افكاركم في حمام خاص لكبار السن

[بودحوم]

السلام عليكم ورحمة الله وبركاته

يا أخوان من عنده افكار لحمام خاص بكبار السن ؟؟

خصوصاً طريقة مكان الوضوء ونوعية الأرضية ؟

اللي عنده أفكار يطرحها جزاه الله خير ويفضل ان تكون بالصور .

مشغلني هالموضوع

دورت في النت ولقيت بعض الأشياء اللي تساعد كبار السن مثل :
بانيوم خاص وبعض المقابض



http://i00.i.aliimg.com/img/pb/500/121/263/1282189910221_hz-myalibaba-web8_5969.jpg

http://www4.0zz0.com/2012/08/14/20/531079848.jpg

http://i00.i.aliimg.com/img/pb/473/121/263/1282189904251_hz-myalibaba-web5_6613.jpg

http://www4.0zz0.com/2012/08/14/20/658135947.jpg

http://i00.i.aliimg.com/img/pb/463/627/108/108627463_980.jpg

[مرحوم قطر]

والله موضوع وايد مهم

و مهم جداً جداً جداً


انا مثلا الحين لازم اجهز غرفة و حمام حق جدتي لان بتجي تعيش عندنا


اول شي اخوي ما اعتقد انك غفلت عن هلموضوع

وهو ان لازم تكون الغرفه تحت ما تكون فوق لان شي طبيعي كبار السن ما يقدرون يركبون الدرج

ثاني شي

حاول تخلي الغرفه نظام قديم يعني سرير خشب قديم شكله قديم بدون زيادات يعني ستاندر

لان هم يرتاحون كذا و كبت صغير يعني استايل الغرفه قديم لانهم يرتاحون كذا

و فعلاً في غرفة جدتي هذا الي سويته عشان نفسيتها ترتاح


و لا تحط لها تلفزيون في الغرفه

اول شي كبار السن مب متعودين على هذا الشي

و اذا تعودو مشكله

لان بيتمون في مكانهم و ما بيتحركون و كذا بيستوحشون مثلاً الصبح بروحهم

فا اذا ما حطيت لها بتطر تطلع للصاله على الاقل هذا بالنسبه لهم تغيير جو

و خل الغرفه قريب من مخرج عشان الضيوف الي يجونها يكون اسهل لهم يدخلون


و بخصوص السرير ركب انت عليه تشكيله قديمه بس خله يكون سرير طبي او سرير المستشفى

حتى لو خلفيته خشب يبين انه قديم و اذا كبيركم ما يتحرك وايد خل السرير الي فيه مساج منه و فيه





اما بخصوص الحمام فهذي مشكله كبيره و الحين قاعد افكر في حلول لها

لان جدتي ما تقدر تمشي الى بالعكاز الي تتكي عليه و يكون قدامها و مشيتها صعبه

و اغلب الوقت على الكرسي



الافكار الي جاتني

اول شي الحمام كرمكم الله يتكون من ثلاث اشياء اساسيه

مغسله , شور , دبليوسي


المغسله :

خلوي لازم تكون نازله خذ المغسله الي تتعلق في الطوفه مب الي لها قاعده

و ركبها بمستوى نازل عشان يسهل استخدامها ((( في حالت عدم القدره على المشي )))

يعني انا فكرت اخلي المستوى 80 صانتي مع مستوى الكرسي


الشور :

