بعض صالات الافراح في الامارات بالمجان !!!!

[PP]

السلام عليكم ورحمة الله وبركاته

شدني موضوع صالات الافراح في ابوظبي و العين حيث الحكومة توفرها للشباب بالمجان !

في البداية, هناك منحة 70 الف درهم لمن دخله اقل من 15 الف درهم
شوفوا الموقع
(http://www.abudhabi.ae/egovPoolPortal_WAR/appmanager/ADeGP/Citizen?_nfpb=true&_pageLabel=p14472&lang=ar)

هناك خدمات اخرى مثل
- خدمة الذبح لمناسبات أعراس المواطنين
- خدمة الذبح لمناسبات وأفراح الشيوخ والجمعيات الخيرية
- طلب إعارة الأعلام وإنارة الزينة للأعراس والمناسبات

هذا كله ينطبق تحت مؤسسة خليفة الانسانية -الله يجزاه الخير

الان صالات الافراح هذي موجودة في ابوظبي و العين وام القيوين في الطريق
المطلوب هو حجز ب 5000 درهم و الخمس الاف ترجع بعد العرس! للتأكد اضغط هنا (http://www.abudhabi.ae/egovPoolPortal_WAR/appmanager/ADeGP/Citizen?_nfpb=true&_pageLabel=p14472&did=139914&lang=ar)

هناك ما يقارب 8 قاعات افراح في العين من الحكومة فقط واكثر في ابوظبي

ابي اشكر ازدان علي طرحها لمساعدة الشباب في عملهم الاخير واتمنى ان نحذو حذو الامارات ونتعلم من تجارب اخواننا في الخليج

[بصمة قطرية]

المشكلة اللي نعاني منها هي الاحتكار ..!!!
يا ليت يسمحون ببناء صالات و تكون بأسعار رمزية ..
للأسف مافي الا قاعات غالية
و فنادق أغلى ~

[للصبر اخر]

صح لسانج بصمه
والاسعار صارت اكثر من مبالغ فيها
والله من فتره اتصلت اسئل عن صالة فندق ............
قالي الشخص ب 300

[captin]

الإمارااااااااات غييييييير

[بوخالد911]

وهذه دعوة لفتح سوق الصالات

[بورصواوي]

ياحظهم يتزوجون بدون خسائر مالها داعي

[المليونير الفقير]

الامارات دائما فالمقدمه بالنسبه لخدمة الجمهور

[asad100]

اللي اعرفه ان كان في موجود قاعات خيرية بس اغلقت ،،،، واهل الخير واجد من تجار وغيره بس شكله الموضوع مش سهل وراح تلقى عقبات كثيرة اذا واحد بيسوي قاعة افراح باسعار رخيصة

[حميداني]

ما شاءالله الله يسمع منك , مشكلتنا الكبيره انه ثلاث ترباعنا همه الشاغل هو كلام الناس
ان خذى شي ابلاش خاف اوادم خلق الله يتكلمون عنه والبنت اهني اكثر واكثر

هذا غير اللي يحبون المفوشر في الاشياء الفاضيه علشان الناس يمدحون باعراسهم
بدل ما يخلون العرسان يتهنون فيهم يسافرون مني ومناك ضغوطات الاهل عليهم من الصوبين يجعل الشي صعب

الله يستر بس

[barod]

صعبه نوصل لمستوى الامارات بكل شي

[مشاكل]

الإمارااااااااات غييييييير


الامارات دائما فالمقدمه بالنسبه لخدمة الجمهور

اش هالحماس الزايد ؟؟؟!!!!

[الأصيلة]

الإمارااااااااات غييييييير

بس أبوظبي غييييير

[الخزرجي قطر]

قطر غير في كل شي
هناك مقوله معروفه
كويت الماضي ودبي الحاضر وقطر المستقبل

[ريم 28]

قطر غير في كل شي
هناك مقوله معروفه
كويت الماضي ودبي الحاضر وقطر المستقبل

اتفق معاك

بالنسبه للصالات المجانيه الاغلب لن يستغلها
والسبب يعرفه الجميع

للاسف

[OREO]

بنفسج قلتي الامارات،،،،:)

سمعت الشخص يوم يتزوج عندنا بقطر لازم ولده يستلم مساعدة الزواج ،، اللي ما تتجاوز ١٠ او ١٥ الف ريال ،،

[OREO]

اتفق معاك

بالنسبه للصالات المجانيه الاغلب لن يستغلها
والسبب يعرفه الجميع

للاسف

مافي سبب غير الزبو ،،

[خالد32]

المشكله ان محد يبي الصالات ال (وع)
الكل يبي الاغلى حتى لو كان الاسوئ
العيب فينا

[الفورتك]

صعبه نوصل لمستوى الامارات بكل شي

يوم ان الامارات عاجبتك لهالدرجه وقطر صعبه توصل مواصيلها على قولتك

ليش قاعد في قطر وتاكل من خيرها وساكن فيها ؟

[Class - Qtr]

السلام عليكم

اللي سو اكاديميه التفوق الرياضي اسباير من ملاحق رياضيه على اعلى مستوي

الي فنادق رياضيه راقيه بالاضافه الي مستشفي رياضي يعتبر الاول حاليا في العالم

وحاليا جاري العمل على انهاء مستشفي خاصه للكشف عن المنشطات

بيعجز على عمل 30 قاعه افراح تشجع على المقبلين على الزواج

بااسعار معقوله تخدم شريحه كبيرة من اهل قطر

تري قطر فيها خير .. وشيوخنا فيهم خير

[Q8JP]

قطر غير في كل شي
هناك مقوله معروفه
كويت الماضي ودبي الحاضر وقطر المستقبل

الكويت من اربعين سنة و الى اليوم صالة المناسبات مجانية
في كل منطقة صالة لاهالي المنطقة و اقربائهم و المناطق الكبيرة يكون فيها من صالتين الى ثلاث صالات
تدفع 100 دينار تأمين و تردها بعد العرس
و الصالة مجهزة تجهيز فندقي
الصالة يقام فيها كل المناسبات
اعراس
ندوات
حفل تخرج

[(بوطلال)]

سبحان الله فيه ناس ماتشوفهم الا في اي موضوع يمدح اي دوله خليجيه على حساب قطر .صدق المثل ياكل من خيري ويمدح غيري

[الأصيلة]

إذا قاعة الدوحة للأفراح بالدفنة
أغلب البنات مايرضون يتزوجون فيها
اشلون تبغونهم يتزوجون في صالات بالمجان...
إلا من رحم ربي...

[AL-ANSARI]

إذا قاعة الدوحة للأفراح بالدفنة
أغلب البنات مايرضون يتزوجون فيها
اشلون تبغونهم يتزوجون في صالات بالمجان...
إلا من رحم ربي...

صادقة وهذا الي صاير

[النجلا]

سعر القاعات عندنا بروحه يسآوي مهر .. يعني يدفع مهر حق العروس ومهر حق القاعة .. الله يعين