اقتراح مفيد لسوق الذهب

[admin qatar]

السلام عليكم

كل عام وانتم بخير وعساكم على العايدين


اخواني ذهبت الى سوق الذهب من كم يوم


باختصار

كل ما ادخل محل اساله عن سعر الذهب اليوم


اللي يقولي 160 ريال

واللي يقولي 170 ريال

واللي يقولي 165 ريال


وكل واحد على ذوقه

والمصنعيه اللي يقولك البحريني ب 30 ريال

واللي يقولك البحريني ب 50 ريال

كل واحد يقولي سعر مختلف مافي محل عطاني سعر نفس الثاني


مع ان سعر الذهب من المفترض يكون موحد عالميا


فكرتي واتمنى ان تهتم فيها الجهات المختصه

بان يكون في سوق الذهب شاشه الكترونيه كبيره

خارج السوق ويكون محدد فيها سعر الذهب اليومي وتتجدد تلقائيا

ولو يحدد فيها المصنعيه لكل صناعه دوله ايضا افضل بكثير

المهم اللي يكون داخل السوق يعرف كم سعر الذهب الحقيقي هو ومصناعيته

واتمنى يكون اقتراح يفيدنا ويبعدنا عن غش بعض التجار

[قطر دزاين]

طال عمرك هذا بس يحصل بقطر فقط
لان رقابه معدومه دام ما فيه رقيب العب على كيفك والمواطن يبلط البحر
كل العالم ماخذه فكره قطري فلوس واجد:)

[admin qatar]

بالفعل هاللي صاير طيب وين هالجهة المسؤوله او من هي ؟

بصراحه اليوم رحت شريت ذهب بقيمة 60 الف ريال تقريبا

رحت محل ثاني وراويته اللي شريته وقيمته قالي انا كنت بعطيك اياه بقيمة 54 الف ونفس الشكل والوزن

وبالفعل رجعت للثاني الذهب وقلت له لقيت المحل اللي جنبك باقل سعر

قام خفضلي 6 الف ريال ورجعهم لي

يعني اخواني الواحد لازم يكون عارف قيمة الذهب يوميا

[Riku3]

ما احب ادخل سوق الذهب لهذا السبب .. لازم تفتر وتمللهم علشان توصل للسعر الصحيح للذهب !! ..

كل واحد يقولك سعر والفروق كبيره .. وتكاسر وتتعنى لين تشتري شي !! ..

ما احب اروح مكان فيه مكاسر .. احس ان منصوب علي مهما نقصت .

[فيروزه]

لا حول ولا قوة الا بالله

[حياة]

احنا منصوب علينا في قطر في كل شي
وحده في الصالون من الامارات منصدمه من
اسعار الحنا تقول اللي انتوا تتحنون 150
عندنا في الامارات 50 درهم هذا غير الارتفاع
الجنوني في الاعياد ... لكن صبرآ جميل والله
المستعان.... حمايه المستهلك ماادري ايش
مصلحتها او ايش وظيفتها بالضبط!!!!
(((( وقفوهم انهم مسؤولون))))

[abdo222]

لازم يكون لك محل خاص تروح له دايما،، يعني بالعربي "تكون زبون عنده" خذ لك محل من الي يشتغلون فيهم يمنين، ما يقصرون، ويساعدون

[الخـود]

في حل بسيط.. ادخلوا موقع اسعار الذهب اليوم في قطر.. بتلقون سعر كل عيار.. طبعا بدون مصنعية.. واذا بتروحون تشترون ، اسألوهم عن سعر العيار ثم المصنعية.. علشان كل شيء يكون واضح.. على الاقل نعرف إذا كذبوا علينا..
شكرا

[مزعله النساء]

السلام عليكم ورحمه الله وبركاته
اخوي admin Qatar ممكن اسم المحل الثاني
شكرا

[admin qatar]

اقتراحي افضل في البعض ما يعرف يتعامل مع الكمبيوتر والنت

مجرد شاشه تكون موجوده ومحدد فيها السعر

اختي مزعلة النساء اسم المحل الثاني بلودان وايد يمدحون سعره هاللي عرفته