حزنت وما كان عندي اجابه على سؤال بنتي :(

[الصغيره]

تعرضت بنتي لوعكه صحيه ولله الحمد هي الان بخير

المهم

اخذتها للمركز الطبي قابلت الطبيبه وكان اهتمامها قليل او الامكانيه اللي متاحه لها

قالت الحين الساعه 11 مساء والمختبر مسكر وما عندنا تصوير تلفزيوني بعطيك ورقة تحليل لبكره وبحولك تصوير تفزيوني مستشفى حمد :eek5:

يا طبيبه البنت تتالم

قالت هذا اللي بيدي

قلت واذا فيها مرض كايد قالت اخذي هالمهدي

وطلعنا بالسياره البنت صارت تبكي من الالم

كسرت خاطري قلت يالله بروح لطواري حمد البنت زاد بكاها قالت لا الطواري وحمد ما بروح مثل خدامتنا يوم وديناها وجلسنا للصبح :discuss:
قلت مممممممم اوكي نروح للاهلي
دخلنا طواري الاهلي قابلنا الطبيب بعد دفع 300 ريال وقالت الموظفه عندك تامين قلت لا
البنت طلع عندها التهاب شديد والطبيب ارسلها تصوير على الكلى وتحليل دم المهم تصوي مقطعي 800 و300 احسبوا
كتب لها العلاج وردينا للاستقبال الا فيه بنقال مدري باكستان المهم المراه ملابسها ونقابها يدل على انها باكستانيه او بنقاليه قالوا لهم تامين :)
طلع عندهم تامين :)
الله يشفيهم ويرزقهم ياااارب والله مب حسد
لكن بنتي قالت يمه وليه ماعندنا تامين ؟؟؟؟:(

قلت قريب يمه بيصير لنا تامين :rolleyes2:
قالت متى ؟
قلت مممممم تعالي للصيدليه ولا رديت عليها

الحمد لله على الصحه والعافيه والسلامه والحمد لله انني قطريه واني ببلاد خير واقدر اذا اضطريت اروح لمستشفى زين

بس ليمتى وحنا نصرف على خدمة المفروض تقدم لنا وحنا نستاهل

ليمتى ؟؟
ومتى بيكون لنا تامين صحي ؟

سوال صعب ....يمكن :shy:

[deema117]

الله يكون في العون أختي

والله يشفي بنتج يااارب ويعافيها

وإن شاء الله الدولة توفر لمواطنيها التأمين الصحي أسوةً بالأشخاص اللي نشوفهم في المستشفيات والعيادات الخاصة !

[QtrGate]

الحمدلله على سلامت بنتج

مانبي تأمين صحي

نبي مستشفى نفس اسبيتار
يكون مخصص لكل شي وخاص للقطريين فقط

[بني تميم]

الحمدالله على سلامت بنتج

واجر وعافيه انشاء الله

نبي مستشفى للقطرين فقط

ونبي طاقم طبي من الخارج

[بن غيث]

ما نبي علاج مجاني ولا تامين
نبي دكاترة يفهمون ويشخصون العله .. عله تعلهم

[برشلوني قطر]

ما نبي علاج مجاني ولا تامين
نبي دكاترة يفهمون ويشخصون العله ..


والله انك صااادق يابن غييث >> بس شطبت الكلمتين الاخيريتين..

بس قول ف ذي الشهر الفضيل الله يعدل الامور

ويجيب الله خير

[روح الاطلس]

قبل لا نطالب بتأمين للشعب

ما المانع من توفير جهاز التراساوند ( تصوير تلفزيوني) بكل مركز صحي؟ مع تواجد استشاري هل الامكانيات المادية ضعيفة مثلا؟ قطر دولة اقامت المستشفيات بكل دول العالم وليس فقط توفير اجهزة


كان ارتحتوا من هالعناء ولو اخذتي تحويل لمستشفى حمد للتصوير التلفزيوني مب على طول بتنقعين شهرين لين يوصل الموعد :) الا لو دشيتي سيده طواريء

تدفعين 1100 وتشترين راحتج في المستشفى الخاص ولا المذلة بقطاعنا الحكومي التعيس

[راشد محمد]

ما نبي تامين..نبي مستشفيات كبيرة ومتطورة..
مستشفياتنا صارات ما تستوعب الاعداد السكانية الكثيفة...الله المستعان

[دااانة قطر]

الحمدلله على سلاامة بنتج



الله المستعاان
صدق موااعيد التراساوند بعيده بنتي خذت له موعد قبل اسبوعين وعطوني يوم 28/8

