ادارة حماية المستهلك تقدر على الخطوط القطرية

[أسياد]

يا جماعة رحت البحرين من اسبوع بتذكرة الى البحرين ورجعه الى الدوحه ب 650 ريال اما اليوم حاولت احجز ليوم الجمعه والرجعه يوم العيد الاحد تفاجاة السياحية 2600 ريال هل معقول واذا ما تصدقون شفون موقع القطرية صدمه كبيره زي العادة يا قطرية حرامية مع سبق الاصرار والترصد واذا فيه واحد خير يكلم القطرية من المسئولين ولا حماية المستهلك كفو جربو ولا ........:secret::secret::secret:

[ANONYMOUS]

لاتضيع وقتك

دق سلف خمس ساعات بتكون هناك

والطياره تاخذ 4 ساعات ( على اعتبار الطريق للمطار ساعه + ساعتين قبل الرحله تكون هناك + الرحله + تطلع برع المطار)

والتكاليف200 ريال

100 ريال بترول + 70 تأمين + 30 ريال تسالي :p

[halcrow]

اخوي شيك ... السعر هو ١٨٨٠. ويظل سعر غالي .... لكن هالشي متعارف فيه في كل خطوط الجويه في العالم والقطريه ماسوت شي جديد بخصوص الحجز المستعجل ..... الحجز المبكر هو الارخص طبعا .... وفوق هذا في موسم الاعياد والاجازات تزداد اسعار التذاكر وفي نفس الوقت يزداد عددى المسافرين بشكل كبير واخيرا طبعا هو افضل من انه يقولك ان لايوجد مكان .....

[ضوى]

غريب ، اذا تذكرة دبي باول العيد ١٢٨٠

[ahmed jasim]

إحجز على البحرينية ب 600 ريال
http://www.bahrainair.net/

[الخزرجي قطر]

في عدة خيارات عندك مثل رد الاعضاء عليك
وفي الخطوط البريطانيه ممكن تحجز عيبها رحله في اليوم ليلا

[بن غيث]

انا كنت شغال في وزارة سابقا
وكنت اخطر وكيل الوزارة ان القطرية غير متعاونة مع الوزارة وتتجاهل القرارات الوزارية
يقولي من يقدر عليهم الله يهديك
هذا رد وكيل وزارة والوزير نفسه كان يتحاشاهم

[naklan]

لاتضيع وقتك

دق سلف خمس ساعات بتكون هناك

والطياره تاخذ 4 ساعات ( على اعتبار الطريق للمطار ساعه + ساعتين قبل الرحله تكون هناك + الرحله + تطلع برع المطار)

والتكاليف200 ريال

100 ريال بترول + 70 تأمين + 30 ريال تسالي :p


هذا هو الشور الطيب السفر بالسيارة البحرين قريبة وخطوط الطيران نصابين
والحكومة تحاسب وتحمي المستهلك من النصب بس اذا الموضوع فيه خردة لهم
ما يحمون المستهلك يحمون جيوبهم ولا رحلة 20 دقيقة واجد عليهم 200 ريال
انا في استراليا اسافر من مكان لمكان التذكرة 70 دولار 100 بلكثير اذا معك
شحن وساعتين سفر واحنا الهندية محتكرة وحاطه المواطنين استثمار خلها
على الله حسبنا الله ونعم الوكيل :(

[رحـ قطر ـال]

ماظنتي حد يقدر على القطريه عقب ماحطوا اكبر الباكر برتبه وزير ...ومثل ماقالوا الاخوان طريق بر وتوكل على الله اوفر لك واحسن لك...

[alsoq]

انا رحت صراحة على السعوديه للعمره ولا فيه احسن منها
ايش اللي يجبركم على القطريه المطار الجديد ان شاء الله بتنزل فيه اغلب الخطوط دايركت وبنفتك من احتكار القطريه خلها تودي للشرق اسياء افضل لها

[saif]

عقب مايفتحون المطار الجديد ان شاء الله بتشتغل شركات واجد
وبتصير منافسه بين الشركات ..

[يراعٌ فراتي]

لاتعب عمرك

خلهم يخلصونا من مشاكل المحلات والاسعار

عقب نشوف مواضيع نفس ذي

[بوNasser]

عقب مايفتحون المطار الجديد ان شاء الله بتشتغل شركات واجد
وبتصير منافسه بين الشركات ..

وايد متفائلين !!!!

ماظنتي القطرية تخليهم، اهمه الحين حتى في المطار الحالي يجبرون الخليج والاماراتية ان اسعارهم ما تفرق كثير عن القطرية.

[Toot]

الله كررررررريم

فلاي دبي زينه تررى

[مساهم فنان]

يا جماعة رحت البحرين من اسبوع بتذكرة الى البحرين ورجعه الى الدوحه ب 650 ريال اما اليوم حاولت احجز ليوم الجمعه والرجعه يوم العيد الاحد تفاجاة السياحية 2600 ريال هل معقول واذا ما تصدقون شفون موقع القطرية صدمه كبيره زي العادة يا قطرية حرامية مع سبق الاصرار والترصد واذا فيه واحد خير يكلم القطرية من المسئولين ولا حماية المستهلك كفو جربو ولا ........:secret::secret::secret:

650 ريال أعتقد هذا السعر لعرض من عروض القطرية

[الحاقول]

اكبر الله اكبر عليه

[الأغر]

خل حماية المستهلك تحل مشاكل المواد التموينيه و قطع الغيار واسعار السيارات وو بعدين يشوفوا حل للقطريه مع اني اشك انهم يستطيعون فعل شيء

[Scout Sniper]

خذها مني ...
القطريه عندهم ادارة كامله باسم الشؤون القانونيه ..
محد يشك خيط بابره الا ما يمر عليهم :)

بالعربي , مهما سوو , فهم ماشيين في السليم -)