ما اعتقد الشور الي حطيت صورته يفيد الشيخ

لان اول شي دخلته صعبه اذا الشخص كبير وايد في السن

مثل جدتي

و ثاني شي هم مب متعودين على هلامور فمابيرتاحون في استخدامها


ركب شور عادي مفتوح عشان تسهل فيه الحركه و خل الشور من غير بانيو

يعني على البلاط دايركت بس تحت الشور حط كرسي

تلاقي كراسي حق العجزه مغطيه ابجلد تلاقيها في الصيدليات

بس لا تنسى تركب قواعد ارضيه تثبت الكرسي في الارض ما تخليه يتحرك

هلكرسي جداً ممتاز بس ما عندي صورته و تلاقيه في الصيدليات في الدوحه

و جنب الكرسي بس ابمسافه بسيطه يعني مثلاً 50 صانتي

حط لها رف تحط عليها الشامبو و الصابون و الي تحتاجله

لان ترى كبار السن مثل جدتي ما تخلي الخدامه تسبحها فا هلرف بيسهل عليها الحركه


بيبات الحمام انا خليتها داخليه ما خليتها خارجيه

مب السبب ان احلى لا لسبب ثاني

وهو ان لما تقعد على الكرسي يمكن بالغلط تمسك البيب و يحرقها اذا الماي حار

او الشغاله وهي مدخلتها و خبرك كرسي فا يمكن بالغلط تدز الكرسي على بيب و يحرق رجلها او شي


الارضيلت :

تحمل اخوي تركب سيراميك املس او ناعم و تحتها ثلاث خطوط

لان ترى الزلقه لها مشاكل بعيد الشر

انا جدتي كانة تمشي عادي في المطبخ و نزلقة وهي كبيره في السن

تخيل زلقتها هذي كسرة لها الحوض مع ان طيحه خفيفه بس خبرك كبيره في السن و عظها هش

فا ركب سيراميك خشن و شوف اخشن شي حتى عشان الكرسي ما يتحرك او يزلق


الدبليوسي :

او المرحاض و هذي هي المشكله الاكبر

و الي ابي القالها حل بس مش عارف

جدتي قومتها صعبه شوي لانها تخاف توقف في مراحيض جاهزه لكبار السن

بس ما صلحة و المراحيض الي جمبها حدايد هذي مشكلتها مشكله لان هي اصلاً ما تقدر تقوم نفسها

فا انا قاعد افكر ابحل حق المرحاض و ان شاء الله احصل


بس في شي اخوي حطه في الاعتبار

وهو (((( الهوز ))))

ترى الله يكرمكم هوز الغسيل او الشطاف ممكن يسبب مشكله هي كبار السن

او اوقات لما كبير السن يكون تعبان وايد بيسبب مشكله حق الي بينظفه

و هذي حلها سهل وهو لما تاخذ المرحاض يكون على اساس ان الشطاف منه و فيه

يعني يكون داخله مب من برع اتمنا اكون قدرت اوصلك الطريقه


بس بعد هذي فيها مشكله وهي ان ميزانية الشطاف لك عليها شوي خخخخخخخخخخخخخ



التهويه :

تعرف اخوي كبير السن في اوقات كثيره ما يكون يعني متماسك مثل الشاب

فا كبر الدريشه و حط مروحه كبيره في الحمام .


الاناره :

اخوي خل الاناره قويه لان النظر عندهم في الاغلب ظعيف


و اخوي في شي يمكن تحسب انه ماله داعي

بس حاول تفكر فيه و انا عن نفسي ركزت عليه وهو ان تهتم في الناحيه الجماليه للحمام

يعني بالعربي تخليه حلو و على قولتهم يفتح النفسه خخخخخخخخخخخخخخ

و اهتم ان الحمام يكون ملون يعني الوان وايد لان اغلبية الكبار يحبون هلشي


و السبب ان الكبار و لانهم يكونون تعبانين يشدون على نفسهم و ما يروحون الحمام

او ياخرون روحتهم و هلشي يسويلهم مشاكل

و فعلاً يوم سويت هلشي في الحمام القديم جدتي ما قامة ترفض تروح الحمام او تسويلنا قلق


و غير كذا حاول تخلي الحمام قسمين حمام عادي حق كبيركم و حمام ثاني مغاسل حق ظيوف كبيركم

لان شي طبيعي عجوز او شايب بيجونهم ظروف بشكل بستمر

هذا الي حظرني الحين و اتمنى اكون وصلت لك الافكار الي في بالي

و اذا في شي جديد بقولك اياه

بس كل الي اقدر اقولك اياه و اوصيك عليه هالله هالله في كبيركم

و جزاك الله خير

[ولد العرب]