سويت مثلج وفكيت عمري والحمدلله على كل حاال

[شبح الصمت]

ما عليها شر إن شاء الله

والله يشفيها لج ويشفي جميع مرضى المسلمين

اللهم اشف مرضى المسلمين اللهم ارفع عنهم ما هم فيه وافرغ عليهم وعلى اهليهم صبرا وارزقهم الرضى بالقضاء وعاجل الشفاء شفاءً لا يغادر سقما ، برحمتك يا أرحم الراحمين

[الامل القديم]

سلامتها وربنا يحميها ويحفظها لك من كل شر

[عوآآآآشـي]

سلامتها بنتج وماتشوف شر ان شاء الله

[فلتة زمانها]

الحمدلله على سلامة بنتج
وان شاءالله المشكله تنحل مع افتتاح مستشفيات مدينة حمد الطبية بس عندهم مشكلة في
توظيف الطاقم الطبي وكثير من الدول المتقدمه في الطب رفعت اجور اطبائها والطاقم التمريضي والفني
بعد سمعة قطر في الخارج وانها دولة غنية وصاحبة استثمارات عالمية

[قطري !]

جميع وزارات الدولة يبي لها فلترة عدل ..


ماعدا وزارة الداخلية بيض الله وجيهم على الخدمات اللي يقدمونها للمواطن



اما الباقي ياليت يشوفون لهم انسان منصح صدق للمواطن ويسوي لها اعادة هيكلة بالكامل ..

[حميداني]

الله يصبرنا شهالمستشفى اللي دكاترته الوح جذي
هه ويلومونا من قلنا نبي نعالج برى

[دااانة قطر]

توني رااده من اسناان رميله
قبل سنه ونص عطوني امل ان موعد التقويم لبنتي بيكون خلاال سنه شفتهم تأخروا وانا تأخرت اتصلت عليهم قاالت موظفة الاستقباال ماافي حد هنااك تعاالي عشاان الموعد
رحت لهم اليوم ولا تقول الدكتور شااف بنتي في 2008 وبعدها ماجيتي قلت لها بنتي عمرها ماشاافها دكتور للتقويم كل موااعيدها عصب
المهم بنشوف اخرة الشكوى

[المواطن]

اللي اسمع عن التأمين انه بيكون للمركز الصحي ومستفى حمد.

[الـخـالـدي]

تستاهلين سلامة بنتج و الله يشفي مرضانا مرضى المسلمين

و ان شاء الله تتعدل الامور فمستشفا حمد

[لاجل QT]

ايـــــــة ذكرتونى باللذي مضي:weeping:

قصة الصغيرة الله يحفظها ذكرتنى :weeping:

من وقت مضي حملت حمل خارج الرحم..الله لايواريكم الالم يقطع النفس واغماء وترجيع الله يعزكم

الوجع جانى في الليل
رحت بسيارة الاسعاف طواري حمد.. وتمووحيرانين فينى :)يخلونى في حمد ولا يودونى الولادة ..وانا من شدة الالم قمت اتشهد :weeping: بعد هواش مع الدكاترة ..حتى اذكر قطري من المسعفين صرخ في الدكاترة يقولهم المرة بتموت لان النقاش كان في الممر:(..الله يذكرة بالخير :weeping: عقب ودونى الولادة طبعا المفروض عملية مستعجلة لان الحمل في احدى الانابيب والانبوب انفجر:)..والعمليات مافي في الليل :)شالحل ..خلونى لين بكرة لولا رحمة الله هالليلة كان انا في قبري :(


ابي اعرف الشخص اذا حياتة بين الموت والحياة واحتاج عملية كيف يقولون لة انطر لين بكرة الصبح:eek5:

[حسن]

ايـــــــة ذكرتونى باللذي مضي:weeping:

قصة الصغيرة الله يحفظها ذكرتنى :weeping:

من وقت مضي حملت حمل خارج الرحم..الله لايواريكم الالم يقطع النفس واغماء وترجيع الله يعزكم

الوجع جانى في الليل
رحت بسيارة الاسعاف طواري حمد.. وتمووحيرانين فينى :)يخلونى في حمد ولا يودونى الولادة ..وانا من شدة الالم قمت اتشهد :weeping: بعد هواش مع الدكاترة ..حتى اذكر قطري من المسعفين صرخ في الدكاترة يقولهم المرة بتموت لان النقاش كان في الممر:(..الله يذكرة بالخير :weeping: عقب ودونى الولادة طبعا المفروض عملية مستعجلة لان الحمل في احدى الانابيب والانبوب انفجر:)..والعمليات مافي في الليل :)شالحل ..خلونى لين بكرة لولا رحمة الله هالليلة كان انا في قبري :(


ابي اعرف الشخص اذا حياتة بين الموت والحياة واحتاج عملية كيف يقولون لة انطر لين بكرة الصبح:eek5:


:weeping::weeping::weeping:


تستهاهلين السلامه

الحمدلله اللي انتي عايشه ونشوف ردودك وطبخاتك:) الله المستعان هناك تخطيط غلط مافي شك في ذاللك
بس وش نقول حسبنا الله ونعم الوكيل

قصتك تصلح مسلسل رمضاني حق السنه الجايه وماتكون ميساء مغربيه هي الممثله :weeping:
علشان مايقون ذي قطريه من شعب الله المختار
انا ارشح رزيقه طارش تقوم بدور لاجل قطر :omg:
الحمدلله

[لاجل QT]

:weeping::weeping::weeping:


تستهاهلين السلامه

الحمدلله اللي انتي عايشه ونشوف ردودك وطبخاتك:) الله المستعان هناك تخطيط غلط مافي شك في ذاللك
بس وش نقول حسبنا الله ونعم الوكيل

قصتك تصلح مسلسل رمضاني حق السنه الجايه وماتكون ميساء مغربيه هي الممثله :weeping:
علشان مايقون ذي قطريه من شعب الله المختار
انا ارشح رزيقه طارش تقوم بدور لاجل قطر :omg:
الحمدلله

الله يسلمك من الشر
من هي رزيقة طارش؟؟

[intesar]

المفروض كل الوزارات يعطونهم تأمين أسوة ببعضها..

[دااانة قطر]

ايـــــــة ذكرتونى باللذي مضي:weeping:

قصة الصغيرة الله يحفظها ذكرتنى :weeping:

من وقت مضي حملت حمل خارج الرحم..الله لايواريكم الالم يقطع النفس واغماء وترجيع الله يعزكم

الوجع جانى في الليل
رحت بسيارة الاسعاف طواري حمد.. وتمووحيرانين فينى :)يخلونى في حمد ولا يودونى الولادة ..وانا من شدة الالم قمت اتشهد :weeping: بعد هواش مع الدكاترة ..حتى اذكر قطري من المسعفين صرخ في الدكاترة يقولهم المرة بتموت لان النقاش كان في الممر:(..الله يذكرة بالخير :weeping: عقب ودونى الولادة طبعا المفروض عملية مستعجلة لان الحمل في احدى الانابيب والانبوب انفجر:)..والعمليات مافي في الليل :)شالحل ..خلونى لين بكرة لولا رحمة الله هالليلة كان انا في قبري :(


ابي اعرف الشخص اذا حياتة بين الموت والحياة واحتاج عملية كيف يقولون لة انطر لين بكرة الصبح:eek5:



خطااج الشر وتستااهلين السلااامه
الله يسلمنا من سوء الخدماات في حمد ومراافقها

[لاجل QT]

خطااج الشر وتستااهلين السلااامه
الله يسلمنا من سوء الخدماات في حمد ومراافقها

الشر مايواجهج:shy:
انشالله تعدل اوضاع الخدمات في حمد:(

[حسن]

المفروض كل الوزارات يعطونهم تأمين أسوة ببعضها..

ايش الفايده من التائمين في ضل دكاتره تحت التدريب

المطلوب خطه استراتيجيه لبتعاث قطريين لدراسه الطب وفي جميع التخصصات وتعديل اوضاعهم

وعمل لهم امتيازات خاصه

مهب مستشفي قائم الوفدين وين ابن البلد هذا هو الاستثمار والحل مايحك جلدك الا ظفرك

كلشي مستورد مصيبه والله واكبر مصيبه يبين انا هناك خل كبير والخطط والاستراتيجيات

مجرد كلام فاضي وشو للجرائد وللعالم

طلبه بالالف خريجين ثانويه ملتهين طرشوهم خلوهم يتعلمون مادام الفائض محنا عارفين

وين نوديه انشاء الله نصهم يفلحون مافي مشكله

بشرو الحين بيفتحون لكم مستشفى الكناره قصدي (السدره)

[الزعفراني]

ماتشوف شر بنتج .. والتأمين الصحي بإذن الله العام القادم هانت مابقى شي .. بس الخوف عقب التأمين الصحي يصير ضغط على المستشفيات الخاصة وينقلب حالها مثل حال مستشفى حمد .. وتيتي تيتي مثل ما رحتي جيتي :rolleyes2:

