&& دعوة للحوار : اعتقال وضرب المواطن الخليجي بنيويورك &&

[خليفـة]

بسم الله الرحمن الرحيم

لا شك ان اغلبنا وصل له مقطع الفيديوا الي يظهر فيه شخص قيل انه خليجي ومن اسره
معروفة وهو يتعرض للاعتقال على يد الشرطة .
المقطع موجود في يوتيوب تحت عنوان :

ضرب واعتقال سلطان بن خالد في نيويورك

http://im27.gulfup.com/2012-08-13/1344886840251.bmp (http://www.gulfup.com/show/Xs79y6kw07bk8c)

ولكن الي تابع المقطع من بدايته .. سيدرك أن هذا الشخص يستحق ما جاه وأكثر
وذلك لعدم تنفيذة لتعليمات رجال الشرطة ومحاولته تحريك سيارته الفخمة المتوقفه بمكان ممنوع الوقوف فيه واثناء وقوف رجل الشرطة امامها .. مما ترتب على ذلك دهس رجل الشرطة .. والذي جعل الشرطي يقوم باعتقاله باستخدام القوة وتكبيله امام الناس وبطريقة .. أقل ما يمكن وصفها بالمخزية .

أود ان اقول لذلك الشخص المخالف جملة صغيرة :

يا غريب .. كُن أديب

فأنت لست في بلدك حتى ترى كل الناس .. أقل منك

اعتقد ان ما حصل له درس له ولأمثاله .. لن ينساه مدى الحياة

:)



خليفـــة

[المسك1969]

لا حول ولا قوة إلا بالله... هاي ربي يحفظك ويستر عليك الغرور والعناد والكبر على عباد الله... شوف لشنو وصله؟ دهس وحبس وخله يخيس بالسجن لين تخلص القضية

وحتى لو كان الشخص في بلده فالقانون قانون وعليه احترامه وإلا طغوا الناس وأصبحنا نعيش في غابة لا يحكمها القانون ولا يحتكمون إليه

جزاك الله خيرا

[سكتون]

هلا اخوي
اللي انضرب امريكي مب خليجي
بس خبرك الناس تحب اتحط البهارات على كل شي
تسلم على الموضوع

[hamoor4ever]

يستحق ماجاه ماخذ راحته نسى نفسه انه بامريكا .

[ابداع قلم]

ياغريب كن اديب كلامك صحيح اخي خليفة
ولكن بتقنعني انه يستاهل هالاسلوب في المعاملة واللي تدل على العنصرية ضد العرب
هل للعسكري الحق في مد يده كما راينا !!!
طيب لنطرح الكلام بصورة اخرى
رعاياهم الا يخطئون في بلادنا نفس خطا الاخ اللي في المقطع
طيب لو طبقنا مبدا (( المعاملة بالمثل ))
وش راح تكون ردة فعلهم هم

[بـن عدوان]

اللي يسوق مب سعودي أصلا ولا عربي حتى

وهذا رابط الخبر

http://www.extratv.com/2012/08/06/stephanie-pratts-bf-busted-for-running-over-a-cops-foot/

[q6ri_vip]

قريت عنه بعد ماوصلي المقطع ... بالأخير طلع أهو جنبي أصلا .. مهب خليجي والفندق نفسه سمح له بأن يوقف قدام الفندق ... بس مثل ماتقول مب مهتم بالشرطي .. والشرطي نفسه بعد المفروظ مايوقف قدام الموتر بهالطريقه المعروف بقوانيين نييورك صارمه والله الشرطي مستعد يوقف ويسفل من يكون لو غلط
والمستغرب منه دام انه عنده خير ياخذ مخالفته وهو يضحك كم بتكون يعني ولا ينزل نفسه لحد .

[الحمر]

اسمة مب خالد بن سلطان اسمة Julien Chabbott

أرجو تغير اسم ومحتوي الموضوع أو أغلاقة من قبل الأدارة

وشكرا

[captin]

لكل دولة قوانين وأنظمة وعلى الشخص عندما يسافر للدول الأخرى
ان يحترم الأنظمة والقوانين الخاصة بتلك الدول.

وهذا ينطبق عليه وعلى اللي يسافرون ويظنون انهم
بسياراتهم الفارهة وبفلوسهم يقدرون يسوون كل شيء
وانهم اعلى درجة من بقية الخلق بالعكس كل ما كان الإنسان
متبع للنظام والقوانين ومتواضع الكل بينظر له نظرة احترام وتقدير.

[خليفـة]

لا حول ولا قوة إلا بالله... هاي ربي يحفظك ويستر عليك الغرور والعناد والكبر على عباد الله... شوف لشنو وصله؟ دهس وحبس وخله يخيس بالسجن لين تخلص القضية

وحتى لو كان الشخص في بلده فالقانون قانون وعليه احترامه وإلا طغوا الناس وأصبحنا نعيش في غابة لا يحكمها القانون ولا يحتكمون إليه

جزاك الله خيرا

بارك الله فيج اختي المسك
مرور رائع ومشاركة حكيمة
جزاج الله خير اختي
:)


هلا اخوي
اللي انضرب امريكي مب خليجي
بس خبرك الناس تحب اتحط البهارات على كل شي
تسلم على الموضوع

الله يسلمك اخوي
الي انتشر ومتعارف عليه اخوي
انه خليجي .. ولكن .. لو افترضنا انه غير خليجي
فهوا بالتأكيد ليس مواطن امريكي
وهنا .. ستظل فكرة الموضوع كما هي :
يا غريب .. كُن أديب

حياك الله اخوي
:)


يستحق ماجاه ماخذ راحته نسى نفسه انه بامريكا .

قواك الله اخوي على المرور والمشاركة
:)


ياغريب كن اديب كلامك صحيح اخي خليفة
ولكن بتقنعني انه يستاهل هالاسلوب في المعاملة واللي تدل على العنصرية ضد العرب
هل للعسكري الحق في مد يده كما راينا !!!
طيب لنطرح الكلام بصورة اخرى
رعاياهم الا يخطئون في بلادنا نفس خطا الاخ اللي في المقطع
طيب لو طبقنا مبدا (( المعاملة بالمثل ))
وش راح تكون ردة فعلهم هم

اخي الكريم ابداع القلم
لو شفت المقطع .. هذا الشخص داس على رجل الشرطي
وهذا يعني انه لم يمتثل لأوامر رجال الأمن
وهنا .. يجب اعتقاله
ولو كان هذا الموقف في اي مكان في العالم .. ستكون ردة الفعل كما هي هناك
وربما أسوأ اخوي
اتركنا من مسألة ان الامريكي في الخليج له معاملة خاصة الخ الخ ..
فهذا المبدأ غير صحيح عندما يخالف أي احد القانون ولا يلتزم به

حياك الله اخوي
:)


اللي يسوق مب سعودي أصلا ولا عربي حتى

وهذا رابط الخبر

http://www.extratv.com/2012/08/06/stephanie-pratts-bf-busted-for-running-over-a-cops-foot/

جزاك الله خير اخوي

الي انتشر ومتعارف عليه اخوي
انه خليجي .. ولكن .. لو افترضنا انه غير خليجي
فهوا بالتأكيد ليس مواطن امريكي
وهنا .. ستظل فكرة الموضوع كما هي :
يا غريب .. كُن أديب

عموما .. انا غيرت عنوان الموضوع من العنوان السابق الى :
اعتقال وضرب المواطن الخليجي بنيويورك
المهم تكونون راضيين اخوي


:)


قريت عنه بعد ماوصلي المقطع ... بالأخير طلع أهو جنبي أصلا .. مهب خليجي والفندق نفسه سمح له بأن يوقف قدام الفندق ... بس مثل ماتقول مب مهتم بالشرطي .. والشرطي نفسه بعد المفروظ مايوقف قدام الموتر بهالطريقه المعروف بقوانيين نييورك صارمه والله الشرطي مستعد يوقف ويسفل من يكون لو غلط
والمستغرب منه دام انه عنده خير ياخذ مخالفته وهو يضحك كم بتكون يعني ولا ينزل نفسه لحد .

صدقت اخوي .. كلامك سليم 100%
واتفق معاك
قواك الله على مرورك الطيب
وانا غيرت العنوان لعيون اخواني واخواتي الاعضاء بعد معرفة حقيقة أصل المعتقل
:)


اسمة مب خالد بن سلطان اسمة julien chabbott

أرجو تغير اسم ومحتوي الموضوع أو أغلاقة من قبل الأدارة

وشكرا

اغلاقة من قبل الأدارة ؟
ليش متضايق اخوي !!
تم تغيير العنوان اخوي .. وان شاء الله اخواني الاعضاء يساعدوني في التغيير
اما مسألة طلبك اغلاق الموضوع .. فأقول الحمدلله انك مب مشرف
الله لا يوليك علينا
:)
الهدف من الموضوع واضح للي عنده نظر اخوي
يا غريب .. كُن أديب
:)

[خليفـة]

لكل دولة قوانين وأنظمة وعلى الشخص عندما يسافر للدول الأخرى
ان يحترم الأنظمة والقوانين الخاصة بتلك الدول.

وهذا ينطبق عليه وعلى اللي يسافرون ويظنون انهم
بسياراتهم الفارهة وبفلوسهم يقدرون يسوون كل شيء
وانهم اعلى درجة من بقية الخلق بالعكس كل ما كان الإنسان
متبع للنظام والقوانين ومتواضع الكل بينظر له نظرة احترام وتقدير.

كلام سليم .. وحكيم
من شخص عزيز
:)

بارك الله فيك اخوي على الأضافة الطيبة
:)

[فلتة زمانها]

ياغريب كن اديب كلامك صحيح اخي خليفة
ولكن بتقنعني انه يستاهل هالاسلوب في المعاملة واللي تدل على العنصرية ضد العرب
هل للعسكري الحق في مد يده كما راينا !!!
طيب لنطرح الكلام بصورة اخرى
رعاياهم الا يخطئون في بلادنا نفس خطا الاخ اللي في المقطع
طيب لو طبقنا مبدا (( المعاملة بالمثل ))
وش راح تكون ردة فعلهم هم

يقولك دهس شرطي المرور يعني شروع بالقتل العمد
شتبيهم يسوون فيه يرقصون ديسكو مثلا :rolleyes2:

[na7ees]

السؤال ياخليفة هل كنت بتنزل الموضوع. لو كنت تدري انه مب خليجي
على العموم الواجب من اي شخص انه ايكون اديب في بلاده قبل لايكون برع ديرته
تحياتي

[خليفـة]

يقولك دهس شرطي المرور يعني شروع بالقتل العمد
شتبيهم يسوون فيه يرقصون ديسكو مثلا :rolleyes2:
هههههههه
اعصابج يا فلته
هههههههه
حياج الله


السؤال ياخليفة هل كنت بتنزل الموضوع. لو كنت تدري انه مب خليجي
على العموم الواجب من اي شخص انه ايكون اديب في بلاده قبل لايكون برع ديرته
تحياتي

انزله وانزل ابوه بعد
:)
مادري شنو تقصد يالغالي !
بس لعلمك .. تم تغيير عنوان الموضوع بعد ما أفادوني اخواني الاعضاء بحقيقة جنسية
ذلك الرجل
:)

اترك عنك الهمز واللمز .. واذا في خاطرك شي .. قوله ولا تخاف
:)

[CH Engineer]

شفت المقطع الاصلي والي صور المقطع كتب هالكلام


i was walking around soho, nyc today when i stumbled upon this ferrari 458 spider with a cop writing a ticket next to it. I started to record the situation because i thought it'd make a cool video, little did i know what i was in for. As soon as i started recording the owner of the car appeared and got in it. He slowly started moving since he refused to accept the ticket (the car was parked in a hotels valet zone and the hotel valet had the keys, i myself don't understand why the cop was giving him the ticket, it was approved by the hotel that the car was parked there.) the cop then told him to stop but he proceeded to move forward. Now at this point i believe the cops foot was under the front drivers side tire. Yet again the owner moved the car forward and apparently he somewhat ran over the cops foot (or at least that's what can be made out from everything in the video, others at the scene claimed otherwise.) this triggered the cop and he slammed his hand into the drivers window and proceed to open the door (notice how many times he bumped it into the taxi cab) and pull the driver out forcefully. The driver was then thrown on the ground and handcuffed and arrested. The owners girlfriend seen in the video is also stephanie pratt from the mtv hit show, the hills. The car did suffer some damage, paint chips on the door from when the cop slammed it into the cab and some scuffs by the engine bay shown in the last scene of this video. Pretty crazy situation, i was definitely at the right place at the right time!

