مؤسسة حمد،، خالف تعرف

[Lili2005]

بسم الله الرحمن الرحيم والصلاة والسلام على نبيه وسيدنا محمد صلى الله عليه وسلم

بصرااحه عندي تساؤلاات كثييره حول مؤسسة حمد التي تنتهج منهج خالف تعرف في معظم قراراتها ،، من قبل اسبوع عرفنا عن موضوع تعيين مدراء بريطانيين خلفاً للقطريين في مؤسسة حمد وبذلك تعارض لقانون التقطير في قطر وقلنا حسبي الله ونعم الوكيل بس،، والان مره اخرى وبحجه اخرى مؤسسة حمد لا تعطي اي اعتبار لتعميم الاجازه اجازة عيد الفطــر ،، عيد الله وعيدنا حنا المسلمين،، وحتى ان القرار جاي من الديوان الاميري واللي الشيخ حمد الله يخليه لنا ويحفظه ويجعله ذخــر لنـــا ويديـــمه فووق راسنـــا ويطـــول بعمـــره يــاااااااااااارب عطانا هالإجاازه،، مؤسسة حمد اللي تحمل اسم الشيخ حمد الله يطول بعمره تعارض القانون اللي حطه،، ما ادري شموضوع خالف تعرف،، بس ما قول غير حسبي الله ونعم الوكيل
هاي تاليتها الأجانب يتعينون مدراء و امة لا اله الا الله مالها حق في بلاد الاسلام والحين عيدنا عيد الله فدولتنا الاسلامية ما لنا حق نعيّد فيـــه،،

يا جماعة الخير بحط القرار بين ايديكم وانتو شوفو وقولولي هاي كلام هاي

ملاحظه: التعميم اللي بحطه منصوص فيه انه اللي بيشتغل بايام الاحد والاثنين بياخذ اوفر تايم يعني فلوس ،، انزين واللي ما يبي فلووس،، طبعاً بعد مجبر انه انه يجي وبيعطونه فلوس،، شهالتلاعب بالقوانين،، يااخي امة لا الله ما تبي فلووس يبوون يعيدون مع اهلهم وربعهم وجيرانهم ،،

اذا الله يرحم انتو ليش ما تخلون رحمة الله تنزل


طبعاً الموضوع بين ايديكم و طبعاً لمن يهمة الامر،، وكلمة الحق ما ينسكت عنها



http://i.imgur.com/5ZJ5a.jpg

وكــل عــام والأمــه الإسلاميــة بخــير

[غايه الطواش]

فاطمه حيدر في مستشفى حمد والا هيئه متاحف قطر؟؟

[alsoq]

حيدر
وين اهل قطر الاصلين

[Lili2005]

يا اخواني القرار الاصلي من مديره اجنبيه وفاطمه حيدر ما هي الا عبد المأمور

وسلامتكم

[intesar]

هو كاتب إجازة ماعدا وذكر تخصصات بعينها.. يعني هذا اللي ذكره من أطباء وصيادلة وتمريض وغيره.. فيه غيرهم يشتغلون اللي بياخذون إجازة العيد.. أتوقع الإجازة يقصدون فيها للإداريين فقط..

لكن بقول لج كلمة حق.. كأطباء وتمريض وغيره.. هذي مستشفى إذا الكل خذ إجازة.. المرضى وين يتعالجون.. يعني المستشفى تخلى من الكادر الطبي..

لكن المفروض.. نظام شفتات بإجازة العيد يعني اللي يذاوم أول العيد مثلا ما يداوم ثاني العيد وهكذا.. أسوة بغيرها من الأماكن الحيوية..

يعني كيف هذي أماكن خدمية وضرورية بالأخص بأيام العيد.. مثل الشرطة والدفاع المدني..

ودمتم بحفظ الرحمن..

[intesar]

حيدر
وين اهل قطر الاصلين

عن العنصرية.. عندنا حيدر قطريين..
رجاءا لا نخرج عن الحوار العام.. للشخصنة..

[alsoq]

التخبط عندنا في كل شي صراحة
الكل ضايع قرارات تنزل من الدوله وافراد يقررون على كيفهم

[alsoq]

عن العنصرية.. عندنا حيدر قطريين..
رجاءا لا نخرج عن الحوار العام.. للشخصنة..

سلامتك اهل قطر الاصلين ما فيهم حيدر الى المجنسين ليش الحق يخوف

[Lili2005]

هاي مشكلتنا العرب نكون بوادي وبتودونا عوادي ثاني :(


رجاءً خلنا بموضوعنا

[دااانة قطر]

ليش مكبرين الساالفه
كل سنه احنا اجاازتنا هي الاجاازه المعتمده نت الدوله في كل شي
وهذا النظاام على الاطبااء والمرضاات يعني الطااقم الطبي
معقوله الطوااري تبونهم يأجزون
طيب الشرطه والجيش ه يداامون وبعضهم من اول العيد كلن على حسب شفته وين الغلط؟!