[Locale]

شفايدة الفلوس اذا ماحطيناها فصحتنا
الحمدلله على سلامتها

[لمعة الالماس]

المراكز الصحية شاطرين بس بالمسكنات والمهدئات

ما تشوف شر بنتج

عشان الصحة ادفعي وانتي مغمضة

[لولو2022]

:weeping::weeping::weeping:


تستهاهلين السلامه

الحمدلله اللي انتي عايشه ونشوف ردودك وطبخاتك:) الله المستعان هناك تخطيط غلط مافي شك في ذاللك
بس وش نقول حسبنا الله ونعم الوكيل

قصتك تصلح مسلسل رمضاني حق السنه الجايه وماتكون ميساء مغربيه هي الممثله :weeping:
علشان مايقون ذي قطريه من شعب الله المختار
انا ارشح رزيقه طارش تقوم بدور لاجل قطر :omg:
الحمدلله


هههههههههه
ايوه رزيقه البطله وانت رجل الاسعاف

[OREO]

المستشفيات الحكومية موجوده لكن نقص في الكوادر الطبية من اطباء و ممرضين !! ،،

اذاً ما هو الحل برايكم ،، ؟؟

[تركي محمد]

التامين الصحي سيظهر للنور قريبا للجميع
وحتى تامين المدارس

كلها مسالة وقت

[بصمة قطرية]

افضل الاجهزة في مستشفى حمد
لكن المشكلة نقص الكوادر الطبية
والضغط كبير بحكم انه المستشفى الوحيد
اللي يضم كل التخصصات ..

[OREO]

التامين الصحي سيظهر للنور قريبا للجميع
وحتى تامين المدارس

كلها مسالة وقت

اخى بومحمد ،، التأمين الصحي ليس حلاً جذرياً ،، لأن بعد صدور التأمين لجميع فئات المجتمع سوف نلاحظ بأن المستشفيات الاهليه سوف تكتظ بالمرضى و تصبح مثل مثيلاتها حمد و توابعها ،، فلذا علينا حل المشكله من جذورها لأجل نتفادى المشاكل المستقبلية ،،

بإعتقادك ما هي الحلول التي سوف تساعد على خفض معاناة المواطنين حالياً و مستقبلاً ،، ؟؟

[الحريّه]

الحمدلله على سلامت بنتج

مانبي تأمين صحي

نبي مستشفى نفس اسبيتار
يكون مخصص لكل شي وخاص للقطريين فقط




هذا هو الكلام الصحيح أخوي بوابة قطر . إن نداء البعض و مطالبتهم بالتأمين الصحي هو نوع من الغفلة أو ربما الجهل بدور الدولة . ليس من المفترض أن يكون لنا تأمين صحي . إن الدولة حين توفر التأمين الصحي , فإنها تتخلى بذلك عن دورها في توفير الرعاية الطبية لمواطنيها من خلال مستشفيات على مستوى جودة عالية . ربما توفر بعض الدول لرعاياها ذلك و لكن لأنها دول رأسمالية. أما نحن , فدولنا ليست رأسمالية . وهي مسئولة عن توفير التعليم والصحة وكل الخدمات لمواطنيها و تغنيهم بذلك عن التأمين الصحي .
يذكرني هذا بمطالبة البعض بالكوبونات التي يظنون أنها مكافأة من الدولة بينما هي في الواقع تخلي عن دور رئيسي وهو توفير التعليم من خلال مدارس وتعليم نظامي موحد.
تحياتي :victory:

[OREO]

هذا هو الكلام الصحيح أخوي بوابة قطر . إن نداء البعض و مطالبتهم بالتأمين الصحي هو نوع من الغفلة أو ربما الجهل بدور الدولة . ليس من المفترض أن يكون لنا تأمين صحي . إن الدولة حين توفر التأمين الصحي , فإنها تتخلى بذلك عن دورها في توفير الرعاية الطبية لمواطنيها من خلال مستشفيات على مستوى جودة عالية . ربما توفر بعض الدول لرعاياها ذلك و لكن لأنها دول رأسمالية. أما نحن , فدولنا ليست رأسمالية . وهي مسئولة عن توفير التعليم والصحة وكل الخدمات لمواطنيها و تغنيهم بذلك عن التأمين الصحي .
يذكرني هذا بمطالبة البعض بالكوبونات التي يظنون أنها مكافأة من الدولة بينما هي في الواقع تخلي عن دور رئيسي وهو توفير التعليم من خلال مدارس وتعليم نظامي موحد.
تحياتي :victory:

قريت ردج مرتين و عجبني رايج ،، و نظام التأمينات هي عبارة عن نظام ربحي و ليس تطويري من وجهة نظري الشخصية و خاصة في الدول العربية ،،

[الخزرجي قطر]

الله يشفي البنت ويعافيها ان شاءالله
التامين الصحي سيشمل كافة المواطنين القطرين
عن قريب ان شاءالله هناك مشروع لدى الصحه.

