أرضيه رخام للحمام ..

[Chambray]

السلام عليكم ، ارغب في تركيب رخام في ارضيه حمام من حمامات الفيلا

فهل ينفع اركب رخام ؟
المساحة صغيره 3 في 3ونص تقريباً

هل الكريم مارفيل ينفع؟ لاني ابيه بنفس لونه تقريباً

[ولد المنصور]

والله ياخوي ,, حسب علمي ماظنه يستحمل ...
وفي انتظار الاعضاء يفيدونا

[Chambray]

والله ياخوي ,, حسب علمي ماظنه يستحمل ...
وفي انتظار الاعضاء يفيدونا

شلون مايستحمل؟؟

[شموخ دائم]

,

,


مرحبا

اخوي الكريم

حلو السؤال

بلاشك انه راح يطلع بقمه الجمال الرخام عالم جميل

لكن راح تواجهك مشكلتين في رخام الحمام

1

اول مشكله الكريم مارفيل ما يصلح للحمام لانه راح يتاثر بالغسيل واستخدام الصابون والمنظفات اليومي وراح يطلع بقع مع الوقت وراح تتضايق منها

2
مشكله سطح الرخام املس وناعم ومع الماء راح يسهل عمليه الانزلاق والسقوط لاسمح الله

لكن هناك فنادق تستخدم الجرانيت بدل الرخام للحمامات وطالعه جميله ومافيها بقع
لان الجرانيت هو السر اقوى من الرخام

http://www.refreshkitchenandbathrooms.com/USERIMAGES/IMGP0731.JPG

هذا فندق مستخدم جرانيت اسود ممتاز ومستحيل يطلع فيه بقع ويصلح للمطبخ ايضا
اسمه جالكسي وفي نوع اسمه ابسولتلي بلاك

واذا تحب لون ذهبي او زاهي او البيج استخدم

http://www.danielskitchenbath.com/Granite%20bathroom%20one%20piece%20slab%20floor.jp g

هذا جرانيت برازيلي ممتاز كجوده ويصلح للحمام والمطبخ اذا تحب التجديد والتغيير ولارضيه الغير عاديه
كأنه نمر منسدح
:)


http://www.directfrommines.com/product_image/1209396229Sahara_Beige.jpg

Sahara Beige Granite
هذا بيج وهادي

:)

على فكره الناس ( بقطر ) ماعندهم ( الجرائه ) في التغيير
لسه مادخل علينا استخدام الجرانيت في الحمامات

في دول كثيره هذا شي عادي وقديم

احنا لسه في مرحله ( نركب مكيف وندوز او سبليت )
سخان عادي او بالسطح
ههههه

نصيحه
اذا المكان بيدخلونه كبار السن لا تركب جرانيت الا وتحط مانع انزلاق
في وسط الحمام وقريب المغسله

موفق اخوي

,

,


اخوك

شموخ دائم‏

[بن غيث]

يعطيك العافية شموخ دائم على هذا التوضيح

[Chambray]

اخوي شموخ دائم .. :)
نورت المنتدى مب الموضوع خخخخخخخخخخ ..

مشاركة قيمة اعطيها 10+

بخصوص الجرانيت النمري صراحة عجبني .. وين نحصل نفسه؟

[بن غيث]

اخوي شموخ دائم .. :)
نورت المنتدى مب الموضوع خخخخخخخخخخ ..

مشاركة قيمة اعطيها 10+

بخصوص الجرانيت النمري صراحة عجبني .. وين نحصل نفسه؟

الجرانيت الكشميري
وموطنه بيرو
ويطلب طلبيات خاصة .. غير متوفر بالسوق

[B7r_QTR]

,

,
نصيحه
اذا المكان بيدخلونه كبار السن لا تركب جرانيت الا وتحط مانع انزلاق
في وسط الحمام وقريب المغسله


شموخ دائم‏


بيض الله وجهك اخوي شموخ دائم
فكرة الجرانيت ممتازة الصراحة
لكن هذا معناته الجرانيت معرض للنزلاق بعد؟

[شموخ دائم]

