المذيع حسن المهندي يتحدث عن لجنة الدعم والتطوير لتلفزيون قطر

[Galbi]

http://upload.wikimedia.org/wikipedia/commons/6/60/Qtartvlogo.png

وجه المذيع القطري (حسن المهندي) في آخر حلقة من برنامج الليوان رسالة لمشاهدي تلفزيون قطر فيما يتعلق بـ لجنة الدعم والتطوير التلفزيوني والتي ستقوم بإطلاق تلفزيون قطر بِحُلة جديدة وقوية قريباً ، مختلفة كلياً عن الوقت الحالي ، تعكس الهوية القطرية التي فقدها التلفزيون كثيراً في السنوات الأخيرة

تفضلوا الرابط
http://youtu.be/nF0Xu_NfLu0

[مضارب دوسري]

حلو شي جيد
وانا اقترح عليه ان يهتم بالامور التراثيه مثل البحر والشعر في الحله الجديده
لانه يطلع في هذي الامور افضل له بكون انه شاعر وراعي بحر

مب لازم يطلع لنا في برنامج الليوان لانه كمذيع مع احترامي له دون المستوى
ولكن ك تراثي اي نعم متميز في هذا الامر
واتمنى تكون هالسنه اخر سنه له كمذيع ولكن ليس كشاعر او راعي بحر

[ولد البدر]

وعلشان التلفزيون القطري ما يفقد هويته خلوا تمثيلياتنا مسلسلاتنا تكون باللبس القطري المحتشم ، بالحجاب والعباية والرجال بالغترة والعقال حتى نحس إن المسلسل فعلا قطري أو خليجي

[حميداني]

وعلشان التلفزيون القطري ما يفقد هويته خلوا تمثيلياتنا مسلسلاتنا تكون باللبس القطري المحتشم ، بالحجاب والعباية والرجال بالغترة والعقال حتى نحس إن المسلسل فعلا قطري أو خليجي

ان شاءالله ما تكون الشيله ام نص كم هذي اللي لوسط الراس :) لانهم بيكونون واجهه وقدوه ان شاءالله

[للصبر اخر]

هالخطه لهم سنين يتكلمون فيها
خبري فيها من ايام ذهبيه
الناس طلعت وتوظفت وترقت وهم لين الحين ماطوورو التلفزيون
الله المستعان

[الخزرجي قطر]

الله يوفقهم ات شاءالله
بنشوف ونحكم على التغير

[النهار]

هالخطه لهم سنين يتكلمون فيها
خبري فيها من ايام ذهبيه
الناس طلعت وتوظفت وترقت وهم لين الحين ماطوورو التلفزيون
الله المستعان



مثل بيض الصعو نسمع عنه وماحد شافه لهم سنين وهم خطة جديده خطه جديده وفي الاخير مكانك سر

[khalid525]

الله يوفقهم

[لولو2022]

ان شاءالله ما تكون الشيله ام نص كم هذي اللي لوسط الراس :) لانهم بيكونون واجهه وقدوه ان شاءالله


والله ماعرفنالك الحين بيكون قدوه
وانت الي تقول اللبس مايدل على الاخلاق

[مشتاقة لقطر]

نتمنى ذلك ..

[Galbi]

شاكر لكم تعليقاتكم :nice:


هالخطه لهم سنين يتكلمون فيها
خبري فيها من ايام ذهبيه
الناس طلعت وتوظفت وترقت وهم لين الحين ماطوورو التلفزيون
الله المستعان



مثل بيض الصعو نسمع عنه وماحد شافه لهم سنين وهم خطة جديده خطه جديده وفي الاخير مكانك سر



هلا فيكم

انتوا شكلكم مغلطين بين تطوير وبين دورة جديدة :nice:

الله يسلمكم آخر مرة قام التلفزيون بتطوير كلي كان في عام 2001 لما تغير الشعار والديكورات ، وكان ماشي مع التطور اللي حاصل في وقتها ، والتطوير لاقى استحسان الناس ، واذكر كان من اقوى البرامج اللي طلعت في فترتها برنامج الليوان وبرنامج الدوري اللي كان يقدمة خالد جاسم ... هذا غير الانتاجات المحلية للمسلسلات الي تكون متعاونه ما بين التلفزيون والشركة الخاصة المنتجه للعمل ، قبل لا تتحول الانتاجات كلها الى شركات خاصة . ومنهم حكم البشر ويوم آخر

