فـكرتـي ورشـة خيـاطه صغيـره

[جراح]

السلام عليكم اخواني

انا كافل خياط نسائي شبه فاشل لانه مايعرف يصمم ولا عنده عمال كفايه ودكانه صغيير وايدفي السوق القديم

انا كافله ويدفع لي00 5 ريال شهريآ واحيانا مايدفع يقول ماعنده زباين هالشهر


فكرت بمشاركته اني اجيب له 6 خياطين كبدايه

وأبني له ورشة خياطه في بيت شعبي عندي عباره عن غرفه كبيره 8 في 8

ومطبخ وجزء منها لنومهم


وعلي مكاين الخياطه


ومادري هل يصير الربح النص بالنص ولا حرام ......والمعقول كم نصيبي ؟

على فكره هو في قطر من 18 سنه ومابدا يعطيني ال500 الا السنه طول السنين الماضيه يقول خسران فتركته او نسيته

وأجار المحل 2500 ريال

الي عنده اقتراح او نصيحه او فكره يقترحها علي

فكرتي ورشة خياطه والمحل للعرض فقط لانه صغير

والنشاط عبايات وجلابيات


الي مسوي المشروع يعطيني لو فكرة الورشه وتجهيزها وعدد المكاين


جزاكم الله خير

[shaheen-915]

مكائن خياطة، آلة تطريز، مكيفات هواء، مكنة تطريز بالكميوتر، معدات يدوية
قماش قطن وحرير، خيوط، كلف تطريز

ممكن طرشيلي ايملك علشان اطرشلك التفاصيل

[السيليه]

الله يوفقك

[KSK Logistic]

اول شي بيشتغل وعقب وبيطور المحل علي احسابك واذا نجح بيقولك خسران وبيعطيك 500 اريال وسلام

[سياتل]

يعطيك 500 ؟؟

قيمة جلابية وحده

وهو يفصل فالشهر 200 جلابية

ههههههههههههه

[captin]

مرحبا أخوي

عيدك مبارك وكل عام وأنت بخير

موضوع أنك تدخل معاه كشريك في النشاط يعتمد عليك إذا انت فاهم
في التفاصيل الفنية لمثل هالمشروع يعني مصروفات المواد الخام
والناتج الشهري من الحلابيات او العبايات النسائية وكم متر أو عدد
من المواد تحتاج لإنتاج الجلابية الوحدة الخ يعني تقدر تحسب كم
تكلفة الإنتاج وكم العائد الصافي المتوقع بعد خصم التكلفة.

وثانيا هل انت فاضي أتابع كل صغيرة وكبيرة في الورشة؟؟؟
لأننا للأسف معظمنا كقطريين مرتبطين بدوام ثابت ياخذ ثلاث ارباع وقتنا
والفترة المسائية عندنا مسؤوليات اجتماعية وعائلية وبعض من الترفيه.

أنا معاك انك تطور المكان وتضيف مكائن ومعدات ومواد خام
بس انصحك دور بديل عن هذا الشخص
والنصيحة أنك تجيب عنصر نسائي من الفلبين تروح تختارهم
وتشوف شغلهم بنفسك .
مثلا البداية تبتدي برئيسة ومعاها ثلاث عاملات ويسكنون بنفس
المكان عشان توفر إيجار. ويكون للرئيسة نسبة بالإضافة إلى الراتب
والعاملات الباقيات يكون لهم رواتب.

لا شك التطوير في مصلحتك والتجارة تحتاج إقدام وتغيير للوصول إلى النجاح.

موفق بإذن الله .

[جراح]

ماقصرتوا وجزاكم الله خير اخواني واخواتي


انا خايف من المشاركه لان ماعندي خبره في هالمجال

وعندي وقت لاني متقاعد وودي يكون لي دخل من مشروع مايحتاج راس مال كبير

المحل الحمدلله على الاجار القديم والفيز موجوده ومساحه للمشغل موجوده وبدون اجار وراس مال بسيط موجود

لبنيان الغرفه وشراء المكاين والاقمشه

هالظروف شجعتني ابتدي

الحين يسير اعرض انتاجنا في محلات المجمعات المعروفه ؟ وكم نسبتهم من القطعه الوحده ؟

لان المحل قديم وماقدر اجدد ديكوره هالسنه

ياجماعه كم عامل تنصحوني كبدايه

وكم نسبتي من هالمشروع ؟ حتى ماظلمه

وفيه عندكم افكار غير عرض الانتاج في محلات المجمعات ؟ هاي ان رضوا يعرضون بنسبه

ووشو ممكن ننتج غير الجلابيات والعبي ؟


وبارك الله فيكم

[Chambray]

افتح المشروع بروحك بدون شريك

فكرتك حلوه والله يوفقك

[ابو رها]

بالتوفيق ان شاءالله اخ جراح

المشروع ناجح بأذن الله وموضوع الشراكه او النسبه

مافيها شي اذا كان فيه اتفاق

وانت احسبها اذا تجيبله خياطين وتتكفل برواتبهم

وراتبه بتكون تدفع اكثر من 10000 بالشهر من غير


تأمين المواد شهرياً والتوزيع باستمراز

عشان كذا اتفق معه تأمن له المعدات ومستلزمات الشغل

مقابل 5000 شهري افضلك واريحلك

تقبل تحياتي

ابو رها