[طير]

الحمدالله على سلامة

[مساهم فنان]

مستشفى حمد آه منه .... كم عانيت من مواعيده البعيدة ... حتى التصوير بالأشهر .... وإلا إنفوس أغلب الدكاترة العرب فيه نفوسهم خايسه على القطريين يكلمون الواحد بتكبر ونفسن خايسه ... شوفوا الدكاترة في أوروبا أعظم الدكاترة لطيفين مع مرضاهم ويوصلونهم إلى الباب مع الابتسامة العريضة .... لازم حلول سريعة لمستشفى حمد. ...

[أبوزينة]

ما عليها شر إن شاء الله

والله يشفيها لج ويشفي جميع مرضى المسلمين

اللهم اشف مرضى المسلمين اللهم ارفع عنهم ما هم فيه وافرغ عليهم وعلى اهليهم صبرا وارزقهم الرضى بالقضاء وعاجل الشفاء شفاءً لا يغادر سقما ، برحمتك يا أرحم الراحمين

اللهم امين
وحمدالله علىى السلامة

[الحاقول]

المشكله في الصحه في الاداره التي بحاجه الى اداره

[khaldoon]

ما عليها شر إن شاء الله

والله يشفيها لج ويشفي جميع مرضى المسلمين


متفق تماما معاكي

[الصغيره]

بداية اشكركم على الدعوات الكريمه لبنتي وجعلها بميزان اعمالكم

واذا كان التامين الصحي للمراكز الصحيه ما نبيه دام هالمراكز على هالحاله من ستقبال ومن اهمال ومن نقص بالكوادر وبالاجهزه

وحتى على مستشفى حمد ومؤسة حمد ما نبيه لان حنا هاربين من طول المواعيد ومن الاخطاء الطبيه والادويه الغلط ومن طلبة العلم اللي كثروا بالمستشفى


نبي تامين صحي لمستشفيات تستاهل

يعني وش حادنا على الاهلي او غيره الا اننا هاربين من نار غيره

وربي يفرجها علينا ونصحى على شي يفرحنا بالصحه والتعليم ولله الحمد على كل حال

[حقيقه]

الأطباء في الخارج
يجيك الطبيب لي غرفة الانتظار يسلم عليك
ويوصلك لي مكتبه
وفحوصاتهم بنفس اليوم تخلص

وفي قطر لنا الله

ماتشوفون الكباريه يتعالجون برئ مأشاءالله اللي عطاهم يعطينا

[اوف ليميت]

بداية اشكركم على الدعوات الكريمه لبنتي وجعلها بميزان اعمالكم

واذا كان التامين الصحي للمراكز الصحيه ما نبيه دام هالمراكز على هالحاله من ستقبال ومن اهمال ومن نقص بالكوادر وبالاجهزه

وحتى على مستشفى حمد ومؤسة حمد ما نبيه لان حنا هاربين من طول المواعيد ومن الاخطاء الطبيه والادويه الغلط ومن طلبة العلم اللي كثروا بالمستشفى


نبي تامين صحي لمستشفيات تستاهل

يعني وش حادنا على الاهلي او غيره الا اننا هاربين من نار غيره

وربي يفرجها علينا ونصحى على شي يفرحنا بالصحه والتعليم ولله الحمد على كل حال

شكله ربنا يحب بنتج ويحبكم
استجاب لكم

من كم يوم يناقشون قرار الزام جميع الناس فالدوله مواطنين ومقيمين بالحصول على تأمين
والتأمين بيغطي جميع المستشفيات والعيادات الحكوميه والخاصه والشركات الطبيه في قطر

شتبين بعد..بس عسالله يكون هالشي قريب جدا ومايتأخرون

وهالشي المفروض يستانسون عليه هل البورصه..وعارفين قصدي

:]

[حفيد الأنصار]

الله يشفي بنتك

[ريتويت]

ماعليها شر وربي يشفيها ويعافيها