دولة حلمستان .....بقلم شاعر اللحظات

[شاعر اللحظات]

دولة حلمستان .....

لاتسئلوا اين تقع حلمستان ولكن اسئلوا كيف وقعت .....

دولة حلمستان كانت من اصغر الدول مساحة ... ولكن المواطن عايش في راحه .. حاكمها شخصن محبوب
وأصدقائه في كل حدب وصوب ....يحكم بالعدل والاحسان ... وخيرة للقاصي والدان

وبعد ان شبع الشعب ....وانتشر الخير والحب.....بدءت لا فكار تتنفس ...والانفس ماهيب الانفس ....

تفشى مرض المصالح .....والطالح معدي للصالح ....

يعني تبغي تتوظف .....لاتفكر انك تتنظف .....لحظ لحظة متأسف .....اقصد لاتقدم عادي ....دور شي غير عادي
تتعين يبغي لك واسطه ....تترقى يبغي لك واسطه ...بتطور يبغي لك واسطه ...حتى لو تبغي تعرس ...يبي لك واسطه يامعرس

واصبح توزيع الارضي ...عيني عينك ياقاضي ....مايحشم دور المواطن .....والمصيبة في الباطن ...
تلقى المواطن المسكين ...عمرة فوق الثلاثين ...ومقدم من خمس سنين ....يحلم بأرض من حقة ....ارضً قطعة من ارضة...
قولوا لي وشو تاليها .....حتى لو صرفت ارضة ....كم يبغى حتى يبنيها ....ما بقى كثر اللي راح ...حلمة في بيت ومفتاح ..

نتكلم عن دور التعليم ...
المدارس والتعليم ..خطة تدريس واتقان ....
قالوا انها مدروسة ...وبتصقل عقل الانسان
ومرت لايام ودارت ..والخطة لسا ماسارت
من فشل الي فشل اكبر ...حتى الادارة احتارت
ماقلوا حنا المخطين ....ولا قالوا فلشنا
رد الموطن مجروح ...ياروح مابعدك روح
تكفون يالمسؤولين ....شوفوا حلً في البزران
شوفوا من وين التقصير....ترى ماهوب بالمجان
كل طالب يدفع قسطة .....من الحاكم ربي يديمة


ومازال للموضوع بقية ...... اخوكم شاعر اللحظات

[عاهد بن علي]

تسلم استاذي على الطرح

[intesar]

حتى المواطن.. صار ما يعجبه العجب.. كل ماعطوه.. قال أبي زيادة..
ولين عطوه وظيفة.. قال أنا ولد فلان ما أشتغل إلا خلف طاولة وكرسي..
بالطبع الكشخة والفشخرة والجيب مافيه ريال..
والماركات صارت هم اللي عنده واللي ماعنده..
القلوب صارت مو على بعضها.. والكره والحسد على عينك ياتاجر..
الكلام والعتب دووم.. والفعل آخر همهم..

الحكومة احتارت.. وأصحاب التعليم احتاروا.. فرضاهم غاية لا تدرك..
عيشوهم أحلى عيشة.. وعطوهم الفلوس.. بس العين مازالت فارغة..

لو كل رب أسرة بدأ الإصلاح وتهذيب النفس بنفسه وبيته.. لأصلح المجتمع خاليا من العيوب..

لا تعتب على الدولة ومرفقاتها.. العيب الأول فينا قبل مايكون فيهم..

ودمت بحفظ الرحمن..