مشرع ناجح بـ 50,000

[تعليقي]

السلام عليكم ورحمة الله

لإعضاء المنتدى الكرام،،،

انا ابحث عن مشروع صغير يبّرد الجاش

ـــــــــــــــــــــــــــــــــــــــــــ الربا محق المعاش

ــــــــــــــــــــــــــــــــــــــــــــــــــ ــــــــــ والدّين خلاني انحش

ــــــــــــــــــــــــــــــــــــــــــــــــــ ـــــــــــــــــــ أصبح بدون وسيلة و امسي بدون افراش




افيدوني يا هل الوفا اغني نفسي بالحلال عن الحرام

الله يرزقنا بحلاله عن حرامه ونعمته عن من سواه

[حسن]

الله يكون في عونك عاد وين رحت انت الله يهداك قطيت موضوعك وطفيت ليتاتك

نبي نتناقش معاك انصحك اشتتر اسهم

[بنت المطر]

اشتر لك طراد وييب لك عامل يصيد ويبيع وخذ لك تصريح وافتح لك او تعامل مع محل تمول له

او خله بزنس عائلي بيعة عالفريج

[بنت المطر]

فيه مكان او مركز يمول المشاريع

جهاز قطر للمشاريع الصغيرة والمتوسطة

[تعليقي]

الأسهم يبغي لها توجيه وخبرة

وين السهم اللي يربحك

اما البحر مستحيل حتى البوصلة ما اعرف لها

[بن غيث]

لازم تتعلم وتجاهد
لا تقول مــا اعــرف
الي ما تعرفه اليوم بكره تتعلمه وتكون مميز فيه

[aspirin]

هذا الوقت التجارة بالسيارات المستعمله مربحه :nice:
وخاصه العيد على الابواب وكل عام وانت بخير .

[حميداني]

قسمك مب قسم الحوار العام
ان بغيت الاستفاده روح قسم النقاش الاقتصادي

[shaheen-915]

اخواني اخواتي كل عام وانتم بخير الا يبي درسات جدوى لبعض المشاريع الصغيرة نسبيا يراسنلي عالخاص وعلشان الشي صار عناد ونحاسة ببعض الناس ترا الدراسة ب 500 ريال حتى لو بخسر فيها تعب وجهد وكل عام وانتم بخير وعافية

[وحيد-الشوق]

انا نفسك خاطري افتح لي مشروع بحدود ال٥٠ الى ٧٠ الف

[تعليقي]

انا نفسك خاطري افتح لي مشروع بحدود ال50 الى 70 الف

وش رايك نتشارك

بس الفكرة عليك والمسؤلية عليك

والربح مشترك

[تعليقي]

ماشاء الله

٥٠٠مشاهد واللي رد فقط ٦


يعني هل الخير في هذا الزمن ١.٢٪ فقط

شكواي لله

[ذيب ازغوى]

ياخوي مب راد عليك اللي يعرف واللي مايعرف

المهم اخوي انصحك تاخذ لك محل في سوق العلي وتجيب اثنين خياطين اشتغل على التفصيل وعشان تكون جديد لان اغلب الخياطين موجودين للثوب فانا انصحك تخيط الملابس الداخليه ( سراويل - فنايل - هافات ) وتفصل قحافي ومن هذي الاشياء وترى مدخوله بيكون جيد خاص انه الحين قليل اللي يفصل نفس هذا

وعندك المشروع الثاني
خذ لك محل في سوق واقف واجلس بيع فيه الاشياء التراثيه والقديمه جيب لك هنود يطقطقون في الخشب ويسون لك مراكب صغير ومن هاي الكللام وانت عاد شغل مخك وتحرك

[تعليقي]

الجهل في التجارة اعمى بصيرة

لازم اشوف لي شريك عشان اتعلم


فهل من مبارز

قصدي شريك

انشالله أخسر

لازم اتعلم

[مستر بن]

انا بكوون شريكك بس شنو الفكرره خخخ ..

[بن غيث]

اخوي .. افتحلك مطعم احسن مشروع وما يخسر باذن الله
ومن المشروع تتعلم اشلون الادارة والمصاريف

[تعليقي]

مرحبا مستربن

دمك خفيف من بدايتها

الفكرة عليك و الخبرة

والباقي علي

[تعليقي]

تسلم يا بن غيث

مشكور على التوجيه

[Bo AbduRhman]

الجهل في التجارة اعمى بصيرة

لازم اشوف لي شريك عشان اتعلم


فهل من مبارز

قصدي شريك

انشالله أخسر

لازم اتعلم


،
.

اخوي تعليقي

شنو امكانياتك ؟

بس 50000 ؟

وشنو شروطك للمشاركة ؟
.
.

