ملابس مواليد للعيد "بنات"

[غايه الطواش]

بغيت ملابس لبنات توم مواليد بس حق العيد كشخه ونفس الشي هاي لاند مافيه

بغيت نيو بورن بوشهر كبير عليهم

[لمعة الالماس]

شوفي محل جيمبوري في اللاند مارك او لاجونا مول

او شوفي الصالون الازرق

ومذر كير منزل حق مواليد فساتين ناعمة وحلوة

[غايه الطواش]

جيمبوري ومذر كير مب حللو للعيد
بشوف الصالون الازرق بس ابي مكان اكيد

[غايه الطواش]

وكز !!
ابي اروح باجر الصبح

[لاجل QT]

الصالون الازرق
جكادي في السد
المحل اللى في الاند نسيت اسمة اللى قريب من كارفو اظن مقابل زارا هوم عندة ملابس مواليد تهبل بعد

موفقة

[غايه الطواش]

جاكادي رحته مافيه
شسمه الي مجابل كارفور؟

[حراير قطر]

عندج monsoon

شايفه عندهم فساتين صغار ...

[غايه الطواش]

حراير البنات عمرهم اقل من شهر نيو بورن فيه في مونسون ؟

[حراير قطر]

حراير البنات عمرهم اقل من شهر نيو بورن فيه في مونسون ؟

اي غاية زوجة اخوي مأخذه حق بنتها

توها عمرها شهر خذت لها هاي الفستان

http://media.monsoon.co.uk/medias/sys_master/8833169129502.jpg

وانا شفت هذا حلو يجي معاه ربطة شعر

http://media.monsoon.co.uk/medias/sys_master/8829110943774.jpg

[ANONYMOUS]

سوق العلي :p









لا اتغشمر ماعرف

[غايه الطواش]

مشكوره حراير

انوني ماوس تعوذ من ابليس

[للصبر اخر]

امممم ماقدر افتييج غايه
في محل بالمول مجابل السينابون اذكر عنده

[romoz]

اذا كنتي تبين حق عمر شهر ، ترا صعب تلقين
و اذا لقيتي يكون من شهر الى ثلاث شهور و يمكن يكون مو موتب ع البيبي .

بس بعطيچ اسماء محلات تلقين فيها نفانيف للبيبيات و يكونون مرتبين <<< خبره ههههههه

-- مذركير <<< عندهم مقاس ايرلي بيبي و تايني بيبي
-- h &m <<< تلقين شغلات حلوه للمواليد نفايف و بدلات.
-- برينتال << في اللاند عندهم فساتين بس ما ادري اذا لين الحين مفتوح او لأ صوب زارا هوم
-- يونايتد كلور اف بيناتون
-- بي اتش إس
-- مونسون


و محلات اليهال وايد ، بس هذا اللي يحضرني الحين

و كل عام و انتو بخير

[الزعفراني]

أخبر في محل في اللاند لكن للاسف لا يحضرررررررني اسمهووو

أخر عهد لي في فساتين البنات مواليد من 8 سنين

[غايه الطواش]

تسلمون رحت خذت من السلام

الزعفراني انت متى تذكرت الاسامي..؟؟؟

[الزعفراني]

اي يابوج .. الذاكرة لج عليها .. وين أيام كنت احفظ كتاب الاحياء من المقدمة لين الفهرس :(

[الزعفراني]

نبي تغطية مصوره للي خذيتيه اذا ممكن والاسعار شلون

تتهنى فيه المولوده

[غايه الطواش]

مولدتين توم :)

طرشت الاغراض بيت اخوي عاد :)

شوف انا خذت لهم اغراض ثانيه
وتكرم جوتي لبنت اختي ....

كله طلع ب 3100

[الزعفراني]

ماشاء الله .. الله يحفظهم .. عليهم بالعافيه :nice:

[غايه الطواش]

http://www.childrensalon.com/

اخوي شوف هالموقع يجيبونه لك في 3 ايام ولين باب البيت تعاملهم جدا ممتاز ...

انا دوم اطلب للبنات منه ...وخاصه ااذ فيه سيل

بلا روحه مجمعات بلا سنداره

[canOon]

جاكادي