اخوي اهم شي الارضيه الله يرحم ابوي زلق بالحمام وانت بالكرامه وكسر يده :weeping:وهو شايب كبير والله عور قلب اهم شي الارضيه الحمام

[بودحوم]

والله موضوع وايد مهم

و مهم جداً جداً جداً


انا مثلا الحين لازم اجهز غرفة و حمام حق جدتي لان بتجي تعيش عندنا

الله يطول بعمر جدتك أن شاء الله . وراح تكون شمعة البيت

اول شي اخوي ما اعتقد انك غفلت عن هلموضوع

وهو ان لازم تكون الغرفه تحت ما تكون فوق لان شي طبيعي كبار السن ما يقدرون يركبون الدرج

مع أني بركب لفت لكن الغرفة تحت قريبه من كل شئ


ثاني شي

حاول تخلي الغرفه نظام قديم يعني سرير خشب قديم شكله قديم بدون زيادات يعني ستاندر

لان هم يرتاحون كذا و كبت صغير يعني استايل الغرفه قديم لانهم يرتاحون كذا

و فعلاً في غرفة جدتي هذا الي سويته عشان نفسيتها ترتاح


و لا تحط لها تلفزيون في الغرفه

اول شي كبار السن مب متعودين على هذا الشي

و اذا تعودو مشكله

لان بيتمون في مكانهم و ما بيتحركون و كذا بيستوحشون مثلاً الصبح بروحهم

فا اذا ما حطيت لها بتطر تطلع للصاله على الاقل هذا بالنسبه لهم تغيير جو

و خل الغرفه قريب من مخرج عشان الضيوف الي يجونها يكون اسهل لهم يدخلون


و بخصوص السرير ركب انت عليه تشكيله قديمه بس خله يكون سرير طبي او سرير المستشفى

حتى لو خلفيته خشب يبين انه قديم و اذا كبيركم ما يتحرك وايد خل السرير الي فيه مساج منه و فيه


الغرفة ماعندي فيها مشكلة وقريبة من كل شئ وراح يكون فيها انتركم وهذا اهم شئ .




اما بخصوص الحمام فهذي مشكله كبيره و الحين قاعد افكر في حلول لها

لان جدتي ما تقدر تمشي الى بالعكاز الي تتكي عليه و يكون قدامها و مشيتها صعبه

و اغلب الوقت على الكرسي



الافكار الي جاتني

اول شي الحمام كرمكم الله يتكون من ثلاث اشياء اساسيه

مغسله , شور , دبليوسي


المغسله :

خلوي لازم تكون نازله خذ المغسله الي تتعلق في الطوفه مب الي لها قاعده

و ركبها بمستوى نازل عشان يسهل استخدامها ((( في حالت عدم القدره على المشي )))

يعني انا فكرت اخلي المستوى 80 صانتي مع مستوى الكرسي

ملاحظات جيدة بخصوص المغسلة :nice:

الشور :

ما اعتقد الشور الي حطيت صورته يفيد الشيخ

لان اول شي دخلته صعبه اذا الشخص كبير وايد في السن

مثل جدتي

و ثاني شي هم مب متعودين على هلامور فمابيرتاحون في استخدامها


ركب شور عادي مفتوح عشان تسهل فيه الحركه و خل الشور من غير بانيو

يعني على البلاط دايركت بس تحت الشور حط كرسي

تلاقي كراسي حق العجزه مغطيه ابجلد تلاقيها في الصيدليات

بس لا تنسى تركب قواعد ارضيه تثبت الكرسي في الارض ما تخليه يتحرك

هلكرسي جداً ممتاز بس ما عندي صورته و تلاقيه في الصيدليات في الدوحه

و جنب الكرسي بس ابمسافه بسيطه يعني مثلاً 50 صانتي

حط لها رف تحط عليها الشامبو و الصابون و الي تحتاجله

لان ترى كبار السن مثل جدتي ما تخلي الخدامه تسبحها فا هلرف بيسهل عليها الحركه

فكرة الكرسي ممتازة في الشور العادي . إذا كان الكرسي مناسب وبجنبة مقبض للمساعدة على الوقوف

