أفضل الأدوات الكهربائية :.. ــــــــــــــــــــــــــــــ ! [الأرشيف]

مشاهدة النسخة كاملة : أفضل الأدوات الكهربائية :.. ــــــــــــــــــــــــــــــ !

بو الجوري

15-08-2012, 01:56 PM

السلام عليكـم جميعاً :..

تقبل الله صيامكـم وقيامكـم :..

وعساكـم من عوادة العيد :..

المهم إن شاء الله عقب العيـد ناوي أروح أجيب الأدوات الإلكترونيه للبيت الجديد :nice:

بغيت آرائكـم ونصايحكـم في أفضل الماركات وأفضل الأسعار :..
مع ذكـر الأماكـن :shy:

يعني بغيت فرن وميكروويف وثلاجه كبيره وفريزر و غساله ونشافـه :..
ويستحسن لو مكان واحد شامل الكل :)

أسمع وايد يمدحون ويستنق هاوس امريكي

فيدونـا بتجاربكـم اللي مالنا غنى عنها

بن غيث

15-08-2012, 05:45 PM

الدرويش .. المانع ..

The_Be$t

15-08-2012, 08:51 PM

اتفق مع بن غيث

بو الجوري

15-08-2012, 10:31 PM

وين مكانهم يالشيوخ ؟

وأي وكاله عندهم !

ولد المنصور

16-08-2012, 03:11 AM

المناعي ,, عند وكاله الجمس ,,, والادوات الكهربائيه مثل غساله بانيسونك عند دوار المرخيه ...

ولد المنصور

16-08-2012, 03:13 AM

نسيت اقولك بعد عندك الريس شارع الخليج افران وفريزارات ...
والله يوفقك ومنزل مبارك ..

Chambray

16-08-2012, 04:25 AM

حياك الله ابوالجوري

وثلاجه كبيره وفريزر و غساله ونشافـه
انصحك في ماركة whirlpool عند المانع
قريب من مطعم الحمرا ( شارع الريان ) قريب من الديوان الخاص

وبالتوفيق

ضوى

16-08-2012, 04:36 AM

بوش ماركة جيدة جدا للغسالات والافران ، باناسونيك لاتحتاج تعريف ولكن ابحث عن الصناعة اليابانية بالكامل

khaldoon

16-08-2012, 04:51 AM

بوش ماركة جيدة جدا للغسالات والافران ، باناسونيك لاتحتاج تعريف ولكن ابحث عن الصناعة اليابانية بالكامل

بوش نفسها توقفت عن صناعة بعض الادوات الكهربائية في اوروبا و صارت تصنعها في الصين و اعطونا شهادة رسمية بهالكلام علشان نقبل منتجاتهم و اذكر عدد سنوات ضمان اكثر.... يعني اسألوا عن الماركة و بلد التصنيع مع بعض الحين

مثلا اللي اعرفه انه افضل التليفزيونات هي سامسونج.....السوني ممكن يركب موتر سوني و شاشة سامسونج ....بس السامسونج تلاقيه ماليزي

مب شرط الماركة انها افضل في كل انواع الادوات الكهربائية.... تلاقي الماركة مبدعة في نوع من الادوات و عادية في نوع اخر مثل حال السيارات ..... مبروك يا الغالي البيت الجديد :nice:

captin

16-08-2012, 05:19 AM

مرحبا بو الجوري

منزل مبارك إن شاء الله

بالنسبة للأدوات الكهربائية المنزلية

هناك ماركات كثيرة في السوق وفي الآونة الأخيرة
أصبحت الماركة اليابانية التي ترد إلينا مثل باناسونيك وشارب وهيتاشي
والماركات الكورية مثل ال جي وسامسونغ رديئة ولا تعمر طويلا

لذا انصحك بالماركات الأمريكية والأوروبية مثل

General Electric

Whirlpool

Kelvinator

Kenwood

وافضل وكالتين لمثل هذه المنتجات هما

شركة الدرويش

المانع للإلكترونيات

والنصيحة انك تاخذ ماركة واحدة من مصدر واحد للحصول
على خصم مناسب وكذلك لأمور الصيانة .

بالتوفيق ان شاء الله

بو الجوري

16-08-2012, 08:51 AM

ما قصرتوا ياجماعه ، كالعاده :)

إن شاء الله عقب العيد بلفلف عليهـم :..

و الله يبارك فيكـم جميعاً :)

السيليه

20-08-2012, 03:01 AM

صح كلام الخوان الدرويش والمانع وفيه ماركه للافران وايت وستنج هاوس ممتازة وتعيش عمر
وعساكم من عوادة

kuwari

20-08-2012, 08:53 AM

بالتوفيق ان شاء الله وبيت عامر

بو الجوري

20-08-2012, 10:33 PM

أنا من ٦ سنوات شاري وايت وستنق هاوس
فرن :.. وما شاء الله للحين تمام

بوخالد911

20-08-2012, 11:52 PM

الله يسهل عليك

وعيدك مبارك

بو الجوري

20-08-2012, 11:59 PM

الله يبارك فيك يا بوالسمي :)

خزامئ

23-08-2012, 12:07 AM

ابو رها

23-08-2012, 04:08 AM

منزل مبارك بو الجوري ولا تنسى تعزمنا على ذبيحة النزاله :)

اخوي انصحك بجنرال لجميع الاجهزه خذها وارقد وآمن

بالتوفيق ان شاء الله

كبير المتداولين

23-08-2012, 02:32 PM

الاجهزه الكهربائيه اخوي بو الجوري انصحك شكلها لاتاخذها من مكان واحد لان لكل شركه تكون ممتازه في صناعه جهاز واحد