الشرطي هو الغلطان والشخص امريكي والقانون على الجميع

[خليفـة]

شفت المقطع الاصلي والي صور المقطع كتب هالكلام



الشرطي هو الغلطان والشخص امريكي والقانون على الجميع

اشلون الشرطي غلطان .. والرجال دايس رجله ويبي يحرك سيارته !!

عموما .. لازالت الفكرة من الموضوع قائمة :
يا غريب .. كُن أديب
:)

[ضليع التبريد]

بعد مشاهدتي للفلم

واضح أن الشرطي المخطي وأنه عرضه لتعدي قاسي وعنصري بسبب "باركنغ تكت" وهو أمر عادي جداً يحدث في كل مكان ولا يستحق هذا الضرب ولاعتداء ومن حقة رفع قضية عليهم تجعلهم يندمون باقي عمرهم وحياتهم .

أبداً لا يستحق هذا الضرب والإعتداء القاسي والمهين الذي جعله يسقط على الأرض

ليذهب بالفيديو للمحكمة ويقاضيهم وسيكسبها ويعيد كرامته وكذلك سيدفعهم الكثير

[CH Engineer]

اشلون الشرطي غلطان .. والرجال دايس رجله ويبي يحرك سيارته !!

عموما .. لازالت الفكرة من الموضوع قائمة :
يا غريب .. كُن أديب
:)

المفروض مايحرر مخالفه له لان واقف قدام الفندق والفندق سمح له بالوقوف
والشي الثاني الشرطي يتميع ويحط رجله صوب التاير والموتر مارتفع وماشفنا دهس وقام بعدها يضرب السياره وسحب الرجال وضرب يده اكثر من مره بالسياره وبعدها يمثل انه مصاب

[خليفـة]

بعد مشاهدتي للفلم

واضح أنه تعرض لتعدي قاسي وعنصري بسبب "باركنغ تكت" وهو أمر عادي جداً يحدث في كل مكان ولا يستحق هذا الضرب ولاعتداء ومن حقة رفع قضية عليهم تجعلهم يندمون باقي عمرهم وحياتهم .

أبداً لا يستحق هذا الضرب والإعتداء القاسي والمهين الذي جعله يسقط على الأرض

ليذهب للمحكمة ويقاضيهم

اعتقد اخوي ان الشرطي قام بما قام به بعدما رفض الرجل الامتثال لأوامره بالوقوف وعدم تحريك السيارة .. وبعدما قام بدهس رجل الشرطي بالعجلة الأمامية للسيارة
لو تم واقف وانتظر رجل الشرطة يخلص شغله .. لما حدث ما حدث
وللعلم اخي الكريم .. الأجانب بشكل عام يعرفون حدودهم ويعرفون القانون
متى يكون لهم ومتى يكون عليهم .

حياك الله اخوي
:)




المفروض مايحرر مخالفه له لان واقف قدام الفندق والفندق سمح له بالوقوف
والشي الثاني الشرطي يتميع ويحط رجله صوب التاير والموتر مارتفع وماشفنا دهس وقام بعدها يضرب السياره وسحب الرجال وضرب يده اكثر من مره بالسياره وبعدها يمثل انه مصاب

اخوي الفندق ماله حق يسمح لأحد ان يوقف مقابل المدخل لو كان المكان ممنوع الوقوف فيه
فالعذر هنا للسائق غير مقبول .. ويعتبر مخالف قانونياً

حياك الله اخوي
:)

[الخزرجي قطر]

كل مشكله او تجاوز تنسبونه لأهل الخليج
الله يسامح الي نشر بهذه الطريقه وفيه مغالطات لآن اهل الخليج مهب ناقصين افتراءت

[خليفـة]

كل مشكله او تجاوز تنسبونه لأهل الخليج
الله يسامح الي نشر بهذه الطريقه وفيه مغالطات لآن اهل الخليج مهب ناقصين افتراءت

المقطع منتشر في يوتيوب وفي البي بي والواتس اب
وفي كل مواقع التواصل اخوي

والعلم في النهاية عند الله سبحانه
ما أنا الا ناقل لخبر قريته وشفته ووصلني كسائر الناس
وقمت بتعديل العنوان .. حسب استطاعتي

حياك الله اخوي
:)

[فرهود]

اخوي العنوان والمضمون فيه ذكر الخليج واسم امير سعودي وطلع ان لا علاقه للخليج او الشخص بالموضوع. الهدف من الموضوع ممتاز لكن المضمون خرب لانه عباره عن مغالطات وتشويه فألافضل تحذف الموضوع وتعيد كتابته بصيغه اخرى حتى يكون الحوار والنقاش على اساس صحيح تقبل تحياتي.

[غير عنهم]

مساكين اهل الخليج اي مشكله في العالم تنقط فوق روسهم الحين طلع امريكي ياليت التحري والدقه قي نقل الخبر

[خليفـة]

اخوي العنوان والمضمون فيه ذكر الخليج واسم امير سعودي وطلع ان لا علاقه للخليج او الشخص بالموضوع. الهدف من الموضوع ممتاز لكن المضمون خرب لانه عباره عن مغالطات وتشويه فألافضل تحذف الموضوع وتعيد كتابته بصيغه اخرى حتى يكون الحوار والنقاش على اساس صحيح تقبل تحياتي.

