شرايكم دوام صبح ولا شفتات وليش ؟؟

[حميداني]

وش تشوفونه أريح

سمعت ناس يقولون شفتات وسمعت من يقول دوام الصباح

لاني من ما سمعت ان الشفتات حوسه وتخبط

اما البعض يقول اريح اخلص فيها اشغالي ودايماً امدبر نفسي
وناس يقولون مابي اغير روتيني فالصبح مافي احسن منه ومرتب مواعيدي وكل شي


:telephone: انتو وش رايكم ؟

[الدوحة قطر]

انا موظف من سنة 2000

اول اربع سنين تقريبا كنت ثابت صبح واجازتي الاسبوعية مع العالم

ومن 2004 صار دوامي شفتات

صحيح ان ميزة الشفتات انك تقدر تخلص امور حياتك يمكن بشكل اسهل من الي دوامة ثابت صبح

لكن ما اقول غير الله يوفقني ويسهل لي وارجع اداوم ثابت صبح بإذن الله

[اوف ليميت]

من غير ليش او اي شرح

ثابت صبح بلا منازع

لو ثابت صبح عباره عن فريق كرة قدم ..كان فاز عالبرازيل 20 مقابل 0

وشرايك بالتشبيه؟ عرفت الحين وشكثر ثابت صبح اهم واحسن

:]

[مبارك سعد]

دوام الصباح أفضل
لكن الشفتات تهد الحيل ولا تتهنى في إجازتك الاسبوعيه لأنك غير عن العالم ،
غير العلم أثبت أن هناك نوع من الانزيمات يحتاجها الجسم لايتم إفرازها الا وقت النوم وطبعآ في الليل والانسان مستغررررررق في النوم العمييييييق .

[حميداني]

حرام عليكم ياخي , لا تحطموني جي :anger1:
زين وشرايكم في نظام الـ 4 في 4

تداوم 4 ايام 12 ساعه وتاخذ لك اوف 4 ايام

مو حلويين ؟؟؟


:telephone: ها ؟

[ANONYMOUS]

يعتمد عليك

جرب الاثنين واختار اذا في مجال

[ابداع قلم]

ثابت صبح بدون اي كلام
اولا الوقت يمر فلت وثاني شي تداوم وتاجز مع العالم وثالث شي الشفتات ملل (( مع ان البي بي والايفون قضوا على هذا الملل )) .
تخيل يوم العيد والناس ماجزة وصادف دوامك شفت صباح ولا عصر !!
حزتها اقعد تحلطم !!!!!

[فلتة زمانها]

الشفتات احلى اذا انت عزوبي
انا جربت الشفتات سنتين اول شيء ارتحت من الزحمه وما اتقيد بالروتين
ومثل ماقالوا الاعضاء تخلص اشغالك في اي وقت واجازتك تكون في اي يوم
بس العيب الوحيد يعتفس ارقادك في البدايه وعقب تاخذ عالوضع

[اليحصبي]

حرام عليكم ياخي , لا تحطموني جي :anger1:
زين وشرايكم في نظام الـ 4 في 4

تداوم 4 ايام 12 ساعه وتاخذ لك اوف 4 ايام

مو حلويين ؟؟؟


:telephone: ها ؟


ذكرتني برفيجي يشتغل بـ الاسعاف 4 * 4 مثل ما تفضلت
احس انه عايش بكوكب بروحـه
http://www.mrusf.com/imgs/bbm/biggrin.png

[حميداني]

الروتين ممل يا رجل , كل يوم تقوم الصبح وزحمه وأذيه

وطول ما في شي اسمه لابتوب ان شاءالله الملل ما يجي صوبي
ويا رجل بلا عيد بلا مادري شنو , ايام الصغر كان العيد صج عيد اما الحين عاد شفيه زود

مادري الظاهر رايي من راي anonymous يمكن صج على حسب الشخص
المشكله الموضوع مافيه تجربه فدعتها عقد شطوله .. خير خير ان شاءالله

[حميداني]

الشفتات احلى اذا انت عزوبي
انا جربت الشفتات سنتين اول شيء ارتحت من الزحمه وما اتقيد بالروتين
ومثل ماقالوا الاعضاء تخلص اشغالك في اي وقت واجازتك تكون في اي يوم
بس العيب الوحيد يعتفس ارقادك في البدايه وعقب تاخذ عالوضع
الله يبشرج بالخير .. بصيص أمل :nice:

