مـمـكــن اسـتـشــاره او مــقـتــرح

[برنس قطر]

سلام عليكم ورحمة الله وبركاته وكل عام وانتم بالف خير وصحه وسلامه
ممكن استشاره او تعطوني اي مقترح منكم؟
عندي ممر طواله 22 متر وعرضه 3 متر ابي اغطيه عن لاغبار والهواى ايش مقترحكم ...للعلم طل عليه شبابيك غرف من ناحيه الملحق ..
هل تنصحون زجاج والمنيوم.. اخاف يغبر من فوق وبطلع شكله :weeping: سيى او كيربي بعد بطلع فطسه من داخل شفت بلاستك مقوى نفس الي يركب على بيبان الحوش الخلفي بس احس انه مش عملي ايش تقترحوووون علي ....؟

[بن غيث]

ممر خبشي بيكون غاية في الجمال وتزرع حوله نباتات متسلقة مثل اللبلاب الياسمين العنب

[(محمد)]

ممر خبشي بيكون غاية في الجمال وتزرع حوله نباتات متسلقة مثل اللبلاب الياسمين العنب

http://www.terraspirit.com/memories/050405_gardenhallway.jpg

[ولد المنصور]

هلا اخوي ,,
مثل ماقلت الزجاج بيغبر ويبي تنظيف كل فتره ,,, والزراعه بتجيبلك الحشرات لان المكان بيكون مسكر ,,, سكره ابكيربي عازل وتحت الكيربي جبس بسيط وتكيف المكان ,,,
خالي عندي نفس الشي بس هو سكره بخرسانه وحط قبتين صغار للنور وحط مكيف ...

[The_Be$t]

السلام عليكم


تقدر تسويه على الديزاين الافريقي مثل الصوره (الصوره مرفقه) او يسكرونه لك بالكامل من الاطراف بالطابوق او الزجاج ويكون السقف من الخشب والقش

واذا تبي رقمهم راسلني عالخاص

[qatarshark]

تبي نصيحيتي انا اقترح عليك تسكره بالاسمنت (صبيه) احسن واقوى ويعمر لك سنين وممكن تسوي فيه قبب اذا حبيت حق الاضاءة

[captin]

مراحب اخوي

اعتقد في جو مثل جونا ما يصلح الزجاج والألومنيوم
لتغطية الممرات الكبيرة ومثل ماذكرت راح تكون اماكن لتجمع
الغبار والأتربة وبعد مرور فترة راح يشوه منظر الفيلا من الخارج ومن الداخل

معظم الناس تحسب حسابها من البداية وتسقف المنطقة بين الملحق والفيلا
بخرسانة على طول الممر , لكن إذا انت ما سويت هالشي
هناك حل حلو وغير مكلف وهو الكويك سبان وافضل محل يسوي لك
هو الدوحة كويك سبان وميزته ان به تعرجات تسهل نزول الرطوبة والغبار عند الغسيل
او نزول الأمطار وشكلة حلو ويتماشى مع المبنى خصوصا اللون الأبيض
وتقدر تتحكم في ارتفاعه عشان تعطي مجال للشمس والتهوية بالممر.



وهذا رابط لإحدى الشركات المتخصصة

http://www.yellowbulletin.com/weblite/dohakwikspan/contacts.aspx

بالتوفيق وإن شاء الله الإخوان يفيدونك أيضا بمقترحات أخرى مناسبة