم سكن وتأجير سيارات . اذا اتصلت بواحد منهم اتفق على كل التفاصيل والاسعار من البداية .

بالنسبة للسكن عندك خيارين

الأول مجمع أسمه سان مليا san melia

http://www.lincolnapts.com/houston/san-melia-houston-apartments/
وهذا فيه اغلب القطريين في هيوستن وفيه مجلس يتجمعون فيه الشباب وفيه أيضا عدد من الخليجيين من الكويت والامارات بالإضافة الى الأمريكيين اللي ساكنين بعقود طويلة.
انا شخصيا سكنت فيه وما عجبني من ناحية الموقع .

الثاني مجمع أسمه الأكسن alexan

http://www.alexanmainstreet.com/

هذا موقعة بوسط المدينة على الشارع الرئيسي وأسعاره اغلى شوي من الأولي وأرقى
وميزته انه قريب جدا من المستشفيات وجنبه على طول سوبرماركت كبير target هذا تروح له مشي أنت او الاهل وأيضا سوبرماركت ثاني اسمه fiesta .
هذا المجمع فيه أيضا عدد من القطريين والخليجيين وفيه أمن وكثير من
الأحيان تكون دورية شرطة واقفة بالمواقف في الليل.

بالنسبة للسيارة اخذ معاك رخصة دولية من سفريات ريجنسي احتياط ورخصتك القطرية ماشية
اذا معاك اسرة كبيرة تحتاج فان او تاهو واذا العدد قليل كامري تكفيك لان البترول غالي جدا ولا تنسى تجيب معاك gps عليه خرائط أمريكا حديثة.

ما تشوفون شر والله يطمنكم على الوالد

الله يعطيك العافيه وجعله في ميزان حسناتك مشكور وماقصرت

qatare999

14-08-2012, 10:57 PM

اشكر كل الي شاركو بالرد ان كان بدعاء او نصيحه
الله يعطيكم العافيه
في ميزان حسناتكم ان شاء الله

وكل عام وانتو بخير

Dana’1

15-08-2012, 12:03 AM

اسأل الله العظيم رب العرش العظيم أن يشفية
وإن شاءلله تروحون وتردون بالسلامة