[CH Engineer]

زين انهم قاعدوا كل المدراء القدامى وزين انهم عينوا انجليز على الاقل عندهم خوف جايين وعارفيين قيمة الانسان وان شاء الله مايتعودون على الجو عندنا
واذا ماحسنوا الوضع اتمنى يتم اقالتهم فلا مجال للعب في هذا المجال

والشي الثاني ترا عايشين في خير انتوا 12 يوم اجازه غيركم يتمناها
ماقصروا معاكم الا اذا تبين تسكرين المستشفيات في العيد شي ثاني

[شويهينــه]

اختي ماشوف القرار فيه شي

عادي مثل كل سنه اللي دوامهم شفتات بيداومون وبياخذون اوفرتايم ماختلف شي

[النهار]

خلاص خلهم يسكرون المستشفيات والعيادات علشان الموظفين يعيدون لان صراحه الناس ماتمرض ايام العيد ولاهي محتاجه لهذه الخدمه وحتى المرضى مش محتاجين رعايه

[النهار]

حيدر
وين اهل قطر الاصلين


ياخوي قل خيرا اواصمت انا مدري انت ايش تبي بالضبط انت وين عنك ادارة المنتدى ؟؟؟؟؟؟؟
زله لسان الأشخاص تظهر لك حقيقة مابداخلهم !!

[Lili2005]

اخواني مادري ليش اتهمتوني اني مابي احد يشتغل وانه بقفل المستشفى عليكم،،
للتوضيح فقط المستشفى شغال كل سنه عاادي بالنسبه للمناوبات لكن الاقسام الثانيه مثل المختبرات والتمريض والدكاتره وكل الموظفين اللي يشتغلون بالعيادات الخارجيه بمستشفى حمد ومستشفى النساء والولاده والرميله وغيرها ما كان يتطبق عليهم قانون الناوبات ولأنهم بكل بساطه مايشتغلون مناوبات،، إذاً ليش حطوهم تحت القانون هاي بالذات واهم ما ياخذون منافع وميّزات قطاع المناوبات،،

[Lili2005]

اختي ماشوف القرار فيه شي

عادي مثل كل سنه اللي دوامهم شفتات بيداومون وبياخذون اوفرتايم ماختلف شي

احسنتي هااي اللي يشتغلون شفتات انا اقول عن اللي ما يشتغلون شفتات ليش يطبق عليهم القانون ما عرفوهم الا بهالقانون وينهم عن قانون الموارد البشريه اللي تمريض ماتو وشبعو موت واهم يطالبون فيه وطبعاً اللي تطبق عليه قانون الموارد البشريه اهم المسؤولين في التمريض والممرضات شنو ما يسوون فنظرهم

حسبي الله ونعم الوكيل

[intesar]

سلامتك اهل قطر الاصلين ما فيهم حيدر الى المجنسين ليش الحق يخوف


ناس عجب.. لا فيه حيدر قطريين.. واللي عنده العنابي قطري أصل.. واترك عنك العنصرية.. وراعي الناس ومشاعرها.. وتذكر أنك في رمضان.. يا إدارة شوفوا هذا العضو مخرب الموضوع..:telephone:

[ريتويت]

مستشفي حمد احسن من غيرها .. وكتجربه شخصيه احسن من العمادي والاهلي

[شويهينــه]

احسنتي هااي اللي يشتغلون شفتات انا اقول عن اللي ما يشتغلون شفتات ليش يطبق عليهم القانون ما عرفوهم الا بهالقانون وينهم عن قانون الموارد البشريه اللي تمريض ماتو وشبعو موت واهم يطالبون فيه وطبعاً اللي تطبق عليه قانون الموارد البشريه اهم المسؤولين في التمريض والممرضات شنو ما يسوون فنظرهم

حسبي الله ونعم الوكيل

يعني احنا بنداوم الاحد؟؟:eek5:
الصراحه انا هالايام في اجازه بكره بجيب لج الخبر الاكيد:victory:

[Lili2005]

مستشفي حمد احسن من غيرها .. وكتجربه شخصيه احسن من العمادي والاهلي

صح السانك وما قلنا شي لكن قاعدين نقول عن موضوع تطبيق قانون الاجازات مب عن منو احسن!!

[Lili2005]

يعني احنا بنداوم الاحد؟؟:eek5:
الصراحه انا هالايام في اجازه بكره بجيب لج الخبر الاكيد:victory:

لووووول ،، ما دريتو :thumbup::D:D:D،،يلا شوفي التعميم اللي فالموضوع ،، ترى الكل متضايق من هالموضوع :cry2::cry2::cry2:

[ريتويت]

السموحه اخي الكريم.. اي نعم نرجع للموضوع بخصوص الاجازات لا مب حمد بس ترا شركتنا تسمي بشبه خاصه ويطبق عندنا القانون مثل حمد .. بس شبنسوي مانقدر نغير شي ولا نقدر نكلم الموارد البشريه

[شويهينــه]

لووووول ،، ما دريتو ��،،يلا شوفي التعميم اللي فالموضوع ،، ترى الكل متضايق من هالموضوع������������

اي والله صج:tease:

بس عادي اللي مايبي يداوم مابينخصم منه شي:discuss:

[Lili2005]