بيبات الحمام انا خليتها داخليه ما خليتها خارجيه

مب السبب ان احلى لا لسبب ثاني

وهو ان لما تقعد على الكرسي يمكن بالغلط تمسك البيب و يحرقها اذا الماي حار

او الشغاله وهي مدخلتها و خبرك كرسي فا يمكن بالغلط تدز الكرسي على بيب و يحرق رجلها او شي

البيبات طبعاً كلها مخفية

الارضيلت :

تحمل اخوي تركب سيراميك املس او ناعم و تحتها ثلاث خطوط

لان ترى الزلقه لها مشاكل بعيد الشر

انا جدتي كانة تمشي عادي في المطبخ و نزلقة وهي كبيره في السن

تخيل زلقتها هذي كسرة لها الحوض مع ان طيحه خفيفه بس خبرك كبيره في السن و عظها هش

فا ركب سيراميك خشن و شوف اخشن شي حتى عشان الكرسي ما يتحرك او يزلق


الأرضية من أهم الأشياء اللي حاطها في بالي ولاني بغافل عنها أن شاء الله


الدبليوسي :

او المرحاض و هذي هي المشكله الاكبر

و الي ابي القالها حل بس مش عارف

جدتي قومتها صعبه شوي لانها تخاف توقف في مراحيض جاهزه لكبار السن

بس ما صلحة و المراحيض الي جمبها حدايد هذي مشكلتها مشكله لان هي اصلاً ما تقدر تقوم نفسها

فا انا قاعد افكر ابحل حق المرحاض و ان شاء الله احصل

المرحاض ايضاً ماعندي فيه مشكلة . واهم نقطة احرص عليها أن يكون زرف التصريف خفيف للضغط عليه وان يكون جنب المرحاض مقبض للمساعدة على الوقوف
( ملاحظة ) المقبض ممكن ان تطوية وترفعه للجدار نفس اللي في الصورة .


بس في شي اخوي حطه في الاعتبار

وهو (((( الهوز ))))

ترى الله يكرمكم هوز الغسيل او الشطاف ممكن يسبب مشكله هي كبار السن

او اوقات لما كبير السن يكون تعبان وايد بيسبب مشكله حق الي بينظفه

و هذي حلها سهل وهو لما تاخذ المرحاض يكون على اساس ان الشطاف منه و فيه

يعني يكون داخله مب من برع اتمنا اكون قدرت اوصلك الطريقه


بس بعد هذي فيها مشكله وهي ان ميزانية الشطاف لك عليها شوي خخخخخخخخخخخخخ



التهويه :

تعرف اخوي كبير السن في اوقات كثيره ما يكون يعني متماسك مثل الشاب

فا كبر الدريشه و حط مروحه كبيره في الحمام .

مروحة الشفط راح تكون مخفية وفتحات االشفط بتكون في الطوفة هذا النظام اشوفه احسن من المروحة اللي في الدريشة

الاناره :

اخوي خل الاناره قويه لان النظر عندهم في الاغلب ظعيف


و اخوي في شي يمكن تحسب انه ماله داعي

بس حاول تفكر فيه و انا عن نفسي ركزت عليه وهو ان تهتم في الناحيه الجماليه للحمام

يعني بالعربي تخليه حلو و على قولتهم يفتح النفسه خخخخخخخخخخخخخخ

و اهتم ان الحمام يكون ملون يعني الوان وايد لان اغلبية الكبار يحبون هلشي


و السبب ان الكبار و لانهم يكونون تعبانين يشدون على نفسهم و ما يروحون الحمام

او ياخرون روحتهم و هلشي يسويلهم مشاكل

و فعلاً يوم سويت هلشي في الحمام القديم جدتي ما قامة ترفض تروح الحمام او تسويلنا قلق


