اشتريت ايفون من امريكا كيف اقدر اشغلة

[بوليد]

السلام عليكم
اشتريت ايفون 4 مستعمل من امريكا مقفول لشركة at
ومايشغل على شريحة كيوتل ولا فودافون


الحين وش لازم اسوية عشن يشتغل هنية ولا مافي اي طريقة

[Lili2005]

اخوي لازم تكسر الحمايه عشان يشتغل الجوال معاك
بس اذا كسرت الحمايه ضمان الموبايل بيلتغي

[jaf111]

وده اقرب محل خله يفتحه لك ولاتسوي اي ابديت للسستم فالجهاز لانه بيقفل عليك مره ثانيه !
او سوله جيلبريك

[بوليد]

اخوي لازم تكسر الحمايه عشان يشتغل الجوال معاك
بس اذا كسرت الحمايه ضمان الموبايل بيلتغي

بس اخوي التلفون ماعلية ضمان


وده اقرب محل خله يفتحه لك ولاتسوي اي ابديت للسستم فالجهاز لانه بيقفل عليك مره ثانيه !
او سوله جيلبريك

لكن اخوي انا حاب اسوية بروحي لو السالفة مافيها تعقيد
والمحل اكيد ماعندة شي خارق مجرد كمبيوتر ووصلة




وشاكر لكم ردكم

[mE mYself & i]

كم رقم البيس باند ؟

[khalidwabas]

السلام عليكم
اشتريت ايفون 4 مستعمل من امريكا مقفول لشركة at
ومايشغل على شريحة كيوتل ولا فودافون


الحين وش لازم اسوية عشن يشتغل هنية ولا مافي اي طريقة


حاول تراسل شركة AT&T وتعطيهم رقم IMEI اللي هو
International Mobile Equipment Identity
وبإذن الله يفتحونه لك رسمي...
لاني شريت بشهر 12 اللي راح ايفون 4S من عندهم وكنت مخلي فيه كرتي الامريكي من غير عقد..
ولما جيت الدوحه ابي اركب فيه الكرت مااشتغل فراسلتهم عن طريق حسابي معاهم وتم حل المشكله خلال 5 ايام وصار تلفوني unlocked رسمي...
كيفية معرفة IMEI بالخطوات التاليه:
Setting > General > About
والله يوفقك

[shaheen-915]

وده اقرب محل خله يفتحه لك ولاتسوي اي ابديت للسستم فالجهاز لانه بيقفل عليك مره ثانيه !
او سوله جيلبريك\

وفيت وكفيت

[بوNasser]

انا مع راي الأخ khalidwasab

مرة خذت من امازون بلاكبيري مقفول على بطاقة فيرزون الامريكية

دورت في النت حصلت موقع يفتح التلفون بسعر بسيط، وطلب بس رقم imei

ومشت الأمور، وشغال على كيوتل.

[الواعد]

شوف هنا فيه حل بإذن الله

http://www.iphonedevar.com/shop/product/unlock-iphone

[حميداني]

تشيك يوتيوب

اكتب unlock iphone 4s وجرب

[Lili2005]

اذا مافي ضمان كويس،، معناتو ماراح تخسر شي،،

اول شي لا اروح ع المحلات ولا شي،، اتعلم لحالك،، انا رحت لمحل وقالي يبي 200 ريال للجيلبريك و50 ريال لكل برنامج انزله،، فاتعلمت لحالي ونزلت كل البرامج اللي ابيها لحالي...


الحين لازم تعمل جيلبريك،، بتروح ع الكمبيوتر الرئيسيس تبعك وبتدخل ع هالموقع
http://greenpois0n.com/

بتطلعلك هالصفحه
http://i.imgur.com/3h88d.jpg

بعدين روح ع يمين الشاشه فوق ،، واختار الرابط اللي نفس نوع كمبيوترك ،،

http://i.imgur.com/EXya3.jpg

http://i.imgur.com/SSwxm.jpg

وبس ،، بعدين بتفتح البرنامج وبتشبك الموبايل واهو مفتوح وبتعمل جيلبريك
وخلك صابر لا تفصل الموبايل الا اذا طلعتلك رساله ع الكميوتر انه تم نجاح العمليه