[تعليقي]

مرحباً ابو عبدالرحمن

ابغي احد جاد في المشاركة لديه مشروع له خبرة
في إدارته

ابغي اكسب الخبرة مبدأياً

نتقاسم رأس المال والمهام

[مشتاقة لقطر]

جيب لك اشيا تحبهاوتفهم فيها وبيعها بالمنتدى مبدئيا

واللي نجحت فيه تخصص فيه

وسو له محل

ونوع فيه قد ما تقدر

جرب كل شي بتتعلم

[Class - Qtr]

السلام عليكم

عيدك مبارك // وكل عام وانت بخير

هذي نصيحتي لك :

18 ديسمبر تاريخ العيد الوطني في بلادنا الحبيبه قطر تقدر تروح الصين وتشتهي بضاعه

خاصه بالعيد الوطني وشي يكون مميز ومختلف يعني على سبيل المثال

1 - علم قطر مخمل ونوعيه فاخرة

2 - مضلات علم قطر وتكون على شكل قبعه للاطفال ( جدييييييييد )

3 - وشاح علم قطر وشعار العيد الوطني

4- كابات ( قبعات ) للشباب ونوع اخر للبنات شي راقي

5- بالون الغاز بالاضافه الي البالون العادي يحمل شعار العيد الوطني وعلم قطر

6- مجسمات تذكاريه لذكري 18 سبتمبر للمكاتب

7 - اقلام تحمل شعار العيد الوطني

8 - ميدليات تحمل شعار العيد الوطني

9 - قفاز لليد يحمل شعار العيد الوطني

10 - قبعات ( للاجواء الباردة ) تحمل شعار العيد الوطني

11 - نظارات + ساعات

12 - القطعه المستطيله اللي اتعبي بالغاز وتمسكها باليد وتستخددم في الملاعب والاحتفالات


((((( وبالتوفيق لك ))))))))

[فارس قطر]

انا عندي لك مشروع صغير لاكن يكسب ذهب وسئل من جرب

والمشروع هذا اكثر مؤذنين المساجد والمطاوعة يعملون فية

وهوا شراء كورلا اوكامري مستعملة

وتمارس مهنة التكسي عليها صحيح انة مخالف لاانظمة المرور

لاكن اظاهر المرور سامحين بهذة التجاوزات بسبب عدم وفرة التكاسي

شروط
لاتلبس غترة وعقال وستعمل اللغة الانكليزية المكسرة

والله ياخوك جربتها في حدود عشرين يوم وكان معدل الدخل من 150 ــــــــ 600 ريال

ويوم الله فتحها على بوظيفة كبيرة تركت مهنة التاكسي

اتمنى لك التوفيق.

[تعليقي]

الشكر للجميع

بس افا عليك يا فارس قطر

اقول لك مثل ماقال المرحوم راشد بن الذيب

حالفن ماخذ على الرجلي إرياله
وبالثالث محرم انها ماتجيني

[رُفق المجنّا]

مغسلة ملابس في فريج وما عليك من اللي يقول لازم شارع تجاري ، ولكن لو بأخذ قرض وبشاركك ما راح يوفي راس المطلوب

المعدات من 65 الى 80
الإيجار من 7000 الى 10000
الديكور واحتياجات المحل من 20000 الى 30000

هذا من غير العمال والأجراءات الثانية ولكن لو بترتب أمورك مع عمال ع ان يكون لك مبلغ شهري ( 5000 ) مثلا 5000*36= 180000

بترجع راس المال وزود ، ( هذا اذا بروحك وما معاك شريك )
الله يوفقنا وإياك

[(محمد)]

اذا تبي تدخل معي شريك بالنسبة ما عندي مانع 15% من الارباح على كل مشروع


يعني كمثال اذا جاني مشروع قيمته الربحية 20,000 انت لك 3000 ريال وهكذا.

وتقدر تقعد في مكتبي تتعلم الشغل .. لاني اغلب الوقت ماروح المكتب


وفي حال موافقتك خلني اتأكد من الحكم الشرعي في المسألة بعد الاستخارة.

[NOOUR]

جزاك الله خير أخي (محمد) لمساعدة صاحب الموضوع
أحب الأعمال إلى الله سرور تدخله إلى قلب مسلم

[تعليقي]

اذا تبي تدخل معي شريك بالنسبة ما عندي مانع 15% من الارباح على كل مشروع


يعني كمثال اذا جاني مشروع قيمته الربحية 20,000 انت لك 3000 ريال وهكذا.

وتقدر تقعد في مكتبي تتعلم الشغل .. لاني اغلب الوقت ماروح المكتب




وفي حال موافقتك خلني اتأكد من الحكم الشرعي في المسألة بعد الاستخارة.

نتقابل ونتفق انشاء الله

[النهار]

اذا تبي تدخل معي شريك بالنسبة ما عندي مانع 15% من الارباح على كل مشروع


يعني كمثال اذا جاني مشروع قيمته الربحية 20,000 انت لك 3000 ريال وهكذا.

وتقدر تقعد في مكتبي تتعلم الشغل .. لاني اغلب الوقت ماروح المكتب


وفي حال موافقتك خلني اتأكد من الحكم الشرعي في المسألة بعد الاستخارة.


والله عرض لايقاوم توكل على الله صاحب الموضوع 15% نسبه ممتازه