السموحه اخي الكريم.. اي نعم نرجع للموضوع بخصوص الاجازات لا مب حمد بس ترا شركتنا تسمي بشبه خاصه ويطبق عندنا القانون مثل حمد .. بس شبنسوي مانقدر نغير شي ولا نقدر نكلم الموارد البشريه

اختي فديتك انا بنوته الله يحفظك،،

:weeping::weeping::weeping:
انزين يعني شلوون هالحين... نسكت:anger1::anger1::anger1:

[Lili2005]

اي والله صج:tease:

بس عادي اللي مايبي يداوم مابينخصم منه شي:discuss:

من صجك،، والله،، انزين ليش في ادارات بمستشفى حمد قالو لموظفينهم تعالو غصب،، شلون جذي ،، والله توهقت فديتك،، حرام عليهم يحطون قوانين عمزاجهم،، والله رفيجتي حامل بالتاسع وقالولها هالكلام قدامي:eek5:

[شويهينــه]

من صجك،، والله،، انزين ليش في ادارات بمستشفى حمد قالو لموظفينهم تعالو غصب،، شلون جذي ،، والله توهقت فديتك،، حرام عليهم يحطون قوانين عمزاجهم،، والله رفيجتي حامل بالتاسع وقالولها هالكلام قدامي:eek5:

كل قسم ومتطلباته الخاصه
في اقسام ماتستغني عن موظفينها وفي اقسام يقدرون يغطون شغل الناس الغايبه فانتي وحاجة القسم لج
وبخصوص التعميم اللي فهمته انهم بيعوضون الناس على حسب القوانين المعمول فيها (يعني الاوفر تايم) واذا غبتي مب معطينج اوفر تايم وفي نفس الوقت مب حاسبينج غياب لان هذي اجازه رسميه من الدوله

[khalid525]

سلامتك اهل قطر الاصلين ما فيهم حيدر الى المجنسين ليش الحق يخوف

الا فيه حيدر اصليين وافعالهم اللي تبيض الويه ايام الفقر والعازه معروفة عند اهل قطر الاصليين !!!

دعوها فانها منته يابشر

[حسن]

العمل عباده يقولون

واكيد بيحسبون لكم الايام في الرصيد ولا يعوضونكم يابيزات ولا دواء مكان الايام

[مرحوم قطر]

ما اعتقد ان في شي غلط

و القرار يلزم البعض مب الكل

و يا كاتب الموضوع

ما يصير المستشفى تاخذ اجازه

اذا حد مرض شيسوي مثلا ؟.؟


ما يصير يسكرون المستشفيات و يقولون للمرض انطر لين ما تخلص الاجازه


اذا كذا عيل حتى العساكر عطوهم اجازه مب مهم ياحفظون على الامن

دام ما تبون حد يحافظ على الصحه

[dohasecret]

كل هذا كذب

انا عندي 3 ايام راح تناوب فيهم .. في إجازة العيد
يعني ادخل 7 الصبح و اطلع ثاني يوم الساعة 10 الصبح

يعني الدولة كلها 12 و حمد قالت لنا 10 ايام ومن هال 10 ايام بيكون لي 4 ايام كاملة إجازة

كل ما يقال عن التعويض سواء ب مقابل مادي او إضافة يوم للإجازة السنوية كذب و غير حاصل في مؤسسة حمد

و خلوا اللي في القلب في القلب
خلونا نتحسف ان صرنا دكاترة
الله يأخذ كل ظالم

[رجل الجزيرة]

فاطمه حيدر في مستشفى حمد والا هيئه متاحف قطر؟؟

نعم هي بنفسها بشحمها ولحمها.

[رجل الجزيرة]

يعني احنا بنداوم الاحد؟؟:eek5:
الصراحه انا هالايام في اجازه بكره بجيب لج الخبر الاكيد:victory:

نعم البرا ميديكال يشتغلون.

[dohasecret]

مافي تعويض ... نظامهم العمل بدون مقابل

مؤسسات البترول و الجيش يتم تعويضهم

لكن مؤسسة حمد بدون تعويض ليش

[Lili2005]

كل هذا كذب

انا عندي 3 ايام راح تناوب فيهم .. في إجازة العيد
يعني ادخل 7 الصبح و اطلع ثاني يوم الساعة 10 الصبح

يعني الدولة كلها 12 و حمد قالت لنا 10 ايام ومن هال 10 ايام بيكون لي 4 ايام كاملة إجازة

كل ما يقال عن التعويض سواء ب مقابل مادي او إضافة يوم للإجازة السنوية كذب و غير حاصل في مؤسسة حمد

و خلوا اللي في القلب في القلب
خلونا نتحسف ان صرنا دكاترة
الله يأخذ كل ظالم

والله يا اختي انتو ادرى بس ترى كلامك نفس الكلام اللي قالوه رفيجاتي بالمستشفى،،، عفكره الثقه بين الموظف والمستشفى اصبحت معدوومه قولي الله يرحمها :rolleyes2:

[Lili2005]

مافي تعويض ... نظامهم العمل بدون مقابل

مؤسسات البترول و الجيش يتم تعويضهم

لكن مؤسسة حمد بدون تعويض ليش

لأنهم اعيال البطه السوده:secret:

[jeep-srt8]

