السياحة و شرق آسيا ...!!!

[قطري !]

والله مادري أنا على خطاء او صواب ,,


ماعمري رحت شرق آسيا سياحة أو زيارة عمل .. ولا فكرت اني اروح لها سياحه لاني احس انها بلاد غير سياحيه كوني أسافر في الصيف , وفي فصل الصيف نبي جو بارد وخضره وخدمات للسايح من جميع النواحي


والله كل ماشوف تقرير عن شرق اسيا وصور احس انها صور عاديه ولافيها شي من الجمال والطبيعه ,,,


حد منكم نفسي ولا انا متعقد من شرق اسيا ( خاصه بانكوك)

[ضوى]

انا مثلك ، ماشوف فيها اي زود ولا احبها بالذات تايلند ماليزيا حارة ورطبة وحرام الواحد يخسر فيها ريال واحد

[قطري !]

والله مادري شفيها ،، هل من رخصها يوم يروحون لها ولا جوها حلو

وانا دافع دافع فلوس والله اخلي سياحتي صوب استراليا او اوروبا او امريكا

وشاكر مرورج اختي ضوي*

[Qtel-Qat]

بالعكس اللي يقول الاجواء حاره ورطبه اكيد رايح لها في فصل الصيف

انا زرت تايلند وزرت ماليزيا وسنغفوره بالعكس فيها اماكن سياحيه وطبيعه

لكن عليك بخريف صلاله وراح تستانس اذا رحت بسياره

[Mohammed2]

الجو في دول شرق آسيا معتدل طول السنة

يعني اذا حار تقريبا 35
واذا بارد تقريبا 23

بس مدن مثل بوكت سياحية وفيها أماكن وايد
أنا رحت لها وصج استانست

وفوق هذا فنادق شرق آسيا أحسن من فنادق أوروبا بوايد وأرخص
وفي أكثر من دولة اسلامية مثل ماليزيا ....



خاطري أزور طوكيو :)

[Qtel-Qat]

وفوق هذا فنادق شرق آسيا أحسن من فنادق أوروبا بوايد وأرخص
وفي أكثر من دولة اسلامية مثل ماليزيا ....




١٠٠٪ :nice:

[Crown]

انا نفسك احسها بلاد ماتستاهل العنوة بعد اوروبا واستراليا

مش بالمستوى

[h9466]

زور جينتينج هاي لاند في ماليزيا او بوكيت في تايلند واتوقع بتغير رايك

[captin]

دول شرق آسيا وخصوصا تايلند

تصنف من الدول الأكثر جذبا للسياحة العالمية
ولو لم تكن دول سياحية من الدرجة الأولى لما تهاتف عليها
الاوروبيين والأمريكان والروس والأستراليين والصينيين والعرب

تتميز دول شرق آسيا بطبيعة خاصة في شعوبها لاتوجد لدى أي شعوب بأي منطقة اخرى
في العالم الأمر الذي ميزها بالجذب السياحي وهي انها شعوب مبتسمة مرحبة
بالأجنبي ولاتتردد في تقديم المساعدة للسائح دون تمييز


people of South East Asia are the most friendly, welcoming, hospitable and warm people

بالتوفيق ان شاء الله

[hamoor4ever]

لو مب سياحيه ماشفت الاوروبيين يروحونها ويتعنون لها واخوي التغيير حلو انا زهقت من البرد ودي في بانكوك وبوكت التغيير حلو وانت ماتشوفها حلوه ملايين يخالفونك بالراي . انت مازرت البلاد شلون تتكلم عنها وانت اذا امكانيتك تدفع الالاف حق اوروبا واستراليا غيرك مايقدر ولا ماشفت نص شعبنا يروحون دبي والحسا لتغيير الروتين وكسر الملل يعني مش الجو هو اللي يحكم اخوي لانك في اوروبا تبي صرف كبير وفنادق مكلفه اما تايلند وشرق اسيا تستانس وتشتري على قد فلوسك وترجع مغير جو . بالتوفيق اخوي

[خيالة قطر]

بصراحه انا من اللي اجوفه هو صج انه جوهم رطوبه ( شرق اسيا )

بس ونااسه ، اماكنهم تونس وفاليوم الواحد يقدر يروح كم فعاليه ،
بغض النظر عن اسعارهم يعني امااااكن واااااااايده هناك فماليزيا عندك لانكااوي
مكان للاسترخاء اهم شي وعندك كاميرون منطقه بااارده ،، وجتنتج بعد

ادخل العرب المسافرون واحكم بنفسك ، بتحصل تقارير وااايده

واذا تقارنهم بدول اوربا وامريكا كل دوله فيها شي يميزها وطبعا فهالدول بتحس الجو وكل شي اوكي والطبيعه اما. الغلااء ناار يعني ،،

وبصراحه مثل ماقلت اذا تبي تسافر ، روح ماليزيا بتوفر لك ،، وبتروح كذااا مكان واحلى

بتستانس فيها
وموفق اخوي

[المسعف]

انه نفس الاحساس ولكن اذا انت تحب الشواطئ والسباحة والرحلات البحرية
افضل من شرق آسية ماتحصل

[abu ali1]

على العموم هو السفر وتغيير الجو بحد ذاتة متعة .. وهالشي ما له خص بالجو الحار!!!
انا زرت اكثر من دولة في اسيا ..... والصراحة كلها متعة بمعنى الكلمة ......
حاول تزور شانغهاي الرائعة ... بكين الممتعة ... اقلين التبت (القسم البارد) قمممه في الجمال .... والجو فيه وااايد بارد ... ماليزيا (جينتنج-لنكاوي-بيينانج) الجميلة .... هونج كونج المتقدمة بناطحات السحاب .... كوريا الحديثة ... تاااايلند .... بلد الابتسامة والوناسه .....

طبعا انا زرت البلدان اللي ذكرتها و كلها روعة ووناسة بمعنى الكلمه ... وهذا ما يمنع بتجربة اوروبية ما اني ما افضلها ( هذا رأي المتواضع)... ومشكور على الطرح ...