[حميداني]

ذكرتني برفيجي يشتغل بـ الاسعاف 4 * 4 مثل ما تفضلت
احس انه عايش بكوكب بروحـه
http://www.mrusf.com/imgs/bbm/biggrin.png

ههههه سمعت عن هالشي , بنشوف وش يصير

[حقيقه]

الصبح حلاته مع العالم

والشفتات تكسر الروتين بس تبعدك عن الطلعات والمناسبات ساعات

[مضارب دوسري]

حرام عليكم ياخي , لا تحطموني جي :anger1:
زين وشرايكم في نظام الـ 4 في 4

تداوم 4 ايام 12 ساعه وتاخذ لك اوف 4 ايام

مو حلويين ؟؟؟


:telephone: ها ؟

انا اداوم نفس هالدوام ف لفان بصراحه لو يقولون لي داوم صبح ماراح اداوم اصلا حلاتها اربعه ب اربعه
بصراحه احلى دوام هو الشفتات بس بشرط شفتات 12 ساعه مب 8 ساعات نفس الشرطه
لان بصراحه نظام شفتات ثمان ساعات ماساوي

هذا غير العلاوات خصوصا اذا كان ثابت صبح في البرج والشفتات في لفان
تفرق فالراتب في حدود ال 6000
من علاوة لفان
وعلاوة شفت
واوفر تايم

[مضارب دوسري]

وللعلم الشفتات احلى للعزوبي والمتزوج
انا متزوج واداوم شفتات
عادي وافضل عالاقل ايام الاجازه الاربعه تضربها سفره قريبه

[حميداني]

انا اداوم نفس هالدوام ف لفان بصراحه لو يقولون لي داوم صبح ماراح اداوم اصلا حلاتها اربعه ب اربعه
بصراحه احلى دوام هو الشفتات بس بشرط شفتات 12 ساعه مب 8 ساعات نفس الشرطه
لان بصراحه نظام شفتات ثمان ساعات ماساوي

هذا غير العلاوات خصوصا اذا كان ثابت صبح في البرج والشفتات في لفان
تفرق فالراتب في حدود ال 6000
من علاوة لفان
وعلاوة شفت
واوفر تايم

:nice: << شق الحلج

[حميداني]

وللعلم الشفتات احلى للعزوبي والمتزوج
انا متزوج واداوم شفتات
عادي وافضل عالاقل ايام الاجازه الاربعه تضربها سفره قريبه

فديتك والله يا مضارب
من وين جايلي انت , دقيقه بدور في الابتسامات ورده علشانك

مافيه ورده بس حبتين لك :victory:

[ريم 28]

ثابت صبح من دون تفكير

الشفتات تعب عن تجربة ناس اعرفهم

يتلخبط نومك وطلعتك وكل شي

خلك ثابت بترتاح اكثر

و١٢ ساعه متعبه

[بوحنان]

اخوي انا لي سبع سنين صبح وقبلها خمس سنين شفتات ما في أحلا من الصبح والحين لو يحولوني شفتات يمكن أدوخ

[زقرتي ومزاجي]

اكسر الروتين .. واسال مجرب الشفتات احسن من قومه الصبح والزحمه
وبعد المسافة


مميزات دوام الصبح ..

ترقد مع العالم وتقوم مع العالم .. واجازتك مع العالم

السلبيات

الصبح كل الاداريين والمدراء مداومين يعني يحتاج نظام اكثر ولا تنسى التاخير محاسب علية وبقوه + قومه الصبح صعبه
اذا كان عندك شغل خاص ماتقدر تقط الوجه وتستاذن على كيفك متى مابغيت



مميزات الشفتات

تقدر تخلص اشغالك وماتتاخر على الدوام ويكون ذهنك صافي و تقدر تروح رحله اي وقت من الاسبوع لان اجازتك ساعات تصادف اول الاسبوع وساعات في الوسط وساعات مع العالم ويك اند
ممكن يصادفك دوام وقت الاجازات الرسمية مثل العيد وتحصل اجازه او اوفرتايم
رصيد اجازاتك فل بعكس اللي يداوم صبح


عيوب الشفتات

يكون وقتك ضيق ويفتقدونك في المناسبات + زوجتك اذا كنت متزوج راح تفتقدك في الليل
واذا كانت موظفه راح يكون تعارض في الوقت بينكم ماراح تشوفك حتى عيالك يفتقدونك