مثلا تاخذ تلفزيونات سامسنج او ال جي
في ماركات المانيه حلوه عند جامبو للفريزرات والثلاجات

يعني مكس والله يوفقك وجعله منزل مبارك

ولد العلي

23-08-2012, 03:46 PM

متابع

w.qatar

23-08-2012, 05:36 PM

منزل مبارك ان شاء الله

الافران الايطالية احسن ششي ودور على اللي مكتوب عليها هيفي ديوتي بتعمر عندكم

والتلفزيونات ابتعد عن ال جي فاشله هالشركة احسن شي سامسونج او سوني شاشات led

بو الجوري

26-08-2012, 07:19 AM

الله يبارك لك المنزل
ويت ويستنق هوس عن تجربه عندي ثلاجه سار لها18 سنه وللحين مافيها شي مشالله يمكن مرتين حطيت لها غاز بس ناسيه من وكيلها انصح بها لثلاجات
المانع الي عند مطعم الاحمرا
عنده ثلاجات امريكيه كامل ممتازه
وعندهم بعد نفس الماركه فريزر طوليه باب واحد وثلاجه بعد باب واحد تاخذ ثنتين جنب بعض ماتاخذ مساحه كبيره

صحيح إختي وايت وستنق هاوس ممتازه
أنا جربت الفرن :..

وسمعت عن الفريزر الواحد و إن شاء الله باخذه لأنه أريح :..
:victory:

منزل مبارك بو الجوري ولا تنسى تعزمنا على ذبيحة النزاله :)

اخوي انصحك بجنرال لجميع الاجهزه خذها وارقد وآمن

بالتوفيق ان شاء الله

أبشر يالغالي ، بس بتجينـا الدوحه ؟ وإلا أطرشلك فقار :nice:

وبخصوص الجنرال ، مادري ليش مب داخل بالي :shy:

الاجهزه الكهربائيه اخوي بو الجوري انصحك شكلها لاتاخذها من مكان واحد لان لكل شركه تكون ممتازه في صناعه جهاز واحد

مثلا تاخذ تلفزيونات سامسنج او ال جي
في ماركات المانيه حلوه عند جامبو للفريزرات والثلاجات

يعني مكس والله يوفقك وجعله منزل مبارك

تسلم يالغالي ، وهذا اللي بيصير :)

بس وشو أحسن نوع تلفزيون !

متابع

نتشرف :victory:

منزل مبارك ان شاء الله

الافران الايطالية احسن ششي ودور على اللي مكتوب عليها هيفي ديوتي بتعمر عندكم

والتلفزيونات ابتعد عن ال جي فاشله هالشركة احسن شي سامسونج او سوني شاشات led

إيطاليه مثل شنو ؟

وش تنصحني بالتلفزيونات !
وهل في شي أحسن من الـ LED

بو الجوري

26-08-2012, 07:19 AM

شـــاكر مروركـم جميعاً ، وتفاعلكـم :..

كبير المتداولين

26-08-2012, 09:17 AM

اخوي بو الجوري انا اقنعني احد الباعه في متجر التلفزه يقولي تبي تعرف نوعيه التلفزيون اوكي او لا مرر كاميرا الجوال على شاشه التلفزيون وبتشوف الفرق وبعد اداء التجربه مع سامسنج وال جي اتضح انه ال جي افضل من سامسنج

والله اعلم على ذمته

بو الجوري

26-08-2012, 09:39 AM

صحيح كلامك أخوي :..

أنا أهم شي عندي إنه إذا الصوره سوده ، ماشوف ليت الغرفه فالشاشه ههههه
وأعتقد هذا فالـ led متوفر

خزامئ

26-08-2012, 02:28 PM

بعد اذن صاحب الموضوع
من وكيل ويت وستنق هوس

بو الجوري

26-08-2012, 02:34 PM

بعد اذن صاحب الموضوع
من وكيل ويت وستنق هوس

المناعي

Chambray

26-08-2012, 03:21 PM

افضل الشاشات للتلفزيون حالياً ( سامسونغ و سوني ) led

khaldoon

26-08-2012, 06:35 PM

صحيح كلامك أخوي :..

أنا أهم شي عندي إنه إذا الصوره سوده ، ماشوف ليت الغرفه فالشاشه ههههه
وأعتقد هذا فالـ led متوفر

هالموضوع ماله علاقه بأنه شاشة led .... يعتمد على نوع الشاشة مطفيه و الا تعكس .... بس اكيد الحين انه led احسن من lcd و من البلازما اللي صاروا شاشات قديمة

هذا الشهر شريت تليفزيون led نوع توشيبا لانه ياباني و فيه مميزات احسن من السامسونج اللي لقيته ماليزي ....

بو الجوري

27-08-2012, 07:53 AM

خلدون عزيزي أخبارك ؟

و الله أنا اللي قالولي إنه ال led كله مايعكس :..

المهم طبعاً مثل ماقلت حاليا الled أفضل من ال lcd والبلازما

مممم توشيبا !
كم بوصه وبكم السعر :..

وشنهي المميزات !

بودحوم

27-08-2012, 10:53 AM

إذا عندك مشوار للإمارات

مر الشارقة وخذ جميع الأجهزة اللي تبيها

وراح توفر أقل شي 35 او 40% واصله للبيت

هذا موقع أحد المحلات . وبتلقى أرخص منه إذا رحت هناك

http://ae.opensooq.com/search/1490635/