مسافرين باريس : الحذر من نصاب سوري بالمطار !!

[Chambray]

السلام عليكم

احذركم من نصاب سوري في صاله ( المغادرون )

يختار العرب بدقه ويصطادهم بشكل احترافي

فالحذر منه


عند الانتهاء من الشيك ان والذهاب إلى الجوازات يستوقفك هالسوري . وهو محمل بحقيبه او اثنتين . ويقولك ( الاخ عربي ) انت تقوله نعم آمر .
يقولك انا طيارتي الآن لكن ماقدر اسوي شيك ان لانهم طلبوا مني مبلغ للوزن الزائد . او قيمة التذكرة مش متوفره عندي .. او من هالامور

الطيب والي على نياته يعطيك 20 يورو او 50 يورو

لكن هو يخلص منك ويروح حق الي بعدك
ويجمع في اليوم مبلغ لا يقل عن 500 يورو
يعني في الشهر ( 15000 يورو )

انا اكثر من 10 مرات اتواجهه مع هذا الشخص

وللاسف الغبي من كثر الاشخاص مايعرف اني انا صايده اكثر من 10 مرات وعارف الاعيبه

آخر مرة عطيته كاش
قلت له يا اخي بلاش نصب واحتيال

آخر واحد عامل شيك ان ( أنا ) ومن بعدها القطرية صكرت الكونتر !! وآخر كونتر هو كونتر القطريه !! على اي طيران انت رايح ؟؟ خخخخخخخخخخخخ قالي يعني ماتبغي تساعدني


قلت له انت نصاب يالله انقلع خخخخخخ
ارجو الحذر منه


وخلكم في حالكم واستمتعوا في رحلتكم ولاتعطون اي حد وجه ابداً لا مسكين ولا غيره . احنا مش جهة خيريه توزع صدقات عليهم . عندهم مشكلة يروحون سفارات بلادهم احنا مش مسؤولين عن اي حد



ورحلة سعيده

[qatarshark]

مع احترامي الشديد لجميع الجنسيات العربية
أنا لين أسافر برع ما اعطيهم وجه
ليش
مفكرينا اغبياء وسذج
وانا اروح باريس وايد
بس لاتحاتي ان شفته بيعرف ان الله حق
على فكرة حتى الهنود نصابين تلاقيهم في الشانز
يابلفيت ان يقرأ الأفكار وما ادري شنو
أولت العام وقفني واحد وقام يخرط أنا من الاستهبال قمت اكلمه بالهندي
المهم الاخ ماكثر شل عليه خخخخخخخخ
تسلم يالطيب على النصيحة

[sulai6i]

صادني في شهر مارس

تذكرته عدل .. كان يصيح وعور قلبي

[مشتاقة لقطر]

شكرا عالتنبيه

وكل عام وانتو بخير

[Chambray]

صادني في شهر مارس

تذكرته عدل .. كان يصيح وعور قلبي
خخخخخخخخخخخخخخ قلبك طيب زياده عن اللزوم
هذا المفروض تعطيه كف على وجهه خخخخخخخخخخخخخخخخخخخخخخخخخ
ليكون عطيته شئ :anger1:

[Chambray]

مع احترامي الشديد لجميع الجنسيات العربية
أنا لين أسافر برع ما اعطيهم وجه
ليش
مفكرينا اغبياء وسذج
وانا اروح باريس وايد
بس لاتحاتي ان شفته بيعرف ان الله حق
على فكرة حتى الهنود نصابين تلاقيهم في الشانز
يابلفيت ان يقرأ الأفكار وما ادري شنو
أولت العام وقفني واحد وقام يخرط أنا من الاستهبال قمت اكلمه بالهندي
المهم الاخ ماكثر شل عليه خخخخخخخخ
تسلم يالطيب على النصيحة

يارجل انا عايش اهناك وخابزهم خباز

ماعطي اي حد وجه لو اشوفه يموت جدامي



شكرا عالتنبيه

وكل عام وانتو بخير

وانتي بخير والعفوووو

[sulai6i]

خخخخخخخخخخخخخخ قلبك طيب زياده عن اللزوم
هذا المفروض تعطيه كف على وجهه خخخخخخخخخخخخخخخخخخخخخخخخخ
ليكون عطيته شئ :anger1:


عطته المقسوم


بعد في عصابات اعتقد من رومانيا متواجدين بكثرة في الشانز
اتييك وحدة وتدنع حذاك وتعطيك خاتم ذهب يبلفيت انها لقته طايح حذاك

انا تقريبا سوولي هالحركة 5 مرات في 5 مناطق متفرقة في باريس
قريت عنهم في مواقع اجنبية طلعوا انهم من رومانيا او ارمينيا مب متذكر

[Class - Qtr]

Moyen Orient

السلام عليكم

عيد مبارك .. وكل عام وانت بخير

الواحد خلاص اذا صادف هالفئه التنطيش هو اسلوب التعامل معاهم خله يتكلم لين يتعب

عطه احلى تطنيشه وكنه مايكلمك انا صادفني موقف مع شرطه مطار بيروت نازل من

رحله القطريه اخر رحله الساعه 11 فليل طارت من قطر وصلت لبنان تقريبا 1 ونص

بروحي شرطي ثلاث مرات ايجيني وانا في لاين ( في طابور الانتظار ) يقول لي عطني جوازك

بااخلصت اقول له شكرا المرة الثالثه كلمته بااسلوب شوي قلت له ازعجتني انت خلاص

يااخي فل عني محد ينتظر غيري العالم كلها تنتظر ليش اتجاوز انا وتخلصني قدام الناس

ويوم وصلت عند الجوازات وينقعوني عشرين دقيقه انتظار هههههههههههههههههههه

قاعد يحسب معادلات رياضيات وانزل الشنطه واقعد عليها واقول له انا ربعي برع بس

لعيونك فاضي اليوم يوم تملل حذف الجواز قدامي ورحت

ناس ماتستحي بصراحه

[Chambray]

عطته المقسوم


بعد في عصابات اعتقد من رومانيا متواجدين بكثرة في الشانز
اتييك وحدة وتدنع حذاك وتعطيك خاتم ذهب يبلفيت انها لقته طايح حذاك

انا تقريبا سوولي هالحركة 5 مرات في 5 مناطق متفرقة في باريس
قريت عنهم في مواقع اجنبية طلعوا انهم من رومانيا او ارمينيا مب متذكر

هذيلن الله يسلمك عبارة عن عصابات كبيره في فرنسا
لاتستطيع الحكومة الفرنسية فعل اي شئ معهم

لذلك فلو تلاحظ ان لا يوجد اي جنسية غير هالغجر ( الي هم من رومانيا ) ومحد يقدر يكلمهم

والعصابات ماخذين هالغجر في مهمات كثيرة من اهمها ( الدعاره ) فالدعاره منتشره بكثره في كل مناطق فرنسا واهم من يتحكم فيها هم الغجر

السرقات والجرائم اكثر ناس متهم بها هم الغجر

والغجر مسببين ازمه كبيرة في فرنسا

تحصلهم في كل مدينة محتلين جزء منها

ماعندهم مشكلة يسكنون في غابات

وشعبها كسول لا يحب العمل وكثير المشاكل

ولا تصدق اي بنت من هالغجر انهم مسلمات ولا يغرك الحجاب فهم مسيحيين وملحدون .. فيتخذون الحجاب والاسلام طريق لجمع النقود من المسلمين الاثرياء خصوصاً في اماكن تواجدهم بالشانزليزية .
ولاتستغرب ان في امراء يعطونهم ب 100 و 200 يورو

صراحة اذا تبي تستمتع في فرنسا لا تقيم في باريس أكثر من 3 ليالي
ثم اتجه إلى خارج باريس :nice:

[Chambray]

moyen orient

السلام عليكم

عيد مبارك .. وكل عام وانت بخير

الواحد خلاص اذا صادف هالفئه التنطيش هو اسلوب التعامل معاهم خله يتكلم لين يتعب

عطه احلى تطنيشه وكنه مايكلمك انا صادفني موقف مع شرطه مطار بيروت نازل من

رحله القطريه اخر رحله الساعه 11 فليل طارت من قطر وصلت لبنان تقريبا 1 ونص

بروحي شرطي ثلاث مرات ايجيني وانا في لاين ( في طابور الانتظار ) يقول لي عطني جوازك

بااخلصت اقول له شكرا المرة الثالثه كلمته بااسلوب شوي قلت له ازعجتني انت خلاص

يااخي فل عني محد ينتظر غيري العالم كلها تنتظر ليش اتجاوز انا وتخلصني قدام الناس

ويوم وصلت عند الجوازات وينقعوني عشرين دقيقه انتظار هههههههههههههههههههه

قاعد يحسب معادلات رياضيات وانزل الشنطه واقعد عليها واقول له انا ربعي برع بس

لعيونك فاضي اليوم يوم تملل حذف الجواز قدامي ورحت

ناس ماتستحي بصراحه

مشكلة الدول العربيه نفس ماتفضلت ( الاستغلال )

في المغرب سافرت عبر مطارات مراكش اغادير طنجه الدار البيضاء

ماشفت ازعاج وطلب للبخشيش ( عيني عينك ) كثر ماشفته في مطار الدار البيضاء

تدري ليش

لان المطارات الي ذكرتها يا المغاربه يسافرون عليها يا الاوروبيين
والاوروبيين ماعندهم هالسوالف
والمغاربه يخافون منهم

لكن مطار محمد الخامس ( الدار البيضاء ) كل رحلات طيران القطرية والاماراتية والاتحاد والخليج وو و و والخ على هالمطار

فأول مادخلت هالمطار موظف الجمارك.. مامشاني إلا بعد ماعطيته 20 درهم
موظف الجوازات ( 20 درهم )
موظف التفتيش ( 20 درهم )

قسماً بالله زهقت حياتي
الموضوع مش موضوع فلوس . الموضوع موضوع ( استغلال ) للخليجي ..


لانك لو ماعطيته شئ راح يزهقك نفس ماتفضلت ..


نفس الكلام في مطار القاهره والفرق بينه وبين مطار ( شرم الشيخ ) ..
مطارات الدول العربية والمنافذ الحدوديه مشكلة صراحة


لكن هالموضوع ماشفته في الاردن صراحة ..


لكن خلاص احنا الي علمناهم على هالشئ تبي الصج ...

[ضوى]

نفس الشي صادنا في مطار تركيا ، وكسر خاطر زوجي لكن قلبي قرصني وقلت له كل اللي نقدر نسويه له نوصله لسفارة بلاده ، ويوم طنشناه شفناه اختفى ، بس الصج كان كبير في السن ويكسر الخاطر ودموع

[المسعف]

انه لين آسافر ماعطي حد وجه
الصراحة اريح

[captin]

نصيحة عامة

عدم التعامل مع العرب عموما بأي دولة من الدول
أو الوقوف معهم لسماعهم في الأماكن العامة.

المشكلة من الخليجيين انفسهم بسبب ما يظهرونه من
البذخ والترف في الملبس والماكل والمشرب والمواصلات
فيكونون صيدا سهلا لمثل هؤلاء.

ثانيا أن معظم الخليجيين لايعرفون في هذه الدنيا الواسعة
إلا عدد محدود من العواصم والمدن
لندن باريس فيينا ميونخ وغيرها والمشكلة أيضا بتلك المدن انهم يتركزون
بمنطقة واحدة او شارع واحد لايخرجون منه
أكل تسوق نوم
وهذه الأماكن مرتع لمثل تلك العصابات

شكرا على النصيحة

[بوخالد353]

هالاشكال تقطع باب المعروف من كثر سوالفهم خلت الواحد يسيء الضن بالكل ولايفكر يخدم اي انسان,,

[دانوو]

الحلاوة يا باشا , كل سنة وانت طيب , الحمدلله على السلامة

[وحيد-الشوق]

هههههههههههه ياكثرهم في اوروبا

باريس حلوة بس محد مخربها الا النصابين والحرامية وساحة برج ايفل افريقيا كلها هناك هههههههه يطرون وينادونا محمد وعائشة هههههههه وصادني موقف وحده ماسكه ورقة ماتتكلم تأشرلي عشان اعبي الورقة وفي خانة من الخانات لازم تحط قيمة المبلغ انا حطيت ٢٠ يورو وماعطيتها ههههههه نشبت لي عدل

جزاك الله خير عالتحذير

[(محمد)]

انا صار لي موقف غريب وانا في مطار الدوحة



جوني اثنين .. واحد شكله هندي .. والثاني اوروبي .


المهم قالي الاوروبي عندك خرده 100 دولار ضروري . طيارتي بتروح .


قلت له ما اعتقد عندي ... افتر علي هو وصاحبه بابتسامه وقال شوف عندك وتأكد .


انا بكل ادب فتحت البوك (الحقيبة الصغيرة اللي تنحط على الحزام)
مثل هذي...


http://supermarkethq.com/news_assets/0000/5981/SUBOTICA_YE_outdoor_05_full.png?1259540811


المهم فتحته ابي اشوف عندي ولا لا .... فجأة مد راسه كأنه يبي يشوف فيه ولا لا .... وفجأة مد يده وقال ... شوف هذي خرده حط يده في البوك وكأنه يأشر .. انا الصراحة ماشفت الا صبعه تأشر.


فجأة الهندي قالي انت من ماليزيا ... تفاجأت من غباء السؤال وضحكت وقلت له لا.. انا قطري .


قالي انا ماليزي .... وافتر مخي وانا افكر في شكله ... اقول في نفسي مافي امل يكون ماليزي :eek5:


في نفس اللحظة ابي اشوف رفيقه اختفى


المهم راح الرجال وقعدت انطر طيارتي ...




وانا في الطيارة.... سألت نفسي سؤال أغبى من سؤال الهندي :shy:


ليش الرجال ما انتظرني اشوف عندي خرده ولا لا ... وليش مد يده للبوك .




انا طلعت البوك ... وشفت الفلوس وكأنه قل عددها
وبعد العد تبين انه انسرق من عندي حول 4000 دولار.


حسيت نفسي اغبى رجل في العالم ... والله اني دعيت عليهم طول الرحلة. :anger1:

[Chambray]

انا صار لي موقف غريب وانا في مطار الدوحة



جوني اثنين .. واحد شكله هندي .. والثاني اوروبي .


المهم قالي الاوروبي عندك خرده 100 دولار ضروري . طيارتي بتروح .


قلت له ما اعتقد عندي ... افتر علي هو وصاحبه بابتسامه وقال شوف عندك وتأكد .


انا بكل ادب فتحت البوك (الحقيبة الصغيرة اللي تنحط على الحزام)
مثل هذي...


http://supermarkethq.com/news_assets/0000/5981/SUBOTICA_YE_outdoor_05_full.png?1259540811


المهم فتحته ابي اشوف عندي ولا لا .... فجأة مد راسه كأنه يبي يشوف فيه ولا لا .... وفجأة مد يده وقال ... شوف هذي خرده حط يده في البوك وكأنه يأشر .. انا الصراحة ماشفت الا صبعه تأشر.


فجأة الهندي قالي انت من ماليزيا ... تفاجأت من غباء السؤال وضحكت وقلت له لا.. انا قطري .


قالي انا ماليزي .... وافتر مخي وانا افكر في شكله ... اقول في نفسي مافي امل يكون ماليزي :eek5:


في نفس اللحظة ابي اشوف رفيقه اختفى


المهم راح الرجال وقعدت انطر طيارتي ...




وانا في الطيارة.... سألت نفسي سؤال أغبى من سؤال الهندي :shy:


ليش الرجال ما انتظرني اشوف عندي خرده ولا لا ... وليش مد يده للبوك .




انا طلعت البوك ... وشفت الفلوس وكأنه قل عددها
وبعد العد تبين انه انسرق من عندي حول 4000 دولار.


حسيت نفسي اغبى رجل في العالم ... والله اني دعيت عليهم طول الرحلة. :anger1:

:eek5:آآآه بطني
والله من شفت المبلغ عورني بطني

هذا في الدوحة !!!!!!

ياخي مشكلتنا ان احنا طيبين زيادة عن اللزوم

تكفون لاتعطون اي حد وجه ابداً ابداً ولاتصيرون طيبين زيادة عن اللزوم

طيبتنا هي الي موديتنا في داهيه:anger1:

[بومحمد911]

صح كلامك شفته في المطار

الله يجزاك خير على التنبيه

[بنت مريخ]

جزاك الله خير على التنبيه
بناخذ حذرنا منه

[alfahad1]

انا صار لي موقف غريب وانا في مطار الدوحة



جوني اثنين .. واحد شكله هندي .. والثاني اوروبي .


المهم قالي الاوروبي عندك خرده 100 دولار ضروري . طيارتي بتروح .


قلت له ما اعتقد عندي ... افتر علي هو وصاحبه بابتسامه وقال شوف عندك وتأكد .


انا بكل ادب فتحت البوك (الحقيبة الصغيرة اللي تنحط على الحزام)
مثل هذي...





المهم فتحته ابي اشوف عندي ولا لا .... فجأة مد راسه كأنه يبي يشوف فيه ولا لا .... وفجأة مد يده وقال ... شوف هذي خرده حط يده في البوك وكأنه يأشر .. انا الصراحة ماشفت الا صبعه تأشر.


فجأة الهندي قالي انت من ماليزيا ... تفاجأت من غباء السؤال وضحكت وقلت له لا.. انا قطري .


قالي انا ماليزي .... وافتر مخي وانا افكر في شكله ... اقول في نفسي مافي امل يكون ماليزي


في نفس اللحظة ابي اشوف رفيقه اختفى


المهم راح الرجال وقعدت انطر طيارتي ...




وانا في الطيارة.... سألت نفسي سؤال أغبى من سؤال الهندي


ليش الرجال ما انتظرني اشوف عندي خرده ولا لا ... وليش مد يده للبوك .




انا طلعت البوك ... وشفت الفلوس وكأنه قل عددها
وبعد العد تبين انه انسرق من عندي حول 4000 دولار.


حسيت نفسي اغبى رجل في العالم ... والله اني دعيت عليهم طول الرحلة.


صارت مع واحد من الربع في مطار ماليزيا بنفس الطريقة

[intesar]

بصراحة أكبر نصابين.. العرب اللي في فرنسا.. مع الإعتذار..

وهالسنة يقولون باريس.. فيها كثير من الحرامية.. كذا ناس انسرقوا.. والنظافة دون المستوى..
وديزني صايرة مثل السندباد في مصر..

بس قلت لهم ما يهم.. لأني أحب فرنسا.. هههههههههه..

[بوخالد911]

من عادتي ما اعطي حد وجه

لو يصيح جدامي دم
مش دموع

ولا أعبررره

والله يخس النصابين ومن اي جنسية كانت

[(محمد)]

:eek5:آآآه بطني
والله من شفت المبلغ عورني بطني

هذا في الدوحة !!!!!!

ياخي مشكلتنا ان احنا طيبين زيادة عن اللزوم

تكفون لاتعطون اي حد وجه ابداً ابداً ولاتصيرون طيبين زيادة عن اللزوم

طيبتنا هي الي موديتنا في داهيه:anger1:



اللي قهرني انها اموال خيرية لمتبرعين :weeping: .. حسبنا الله ونعم الوكيل.

[Qtel-Qat]

هالاشكال تقطع باب المعروف من كثر سوالفهم خلت الواحد يسيء الضن بالكل ولايفكر يخدم اي انسان,,


كلام ١٠٠ بالميه

الله يهديهم ان شاء الله

[رجل شرقي]

حي الله ابو محمد ،،
عيدك مبارك .
شفته طال عمرك عند انتظاري احد الاشخاص في مطار باريس ولقيته مسنتر قدام كاونتر القطريه ، قال لي نفس الكلام اللي قال لك اياه ، وما عطيته وجه لأني عارف النصب وخاصة يوم شفته ساحب شنطتين معاه ، وفوق هذا لابس ومتهندم .
المهم بعد ما تأخرت طياره القطريه قلت خلني امر عليه واقول له راح ادفع فلوس الوزن الزايد مباشره للخطوط الجويه قلت استعبط معاه ، دورته ما لقيته . ربي فكه مني لأني كنت ناوي عليه ذاك اليوم ، واسحبه للشرطه .

[Chambray]

حي الله ابو محمد ،،
عيدك مبارك .
شفته طال عمرك عند انتظاري احد الاشخاص في مطار باريس ولقيته مسنتر قدام كاونتر القطريه ، قال لي نفس الكلام اللي قال لك اياه ، وما عطيته وجه لأني عارف النصب وخاصة يوم شفته ساحب شنطتين معاه ، وفوق هذا لابس ومتهندم .
المهم بعد ما تأخرت طياره القطريه قلت خلني امر عليه واقول له راح ادفع فلوس الوزن الزايد مباشره للخطوط الجويه قلت استعبط معاه ، دورته ما لقيته . ربي فكه مني لأني كنت ناوي عليه ذاك اليوم ، واسحبه للشرطه .

هلا الغالي اخبارك عساك طيب . كل عام وانت طيب يابومطر لك وحشه والله

اقولك انا مار عليه اكثر من 10 مرات يمكن 13 سفره او اكثر خخخخخخخخخخخخ كل رحلة لي احصله
وكل مرة يقولي نفس الكلام !!

ياخي لو مب محصل ناس تعطيه فلوس كان ماتعنى كل يوم
تحصله ماخذها مهنه له
في اليوم على الميت 200 يورو
والحين موسم يعني ناس جداد تمر عليه ورحلتين للقطرية وحده 11 والثاني 4 العصر .. وبعض المرات تكون 3 رحلات آخرها 10 بالليل يعني مب اقل من 1000 يورو في اليوم :nice:
اذا 20 شخص بس دفع له 50 يورو

[monatee]

يعني لهدرجه امن المطار مخلينه على كيفه ومحد يقوله شي

[WFM]

لست خبير بالسفر ولكن اذا سافرت لااسمع لااتكلم .

[Chambray]

يعني لهدرجه امن المطار مخلينه على كيفه ومحد يقوله شي

دام انه ما تهجم على احد او ازعج احد او احد اشتكى عليه مالهم حق يكلمونه الأمن

فرنسا بلد القانون كل شئ بالقانون هناك ..

لكن هو امتهن هالطريقة وشاف مردود ايجابي لهالشغله

[Bin Hood]

اخوي Moyen Orient

ما شاء الله عليك باين انك خابزهم هالنصابين

[Chambray]

اخوي Moyen Orient

ما شاء الله عليك باين انك خابزهم هالنصابين

الحياه مدرسه مجانية تعلم :nice:

آخر مرة نصبوا علي في لندن . طالع من فندق التشرشل بتجاه الاكسفورد . وقفني واحد عنده سيارة فيات . يقولي انا إيطالي ( يتكلم انجليزي باكسنت ايطالي )
قالي انا ابي ارجع ايطاليا لكن ماعندي فلوس حق الطريق
وانا مندوب مبيعات ماركه ( بوس ) ..
مابي منك فلوس .
عندي جاكيتات ( بوس ) بابيعلك اياهم بسعر رخيص جداً
قالي 3 جاكيتات ب 150 جنيه

:eek5:
صدقته
وشريت منه
رحت الفندق اقايسهم

طلعوا مايسوون حتى ب ( 5 ) جنية للاسف :anger1:

[بوخالد911]

الحياه مدرسه مجانية تعلم :nice:

آخر مرة نصبوا علي في لندن . طالع من فندق التشرشل بتجاه الاكسفورد . وقفني واحد عنده سيارة فيات . يقولي انا إيطالي ( يتكلم انجليزي باكسنت ايطالي )
قالي انا ابي ارجع ايطاليا لكن ماعندي فلوس حق الطريق
وانا مندوب مبيعات ماركه ( بوس ) ..
مابي منك فلوس .
عندي جاكيتات ( بوس ) بابيعلك اياهم بسعر رخيص جداً
قالي 3 جاكيتات ب 150 جنيه

:eek5:
صدقته
وشريت منه
رحت الفندق اقايسهم

طلعوا مايسوون حتى ب ( 5 ) جنية للاسف :anger1:

هلا

(( بون عيد )):nice::nice::nice:


المفروض ما تعطيه وجه

تعتذر بشكل لطيف

وانساه

[Bin Hood]

الحياه مدرسه مجانية تعلم :nice:

آخر مرة نصبوا علي في لندن . طالع من فندق التشرشل بتجاه الاكسفورد . وقفني واحد عنده سيارة فيات . يقولي انا إيطالي ( يتكلم انجليزي باكسنت ايطالي )
قالي انا ابي ارجع ايطاليا لكن ماعندي فلوس حق الطريق
وانا مندوب مبيعات ماركه ( بوس ) ..
مابي منك فلوس .
عندي جاكيتات ( بوس ) بابيعلك اياهم بسعر رخيص جداً
قالي 3 جاكيتات ب 150 جنيه

:eek5:
صدقته
وشريت منه
رحت الفندق اقايسهم

طلعوا مايسوون حتى ب ( 5 ) جنية للاسف :anger1:

معليش تعيش وتاكل غيرها

بس ما الومك الريال حابك الفلم عدل وانت متعود مسلسلات عربية

[حفيد الأنصار]

شكرا اخوي على التنبيه

[لاجل QT]

نورت فرنسا يابية:nice:

الله يحفظ الجميع من النصابين

مرسي بكو للتنبية:)

[مرت محمد]

بصراحه استغربت من اعضاء المنتدى لتجاوبهم مع هالشكال الي يقول كسر خاطري والي يقول عطيته وماعطيته
احنا ناس اول ماننزل من الطايره نتوقع اول شي النصابين الي بيستقبلونا في المطار اول شي حط في باللك بيجون صوبك ثلاث او اربع اهم شي طنش لا تعطي احد وجه

[رابح 2013]

الله يوفق

[الصغيره]

والله النصابين حتى تحت برج ايفل

وحنا نسفط السياره الا يجي ويشر لي طاح خاتمج انا قلت مش لي وهو طبعا يتكلم فرنسي وشكله اوربي مش عربي قلت نووو وانا اهز يدي وزوجي بعيد ياخذ ورقة للموقف ومالقى وراح وراه اخر الشارع يدور وانا اقول نووو ولفت انتباه كم شخص جنبي وجلسوا يطالعون به قال اسفه وتراجع وبعدها بشوي قال ابي افلولس اكل بما معناه وفهمته انه يبي يفلوس ويبي ياكل سويت نفسي ما افهم وجاء زوجي وهو على طول هرب الا زوجي يقول ماعليج منه لو انج وطيتي راسك تشيلين لخاتم من الارض كان ضربك وشرد بالشنطه
وحنا نمشي رايحين لبرج ايفل بعد ما ركنا السياره الا كم فتاه يهرولون لنا ومعهم اوراق فيها توقيعات واسماء ومن اي بلد ومسوين انفسهم ما يتكلمون وياشرون لنا بالاشاره وقعنا لهم بما معناه انهم يطالبون بمواقف مدري ايش ودعم للمعاقين وهم ببلد توقف مع المعاقين المهم لما وقعنا قالوا تبرعوا فلوس قلنا مش متبرعين ورحنا عنهم الا هم يتهاوشن ويتكلمن اندهشنا من شوي بالاشاره

وشارع الشانزليه اشهر شارع عندهم كله متسولين ومتسدحات بشكل يفشل ويطرووون والرجال تطر عشان ياكلون كلابهم اعزكم الله

الصراحه ما كنت اتوقع اشوف هالمناظر بباريس لكن ماهي الا مثل بقية اي دوله فيها كل شي زين وشين

والحذر واجب

اما اللي يطلبون مساعده اقربها عندكم دبي فيه بلده خليجيه ناسها اول ما يشوفونك بالاستقبال باي فندق او مقهى يجون يقوولون ياخوي انا وانا وانا وساعدني ادفع للسكن

الصراحه النصب واجد والحذر واجب


شكرا

[Chambray]

شكرا اخوي على التنبيه
العفو اخوي



نورت فرنسا يابية:nice:

الله يحفظ الجميع من النصابين

مرسي بكو للتنبية:)
je vous en prie mademoiselle


بصراحه استغربت من اعضاء المنتدى لتجاوبهم مع هالشكال الي يقول كسر خاطري والي يقول عطيته وماعطيته
احنا ناس اول ماننزل من الطايره نتوقع اول شي النصابين الي بيستقبلونا في المطار اول شي حط في باللك بيجون صوبك ثلاث او اربع اهم شي طنش لا تعطي احد وجه

على فكرة مرت اول ماطلعت من المطار حصلت خوال كاشخين يقولي انا تاكسي . قلت له ابي اروح اللاديفانس قالي 50 يورو . قلت له اوكي .. ركبت التاكسي إلا مركب معاي 2 بعد !!!!!!!!! ويوم وصلت قلت له بس انت مركب معاي 2 لك بس 20 قام ينافخ ويهاوش خخخخخخخخخ عطيته 50 وخذت درس
رفيجي نفس الشئ ركب معاهم . اول ماطلع من المطار وقفوه 3 دوريات وسحبوه للمركز هو والي معاه ومع رفيجي بعد خخخخخخخخخخخ ليش لانه تاكسي غير مصرح فيه ..

فالافضل الواحد يدفع 5 او 10 يورو زيادة ويركب مع تاكسي موثق من الي صافين في المطار وماعليه من اي حد يقوله ( تاكسي او باوصلك ) او من هالكلام ..




الله يوفق


والله النصابين حتى تحت برج ايفل

وحنا نسفط السياره الا يجي ويشر لي طاح خاتمج انا قلت مش لي وهو طبعا يتكلم فرنسي وشكله اوربي مش عربي قلت نووو وانا اهز يدي وزوجي بعيد ياخذ ورقة للموقف ومالقى وراح وراه اخر الشارع يدور وانا اقول نووو ولفت انتباه كم شخص جنبي وجلسوا يطالعون به قال اسفه وتراجع وبعدها بشوي قال ابي افلولس اكل بما معناه وفهمته انه يبي يفلوس ويبي ياكل سويت نفسي ما افهم وجاء زوجي وهو على طول هرب الا زوجي يقول ماعليج منه لو انج وطيتي راسك تشيلين لخاتم من الارض كان ضربك وشرد بالشنطه
وحنا نمشي رايحين لبرج ايفل بعد ما ركنا السياره الا كم فتاه يهرولون لنا ومعهم اوراق فيها توقيعات واسماء ومن اي بلد ومسوين انفسهم ما يتكلمون وياشرون لنا بالاشاره وقعنا لهم بما معناه انهم يطالبون بمواقف مدري ايش ودعم للمعاقين وهم ببلد توقف مع المعاقين المهم لما وقعنا قالوا تبرعوا فلوس قلنا مش متبرعين ورحنا عنهم الا هم يتهاوشن ويتكلمن اندهشنا من شوي بالاشاره

وشارع الشانزليه اشهر شارع عندهم كله متسولين ومتسدحات بشكل يفشل ويطرووون والرجال تطر عشان ياكلون كلابهم اعزكم الله

الصراحه ما كنت اتوقع اشوف هالمناظر بباريس لكن ماهي الا مثل بقية اي دوله فيها كل شي زين وشين

والحذر واجب

اما اللي يطلبون مساعده اقربها عندكم دبي فيه بلده خليجيه ناسها اول ما يشوفونك بالاستقبال باي فندق او مقهى يجون يقوولون ياخوي انا وانا وانا وساعدني ادفع للسكن

الصراحه النصب واجد والحذر واجب


شكرا

الي في الشانز والي يجونكم معاهم ورقه كلهم من ( شرق آوروبا ) الغجر .. وهذيلن اكبر مشكلة واجهتها فرنسا بعد مافتحوا الحدود مع ( الاتحاد الاوروبي ) ..
لانهم عبارة عن عصابات
ومحد يقدر يردهم او يكلمهم حتى الحكومة الفرنسية
ناس راعيين مشاكل

[فـــــواز]

ابيكم بس تسون هالحركه وشرط مني ما حد يجيكم ولا يسالكم ابدا

اول ماتشوفونهم من بعيد جاينكم وانتوا معكم احد يعني اخوك او رفيقك

تكلموا مع بعض لغه غريبه مايفهمونه خرابيط ومروا عليهم وخلهم يسمعون هالكلام الخرابيط صدقوني راح يوقفون ويكملون على غيركم ويهملونكم

ولاتكلمون انجليزي او عربي او لغه معروفه اهم شي لغه غير مفهومه مع تطنيش لهم مروا من قدامهم

صارت معي في كل مكان ونجحت في كل الاحوال صح انه حركه غريبه لكن تكفيكم شرهم

[بوخالد911]

ووودي اشوووفه

عشان اعكس عليه المقلب !!!!!!!!

[معماري قطري]

والله مهزلة هالدول اللي مطاراتها مفتوحه للكل

في مطارات أمريكا تفتيش للكل ومناطق ما يدخلها الا اللي بيسافر وناس تراقب كل حركة ومستحيل حد يتجرأ يسوي هالأشياء،، ولازم اللي بيسافر يحتاط لأُمور كثيره ويسوي بحث عن المدينة اللي بيروحها ويبتعد عن الأماكن المشبوهة والخطرة ويبعد هله عنها، واللباس يكون قريب من لبس العامة هناك وحتى الساعات اللي توحي بإنها غالية تكون أوقات مشكله على لابسها، وآخر الليل خصوصاً وقت الإجازات مشاكل السُكر وفاقدين العقل كثيرة بعد يتفاداها الواحد أفضل له.

[alsndbad-q8]

اووووو ..
شكرا اخوي عالموضوع مادري اذا انا طحت في هالسوري او لأ.
عموما انا كنت بشهر يوليو اهناك قبل رمضان بأسبوع وصلت وكانت الرحلة عالقطرية بس الرجل كان اوروبي وباين عليه محترم ومايتكلم عربي وبلغني ان عليه شوية وزن ومحتاج 40 يورو عطيته 10 او 15 مو اكثر وبلغته انها كل اللي عندي و الحمدلله ماعطيته اكثر.

[بونووف]

moyen orient

السلام عليكم

عيد مبارك .. وكل عام وانت بخير

الواحد خلاص اذا صادف هالفئه التنطيش هو اسلوب التعامل معاهم خله يتكلم لين يتعب

عطه احلى تطنيشه وكنه مايكلمك انا صادفني موقف مع شرطه مطار بيروت نازل من

رحله القطريه اخر رحله الساعه 11 فليل طارت من قطر وصلت لبنان تقريبا 1 ونص

بروحي شرطي ثلاث مرات ايجيني وانا في لاين ( في طابور الانتظار ) يقول لي عطني جوازك

بااخلصت اقول له شكرا المرة الثالثه كلمته بااسلوب شوي قلت له ازعجتني انت خلاص

يااخي فل عني محد ينتظر غيري العالم كلها تنتظر ليش اتجاوز انا وتخلصني قدام الناس

ويوم وصلت عند الجوازات وينقعوني عشرين دقيقه انتظار هههههههههههههههههههه

قاعد يحسب معادلات رياضيات وانزل الشنطه واقعد عليها واقول له انا ربعي برع بس

لعيونك فاضي اليوم يوم تملل حذف الجواز قدامي ورحت

ناس ماتستحي بصراحه



صادفت شخص صار له هالموقف قدامي سنة 2010
كنت رايح لبنان وكان في شرطي يروح ويرجع على واحد يقوله عطني جوازك
وهذاك قاله لا ليكون شايفني سفير سندرتني
ليكون انت ههههههههه

[eXpert*]

كرهت لندن و باريس والسبب بعض العرب المحتالة :(

[بونووف]