و غير كذا حاول تخلي الحمام قسمين حمام عادي حق كبيركم و حمام ثاني مغاسل حق ظيوف كبيركم

لان شي طبيعي عجوز او شايب بيجونهم ظروف بشكل بستمر

هذا الي حظرني الحين و اتمنى اكون وصلت لك الافكار الي في بالي

و اذا في شي جديد بقولك اياه

بس كل الي اقدر اقولك اياه و اوصيك عليه هالله هالله في كبيركم

و جزاك الله خير




بيض الله وجهك يامرحوم قطر وفي أنتظار اي أفكار جديدة
ولا يحتاج توصيني تاج الراس

[بودحوم]

اخوي اهم شي الارضيه الله يرحم ابوي زلق بالحمام وانت بالكرامه وكسر يده :weeping:وهو شايب كبير والله عور قلب اهم شي الارضيه الحمام

الله يرحمة ويغفر له وعساه للجنة أن شاء الله

صدقت ياولد العرب . الأرضية لازم تكون خشنه شوي .

وكثير مانسمع عن الأنزلاق في الحمام وخصوصاً كبار السن .

[مستثمر_]

ماقصر مرحوم قطر شغلات واجد نغفلها
انا عن نفسي سويت مكان للوضوء يعني نزلت مستوى الحنفيه وسويت مثل الحوض في الارض لتصريف الماي وكرسي الوضوء يكون كرسي صغير بدون سنادهويكون مش مثبت في الارض

[بنت سعادة السفير]

الله يجزيكم كل خير على بركم لكبار السن ويارب يسون فيكم عيالكم مثل ماتسون فيهم

صراحه ماعندي افكار الاعضاء كفو ووفو حبيت اكتب لكم دعوه حلوه

والله يتقبل صيامكم وقياكم والعيد علييكم مبارك

[بودحوم]

ماقصر مرحوم قطر شغلات واجد نغفلها
انا عن نفسي سويت مكان للوضوء يعني نزلت مستوى الحنفيه وسويت مثل الحوض في الارض لتصريف الماي وكرسي الوضوء يكون كرسي صغير بدون سنادهويكون مش مثبت في الارض

مرحبا يامستثمر

ياليت ياخوي إذا عندك صور تحطها ناخذ فكره عن الطريقة .

[بودحوم]

الله يجزيكم كل خير على بركم لكبار السن ويارب يسون فيكم عيالكم مثل ماتسون فيهم

صراحه ماعندي افكار الاعضاء كفو ووفو حبيت اكتب لكم دعوه حلوه

والله يتقبل صيامكم وقياكم والعيد علييكم مبارك

جزاك الله خير يا sara-qtr

وعساك من عايدين العيد

[بن غيث]

بنيان افضل من الجاهز

[ليل وتعاليل]

أتفق مع مرحوم قطر 100%


- المغسلة مستواها لازم يكون نازل
- الاضاءة قوية
- الباب بدون مفتاح - للأمن والسلامة
- الأرضية مهم جدا ما تزلّق >> وفيه سيراميك فيه هذي الخاصيه ,, وأيضا يساعد في هذا الشي ان السلوب للحمام يتم بطريقة ممتاز لضمان عدم تجمع الماء ,, وايضا تهوية تنشف الحمام
- الشور اهم شي فيه تثبيت الكرسي و يكون بسيط وعادي غير متكلف ,,


والله يعينا ع بر والدينا و من يحبون ..