هذا بختصار وبشكل بسيط انت فكر وقرر

[بوراشد82]

شفتات بالراحة

[سداوي&مدريدي]

مافي حد ممكن يفيدك انت شوف الانسب لك وتوكل على الله

بالتوفيق

[كاس العالم]

على حسب الشفتات
انا داومت 4 سنوات صباح ( مرات اتاخر 5ولا 10 دقايق وغير كذا زحمه في الدوام وعفسه يعني ماتقدر ترخص على طول ولا تقدر تغفي لك ساعه هههههه والشغل يكون اكثر )
عقبها فكرت احول شفتات عاد شفتاتنا 24 ساعه و 3 ايام اجازه ( يوم بثلاث ايام )
وصار لي تقريبا 6 سنوات على هالحال مرتاح والحمد لله اخلص اشغالي واتمشى وسهلات
يعني لو يردوني صباح عادي اقدم استقاله ههههههه

[حفيد الأنصار]

اكيد صباح مع العالم والناس

[حـ ن ـيـ ن]

شفتات

[حميداني]

على حسب الشفتات
انا داومت 4 سنوات صباح ( مرات اتاخر 5ولا 10 دقايق وغير كذا زحمه في الدوام وعفسه يعني ماتقدر ترخص على طول ولا تقدر تغفي لك ساعه هههههه والشغل يكون اكثر )
عقبها فكرت احول شفتات عاد شفتاتنا 24 ساعه و 3 ايام اجازه ( يوم بثلاث ايام )
وصار لي تقريبا 6 سنوات على هالحال مرتاح والحمد لله اخلص اشغالي واتمشى وسهلات
يعني لو يردوني صباح عادي اقدم استقاله ههههههه

هههههه عجيب , بس 24 ساعه ما ترقدون ؟
الظاهر صج كلام الشباب ناحية الشفتات شكلي بتلته ان تزوجت او يمكن لا

ما يندرى

أهم شي ريحتوني وعرفت انه فيه منكم شباب يعجبه موضوع الشفتات وصراحه صج دش براسي

[الجوكر90]

السلام عليكم
انا رفيجي كل اسبوع كنت اشوفه كاتب فالبلاك بيري السعوديه تايم
اقول شفيه هاي لايكون طلع من الشغل
الا اشوف دوام تايم
استغربت
الا طلع ٤*٤
مفتل ومريح عمره يسافر ويطلع ويفل عمره
وبالتوفيق

[حميداني]

شطيتني والله الجوكر :omen2:

[لقمان]

فديتك والله يا مضارب
من وين جايلي انت , دقيقه بدور في الابتسامات ورده علشانك

مافيه ورده بس حبتين لك :victory:

ترا دوام الشفتات ارحم من دوام الصباح انا جربت دوام الصباح اكثر من عشرين سنة لاكن الحين من13 سنة وان اداوم شفت لاكن الحمد اللة مرتاح

[حميداني]

بشرك الله بالخير يا لقمان

[h9466]

شفتات افضل...اولا تكسر الروتين وتفتك من الزحمة وثانيا الاسبوع يمر عليك مثل البرق...ولو قدرت تاخذ يومين بس شفتات بس مايكون الخميس منهم بترتاح ..

[كتكوت الوحش]

انا شفتات يومين عصر يومين ليل يومين ونص اوووووف ولا اروع
شفتات طبعا احلاااا بكرا بالاشتا متى ما خلصت زام ليل دق سلف ويكون انشالله مطر وخير وروح العديد على طول تمشا ساعتين ارجع

[GENIUS]

دوام الشفتات انت تنظم وقتك وتتحكم فيه على حسب ظروفك وتفتك من أشياء كثيرة من اهمها قومة الصبح وزحمة الصبح والتأخير وتقدر تقضي أمورك بكيفك لأن الوقت ملكك لكن عيب الشفتات الكبير هو الدوام في الإجازات مثل الويك إند والعطلات الرسمية صحيح في تعويض بالاوفر تايم لكن ما يغنيك عن قعدتك مع اهلك وربعك. طبعا دوام يومين صبح ويومين ليل وأربعة ايام إجازة هو النظام الافضل لنا كقطريين. دوام ثابت صباح زوين وينظم حياتك اذا انت راعي بيت وعيال ومسؤلية