انا شغال في مؤسسة حمد واليوم كنت اتكلم عن هالموضوع انا نازلي اضافي بالاجازة والحمدلله على كل شيء وطبعاً نتحاسب على الاضافي واوفر تايم الاجازات يكون زياة عن الطبيعي

اللحين في رمضان الدوام 5 ساعات بس اداوم زيادة 3 ساعات اجباري هاي دوامي ولكن اتحاسب عليهم بزيادة عن الطبيعي

بس مثل ماقالوا البعض في الموضوع انه هاي مستشفى وماينفع يسكرون كل قسم شغال فيه وانا في ادارتي انا مخير اني احط اضافي في اجازتي او ارفضه بس اعتقد الموضوع بيكون اجباري في المستشفى شي طبيعي يداومون

[hamoor4ever]

سلامتك اهل قطر الاصلين ما فيهم حيدر الى المجنسين ليش الحق يخوف

والله اخاف اقول لك شيء تزعل مني اخوي ، تعوذ من الشيطان واذكر الله وفيه قطريين ويمكن موجودين قبلك فمافي داعي لايام الجاهليه والقبليه اللي لاتسمن ولاتغني من جوع اجتهد وعليك من نفسك وان شاء الله تحصل احسن منصب المكان للافضل دائما والاولويه لكل قطري مش لكل قبيلي ، بالتوفيق وارجو الحق مايزعل

[بني تميم]

حتى موظفين الجمارك لا رصيد اجازه ولا فلوس

هذي ثاني سنه وانا اداوم في العيد يا صباح او ليل

حتى تقدير مافي :anger1:

الله كريم

[الوثيقة]

الله يخلف علينا على الاقل احسن من قطر للبترول 5 ايام :(

[حميداني]

حيدر
وين اهل قطر الاصلين

قوله تعالى لابليس
((قَالَ مَا مَنَعَكَ أَلاَّ تَسْجُدَ إِذْ أَمَرْتُكَ قَالَ أَنَاْ خَيْرٌ مِّنْهُ خَلَقْتَنِي مِن نَّارٍ وَخَلَقْتَهُ مِن طِينٍ))

خوش قدوه
تبان معادن الناس من زلاتها

[النهار]

كل هذا كذب

انا عندي 3 ايام راح تناوب فيهم .. في إجازة العيد
يعني ادخل 7 الصبح و اطلع ثاني يوم الساعة 10 الصبح

يعني الدولة كلها 12 و حمد قالت لنا 10 ايام ومن هال 10 ايام بيكون لي 4 ايام كاملة إجازة

كل ما يقال عن التعويض سواء ب مقابل مادي او إضافة يوم للإجازة السنوية كذب و غير حاصل في مؤسسة حمد

و خلوا اللي في القلب في القلب
خلونا نتحسف ان صرنا دكاترة
الله يأخذ كل ظالم


لاحول ولاقوة الا بالله
معقول هذا رد دكتور او دكتوره

.:. اللَّهُمَّ إِنَّكَ عَفُوٌّ كَرِيمٌ تُحِبُّ الْعَفْوَ فَاعْفُ عَنِّي .:.

[ابن الجزيرة]

اين وجه الخلاف والمشكلة؟؟

يباشر الموظفون عملهم يوم 26/08/2012 على ان يحسب لهم هذا اليوم اضافي

لان الادارات كانت متوقعة ان العمل يبدا الاحد ولذلك اعطت مواعيد للعمليات والمناظير ومنهم زوجتي التي اعطيت موعد يوم 27/08/2012 لاجراء جراحي ضروري

تعرفون الازدحام في مستشفى حمد وانا وغيري الكثير ان فاتنا الموعد فان الموعد الاخر سوف يكون متاخرا جدا..

المناوبات لابد منها فهي من ضروريات العمل وخاصة في مستشفى مرتبط بحياة الناس والطبيب والصيدلي

والممرض لابد لهم من وجود الاداري المناوب والا ارتبك العمل

الذي لم افهمه ان المناوبين لا يستلمون بدل اضافي في هذه الايام؟؟ اعتقد من حقهم قانونا ان يعوضوا ببدل مادي او ايام بديلة كما هو معمول به في الادارات الاخرى

[BARBICAN]

في لبس في الموضوع

اول شى الاجازة كانت تشمل الاداريين و موظفين العيادات الخارجية

طبعا الطوارى والاقسام الثانية شغاله نفس كل سنه ، اكيد ماراح يصكرون المستشفى

المشكلة وين !

موظفين العيادات الخارجية من اطباء وممرضين وفنيين ومختبرات وصيدليين و كتبه ومساعدين كانوا ياخذون اجازة كامله نفسهم نفس موظفين الدولة

هالمره ولاول مره ينقصون علينا يومين ، بدون وجه حق

يعني الاداريين وشؤوون الموظفين راح يكونون اجازة وموظفين العيادات الخارجية بيدامون

طيب يا تخلون الكل يداوم او الكل ياخذ اجازة

واللي يقول تبون تصكرون المستشفى , ماله خص كل سنه الطوارى والاقسام الداخلية شغاله

بس العيادات الخاريجة للمواعيد اللي تاخذ اجازه ، لانها بنظام المواعيد

[Lili2005]

في لبس في الموضوع

اول شى الاجازة كانت تشمل الاداريين و موظفين العيادات الخارجية

طبعا الطوارى والاقسام الثانية شغاله نفس كل سنه ، اكيد ماراح يصكرون المستشفى

المشكلة وين !