وبعدين افتح الموبايل بتلاقي السيديا وكل شي موجود
،،،،، الحين المفروض المشكله تنحل كن اذا ما انحلت بتخبرني ،،
لانه بعديها راح تنزل برنامج من السيديا عشان يحل المشكله،، بس ان شاء الله مشكلتك بتنحل عطوول

تحياتي

[7llo]

الشيخ في shep ينباع في امازون بس ماعرف والله اسمه تحطه في الايفون ويشتغل لايقصون عليك المحلات ف الدوحه يقولون لك بنعدل لك التلفون ب400 ريال ترا الشب ينباه ب10 دولار وبعد يمكن اقل لو ماعرفت اسمه ارسل لي مسج على الخاص بسالك رفيجي شنو اسم الشب

[للصبر اخر]

اما بالجلبريك
او جيفي سيم كارد

[abdo222]

شيك في اليوتيوب عن جلبيريك للايفون وبتحصل الشرح من الالف للياء ان شاءالله

[بوخالد911]

هلا
تفضل موضوعي فوووق
http://www.qatarshares.com/vb/showthread.php?t=526725
موووفق

[BuFaisal]

شوف هنا فيه حل بإذن الله

http://www.iphonedevar.com/shop/product/unlock-iphone

اخي

هل الموقع ثقة ؟
هل جربته ؟

[بوخالد911]

اخي

هل الموقع ثقة ؟
هل جربته ؟

اي
نعم

دفعت 35 باوند

واشتغل

[Kbusiness]

السلام عليكم ..

اخوي السائل عن فتح الجهاز ..

عندك طريقتين لفتح جهازك او بالاحرى تسويله ( unlock )

1- فتح الجهاز عن طريق برامج الهاكينج ( جيلبريك ) ولكن في الطريقة هاي لا يمكنك عمل تحديث للجهاز وفي حال عمل تحديث سوف يغلق الجهاز ولا تستطيع فتحه مره اخى الا في حال تم اصدار اخر من الجيلبريك متفق مع النسخه الجديده وطبعا هاي الطريقه ممكن عن طريقها تنزل برامج كثيرة الي هي بالاصل تكون بفلوس تصير مجانا .
2- فتح الجهاز عن طريق شركة الاتصالات الامريكيه ( T&T ) مثل ما تفضل الرجال وشرح عن الشركة فلازم ان تراسلهم وترسل رقم جهازك الاي فون ( IMEI ) وبعد اسبوع او اسبوعين بالكثير يتم فتح الجهاز طبيعي من الشركة ومن ميزة الفتح هاي انه يكون مفتوح رسمي بالتالي ممكن تعمل تحديث وتفرمت الجهاز وتسوي اي شيء كانه جهاز مفتوح اصلي وايضا يعمل في امريكا مع العلم ان الطريقة الاولى لا يمكن ان يعمل في امريكا البلد الاصلي حق الجهاز ..

ارجوا اني اكون وفيت الشرح واي استفسار اخر حاضرين واذا تبي مساعده في هالموضوع بعد حاضرين وحياكم الله الجميع

شكرا

[بوخالد911]

السلام عليكم ..

اخوي السائل عن فتح الجهاز ..

عندك طريقتين لفتح جهازك او بالاحرى تسويله ( unlock )

2- فتح الجهاز عن طريق شركة الاتصالات الامريكيه ( T&T ) مثل ما تفضل الرجال وشرح عن الشركة فلازم ان تراسلهم وترسل رقم جهازك الاي فون ( IMEI ) وبعد اسبوع او اسبوعين بالكثير يتم فتح الجهاز طبيعي من الشركة ومن ميزة الفتح هاي انه يكون مفتوح رسمي بالتالي ممكن تعمل تحديث وتفرمت الجهاز وتسوي اي شيء كانه جهاز مفتوح اصلي وايضا يعمل في امريكا مع العلم ان الطريقة الاولى لا يمكن ان يعمل في امريكا البلد الاصلي حق الجهاز ..

ارجوا اني اكون وفيت الشرح واي استفسار اخر حاضرين واذا تبي مساعده في هالموضوع بعد حاضرين وحياكم الله الجميع

شكرا

للتوضيح

تم فتح جهازي بغضون 22 ساعة فقط

حبيت أنوه بس:nice::nice::nice: