قطاع الطرق

[meeemz]

السلام عليكم ..

قطاع الطرق:العمال من الجنسيه الاسيويه، اللي يقطعون الشارع بطريقه عشوائيه خاصه في الليل

في معظم الدول نجد اشارات مخصصه للمشاه
بس طبيعه بلادنا مختلفه وذلك لقله عدد المشاه
ولكن
في الآونه الأخيره كثر عدد المشاه وقطاع الطرق
يعني الحين وين مارحت لازم القى واحد يركض يقطع الشارع
اليوم بغينا نندعم من قبل دنكر تفاجأ بشخص يقطع
برأيكم هل هذه مشكله تستدعي الحل ؟!

[الخزرجي قطر]

اكيد هذه المشكله تصادفنا وخاصة في الطرقات السريعه
يقطع الشارع وكانه يبي ينتحراو متسبب وفي كل الاحوال
سائق السياره هو الغلطان اذا صار له شي لاسمح الله ..

[khalid525]

قضية مهمة وكثير من الشباب دهس هالمشاة وتسحبوا النيابة العامة وفي الاخير مب ذنبهم ولا ذنب المشاة اللي مب محصلين مناطق لعبور المشاة

[intesar]

يوم شفت قطاع طرق.. كنت أعتقد قطاع طرق اللي يسرقون..

[بريق الحق]

يوم شفت قطاع طرق.. كنت أعتقد قطاع طرق اللي يسرقون..

:rolleyes2: نفس الشي

[حفيد الأنصار]

يوم شفت قطاع طرق.. كنت أعتقد قطاع طرق اللي يسرقون..



+ 100

[النهار]

:eek5: العنوان خوفني قطاع طرق عندنا ياللهول :anger1:
والله المصيبه مش في الشوارع العامه التي بها اضاءه والكن المشلكه في الشوارع الي مافيها اضاءه فجاءه تحصله في وجهك وخاصه الصناعيه والفرجان

[meeemz]

اسمحو لي على التضليل الغير مقصود
لو الاداره تغير العنوان وتخليه قطاع الشوارع او قاطعي الشارع ماادري ؟!
هههههه
وشاكره لكم مساهمتكم في الموضوع

[حميداني]

كان زين لو يسوون جسور او انفاق للماره ويفكون الكل
قاعدين نتطور هالاشياء الحين صارت ضروريات

[اوف ليميت]

حسبالي قراصنه في قطر
العنوان "تريكي"

الدوله ماراح تسويلكم جسر ونفق وخط واشاره بكل داعوس..عشانك او عشان العماله
اصلا شيودي العماله لامكان شبه نائيه او اماكن مايحتاج لها هالاشياء
واذا قلنا باماكن عمل..مااشاءالله .. والتوجيه والتنبيه والتوعيه واشارات السلامه والامن وين رايحه..مش هذي شرط من شروط العمل واجباريه تطبق + تعلق في اماكن الانشاءات والعمل

والله جزء من المشكله صاحب الحلال او راعي العماله..جايبهم من غير ماتوفر لهم سبل السلامه عالاقل..ماراح نقول الراحه..سلاااااااااااااااامه وصحه اقل شي
اللي هاد العمال يقطعون الشوارع يدورون باخر الليل او بصباح الله خير من يوديهم خطوط وجذي

لو الدوله تجبرهم بتوفير خدمة نقل لعماله افضل

وجزء من المشكله ايضا القائمين عالعمل مع العمال والمشرفين
هذا قاعد يشتغلك 8 ساعاات بالحر..وعقبها تقوله بعد 8 ساعات روح دبر نفسك

اما اذا الامر بخصوص العماله الاسيويه العاديه اللي يشتغلون بامكان او يبون يقطعون شارع يجيبون غرض او موقف بعيد ويمشي وجذي .. ف هذا قلة توعيه من عند الشخص نفسه
لو في حركه تجبر ان كل وافد اسيوي يأتي للعمل في قطر..يجبر انه يعدي نظام من وسلامه او توعوي صغير..يكون افضل
نفس مايسون فالمجال الصناعي..كل موظف يدش يقوم ب induction توعوي للصحه والسلامه

يقدرون يسون هالشي للمرور..ويشترطون انه خلال سنه يعدي هالشي
ويجرجونهم لو يبون 50 ريال .. بيدخلون ذهب بعد..ويبعدون راداراتهم وشرهم منا ويفكونا منهم ;p

:]

[intesar]

اسمحو لي على التضليل الغير مقصود
لو الاداره تغير العنوان وتخليه قطاع الشوارع او قاطعي الشارع ماادري ؟!
هههههه
وشاكره لكم مساهمتكم في الموضوع


قاطعي الطرق تكون أفضل..