موظفين العيادات الخارجية من اطباء وممرضين وفنيين ومختبرات وصيدليين و كتبه ومساعدين كانوا ياخذون اجازة كامله نفسهم نفس موظفين الدولة

هالمره ولاول مره ينقصون علينا يومين ، بدون وجه حق

يعني الاداريين وشؤوون الموظفين راح يكونون اجازة وموظفين العيادات الخارجية بيدامون

طيب يا تخلون الكل يداوم او الكل ياخذ اجازة

واللي يقول تبون تصكرون المستشفى , ماله خص كل سنه الطوارى والاقسام الداخلية شغاله

بس العيادات الخاريجة للمواعيد اللي تاخذ اجازه ، لانها بنظام المواعيد

الله يسعدك... الحمدلله انه في احد فاهم الموضوع...وترى اخوي اللي طلعو القرار واللي ما يصومون اهم اللي بياخذون الاجاازه تخيل..يعني كافر وما يصوم ويعيّد عنا عيد الله.. واهم في الكريسماس مالهم ياخذون اسبوع اجازه والثانكس جفنج والهلووين نفــــس الشي.. ما قول الا حسبي الله ونعم الوكــــيل.. ويقولون ليش نكره هالاجانب وما نواطنهم بعيشة الله ..لانهم يلعبون بأمة لا اله الا الله ونالمسؤولين المسلمين ساكتين وليش طبعا لانهم اصلا ما بيداومون.. حسبي الله عليهم

[Lili2005]

لاحول ولاقوة الا بالله
معقول هذا رد دكتور او دكتوره

.:. اللَّهُمَّ إِنَّكَ عَفُوٌّ كَرِيمٌ تُحِبُّ الْعَفْوَ فَاعْفُ عَنِّي .:.


اختي النهار ليش وين الغلط لما تقول كذب فعلا الكذب منتشر بشكل غير طبيعي مب كل المؤسسه قاعدين نقول البعض..بيا اختي الواحد حتى الاوفر تايم اللي من حق الموظف ما ياخذه وهااذي صارت ويا وحده اعرفها ورحت وياها وطالبنا بهالشي بس قالولنا انه لا وممكن تاخذه كوقت اضافي ..يعني ممكن تستاذن وتطلع بالوقت اللي اشتغلت فيه ولا تاخذ فلوسها.. وهااي وااايد صارت مع موظفين كثر.. وناس اجبرتهم اقسامهم يداومون جمعه وسبت لحضور محاضرات ارشاديه عاديه(مثلا لتطبيق نظام جديد في العمل) ووعدوهم بانهم يعدوهم ال8 الساعات اللي بيداومونها اوفر تايم ولا شفنا شي.. فاللي ايده بالميه مش مثل اللي ايده بالنار مثل ما يقولون..

[علي رشيد]

اين وجه الخلاف والمشكلة؟؟

يباشر الموظفون عملهم يوم 26/08/2012 على ان يحسب لهم هذا اليوم اضافي

لان الادارات كانت متوقعة ان العمل يبدا الاحد ولذلك اعطت مواعيد للعمليات والمناظير ومنهم زوجتي التي اعطيت موعد يوم 27/08/2012 لاجراء جراحي ضروري

تعرفون الازدحام في مستشفى حمد وانا وغيري الكثير ان فاتنا الموعد فان الموعد الاخر سوف يكون متاخرا جدا..

المناوبات لابد منها فهي من ضروريات العمل وخاصة في مستشفى مرتبط بحياة الناس والطبيب والصيدلي

والممرض لابد لهم من وجود الاداري المناوب والا ارتبك العمل

الذي لم افهمه ان المناوبين لا يستلمون بدل اضافي في هذه الايام؟؟ اعتقد من حقهم قانونا ان يعوضوا ببدل مادي او ايام بديلة كما هو معمول به في الادارات الاخرى



أعتقد ردك أفضل رد

[ahsees]

ما اعتقد ان في شي غلط

و القرار يلزم البعض مب الكل

و يا كاتب الموضوع

ما يصير المستشفى تاخذ اجازه

اذا حد مرض شيسوي مثلا ؟.؟


ما يصير يسكرون المستشفيات و يقولون للمرض انطر لين ما تخلص الاجازه


اذا كذا عيل حتى العساكر عطوهم اجازه مب مهم ياحفظون على الامن

دام ما تبون حد يحافظ على الصحه


هناك قسم الــطورائ يقوم بدور العيادات الخارجيه هم عندهم الشفتات

[اوف ليميت]

ياراعي الموضوع
انت فهمت الاجازه غلط

مافي اي شي ينص بالقرار ان كل هالفئات اداوم فالعيد
كلهم اجازات

هم قالولك فقط (في حال الطلب..) منهم .. يعني لمن يطلبون من اشخاص معينين يداومون (ومش كل الناس..اللي تتبعهم حالات مهمه وحرجه وماعندهم غيرهم)..في هالحاله بيعوضونهم ب o.t.

تدري متى يحقلك اتعارض؟..يوم مافي ضغط..وماعندك انت شخصيا او بقسمك حالات قادمه مهمه او مافي عمل وايد او في حالة انه واحد او اثنين يقدرون يقومون بالعمل خلال فترة العيد..وانت واللي وياك الباقين طالعين اجازه وكل شي طبيعي..اذا جاك اتصال تعال داوم بس جذي..هني عارض
اذا جاك تيليفون وقالك صار في نقص لان واحد من الموجودين اتفق مع المدير انه يطلع اجازه من بعد ماقال بيقعد وبياخذ اوفر تايم..هني يحق انك تتساءل عن المصخره او التلاعب باوقات وجداول الناس

لكن الى الان الامور صحيحه..وننتظر العيد وبنشوف اذا طرا اي مستجد
وبس

:]

[BARBICAN]

أعتقد ردك أفضل رد

علي رشيد انت بتكون مداوم والا اجازه :nice:

[Lili2005]

ياراعي الموضوع
انت فهمت الاجازه غلط

مافي اي شي ينص بالقرار ان كل هالفئات اداوم فالعيد
كلهم اجازات

هم قالولك فقط (في حال الطلب..) منهم .. يعني لمن يطلبون من اشخاص معينين يداومون (ومش كل الناس..اللي تتبعهم حالات مهمه وحرجه وماعندهم غيرهم)..في هالحاله بيعوضونهم ب o.t.

تدري متى يحقلك اتعارض؟..يوم مافي ضغط..وماعندك انت شخصيا او بقسمك حالات قادمه مهمه او مافي عمل وايد او في حالة انه واحد او اثنين يقدرون يقومون بالعمل خلال فترة العيد..وانت واللي وياك الباقين طالعين اجازه وكل شي طبيعي..اذا جاك اتصال تعال داوم بس جذي..هني عارض
اذا جاك تيليفون وقالك صار في نقص لان واحد من الموجودين اتفق مع المدير انه يطلع اجازه من بعد ماقال بيقعد وبياخذ اوفر تايم..هني يحق انك تتساءل عن المصخره او التلاعب باوقات وجداول الناس

لكن الى الان الامور صحيحه..وننتظر العيد وبنشوف اذا طرا اي مستجد
وبس

:]

استغفر الله العظيم،، شتقوول،، ارجع جوف الردود بالاول وبعدين رد الله يهداك بس...
وبعدين انت قاعد تقول اذا في ضعط ونقص في الكادر واذا جه تلفون لازم تروح،،، يبــى ترى اللي انت تقصدهم بهالنظام اللي يشتغلون شفتات مب الموظفين المغلوب ع امرهم ومالهم خص بالشفتات،،وبالنسبه للحلات القادمه المهمه او الإرجنت اخوي في شي اسمه طوااري اهم يستلمون هالحالات،،بالله شخص العيادات بالحالات الحرجه!!

[ahsees]

ما نقول الا الحمد الله وحسبي يالله ونعم والكيل

[Lili2005]

اي والله اخوي حسبي الله ونعم الوكيل

[رجل الجزيرة]

القرار - مع إحترامي له - في تخبط وهذا القرار أول مرة يحدث في مؤسسة حمد الطبية منذ إنشائها.

يا جماعة الخير:

أصلا مواعيد العيادات في كمبيوترات العيادات الخارجية مسكرة من 4 شهور، ففي اليومين الجايين ويش بيسوون الموظفين من الساعة 7 لين الساعة 3 العصر.

[Lili2005]

اي انعرف وبعد ازيدك من الشعر بيت تدري انهم عدلو في القرار واليوم نزلو تعميم اني بنفس القرار،، شر البلية ما يضحك،، انا ما ادري صراحه اذا المؤسسه ما تتب قوانين اولي المر في البلد سلون تبي موظفينها يتبعون قوانينهم،،،،

وهاذا القرار الثاني توه واصلني

http://i.imgur.com/4lJwQ.jpg

[رجل الجزيرة]

يا بنت الحلال:

نفس القرار ما تغير من حيث الصيغة يعني موظفين العيادات الخارجية بيكون دوامهم الأحد والأثنين.

[رجل الجزيرة]

الدوحة - الراية : أعلنت مؤسسة حمد الطبية عن فتح جميع مرافقها العلاجية أمام المرضى والمراجعين اعتبارًا من يوم الأحد الموافق 26 أغسطس الجاري لتعمل بكامل طاقتها في تقديم الخدمات الطبية المطلوبة.

وأكدت في بيان أمس أن فتح كل المرافق العلاجية اعتبارًا من 26 أغسطس حرصًا منها على مصلحة المرضى والمراجعين، وعلى ذلك فسوف يكون يوم السبت الموافق 25 أغسطس هو آخر يوم في عطلة العيد لفئات العاملين بالخدمات الطبية بالمؤسسة (الأطباء، الصيادلة، العاملون بهيئات التمريض، والإدارات الطبية المساعدة كالمختبرات والأشعة وغيرها ، إضافة إلى العاملين بالوظائف المساندة الأخرى في العيادات الخارجية وأقسام المرضى السريريين، والعاملون بغرف العمليات ووحدات العناية اليومية وإدارة السجلات الطبية).