الحياه مدرسه مجانية تعلم :nice:

آخر مرة نصبوا علي في لندن . طالع من فندق التشرشل بتجاه الاكسفورد . وقفني واحد عنده سيارة فيات . يقولي انا إيطالي ( يتكلم انجليزي باكسنت ايطالي )
قالي انا ابي ارجع ايطاليا لكن ماعندي فلوس حق الطريق
وانا مندوب مبيعات ماركه ( بوس ) ..
مابي منك فلوس .
عندي جاكيتات ( بوس ) بابيعلك اياهم بسعر رخيص جداً
قالي 3 جاكيتات ب 150 جنيه

:eek5:
صدقته
وشريت منه
رحت الفندق اقايسهم

طلعوا مايسوون حتى ب ( 5 ) جنية للاسف :anger1:


والله نفس الموقف بالظبط صادني في مدينة اونجي في فرنسا وقفني واحد يقولي انا ايطالي وعندي سيارة اجار والسعر ويبون مني 300 يورو وكان عندي معرض هني وماقدرت ابيع هالجاكيتات اللي عندي وبعدها قلت له وقف قدام خلني اشوفهم وقام عطاني نفس الكتالوج وقعدت اشوف ماركات وحاله قلت بس صفقة الموسم وقمت عطيته 300 يورو وخذت 4 جاكيتات
يوم رحت الفندق اشيك عليهم ههههههههههه
xxxl ,ولا يسون ا100 يورو
ولين يومك الربع يشوفون الجاكيتات ويظحكون علي

[Chambray]

والله نفس الموقف بالظبط صادني في مدينة اونجي في فرنسا وقفني واحد يقولي انا ايطالي وعندي سيارة اجار والسعر ويبون مني 300 يورو وكان عندي معرض هني وماقدرت ابيع هالجاكيتات اللي عندي وبعدها قلت له وقف قدام خلني اشوفهم وقام عطاني نفس الكتالوج وقعدت اشوف ماركات وحاله قلت بس صفقة الموسم وقمت عطيته 300 يورو وخذت 4 جاكيتات
يوم رحت الفندق اشيك عليهم ههههههههههه
xxxl ,ولا يسون ا100 يورو
ولين يومك الربع يشوفون الجاكيتات ويظحكون علي

خخخخخخخخخخخخ
انا صارت لي في لندن ، ورفيجي في روما كانت طيارتنا 3 العصر وانا سهران ورفيجي قايم من الصبح يبي يتسوق . قلت له روح وخلني ارقد لين 11 باقعد 11 وباسبح وبابدل و 12 ننزل نتغدى ومنها للمطار .
الحبيب راح يتسوق وطاح له في واحد فرنسي ( من نفس العصابه ) وقص عليه بكمن جاكيت
يوم جاني الفندق قالي فاتك
طحت لي في صفقه خياليه .
قلت له شنهي
قالي حصلت واحد مندوب شركات عالمية
قلت له وقالك ماعندي فلوس للطريق وبابيعك جاكيتات بسعر التكلفه صح
قالي اي ايش دراك

قلت له عليك العوض ( قص عليك ) خخخخخخخخخخخخخخخخ

اخبار مدينة اونجيه Angers نادر جداً اسمع حد يروح هالمدينة إلا الاطباء الي يكملون تخصصاتهم هناك ، فيها مستشفى متخصص للقلب !

[بونووف]

خخخخخخخخخخخخ
انا صارت لي في لندن ، ورفيجي في روما كانت طيارتنا 3 العصر وانا سهران ورفيجي قايم من الصبح يبي يتسوق . قلت له روح وخلني ارقد لين 11 باقعد 11 وباسبح وبابدل و 12 ننزل نتغدى ومنها للمطار .
الحبيب راح يتسوق وطاح له في واحد فرنسي ( من نفس العصابه ) وقص عليه بكمن جاكيت
يوم جاني الفندق قالي فاتك
طحت لي في صفقه خياليه .
قلت له شنهي
قالي حصلت واحد مندوب شركات عالمية
قلت له وقالك ماعندي فلوس للطريق وبابيعك جاكيتات بسعر التكلفه صح
قالي اي ايش دراك

قلت له عليك العوض ( قص عليك ) خخخخخخخخخخخخخخخخ

اخبار مدينة اونجيه angers نادر جداً اسمع حد يروح هالمدينة إلا الاطباء الي يكملون تخصصاتهم هناك ، فيها مستشفى متخصص للقلب !

هههههههههه طلعنا نفس الشي كلنا نحسب صايدين السالفه شكلها عصابه وحده متوزعه في اوروبا

رحت لها سنة 2010 كنت مار على واحد من الشباب يدرس هناك مدينه شبه ممله بس عجبتني القلعه والحديقه اللي فيها

[دااانة قطر]

امس وانا طاالعه من كلية المجتمع وقفني وااحد اول شي قفلت البياان من الخرعه:rolleyes2:
ونزلت ربع الدريشه ابي اشوف شعنده جاان يسألني عن موقع فندق رماادا المهم دليته وقلت في نفسي اشوه جاان يكمل ويقول اختي انا فلسطيني ومعااي مرتي وبنتي وظروفي صعبه ممكن تسااعديني
جاان ابحلق فيه :eek5: واقول له من البداايه قول ابي فلوس مو تلف وتدور
عااد من الحره كملت وقلت له لايكون تبي تتعشى في رماادا؟؟ ةمشيت عنه:weeping:


ويوم كنت في تركيا وقفتني وحده عند السوق المصري وجاان تتبجبج وتقول اختي انا من سوريا توني امس وااصله ومااعندي فلوس وانتوا ادرى بحاالنا بصرااحه كسرت خااطري وسااعدتها لكن امس قهرني


:omen2:
أطاالب بوجود حمااية في كل شاارع ودااعوس وفريق ومنطقه اخااف يوم من الاياام اصف بعيد عن سياارتي جاان يستوي فيلم اكسن حد يضربني على رااسي ويطخ شنطتي
عااد مسكين بيتحسف لأني ماشيل خرده معااي كل شي عندي ببطااقه الا اذا عبقرينو

[بونووف]

في كذا موقف يواجهني في الدوحه نفس الموقف اللي صادج اختي

اتذكر مره كنت في قهوة الا جاني واحد مصري ومعاه وحده يقول انها اخته ومعاه ملف الا قالي انا مصري جاي قطر صار لي اسبوع وادور وظيف والحين ماعندي مكان اسكن في وممكن تساعدني قلت له حتى لو عطيتك ماراح يكفيك المبلغ ليوم واحد ليش ماترجع لسفارتك وتقولهم مشكلتك قعد يتهرب بعدها ويقولي لا انا ابي اعيش هني وارجع اقوله روح سفارتك هم بيساعدونك اكثر مني ومن اي واحد ثاني

ومره في رمضان قبل الفطور عند اشارات الوعب واقف عند الاشاره الا اسمع صوت واحد يطق الدريشه شوي الا اشوف 2 نزلت الدريشه يقولي تقدر تنزلنا عند ال لاند مارك قلت لهم حياكم ( انا شفتهم شباب كاشخين وجل وحركات ) المهم الا اول ماركب سولفت معاه قلت له انتوا ساكنين فالسد يقولي لا احنا صار لنا كم يوم نتمشى وماعندنا سكن ( اول ماقالي جي مشيت بسرعه عشان اوصلهم قبل لا يدخل في موضوع الطراره هههه) المهم الا يقولي انه صاحبه قص عليه طلع له فيزا زياره وبعدها ماجدد له الفيزا ويقول انا توهقت وقلت له روح سفارتك التونسيه اتطلع لك فلوس التذكره وترجع تونس وبعدين قالي عندي خواتي وامي في تونس ولازم اصرف عليهم وعندي مسوليه والحين صار لي كم يوم اروح اقعد فالمجمعات واشوف لي شي اكله المهم انا مابلعت السالفه ماعندك سكن وحاط جل في شعرك ومحلق واللي ورى طبعا مايتكلم ساكت المهم اول ماوصلنا وقفت على الشارع قلت له انا طريقي سيده المهم نزل الريال قلت في نفسي غريبه ماطلب شي لو عطيته احسن ليحن ماخلصت الا وقف عند الباب قالي ماعندك شي تعطيني عشان اتفطر طلعت له الي عندي وقلت اذا صادق في ميزان حسناتي واذا لا دفعة بلا

هالمناظر قامت تزيد فالدوحه بشكل كبير وخصوصا نفس العذر والحل الوحيد انه تقولون لهم روحوا سفارتكم وهم بيحلون لكم مشكلتكم ولاتاذخون وتعطون معاهم خصوصا يالبنات

والله يستر علينا وعليكم

[قطريه جدا]

انا صار لي موقف غريب وانا في مطار الدوحة



جوني اثنين .. واحد شكله هندي .. والثاني اوروبي .


المهم قالي الاوروبي عندك خرده 100 دولار ضروري . طيارتي بتروح .


قلت له ما اعتقد عندي ... افتر علي هو وصاحبه بابتسامه وقال شوف عندك وتأكد .


انا بكل ادب فتحت البوك (الحقيبة الصغيرة اللي تنحط على الحزام)
مثل هذي...


http://supermarkethq.com/news_assets/0000/5981/subotica_ye_outdoor_05_full.png?1259540811


المهم فتحته ابي اشوف عندي ولا لا .... فجأة مد راسه كأنه يبي يشوف فيه ولا لا .... وفجأة مد يده وقال ... شوف هذي خرده حط يده في البوك وكأنه يأشر .. انا الصراحة ماشفت الا صبعه تأشر.


فجأة الهندي قالي انت من ماليزيا ... تفاجأت من غباء السؤال وضحكت وقلت له لا.. انا قطري .


قالي انا ماليزي .... وافتر مخي وانا افكر في شكله ... اقول في نفسي مافي امل يكون ماليزي :eek5:


في نفس اللحظة ابي اشوف رفيقه اختفى


المهم راح الرجال وقعدت انطر طيارتي ...




وانا في الطيارة.... سألت نفسي سؤال أغبى من سؤال الهندي :shy:


ليش الرجال ما انتظرني اشوف عندي خرده ولا لا ... وليش مد يده للبوك .




انا طلعت البوك ... وشفت الفلوس وكأنه قل عددها
وبعد العد تبين انه انسرق من عندي حول 4000 دولار.


حسيت نفسي اغبى رجل في العالم ... والله اني دعيت عليهم طول الرحلة. :anger1:

الحركه هذي اتوقع نومك تنويم مغناطيسي وهالحركه منتشرة كثير واوقات تكون بفعل السحر
هذا الحركه منتشره حتى في السعوديه واحد يكلمك يلهيك والثاني يسرق
نفس مصرف الراحجي الي دخلوا افارقه وسرقوا

علشان جذيه الواحد الافضل ييعتمد على بطاقه السحب الالى ومايكون عنده كاش مبلغ كبير او يفرق المبلغ في اكثر من جزء في الجسم

نصيحة نصيحة نصيحة اي واحد عربي يجي يكلمك ويسئل عن فلوس اعرف انك راح تتنوم تنويم مغناطيسي

مع احترامي للقطرين مايمشون الا همجات فلوس ومايحطها الا في شطنه البطن ،، اشكره واضحه انها فيها فلوس وكل الخليج يسون هالحركة

الي متزوج خله يوزع المبلغ على زوجته حتى في جوتيه كرمك الله حط لاتخلي مكان

[بوخالد911]

مرة كنت اكرك بالسد

وجاني 1 يبيني انزل الدريشة
وقال ممكن تساعدني؟

قلت له ممنوع وتوكل ع الله والا ببلغ عليك الشرطة

و ع طوووووووول راح

[Melamode]

thanx

[راعي الخور]

في السفر اترك طيبتك بالديرة ورح بلا طيبة ولا مشاعر استمتع بدون ما تأذي خلق الله لكن في نفس الوقت لاتكون خروف يضحك عليك لانهم ماخذينا مخفات وعلى نياتنا