,

,


مرحبا

بن غيث


حياك الله يا غالي
ما شاء الله من الناس المهتمه بالرخام ومن المتابعين له
دوم لك تواجد في مواضيع الرخام وهذا يدل على خبره وعشق لهذه الماده

انا تعرفت على هذا النوع في احد المعارض المتخصصه في الرخام واعجبني كثير
بالفعل يعمل فرق بالمكان

,

,


اخوك

شموخ دائم

[شموخ دائم]

,

,


مرحبا

Moyen Orient


النور نورك ولايهون الجميع
:)

حيالله اهل فرنسا

مثل ما تفضل اخوي بن غيث اسم الشهره له كشميري
ويكثر في جبال دول امريكا الجنوبيه مثل بيرو والبرازيل
وموجود في الدوحه البرازيلي منه واسمه ( قولد )
شفته مره عند الرخام الذهبي جلال
قبل سنه كان موجود عنده لكن الدرجه الفاتحه منه وعروقه قليله
بصراحه الي فيه العروق الكثيره اجمل وماشفته في الدوحه

,

,


اخوك

شموخ دائم

[شموخ دائم]

,

,


مرحبا

B7r_QTR


اخوي الكريم

كل الاسطح الي فيها لمعه وناعمه فيها خطوره في الحمام
السيراميك او الرخام او الجرانيت او البورسلان ما تختلف خطورتها

كل ما كانت فيها درجه خشونه تكون احسن واضمن عن الانزلاق والسقوط

وممكن نعمل تخشين للجرانيت والرخام من نفس المكان الي نشتري منه
يعملون له صنفره بدرجه خشونه معينه حتى يصلح للحمام
ويحتفظ بلونه وجماله يكون شوي مطفي بعد الصنفره



,

,


اخوك

شموخ دائم

[بن غيث]

جزاك الله خير اخونا شموخ دائم
من النادر جدا ان يعرف مقاول هذا النوع من الجرانيت
وانا في البداية استغربت ان في مقاول يعرف الانواع النادرة من الجرانيت
بس واضح انك فنان ومبدع ومب مقاول عادي
بس طال عمرك في نوع اندر منه وهو الغابة الممطرة بالوانه الاربعة المميزة
وانا بعرضهم كلهم في المعرض الخاص الي اقدمه كل سنة
وانت لازم تحضر هذه المرة لان المرة الي طافت فوتها لك .. لانك شخص مميز جدا
وطبعا في دعاوي بتوجه لبعض الاعضاء المهتمين في هذا المجال

[شموخ دائم]

,

,


مرحبا

بن غيث

تسلم اخوي الكريم

اتشرف بالتواجد معاك بارك الله فيك
تعرف مشاغل الدنيا لكن وعد باذن الله اتواجد بالفتره الجايه
ونزورك دوم في مكتبك ونشرب الكوفي معاك
:)

اهتمام الرخام قديم من قبل العمل في المقاولات وما زلت
يكفي بس تدخل مكان فيه رخام تنشرح النفس له من جمال الوانه وتدرجاته
سبحان الله


,

,


اخوك

شموخ دائم

[B7r_QTR]

\بارك الله فيك اخوي شموخ دائم

على حسب كلام واحد من الربع انه قبل سنتين نزل اعلان في الجرايد
تحذير من الجرانيت وأن به اشعاعات ومضر اذا كان داخل البيت ولازم يكون خارجه.

هل هذا الكلام صحيح؟

[شموخ دائم]

,

,


مرحبا

صباح الخير والنور اخوي الكريم

لا كلام غير صحيح نهائيا

الجرانيت هو صخر طبيعي قاسي جدا في الجبال
ونص جبال العالم تتكون من الجرانيت

وكل ما يقوم به المصنع هو تقطيعه
ومن ثم تلميعه
وبيعه


ماده طبيعيه والحمدالله امنه جدا داخل المنزل او خارج المنزل
وكل الدول في العالم تستخدمه داخل وخارج

,
,

اخوك


شموخ دائم

[بن غيث]

عزيزي B7r_QTR

بعد الجرانيت الصناعي امن تماما وخالي من اي مواد ضارة
واي معالجة تكون بمواد كيميائية مصرح بها من المواصفات الاوربية