زراعة الحوش بالعشب الاخضر

[سياتل]

السلام عليكم


يوم بلطت الحوش خليت مساحة كبيرة حق زراعتها عشب اخضر ( حشيش )

وكان اللي في بالي انها بتكون حلوه للعيال احط لهم العاب ، وبتبرد الجو

بس في كم واحد انصحوني وقالو بتشوف في بيتك داخل حشرات عمرك ماشفتها

مثل الدود ( ام 44 ) والنمل والنامس وقالوا في ناس لقوا عقارب

وفي واحد قال لي النمل بيحفر من تحت من الزرع لين الفله وبيطلع لك من تحت السيراميك

الصراحه صار لي 4 شهور ساكن وللحين متردد وخايف اتحسف اذا ركبته

ياليت اللي زارع بيته او يعرف حد زرع بيته يفيدني ويفيد باقي الاعضاء

وجزاكم الله خير

[ولد المنصور]

مرحبا اخوي ,,, عيدك مبارك وكل سنه وانت طيب )))
ازرع ولا عليك ولا تردد ,, وبالعكس لاتحاتي اهم شي الاهتمام ورش المبيدات بين فتره وفتره .. وبالنسبه للنامس ازرع شجر النجم هذا طارد للنامس ...
وبالتوفيق ياخوي

[kuwari]

بالتوفيق ان شاء الله وبيت عامر

[sulai6i]

انا زرعت مساحة كبيرة في البيت ( حشيش اخضر ) وسويت نظام ري تماتيك كلفني كل شي ٤٥ الف
وكنت مستانس واليهال مستانسين
ما كملت سنة بالضبط .... جبت عمال وقشعت الحشيش وبلطت الحوش كله بكلفة ٤٠ الف غير الاولى

والسبب كان :
١- هبوط في ارضية الدور الاول بسبب الماي اللي اسقي فيه الحشيش
٢- الحشرات الي انتشرت في البيت بشكل رهيب ومن ضمنهم النامس


النصيحة : بلط الحوش كله وخل لك مساحة صغيرة حط فيها رمل وفوق الرمل حط دورفة وزحلاقية

[MAZEN37]

فكرتي تستخدم الحشيش الصناعي النوعيه الممتازه اقتصادي وعملي

[Bozizoo]

فكرتي تستخدم الحشيش الصناعي النوعيه الممتازه اقتصادي وعملي
انا مع نصيحة الاخ
وكل الخوف من الحشرات والهبوط و يأثر على القواعد الخرسانه
وانا عشان كذا حاط الحوش كله حشيش صناعي 36 ملم السماكه روعه.
صار له راكب سنه ما تغير ولا تفتت
وشريته من السوق الصيني في دبي المتر مربع ب55 درهم إماراتي
و سعره في الدوحه المترمربع 180 ريال
جبت له عمال يركبونه من الحراج موول

وعساكم من عواد العيد

[ابو رها]

السلام عليكم


يوم بلطت الحوش خليت مساحة كبيرة حق زراعتها عشب اخضر ( حشيش )

وكان اللي في بالي انها بتكون حلوه للعيال احط لهم العاب ، وبتبرد الجو

بس في كم واحد انصحوني وقالو بتشوف في بيتك داخل حشرات عمرك ماشفتها

مثل الدود ( ام 44 ) والنمل والنامس وقالوا في ناس لقوا عقارب

وفي واحد قال لي النمل بيحفر من تحت من الزرع لين الفله وبيطلع لك من تحت السيراميك

الصراحه صار لي 4 شهور ساكن وللحين متردد وخايف اتحسف اذا ركبته

ياليت اللي زارع بيته او يعرف حد زرع بيته يفيدني ويفيد باقي الاعضاء

وجزاكم الله خير


السلام عليكم

بالنسبه لموضوع الحشرات ماعندك اي مشكله
فقط داوم باستخدام المبيدات كل 20 يوم سواء مبيدات
سائله او بودره وبأذن الله ترتاح منهم

فيه طريقه استخدمها اذا كانت ارض البيت رمليه
او طينيه
اعمل نظام حوض خرساني بسماكة 10 سم وداير الحوض
سماكة 10 سم وارتفاع 30 سم وعبيه رمل وازرعه نجيله( حشيشه)
كذا ماتنقل هم تسرب واقتصاديه بالمياه
واذا الارض صخريه والمسافه اكثر من 10 م عن القواعد
مايحتاج حوض خرساني

وانصحك بالنجيله اليابانيه الناعمه سعر المتر تقريباً 40 ريال
ممكن تحصلها بالاحساء بالمشاتل اذا مو متوفره بقطر


تقبل تحياتي

ابو رها

[النهار]

ياخوي نصيحه لوجه الله لاتزرع حشيش في البيت خلها رمل وحصى ابرك لك
ياخوي زرعنا في بيت حشيش وتوهقنا حشرات اول مره نشوفها

[خزامئ]

من تجربه الحشيش يبي عنايه كل شهر لازم تحيب واحد يقصه
حشرات
وهبوط بلاط الحوش الي حاولينه

[العابــرQAT]

بالنسبة لنزول الحوش شدخل ماي الزرع هذا من سيارتكم ولا شغل مش الحال التبليط

حشا تسقونة بحر مب رش ماي ليش اساسات الملاعب ما تنزل من كثر صب الماي ؟

اما الحشيش عندي حتي الصرصور يتمشي علية

اللي بسوي حشيش يركب ري اتوماتيك ولا لا يزرع تعب الري اليدوي وهالشمس الحارة موت الحشيش

[w.qatar]

فكرتي تستخدم الحشيش الصناعي النوعيه الممتازه اقتصادي وعملي

الصناعي وين نحصله ؟؟ و هل تقصد الرول اللي تحطه و تصب عليه ماي ينبت و يمسك في الارض ولا تقصد اللي نفس الزوليه البلاستك الاخضر ؟؟

[النهار]

الصناعي وين نحصله ؟؟ و هل تقصد الرول اللي تحطه و تصب عليه ماي ينبت و يمسك في الارض ولا تقصد اللي نفس الزوليه البلاستك الاخضر ؟؟



لاياخوي لاتسقيه ولاشي صناعي يعطيك شكل الحشيش الطبيعي ولايحتاخ قص ولارش ولاعنايه اذا تذكر كانت في ملاعب كرة قدم يحطون لها حشيش صناعي من فتره طويله الغوه بس مادري وين يبيعون الحين هو موجود في الدوحه الي نفس الزوليه الي ينباع في محلات المفروشات لامش هو

[سياتل]

مشكورين اخواني اللي ردوا وسيتم الأخذ بالرأي الأسهل والأقل مشاكل وهو :

الحشيش الصناعي :)

[Mish3al qtr]

السلام عليكم
اخوي بالنسبه للحشيش او العشب من واقع تجربه اقولك ازرع وامورك طيبه وفى نبته اسمها الشيح تحصلها عند المزارعين اخواننا المصريين لو تزرع في كل زاويه من الحديقه تعفيك من جميع انواع الحشرات والدود والداب واي حشره حتى للعقارب والافاعى بعد وحتى بعد بذورها تقدر تطحنها وترشها داخل البيت بالزوايا وتعفيك من كل شي وبالنسبه للماى اذا ارضك صلبه او حجريه ماراح يوصل للاساس للفيلا او مافى امل واذا طينيه حط خرسانه خفيفه من في نهاية الزرع الى مقابل الفيلا او بجانب الفيلا من جهة الزرع وهالكلام من واقع تجربه خاصه نبته الشيح