حياك الله اخوي
وانا متفق معاك اخوي
واتمنى من الإدارة الكريمة ان تقوم بالتعديل اللازم على عنوان الموضوع
وان يكون حوارنا حول أدب الغريب في الغربة
شكرا للمشاركة اخوي
:)


مساكين اهل الخليج اي مشكله في العالم تنقط فوق روسهم الحين طلع امريكي ياليت التحري والدقه قي نقل الخبر

الله المستعان على ما يصفون
:)

شكرا للمرور

[غايه الطواش]

اي شي بينتشر خلال وسائل التكنولوجيا راح نصدقه !!!

اما بخصوص الموضوع سواء غيريب كون اديب او حتى مواطن احترام القوانين
امر لابد منه,, انا ماشوف تجاوزات للقانون كثر الدوله العربيه ..

وبعض الافراد في الدول الخليجيه ...الي يظنون ان هم فوق وباقي الناس تحتهم ...

[خليفـة]

اي شي بينتشر خلال وسائل التكنولوجيا راح نصدقه !!!

اما بخصوص الموضوع سواء غيريب كون اديب او حتى مواطن احترام القوانين
امر لابد منه,, انا ماشوف تجاوزات للقانون كثر الدوله العربيه ..

وبعض الافراد في الدول الخليجيه ...الي يظنون ان هم فوق وباقي الناس تحتهم ...

كلام جميل .. وليس بغريب على الاخت غاية
:)
شكرا لمرورج ومشاركتج الطيبة يا غاية

[خـالـد]

القانون .. على الكل المفروض يسري .. وش هالغرور والتعالي .. والله انا يعجبني النظام والقانون بامريكا

سبق وعشت فيها لمدة سنه .. نظام مافي كيري ميري .. وهذا سبب تقدمهم .. ماعندهم بيع برد

[خليفـة]

القانون .. على الكل المفروض يسري .. وش هالغرور والتعالي .. والله انا يعجبني النظام والقانون بامريكا

سبق وعشت فيها لمدة سنه .. نظام مافي كيري ميري .. وهذا سبب تقدمهم .. ماعندهم بيع برد

صدقت اخوي خالد
واضيف لكلامك اخوي :
اي دولة تطبق القانون والنظام بشكل متساوي على جميع مواطنيها
تكون دولة متقدمة في كل شيء

يعطيك العافية يالغالي على المشاركة الطيبة
:)

[Class - Qtr]

السلام عليكم

مبروك عليك باقي الشهر .. والله يجعلك من المقبولين

اخوي من الصعب انك تاكد ان هذا الشخص خليجي

كلنا ضد تصرف السائق اللي ما احترم الشرطي وقوانين

المرور المفروض عليه حتي لو المخالفه صدرت انه يعتذر

باادب وينتظر الشرطي ينهي كلامه ويكون راقي في تعامله

وماله حق تصرفه الشرطي قدام سيارته ويحرك حتي لو في قانون

يمنع الشرطي الوقوف قدام سيارة صاحب المخالفه بعد

المفروض مايحرك بالطريقه هذي ونتمني للجميع الاستفادة

وشكرا على موضوعك

[خليفـة]

السلام عليكم

مبروك عليك باقي الشهر .. والله يجعلك من المقبولين

اخوي من الصعب انك تاكد ان هذا الشخص خليجي

كلنا ضد تصرف السائق اللي ما احترم الشرطي وقوانين

المرور المفروض عليه حتي لو المخالفه صدرت انه يعتذر

باادب وينتظر الشرطي ينهي كلامه ويكون راقي في تعامله

وماله حق تصرفه الشرطي قدام سيارته ويحرك حتي لو في قانون

يمنع الشرطي الوقوف قدام سيارة صاحب المخالفه بعد

المفروض مايحرك بالطريقه هذي ونتمني للجميع الاستفادة

وشكرا على موضوعك

الله يبارك فيك اخوي
وتقبل الله منا اجمعين

اتفق معاك اخوي في كل كلمة تفضلت بها
واشكرك على اسلوبك الراقي والمحترم في الحوار
:)
شاكر لك المرور والمشاركة اخوي

[abed-wolf]

ياغريب كن اديب كلامك صحيح اخي خليفة
ولكن بتقنعني انه يستاهل هالاسلوب في المعاملة واللي تدل على العنصرية ضد العرب
هل للعسكري الحق في مد يده كما راينا !!!
طيب لنطرح الكلام بصورة اخرى
رعاياهم الا يخطئون في بلادنا نفس خطا الاخ اللي في المقطع
طيب لو طبقنا مبدا (( المعاملة بالمثل ))
وش راح تكون ردة فعلهم هم

ههههه ضحكتني والله

تخيل واحد يدهس رجلك .. اش بتقوله ؟

بتقوله حياك معاي في الدورية لانك دهست رجلي

والسؤال الصحيح .. هل لراعي السيارة حق بانه يدهس السلطة ؟

والعسكري له الحق في مد يده .. لأن الشخص ما امتثل له وفوق هذا دهس رجله !!!

وعن رعاياهم .. اتمنى معاملة المثل لأن لا أحد فوق القانون

[أبوزينة]

الي قاهرني في الموضوع الي مطلع الاشاعات وانه عربي واسمه فلان الفلاني!!
الي مصور الفيديو نفسه ما ذكر اي شي عن اسم الشخص عربي او غير عربي
واعتقد انه الي عامل الفيديو على اساس انه عربي هو واحد حاقد على العرب والمسلمين
ثاني شي اشكر صاحب الموضوع وبالعكس انا معاك انك تنشر والناس تعرف الصواب والصح
واذا في خطأ نصححه أحسن من الشير من غير ما تتاكد من المعلومه..
بخصوص الفيديو :
انا متعاطف مع السائق اكثر من الشرطي ولاحظ كيف الشرطي مسوي نفسه انه اتكنسل

:ok: اذكر واحنا صغار كنا نجرب نحط اصابع الاقدام تحت السيارات الخفيفة والامور كانت اوك هههههههههههه :ok:

[دنيا الاسهم]

ليش مايعاملون الاجانب عندنا بنفس اسلوبهم وهم غرباء وغير محترمين للقانون ورجال الشرطة

[Qt.1]

اخوي العنوان والمضمون فيه ذكر الخليج واسم امير سعودي وطلع ان لا علاقه للخليج او الشخص بالموضوع. الهدف من الموضوع ممتاز لكن المضمون خرب لانه عباره عن مغالطات وتشويه فألافضل تحذف الموضوع وتعيد كتابته بصيغه اخرى حتى يكون الحوار والنقاش على اساس صحيح تقبل تحياتي.

بالفعل بودعي مواضيعه دايما حلوه ومميزه واتشدك في محتواها لكن العنوان افقد الموضوع اهميته لان ماله اي صله بالموضوع , لوفعلا تحذف الموضوع اخوي وتكتبه بصيغه ثانيه ايكون احسن وقواك الله,

[رجل الجزيرة]

الخطأ من السائق:
فالسائق شاف الشرطي قدام سيارته وطنش له، وفوق هذا كله ركب سيارته وسكر الباب ودق سلف يبغي يحرك فلو فيه خير كان جاه بإحترام وتكلم معه بإحترام وشاف ويش الموضوع.

[ريم 28]

اشكر الاخ خليفه

لان عرفنا ان الرجل ليس عربي

والخطا راجع له الصراحه جرئه وتعدي

[puree]

أولا

ارجوا من الكل انه يقرا وصف المقطع .. اللي مصور الفيديو كاتب السالفه تحت المقطع فالوصف

الزبده

اللي فهمته من وصف اللي مصور الفيديو ان راعي الفيراري موقف قدام الفندق والمواقف اللي قدام الفندق هي خاصه فقط بنزلاء الفندق

ويقول راعي الفيديو ان مفتاح الموتر كان عند الموظف فالفندق اللي هو يصف مواتر نزلاء الفندق ..

يعني اكيد صاف مكان صحيح ..

وبعدين اللي اشوفه ان الشرطي تعمد يحط ريوله تحت التاير ..


ثانيا

صاحب السياره أسمه

Julien Chabbott



وكالعااده العرب لعبتهم الاشاعات والخرابيط

للأسف المقطع انتشر بأكثر من عنوان مختلف

مره امير سعودي

مره شيخ خليجي ومره ولد فلان بن فلان ..




ياليت ياخوي تعدل على العنوان والموضوع لان طلع مب خليجي ولا عربي


والله يعطيك العافيه :)

[qatarshark]

اخوي خليفة يعطيك العافية
الظاهر بعض الأخوة ما اعرفوا انت شنو تقصد
الي تبي توصله ان الواحد يحترم القانون خصوصا الغريب
عندي سؤال حق إخواني الاعضاء ليش الغريب في قطر مايحترم القوانين وانا شفت وايد يركبون الرصيف وعادي ولا همه
تدرون ليش
لان شاف الربع الموضوع عادي عندهم
صدقوني لو كلنا نحترم القانون سواء في بلادنا او بالخارج راح نرتقي لكن مع الاسف هناك مخالفون ولاتقولون مافي عندنا لا لا في وعيني عينك
مشكور اخوي خليفة

[Q8JP]

في تناقض بالموضوع

الموضوع عن الادب و المضمون تجاوز حدود الادب

نفترض انه امير سعودي كما ذكرت

تساؤل

هل من الادب ان تشهر بأخ لك بالدين و العروبة
و نقول شوفوا فلان ابن علان
عمل كذا فعملوا له كذا. . فا يا غريب كون اديب ،!
هل الادب الاسلامي او العربي يدعوا بالتشهير و التشفي،،!لنجلب العضة؟
احنا بالعشر الاواخر استغفر ربك و الله يستر على الجميع

[shadad]

اشلون الشرطي غلطان .. والرجال دايس رجله ويبي يحرك سيارته !!

عموما .. لازالت الفكرة من الموضوع قائمة :
يا غريب .. كُن أديب
:)

المفروض يوم شاف الرجال يبي يحرك يبتعد عن السياره ما يحط رجله تحت توايرها - ركز عدل بالمقطع وشوف حركة قدمه . وعلى فكرة الموقف صحيح ومحجوز للفندق والسياره كانت واقفه في المنطقه الصحيحه .
حسب ما عرفته ايضا ان الشرطي - المشكلجي - في مركز الشرطه اتضح انه لم يكتب المخالفه ! يعني كان يسوي نفسه يكتب.

[بوخالد911]

خليجي ولا بنغالي

المفروض الكل يحترم قوانين المرور

[اوف ليميت]

غريبه
في نيويورك اسوي بلاوي وفضايح
والشرطه يممممممممممي بعد والله مايتهجمون عليك..[س اللي صارله شي جذي اكيد السالفه مش هينه

بعدين المشكله الوحيده في امريكا اللي اتأرقني ههه انك تقدر تنتقد الرئيس عادي..والدين عادي..الا الشرطي ترفع يدك في وجهه او ترفع صوتك..راحت عليك..العب نص ساعه الحين وياهم بالوكي توكي وبالرماق ;p لا بعد نص ساعه ماراح تلعب الا مع الجدران بروحك

:]

[الشيخة شيوخة]

والله ماتكبر الا السماده
واسفه على هذا التعبير
وهناك مثل يقول ياغريب خلك اديب
واذا الواحد راح ديرة الغربه لعلم او اعلاج اوسياحه عليه مايطول
و من ينتهى من الموضوع الى راح من اجله يرجع اراضيه على طول
ولاننسا ان الرسول صلى الله عليه وسلم تعوذ من السفر والاماكن الى يرحل لها اويسكن فيها

[خليفـة]

ههههه ضحكتني والله

تخيل واحد يدهس رجلك .. اش بتقوله ؟

بتقوله حياك معاي في الدورية لانك دهست رجلي

والسؤال الصحيح .. هل لراعي السيارة حق بانه يدهس السلطة ؟

والعسكري له الحق في مد يده .. لأن الشخص ما امتثل له وفوق هذا دهس رجله !!!

وعن رعاياهم .. اتمنى معاملة المثل لأن لا أحد فوق القانون

كلام جميل اخوي
يعطيك العافية الغالي
:)


الي قاهرني في الموضوع الي مطلع الاشاعات وانه عربي واسمه فلان الفلاني!!
الي مصور الفيديو نفسه ما ذكر اي شي عن اسم الشخص عربي او غير عربي
واعتقد انه الي عامل الفيديو على اساس انه عربي هو واحد حاقد على العرب والمسلمين
ثاني شي اشكر صاحب الموضوع وبالعكس انا معاك انك تنشر والناس تعرف الصواب والصح
واذا في خطأ نصححه أحسن من الشير من غير ما تتاكد من المعلومه..
بخصوص الفيديو :
انا متعاطف مع السائق اكثر من الشرطي ولاحظ كيف الشرطي مسوي نفسه انه اتكنسل

:ok: اذكر واحنا صغار كنا نجرب نحط اصابع الاقدام تحت السيارات الخفيفة والامور كانت اوك هههههههههههه :ok:

شكرا للمشاركة اخوي
وذكرتني بالماضي الأليم ههههههههه


ليش مايعاملون الاجانب عندنا بنفس اسلوبهم وهم غرباء وغير محترمين للقانون ورجال الشرطة
الي يخالف النظام والقانون .. يتحاسب اختي
سواء مواطن او مقيم
شكرا لمرورج
:)




بالفعل بودعي مواضيعه دايما حلوه ومميزه واتشدك في محتواها لكن العنوان افقد الموضوع اهميته لان ماله اي صله بالموضوع , لوفعلا تحذف الموضوع اخوي وتكتبه بصيغه ثانيه ايكون احسن وقواك الله,

تم تعديل العنوان اخوي .. ولكن من داخل الموضوع
اما العنوان الخارجي ما عرفت اعدله
ان شاء الله الاخوة المشرفين يغيرونه
وشاكر لك كلامك الطيب يالغالي
:)


الخطأ من السائق:
فالسائق شاف الشرطي قدام سيارته وطنش له، وفوق هذا كله ركب سيارته وسكر الباب ودق سلف يبغي يحرك فلو فيه خير كان جاه بإحترام وتكلم معه بإحترام وشاف ويش الموضوع.

وجهة نظر بعد
شكرا لك اخوي
:)


اشكر الاخ خليفه

لان عرفنا ان الرجل ليس عربي

والخطا راجع له الصراحه جرئه وتعدي
شكرا للمرور ريم 28
:)


أولا

ارجوا من الكل انه يقرا وصف المقطع .. اللي مصور الفيديو كاتب السالفه تحت المقطع فالوصف

الزبده

اللي فهمته من وصف اللي مصور الفيديو ان راعي الفيراري موقف قدام الفندق والمواقف اللي قدام الفندق هي خاصه فقط بنزلاء الفندق

ويقول راعي الفيديو ان مفتاح الموتر كان عند الموظف فالفندق اللي هو يصف مواتر نزلاء الفندق ..

يعني اكيد صاف مكان صحيح ..

وبعدين اللي اشوفه ان الشرطي تعمد يحط ريوله تحت التاير ..


ثانيا

صاحب السياره أسمه

julien chabbott



وكالعااده العرب لعبتهم الاشاعات والخرابيط

للأسف المقطع انتشر بأكثر من عنوان مختلف

مره امير سعودي

مره شيخ خليجي ومره ولد فلان بن فلان ..




ياليت ياخوي تعدل على العنوان والموضوع لان طلع مب خليجي ولا عربي


والله يعطيك العافيه :)

الله يعافيك يالغالي
تم تعديل العنوان حسب الاستطاعة بارك الله فيك
:)


اخوي خليفة يعطيك العافية
الظاهر بعض الأخوة ما اعرفوا انت شنو تقصد
الي تبي توصله ان الواحد يحترم القانون خصوصا الغريب
عندي سؤال حق إخواني الاعضاء ليش الغريب في قطر مايحترم القوانين وانا شفت وايد يركبون الرصيف وعادي ولا همه
تدرون ليش
لان شاف الربع الموضوع عادي عندهم
صدقوني لو كلنا نحترم القانون سواء في بلادنا او بالخارج راح نرتقي لكن مع الاسف هناك مخالفون ولاتقولون مافي عندنا لا لا في وعيني عينك
مشكور اخوي خليفة

بالضبط اخوي .. بارك الله فيك يا شارك
وفرت علي الكثير من الكلام بمشاركتك الطيبة هذي
:)


في تناقض بالموضوع

الموضوع عن الادب و المضمون تجاوز حدود الادب

نفترض انه امير سعودي كما ذكرت

تساؤل

هل من الادب ان تشهر بأخ لك بالدين و العروبة
و نقول شوفوا فلان ابن علان
عمل كذا فعملوا له كذا. . فا يا غريب كون اديب ،!
هل الادب الاسلامي او العربي يدعوا بالتشهير و التشفي،،!لنجلب العضة؟
احنا بالعشر الاواخر استغفر ربك و الله يستر على الجميع

يالله .. خذوا يا ناس
انا هذا اكثر شي يضايقني بالمنتدى
لما يجيكم واحد ما يعرف اساس من راس الموضوع
ويقعد يبربر ويتفلسف

يا اخي اقرأ الموضوع من بدايته .. واقرأ الردود
وبعدين تعال وعلق على الموضوع

عموما .. اقول لك التالي :
ان كان عندك كلام طيب تقوله .. يا مرحبا بك
وان كنت جاي تعلمني الأدب .. فياليت تخرس وتوفر كلامك لنفسك
انتهى


المفروض يوم شاف الرجال يبي يحرك يبتعد عن السياره ما يحط رجله تحت توايرها - ركز عدل بالمقطع وشوف حركة قدمه . وعلى فكرة الموقف صحيح ومحجوز للفندق والسياره كانت واقفه في المنطقه الصحيحه .
حسب ما عرفته ايضا ان الشرطي - المشكلجي - في مركز الشرطه اتضح انه لم يكتب المخالفه ! يعني كان يسوي نفسه يكتب.
اشلون يبتعد عنه اخوي
وهو يبي يخالفه !
المفروض السائق ينتظر لين يخلص الشرطي اجرائه
وبعدين يتحرك
يعطيك العافية على المرور والمشاركة عموما
:)


خليجي ولا بنغالي

المفروض الكل يحترم قوانين المرور
هذا الكلام الحلوا
تسلم على المرور الحلوا يا حلوا
:)


غريبه
في نيويورك اسوي بلاوي وفضايح
والشرطه يممممممممممي بعد والله مايتهجمون عليك..[س اللي صارله شي جذي اكيد السالفه مش هينه

بعدين المشكله الوحيده في امريكا اللي اتأرقني ههه انك تقدر تنتقد الرئيس عادي..والدين عادي..الا الشرطي ترفع يدك في وجهه او ترفع صوتك..راحت عليك..العب نص ساعه الحين وياهم بالوكي توكي وبالرماق ;p لا بعد نص ساعه ماراح تلعب الا مع الجدران بروحك

:]

صدقت والله
عندهم سو اي شي .. الا محاولة التعدي على رجل الشرطة او الأمن
على بوزعبل على طوووول

شكرا لمرورك اخوي
:)


والله ماتكبر الا السماده
واسفه على هذا التعبير
وهناك مثل يقول ياغريب خلك اديب
واذا الواحد راح ديرة الغربه لعلم او اعلاج اوسياحه عليه مايطول
و من ينتهى من الموضوع الى راح من اجله يرجع اراضيه على طول
ولاننسا ان الرسول صلى الله عليه وسلم تعوذ من السفر والاماكن الى يرحل لها اويسكن فيها

جزاج الله خير وما قصرتي
مشاركة طيبة منج
واشكرج عليها
:)

[حميداني]

يستاهل من ما كان

[خليفـة]

يستاهل من ما كان

صح السانك اخوي حميداني
يستاهل من ما كان الي يخالف القانون والنظام .. سواء خليجي .. او عربي .. او اجنبي

يعطيك العافية
:)

[shadad]

كلام جميل اخوي
يعطيك العافية الغالي

اشلون يبتعد عنه اخوي
وهو يبي يخالفه !
المفروض السائق ينتظر لين يخلص الشرطي اجرائه
وبعدين يتحرك
يعطيك العافية على المرور والمشاركة عموما
:)

:)

خليفه مافي شرطي بالعالم - حتى عندنا ما صارت - يخالف ويحط رجله تحت السياره !! الشرطي فعلا قاصد الحركه يعني شرطي بيخالف يروح يحط رجله يا بلفيت سوبر مان بتوقف شدعوه !؟
والشي الثاني االسياره واقفه صح قدام موقف الفندق وراجع كلام الشخص اللي رفع المقطع للانترنت. والثالث وهو الاهم الشرطي المتبلي ما كتب المخالفه ؟ !! يعني طول الوقت يخربط بشنو مثلا بكلمات متقاطعه.

وتسلم على الرد.

[بريق]

وانت شدراك انه خليجي

[خليفـة]

خليفه مافي شرطي بالعالم - حتى عندنا ما صارت - يخالف ويحط رجله تحت السياره !! الشرطي فعلا قاصد الحركه يعني شرطي بيخالف يروح يحط رجله يا بلفيت سوبر مان بتوقف شدعوه !؟
والشي الثاني االسياره واقفه صح قدام موقف الفندق وراجع كلام الشخص اللي رفع المقطع للانترنت. والثالث وهو الاهم الشرطي المتبلي ما كتب المخالفه ؟ !! يعني طول الوقت يخربط بشنو مثلا بكلمات متقاطعه.

وتسلم على الرد.
الله يسلمك اخوي
الغالي .. انا تابعت المقطع .. والي شفته ان الشرطي كان يعبي بيانات السيارة
في دفتر المخالفات
والسايق جاء ركب السيارة وحاول تحريكها قبل ما ينتهي الشرطي من عمله
ولو لاحظت اخوي .. المكان كان ضيق اساساً
وماعليك من الي رفع المقطع .. هو مب رجل مرور عشان يقول المكان مسموح الوقوف فيه
او غير مسموح .. هذا عمل الشرطي وهو أدرى منه .
وثق تماماً اخوي لو كان المكان مسموح الوقوف فيه محد تحرش فيه ولا حد خالفه .

الصح ان يوقف وينتظر الشرطي لين يخلص عمله .. وبعدين يتحرك
الله يسهل عليه .

حياك الله اخوي .. ولا زلت أرى ان على الغريب .. ان يكون أديب
في كل مكان وزمان
:)


وانت شدراك انه خليجي

انا قلت الي قريته وسمعته وشفته .. مثلي مثل الاف البشر
ولما تأكد لي ان الشخص مب خليجي .. غيرت عنوان الموضوع
انت لو تتعلم تقرأ قبل لا تكتب ردك .. كان شفت الدنيا شي ثاني
:)

[abu ali1]

لا حول ولا قوة إلا بالله

[حفيد الأنصار]

انا جاني المقطع على الجوال بعنوان ( يحسب نفسه في بلده )
واستغربت بصراحه لان الواضح من شكل الرجال انه مو خليجي
على العموم تشكر على النقل

[جمال اليافعي]

هههههههههههه الله يعينك يا خليفه على المشاركات الي خارج الموضوع , و تسلم على النقل والتصحيح ..

[BoFahed]

الصراحة اخوي خليفة موضوعك في وقته وللاسف يا ما انا شفت هالمناظر في لندن مستغلين بان العقوبة مخالفة مادية وقلة الادب والتطاول علا الغلابة صج تشوفها لما يسافر هالمعيلة دولة عربية لانه مضبطين الوضع (دهن سير ضابط او مسئول كبير يخلص المسائل ) وترديد المقولة الشهيرة بفلوووووووسي .

بس اخوي المشكلة الكبيرة في شوارعنا صار الاستهتار وعدم احترام القوانين وكنت اتمنى بان يعطى الشرطة صلاحية الحجز في الشارع و الدعس علا الخشوم لمثل هالاشكال اللي في الفيديو لانهم انتشروا هاليومين وايد اللي يدعم سيارة ثانية متعمد واللي يلف على العالم بالقوة واللي يسب واللي يتفل ويقط بيبيسي على السيارت الثانية وكله بسبب تافه وهو المناحس سوالف يهال مب مصدق انه تحول من سيكل لى سيارة فورويل والبعض عمره في الثلاثينات والاربعينات الراس فاضي و طفل .

تلاقي الشرطي اجنبي او قطري عنده اوامر بالتبليغ عن رقم السيارة فقط ولما يروحون المركز تشتغل حب الخشوم والواسطات وفي الاخير يتنازل العسكري بطيبته علشان ما يبي مشاكل ولا بيضيع مستقبل هذا الشخص قليل الادب

انا اطالب وبقوة سياسة دعس الخشوم لكل تافه سولت نفسه ان يهين او يتعالى علا اي شخص بمال او بواسطة وبالذات العسكري لانه يمثل هيبة الدولة والقانون اللي لا بد ان تحترم باي طريقة كانت وكل شخصية وله تعامل معين يردعها .

[رجل مثالي]

الموضوع جيد ويعكس اخلاقيات الفرد في التعامل واحترام القوانين في

الوطن وخارج الوطن موضوع مهم

[خليفـة]

انا جاني المقطع على الجوال بعنوان ( يحسب نفسه في بلده )
واستغربت بصراحه لان الواضح من شكل الرجال انه مو خليجي
على العموم تشكر على النقل

حياك الله يا بوحرب
نورت الموضوع بمرورك الطيب
:)


هههههههههههه الله يعينك يا خليفه على المشاركات الي خارج الموضوع , و تسلم على النقل والتصحيح ..
هههههه
امين اخوي
حياك الله .. شاكر لك المرور
:)


الصراحة اخوي خليفة موضوعك في وقته وللاسف يا ما انا شفت هالمناظر في لندن مستغلين بان العقوبة مخالفة مادية وقلة الادب والتطاول علا الغلابة صج تشوفها لما يسافر هالمعيلة دولة عربية لانه مضبطين الوضع (دهن سير ضابط او مسئول كبير يخلص المسائل ) وترديد المقولة الشهيرة بفلوووووووسي .

بس اخوي المشكلة الكبيرة في شوارعنا صار الاستهتار وعدم احترام القوانين وكنت اتمنى بان يعطى الشرطة صلاحية الحجز في الشارع و الدعس علا الخشوم لمثل هالاشكال اللي في الفيديو لانهم انتشروا هاليومين وايد اللي يدعم سيارة ثانية متعمد واللي يلف على العالم بالقوة واللي يسب واللي يتفل ويقط بيبيسي على السيارت الثانية وكله بسبب تافه وهو المناحس سوالف يهال مب مصدق انه تحول من سيكل لى سيارة فورويل والبعض عمره في الثلاثينات والاربعينات الراس فاضي و طفل .

تلاقي الشرطي اجنبي او قطري عنده اوامر بالتبليغ عن رقم السيارة فقط ولما يروحون المركز تشتغل حب الخشوم والواسطات وفي الاخير يتنازل العسكري بطيبته علشان ما يبي مشاكل ولا بيضيع مستقبل هذا الشخص قليل الادب

انا اطالب وبقوة سياسة دعس الخشوم لكل تافه سولت نفسه ان يهين او يتعالى علا اي شخص بمال او بواسطة وبالذات العسكري لانه يمثل هيبة الدولة والقانون اللي لا بد ان تحترم باي طريقة كانت وكل شخصية وله تعامل معين يردعها .

بارك الله فيك اخوي
واتفق معاك .. لا بد من احترام القانون واحترام الناس وعدم التعالي على احد
شكرا لمرورك ولمشاركتك الطيبة اخوي
:)


الموضوع جيد ويعكس اخلاقيات الفرد في التعامل واحترام القوانين في

الوطن وخارج الوطن موضوع مهم
حياك الله اخوي رجل مثالي
شاكر لك المرور الطيب .. وكلامك الطيب
:)

[الكنترول]

هههههههههههههه العتب على النظر

هذا روسي واقف باب الفندق ومش غلطان ,,, الغلط الرقم من الخلف ومن الأمام فيه رقم

شوفوا السيارة السوداء الخلفية ليش ماخالفوها

ومافيه بهذا الأسم سلطان بن خالد .... وانتم أي فيديوا تشاهدونه تصدقونه

احتمال الشيعة يشوهون سمعة المسلمين والأمراء ,,,,

:tease::tease::tease:

[خليفـة]

هههههههههههههه العتب على النظر

هذا روسي واقف باب الفندق ومش غلطان ,,, الغلط الرقم من الخلف ومن الأمام فيه رقم

شوفوا السيارة السوداء الخلفية ليش ماخالفوها

ومافيه بهذا الأسم سلطان بن خالد .... وانتم أي فيديوا تشاهدونه تصدقونه

احتمال الشيعة يشوهون سمعة المسلمين والأمراء ,,,,

:tease::tease::tease:

يعطيك العافية الكنترول على التوضيح
:)
شكرا لمرورك