[مضارب دوسري]

انا عندي فكره
خل الشور يكون بنيان احسن من الجاهز
مثل ماقال اخوي بن غيث

[المسعف]

اخوي اهم شي الارضيه الله يرحم ابوي زلق بالحمام وانت بالكرامه وكسر يده :weeping:وهو شايب كبير والله عور قلب اهم شي الارضيه الحمام
اي والله ياخوي الله يرحمه
اهم شي الأرضية

[بوNasser]

السلام عليكم ورحمة الله

جزاك الله خير

لا تنسى يكون مكان للوضوء مثل هذا (ان شاء الله الصور تكون واضحة) بس وسع المساحة عسى ربي يوسع عليك دنيا وآخرة

http://www.ab2004.com/muntada/Mecca079.jpg
http://www.ab2004.com/muntada/Mecca080.jpg

نفس فكرة اخوي مستثمر

فنادق وايد في السعودية يسوون هالشي، والصور مصورها من فندق رافلز بمكة المكرمة.

[قطر دزاين]

انا نفس الشي جلست معا المهندس نفكر
والظاهر بطلب من النت لانه عطاني فكره بعد
ان يسوي حمام فرنجي ونفصل عليه ونكثر المقابض في الحمام وحق السبوح تكون قاعده بعد بيفصل مكان ومتحاوله مقابض

[ام رويشد]

الشور بنيان احسن وتبني فيه مقعد عالطرف من الطابوق ويتلبس سيراميك احسن وحط جنبه مقبض حق القومة والقعده
وجنب المرحاض الله يعزكم بعد مقابض

[خزامئ]

جزاكم الله خير الموضوع ممتاز ومهم
من وين احصل المسكه الي جنب الدبليوسي والي جنب الشور

[أسد الجزيرة]

اعتقد مستشفى رميلة يوفرون سرير طبي و كرسي متحرك و مسلتزمات الحمامات لكبار السن القطريين و في دكتور يمر و يفحص كبار السن و ممرضات يمرون كل فترة يفحصون الضغط و السكر

لكبار السن يفضل غرفتهم وسط الدار و تعويد الاطفال السلام عليهم لما يدخل السرور في قلوب الكبار

[أسد الجزيرة]

جزاكم الله خير الموضوع ممتاز ومهم
من وين احصل المسكه الي جنب الدبليوسي والي جنب الشور

المسكة تحصلها عند شركة خلف معرض جنرال عند دوار سناء بس سعره غالي ما يسوى قريب 2000 ريال

و مستشفى رميلة يوفر بعض المسكات العادية و ليس الي تتحرك

[خزامئ]

الله يجزاك خير

[بودحوم]

بنيان افضل من الجاهز

مرحبا يابن غيث
تقريباُ هذا اللي بيصير أن شاء الله

[بودحوم]

أتفق مع مرحوم قطر 100%


- المغسلة مستواها لازم يكون نازل
- الاضاءة قوية
- الباب بدون مفتاح - للأمن والسلامة
- الأرضية مهم جدا ما تزلّق >> وفيه سيراميك فيه هذي الخاصيه ,, وأيضا يساعد في هذا الشي ان السلوب للحمام يتم بطريقة ممتاز لضمان عدم تجمع الماء ,, وايضا تهوية تنشف الحمام
- الشور اهم شي فيه تثبيت الكرسي و يكون بسيط وعادي غير متكلف ,,


والله يعينا ع بر والدينا و من يحبون ..


جزاك الله خير ياليل وتعاليل
وانا اتفق معاك في النقاط اللي ذكرتها

[بودحوم]

انا عندي فكره
خل الشور يكون بنيان احسن من الجاهز
مثل ماقال اخوي بن غيث

هلا بالدوسري
صحيح . الشور أن شاء الله بيكون بنيان وسهل الأستخدام لكبير السن .

[بودحوم]

اي والله ياخوي الله يرحمه
اهم شي الأرضية

مرحبا يالمسعف :nice:

[بودحوم]

السلام عليكم ورحمة الله

جزاك الله خير

لا تنسى يكون مكان للوضوء مثل هذا (ان شاء الله الصور تكون واضحة) بس وسع المساحة عسى ربي يوسع عليك دنيا وآخرة

http://www.ab2004.com/muntada/mecca079.jpg
http://www.ab2004.com/muntada/mecca080.jpg

نفس فكرة اخوي مستثمر

فنادق وايد في السعودية يسوون هالشي، والصور مصورها من فندق رافلز بمكة المكرمة.

تسلم والله يالغالي على الإضافة المصورة

[بودحوم]

انا نفس الشي جلست معا المهندس نفكر
والظاهر بطلب من النت لانه عطاني فكره بعد
ان يسوي حمام فرنجي ونفصل عليه ونكثر المقابض في الحمام وحق السبوح تكون قاعده بعد بيفصل مكان ومتحاوله مقابض


مرحبا قطر ديزاين

لاتنسى الإضاءة والأرضية المناسبتين

[بودحوم]

الشور بنيان احسن وتبني فيه مقعد عالطرف من الطابوق ويتلبس سيراميك احسن وحط جنبه مقبض حق القومة والقعده
وجنب المرحاض الله يعزكم بعد مقابض

هذا اللي بيصير أن شاء الله ياام رويشد

[بودحوم]

جزاكم الله خير الموضوع ممتاز ومهم
من وين احصل المسكه الي جنب الدبليوسي والي جنب الشور

مادورتها للحين
بس اتوقع انها موجوده في محلات المواد الصحية . والله أعلم

[بودحوم]

اعتقد مستشفى رميلة يوفرون سرير طبي و كرسي متحرك و مسلتزمات الحمامات لكبار السن القطريين و في دكتور يمر و يفحص كبار السن و ممرضات يمرون كل فترة يفحصون الضغط و السكر

لكبار السن يفضل غرفتهم وسط الدار و تعويد الاطفال السلام عليهم لما يدخل السرور في قلوب الكبار

تسلم يا اسد الجزيرة على المعلومات







المسكة تحصلها عند شركة خلف معرض جنرال عند دوار سناء بس سعره غالي ما يسوى قريب 2000 ريال

و مستشفى رميلة يوفر بعض المسكات العادية و ليس الي تتحرك

المسكة بـ 2000 ريال !!!

على وشو . كلها قطعة حديد ماتكلف 100 ريال

[بودحوم]

الله يجزاك خير

و إياك أن شاء الله

[رآعي موآجيب]

جزاك الله خير وبيض الله وجهك


الربع ماقصروا

لكن انتبهوا على موضوع الحواف في الأرضيات وعند البيبان ( دايما ينسونها ويعثرون فيها )

لا تبعدون المسبح والمقعده والمغسله من الباب ، كل ماكانت قريبه افضل

الأرضيات ما انصح بأي نوع من أنواع البلاط نهائياً ، الأرضيات القديمه اللي كانت في مستشقى حمد اشوفها زينه ( الرصاصيه وفيها بروز مدوره خفيفه )

أو ينحط فوق البلاط تلبيسه لينه مثل الباركيه أو الفينيل

وعسى عيالكم يبرون فيكم ان شاء الله

[بودحوم]

جزاك الله خير وبيض الله وجهك


الربع ماقصروا

لكن انتبهوا على موضوع الحواف في الأرضيات وعند البيبان ( دايما ينسونها ويعثرون فيها )

لا تبعدون المسبح والمقعده والمغسله من الباب ، كل ماكانت قريبه افضل

الأرضيات ما انصح بأي نوع من أنواع البلاط نهائياً ، الأرضيات القديمه اللي كانت في مستشقى حمد اشوفها زينه ( الرصاصيه وفيها بروز مدوره خفيفه )

أو ينحط فوق البلاط تلبيسه لينه مثل الباركيه أو الفينيل

وعسى عيالكم يبرون فيكم ان شاء الله


و وجهك ابيض ياراعي المواجيب

احسنت في نقطة الحواف في الأرضية

وبالنسبة للأرضية . فيه بورسلان خاص بالحمامات ويكون خشن شوي بالإضافة القطع الخاصة بارضيات الحمامات متوفره في المجمعات .