من جهة أخرى سوف يكون برنامج العمل ببعض إدارات وأقسام المستشفيات خلال عطلة عيد الفطر على النحو التالي :
مستشفى حمد العام:

غرفة العمليات بالطابق الأرضي سوف تظل مفتوحة لاستقبال المرضى الذين لديهم مواعيد في الأيام 16، 18،19 ،20 ،21 ،23 و25 أغسطس من الساعة 07:00 صباحاً وحتى الساعة 03:00 عصرًا.

صيدلية العيادة الخارجية التابعة لمستشفى حمد العام :

الخميس 16 أغسطس - من الساعة 08:00 صباحاً إلى الساعة 01:00 بعد الظهر .

الثلاثاء 21 أغسطس - من الساعة 07:00 صباحاً إلى الساعة 03:00 عصرًا .

الخميس 23 أغسطس - من الساعة 07:00 صباحاً إلى الساعة 03:00 عصرًا . كما تفتح الصيدلية أبوابها كالمعتاد مع بدء دوام العيادات الخارجية يوم الأحد 26 أغسطس .

عيادة المتابعة (الحالات المستقرة) - ستكون مفتوحة اعتبارًا من ثاني أيام العيد (من 20 إلى 27 أغسطس باستثناء عطلة نهاية الأسبوع). ساعات العمل من الساعة 09:00 صباحاً إلى الساعة 01:00 بعد الظهر .

فحص المواليد الجدد - ستكون مفتوحة خلال أيام : 16 ، 18 ، 20 ، 22 ، 23 و26 أغسطس . ساعات الدوام من الساعة 08:00 إلى الساعة 01:00 بعد الظهر .

صيدلية العيادة الخارجية: - مفتوحة طيلة اليوم (24 ساعة) .

المركز الوطني لعلاج وأبحاث السرطان :

وحدة العناية النهارية - ستكون مغلقة في أول وثاني أيام العيد المبارك وتفتح في ثالث أيام العيد. ساعات الدوام الرسمية ستكون من الساعة 07:00 صباحًا إلى الساعة 03:00 عصرًا كالعادة .

صيدلية العيادة الخارجية - ستكون مغلقة في أول وثاني أيام العيد المبارك وتفتح في ثالث أيام العيد. ساعات الدوام الرسمية ستكون من الساعة 10:00 صباحاً إلى الساعة 01:00 بعد الظهر (من الأحد إلى الخميس) ومن الساعة 12:00 ظهرًا إلى الساعة 01:00 بعد الظهر (يوم السبت) .

مستشفى القلب :

سوف تظل صيدلية العيادة الخارجية مفتوحة خلال عطلة العيد من الساعة 12:00 ظهرًا إلى الساعة 01:00 بعد الظهر للمرضى الذين يتم خروجهم .

المستشفى الكوبي:

يظل المستشفى الكوبي مغلقاً باستثناء المرضى الموجودين به حالياً والحالات الطارئة التي يتم تحويلها من قبل الأطباء العموميين المحليين .

مستشفى الرميلة:

ستظل غرفة أدوية عيادة الأمراض الانتقالية (العلاج المراقب بصورة يومية مباشرة) مفتوحة يومياً من الساعة 07:00 صباحاً إلى الساعة 09:00 مساءً .

تظل عيادة الأمراض النفسية مفتوحة في أيام 21 و22 و23 أغسطس من الساعة 10:00 صباحاً إلى الساعة 12:00 ظهرًا .

تظل صيدلية العيادة الخارجية مفتوحة يوميًا من الساعة 08:00 صباحًا إلى الساعة 01:00 بعد الظهر خلال عطلة العيد .


http://raya.com/site/topics/article.asp?cu_no=2&item_no=660523&version=1&template_id=20&parent_id=19

[دااانة قطر]

‏​‏​بخصوص الموضوع
القيل

​فاطمة حيدر مديرة الموارد البشرية بالوكالة في مؤسسة حمد تضرب بعرض الحائط قرار الأمير الصادر بخصوص اجازة العيد وتجبر الموظفين بدوام بتاريخ 26 \ 8 وتقول( هذا القرار ما يمشي عليها) • بس علشان تؤها حاطينها مديره جديدة لدى المؤسسة وتبغي تثبت نفسها لكن مش على حساب الموظفين واحترمي كلام سيدك بس والله يبغي لها رد على هذا التعالي والجبروت



والحقيقه


ردا على قرار الموارد البشريه بخصوص اجازه العيد بمؤسسه حمد الطبيه بتاريخ 26\8\2012
لم يضرب بالحائط ولم تقم فاطمه حيدر بمخالفة قرار الامير كانت هناك لجنة طبيه تم المشوره على المصلحه العامه في خدمه المريض من مواطنين ومقيمين لهذا البلد المعطاء .
وسوف يصرف بدل وتعويض للموظفين من قامو وساهمو بالعمل من أجل خدمه الوطن ويجب ان نكون فخورين بمساعده من هم بحاجتنا



اخر ماوصلني علبيبي
من بعد الاعتراض

[رجل الجزيرة]

‏​‏​بخصوص الموضوع
القيل

​فاطمة حيدر مديرة الموارد البشرية بالوكالة في مؤسسة حمد تضرب بعرض الحائط قرار الأمير الصادر بخصوص اجازة العيد وتجبر الموظفين بدوام بتاريخ 26 \ 8 وتقول( هذا القرار ما يمشي عليها) • بس علشان تؤها حاطينها مديره جديدة لدى المؤسسة وتبغي تثبت نفسها لكن مش على حساب الموظفين واحترمي كلام سيدك بس والله يبغي لها رد على هذا التعالي والجبروت



والحقيقه


ردا على قرار الموارد البشريه بخصوص اجازه العيد بمؤسسه حمد الطبيه بتاريخ 26\8\2012
لم يضرب بالحائط ولم تقم فاطمه حيدر بمخالفة قرار الامير كانت هناك لجنة طبيه تم المشوره على المصلحه العامه في خدمه المريض من مواطنين ومقيمين لهذا البلد المعطاء .
وسوف يصرف بدل وتعويض للموظفين من قامو وساهمو بالعمل من أجل خدمه الوطن ويجب ان نكون فخورين بمساعده من هم بحاجتنا



اخر ماوصلني علبيبي
من بعد الاعتراض


ولأن بعض المرضى المرخصين وخاصة أهل الجراحة يجب على الأطباء يشوفون مرضاهم في العيادات الخارجية بأقل من إسبوع وحتى لا تكون مضاعفات أكثر.

[الجوكر90]

الصراحه انتو قاعدين تكرهوني فالشغل
شكلي بتم طول عمري ادرس اجازات ع كيفي
ومحد يحسابني
والله فله الدراسه

[القطو السمين]

لابد ان يكون فيه شفتات اذا كلا بيجلس في البيت من بيكون في خدمة الوطن ياكثر الاعياد اللي ازواجنا واخوانا مايعيدون عندنا والحمدلله

[رجل الجزيرة]

الصراحه انتو قاعدين تكرهوني فالشغل
شكلي بتم طول عمري ادرس اجازات ع كيفي
ومحد يحسابني
والله فله الدراسه

طيب إطلب نقل للمشتريات أو المالية أو الموارد البشرية.

[Lili2005]

نصيحه لما تشتغل اشتغل بالموارد البشريه،، لانهم يطلعون قوانين وما تطبق عليهم،، يعني العالم بتداوم من الاحد واهم بقضونها نووم،، دائما الموظف الصغير هو الحلقه الاضعف فهالمؤسسه

[koketa]

اختي ماشوف القرار فيه شي

عادي مثل كل سنه اللي دوامهم شفتات بيداومون وبياخذون اوفرتايم ماختلف شي


أوافق هذا الرأي بشده

والتخصصات الطبيه دوامها ضروري

هاي مهنه أنسانيه بالدرجه الأولي والتضحيه فيها مطلوبه

ان شاء الله اللي يداومون في ميزان حسناتهم

[الزعفراني]

ما أشوف أي شي في الموضوع ؟ وين المشكلة ؟؟

طبيعة العمل في مثل هالمؤسسة الخدمية في هالقطاع المهم يتطلب تواجد الموظفين في أيام العطل الرسمية ووفق الجداول او الترتيب الخاص بكل إدارة أو قسم في هذه المؤسسات

[الجوكر90]

طيب إطلب نقل للمشتريات أو المالية أو الموارد البشرية.

لا طال عمرك انا لين الحين ادرس
يبيلي اقل شي سنه ونص عشان اخلص
وبالتوفيق ان شاء الله

[الحاقول]

مؤسسة حمد الطبيه تهضم حق منتسبيها من الطلبه . لازياده في الراتب ولا راتب قبل العيد

[umm yousef]

حرصا من إدارة المختبرات على صحة المرضى وعدم تعطل النتائج الطبية ، اجد الفرصه مناسبة هنا لطرح مواعيد فتح مختبرات العيادة الخارجية لسحب الدم Phlebotomy Labs التي ايضا ستفتح ايام اضافيه خلال اجازة العيد:

1- مستشفى حمد العام :
ايام 22 و 23 و 25 - اغسطس من الساعة 7 صباحا – 3 مساء في كل من مختبر النساء والاطفال والرجال.

2- مستشفى النساء والولادة :
أيام 22 و 23 أغسطس من الساعة 7 صباحا – 1 ظهرا.

مع توفر الخدمة كاملة خلال ايام 26 و 27 في كل المستشفيات.

خالص التحية.

[بوخالد911]

مساكين موظفي البنوك
أكثر ناس مظلومين بالاجازات

[ahsees]

صباح الخير ..

بعد الدوام في المؤسسه نكتشف انه القانون ختياري لي يبي يدوام يداوم ولي ما يبي لا يدوام وما يحسبون لهم اي شي انها اجازه والله حرم المفروض توضح التعميم وان الامر اختيار .. والحين لازم تعوضنا بجازه يومين لانه الاوفر تايم مبلغ صغير كأنه عيديه .. ولي يقهر ما فيه مرضى والله حرم

الله كريم