بعدها التلفزيون ما اعلن عن أي خطة تطويرية ، كانت كلها اعلانات عن خطط لدورات جديدة أو اعلانات عن تطوير أجهزتها ، وفعلاً هم انتقلوا من الاجهزة الفيديو القديمة الى الديجيتال .. وأجهزة البث اللي ظهرت بشكل قوي من ناحية الصورة والصوت وقتها

هذا كان كله في 2001 .. ومن بعدها ما تم الاعلان عن اي تطوير كامل للقناه حتى عام 2011
في بداية 2011 أعلنوا عن لجنة الدعم والتطوير ، وكان وقتها للحين ما تشكلت .. كانوا فقط يجهزون لها ، ومن بعد رمضان -العام الماضي- بدأت تتشكل اللجنة

الآن اللجنة وصلت لمنتصف الطريق او اكثر من النص

وحسب كلام بعض الاشخاص اللي اعرفهم في التلفزيون ان القناة راح تظهر بشكل مغاير تماماً عن الشكل الحالي ، وهناك مذيعين قطريين شباب راح يظهرون مع الانطلاقه الجديدة

وسبب تأخر الانطلاقه الجديدة للتلفزيون هو ان هناك مبنى جديد تم بناءه ويتم حالياً تجهيزه بأحدث الاجهزة اللي توصلت لها أجهزة البث ، فـ هم الحين في مرحلة انتقاليه من مبنى الى مبنى ومرحلة تشغيلية للاجهزة الجديدة

و قالوا ان القناه راح تنطلق خلال الشهور القادمة ..

[حسن]

انا اول مره اسمع ان حسن المهندي صار مدير التلفزيون يستاهل بومشعل

[للصبر اخر]

اخوي اللي تدافع
انا من لما كنت بالاذاعه كان التلفزيون ماخذ استديو الاذاعه ليبث منه برنامج لان ماعندهم استديو
كلها استديو واحد ونفس الديكور هالكلام سنة ٢٠٠٨
اي تطوير تتكلم عنه
التطوير في الجرااافيك فقط
وهالشي ملحوظ ومعاك انا فيه

[Galbi]

اخوي اللي تدافع
انا من لما كنت بالاذاعه كان التلفزيون ماخذ استديو الاذاعه ليبث منه برنامج لان ماعندهم استديو
كلها استديو واحد ونفس الديكور هالكلام سنة ٢٠٠٨
اي تطوير تتكلم عنه
التطوير في الجرااافيك فقط
وهالشي ملحوظ ومعاك انا فيه

أنا أدافع !!!!
اممممممممم

أوكي ...

عموماً انا قلت حسب اللي سمعته من الموجودين حالياً في التلفزيون مب من اللي طلعوا منه :)

فما علي من الاداره السابقه ومخططاتهم الحتره :thumbdown:

التلفزيون الآن عنده استديو جديد ضخم ، (((اكبر من استيديو 4 القديم اللي خذته الجزيرة الرياضيه قبل 10 سنين)) ، وبثوا منه العام الماضي برنامج الليوان .. وبعدها تم تسليمه للجنة التطوير لحين بث القناه بالاطلاله الجديده

وحسب كلام الموجودين في التلفزيون اللي صار لهم سنيييييين فيه وما زالوا ، ان اللجنة قاعده تتحرك ومهتمه في كل صغيره وكبيره

يعني بمختصر كلامي :
1- تلفزيون قطر راح ينتقل لمبنى جديد مجهز بأحدث أجهزة البث وأقواها
2- هناك استديو كبير جديد خاص بالأخبار
3- استيديو ضخم جديد للبرامج
4- مذيعين قطريين شباب جدد
5- اللجنة مهتمه بالطاقات الشبابية القطرية وقاعده تاخذ بأفكارهم اللي يطرحونها

وهذا الكلام كله من اللي اعرفهم بالتلفزيون .. منهم من الآن يداوم في المبنى الجديد وهم يخضعون تحت التدريب على الاجهزة الجديده ... ومنهم من ما زال في المبنى القديم وراح ينتقلون تدريجياً للمبنى الجديد


في النهاية .. بسكم نكد .... تفائلوا شوي :nice:

[Galbi]

انا اول مره اسمع ان حسن المهندي صار مدير التلفزيون يستاهل بومشعل

هلا
ههههههه
لا مب مدير
هو واحد من أعضاء اللجنة :nice: