بردت قلبي في " صب وي "

[حميداني]

:discuss:
السلام عليكم هلا والله بالربع

توني راد من ساب وي واقولكم وش صار مناك معاي
جيت خذ لي الطلب سندويشين 6 انشات وبعد ما خلص ذاك راح عند ارفيجه
قاله جذي كلمتين بالفلبيني وسمعت منها فاتوره او شي جذي

شفته يقولي حسابك كذاوعطيته وقعد يطالعني مبتسم ان مع السلامه وكأنه خلاص ترى
:omen2: الا واجي اقوله ممكن الفاتوره

جه عطاني الفاتوره واتشيك عليها الا صدتها عليه
معطيني اكسترا في كل سندويش ولد اللذينه

وقعدت اكلمه وحاول يسويها طلاسم ويقنعني ومادري ايش وانا مافيييه صايده الف
كنت ناسي الجوال للاسف , بس جيت قلت له جيب اورقه وقلم

عاد اهني شفته انخبص ويمين يسار يحاول يقنعني قلت له مافيه , جيبهم لي الحين
رقعتلي قلم لوح احذاه ويابلي اورقه كتبت قدامه انه دوام ليل

وسألتهم عن اساميهم , شوي وكان بيدمع ويحاول يقنعني لين ما لزمت وجابلي الاسامي
يمين يسار اوانا طالع شفته كسر خاطري وهو يحاول ينصب علي اني انا الغلطان
قلته لو انت مب غلطان محد بيسويلك شي , انا باخذ صوره للي داخل السندويش والفاتوره معاي

لا تخاف شوي وكان يترجاني الا ودش علينا زبون

قلت له شوف انا ما ابي اقطع رزقك ان قلتي هالشي ما بيصير مره ثانيه واسف
بنسى الموضوع وبطوفها هالمره

اختبص شوي متوهق يطالع الزبون ويطالعين قالي سوري وما بتكرر مره ثانيه
حطيت الورقه فمخباي وقلت له , عيل لا تخاف هالمره

ومشيت ومعطيه نظره
ومن داخل انا جذي << :nice: خخخخ

والله فديتها اللوحه اللي حاطينها تذكرني اخذ الفاتوره


الملخص : اطلبو الفاتوره وتشيكو عليها

الحين انا بداوم عندهم ولو فيه خير يرفع لي السعر ريال


وبس سلامتكم :)

[الخيالة]

اي فرع؟؟؟؟؟؟؟

[حميداني]

اللي في محطة الجزيره على طريج سلوى

[بن غيث]

ذيب ..

[حميداني]

تدريبك :omen2: << خخخ :nice:

[alwahesh]

الي يسمعك يقول ان الجرسون هو الي يتلاعب في الاسعار


والجرسون ليش يخاف اصلا


لو تقول مدير الفرع الي خاف وارتبك نبلعها


يبه هذيلا هوامير ودايما في مجالس الهوامير الي اكبر منهم


جرب طريقتك مع المصريين الي في كنتاكي وشوف الصعايده اشلون يردون عليك

[حميداني]

الي يسمعك يقول ان الجرسون هو الي يتلاعب في الاسعار


والجرسون ليش يخاف اصلا


لو تقول مدير الفرع الي خاف وارتبك نبلعها


يبه هذيلا هوامير ودايما في مجالس الهوامير الي اكبر منهم


جرب طريقتك مع المصريين الي في كنتاكي وشوف الصعايده اشلون يردون عليك

يا ريال ماله صخ , ترى النصبه اللي صارتلي من العمال
تصور لو يسوونها في كل زبون ويحط في مخباه من كل واحد 5 ولا عشره ريال

كم زبون يجي سابواي في اليوم اقل شي 20 شخص انقول فرضاً يحط في مخباه عشر
يطلع لك 200 في اليوم هذا لاقل تقدير , في الشهر كم يطلع
الشهر 30 يوم
30 في 200 = 6000 ريال

انقول انها 5 ريال تطلعله " عالاقل " 3000 كل شهر
زياده على معاشه الاساسي بعد

خييير ونعمه

[ita(10)lia]

اخوي دام انها عالفاتورة فما اعتقد يقدر ياخذها له
اكيد مدير الفرع بيحاسبهم عالفاتورة

[fhd4]

دام الفلبيني حط الزيادة في الفاتورة مايقدر يحط في جيبه ريال فماله مصلحة انه يقص عليك … الا اذا كان ياخذ نسبة من المبيعات وهذا مستبعد والنسبة اذا كان ياخذها بتكون جدا قليلة

[حميداني]

, الفاتوره ما عطاني اياها من نفسه , هو توهق عقب ما طلبت الفاتوره هالسالفه ومافيها
ولا هو كان ما يبيني اخذها فلو ناسي الفاتوره وما طلبتها كان هاللي بيصير


بيحط الزايده في مخباه

هو عطاني اياها ترقيع للسعر اللي خذاه مني قبل ما يكتب الفاتوره
انجبر يزود على الطلب في الفاتوره علشان السعر اللي خذاه مني كان زايد

[بصمة قطرية]

دامه ما عطاك الفاتورة من البداية
اتوقع ..
كان بيسوي فاتورة ثانية
على أساس إن الأولى فيها خطأ ..
و عدل الخطأ في الثانية
بالتالي يستفيد من الزيادة ..!!

[حميداني]

دامه ما عطاك الفاتورة من البداية
اتوقع ..
كان بيسوي فاتورة ثانية
على أساس إن الأولى فيها خطأ ..
و عدل الخطأ في الثانية
بالتالي يستفيد من الزيادة ..!!

ايه هاللي كان في بالي

[اللوز]

المفروض الواحد يتاكد من السلعة

[مرحوم قطر]

انا صادني موقف في سبواي الي في العزيزيه

وانا متعود دوم اروح له و في فلبينيين يشتغلون و اعرفوني

فادوم لين اروح لهم من نفسهم يجهزون اطلبي

مره رحت لهم بعد ما طلعت من الدوام و دخلت كان في كم واحد قبلي نطرت الدور لين ما جاني

و طلبت اطلبي المعتاد و اعرف السعر و حافظه

المراد كان عندي 50 ريال وانا اشتري لا عصير ولا شي من عندهم

و هلمره كان في عامل زياده الظاهر هو المدير و كان مصري وهو الي على الكشير

وصلت الكشير الا الحساب 26 و عطيته الخمسين قالي ماعندك فكه ريال (( سؤالهم المعتاد ))

قلت له لا قالي ماعندي فكه قلت له طيب شاسوي يعني قالي اشترلك عصير

يعني هو قالي اياها ابتبقح كنه الي يعطيني امر

قلت له ليه بتشربني على مزاجك

قالي معنديش فكه و انا اعمل ايه قلت له مش مشكلتي هذي مشكلته

الا الحبيب طلعلي 20 ريال و قالي لما تجي مره تنيه حديك الاربع ريال


اهني تظرب ام الديفان عندي و اقلب عليهم المحل فوق تحت

بغيت ادوس في بطنه اشلون تكلمني كذا و كنت بطلب له الدوريه


و كان في شباب قطريين دشو بعدي جو وقفو جمبي و قالوله خاطرك شي

المصري اهني اعتفس ويها و طلعلي 5 ريال و عطاني اياها قالي اذا جيت المطعم رقعلنا الريال

قلت له انا ما اخذ سلف يا انك تاخذ الريال الحين يا تخصمه من الفاتوره و اخصمه غصب عنه


و لول الشباب و الفلبينيين تمو يترجون و يستسمحون كان جد كلمت الشرطه و بعدها جاني لين السياره يستسمح

و مشيت الموضوع

[Crown]

بيض الله وجهك هذا الشغل العدل

رجال من ظهر رجال

[كتكوت الوحش]

اخوي دام انها عالفاتورة فما اعتقد يقدر ياخذها له
اكيد مدير الفرع بيحاسبهم عالفاتورة

كلامك اخوي صحيح 100% ثرا يمكن هالشي مو بيدة ولا تضلمة لانه. اخر الليل مدير الفرع بياحسبهم على المجموع الي طالع. في مكينة الكاشير وهاي مافيها تلاعب اخوي
مسكين خليتني اتخيل الموقف. وهو فعلا ماله ذنب ومش قاصد لانها محسوبه عليه وراح يدفعها

[ذيب ازغوى]

شنببببببببببببببب

[حميداني]

انا صادني موقف في سبواي الي في العزيزيه

وانا متعود دوم اروح له و في فلبينيين يشتغلون و اعرفوني

فادوم لين اروح لهم من نفسهم يجهزون اطلبي

مره رحت لهم بعد ما طلعت من الدوام و دخلت كان في كم واحد قبلي نطرت الدور لين ما جاني

و طلبت اطلبي المعتاد و اعرف السعر و حافظه

المراد كان عندي 50 ريال وانا اشتري لا عصير ولا شي من عندهم

و هلمره كان في عامل زياده الظاهر هو المدير و كان مصري وهو الي على الكشير

وصلت الكشير الا الحساب 26 و عطيته الخمسين قالي ماعندك فكه ريال (( سؤالهم المعتاد ))

قلت له لا قالي ماعندي فكه قلت له طيب شاسوي يعني قالي اشترلك عصير

يعني هو قالي اياها ابتبقح كنه الي يعطيني امر

قلت له ليه بتشربني على مزاجك

قالي معنديش فكه و انا اعمل ايه قلت له مش مشكلتي هذي مشكلته

الا الحبيب طلعلي 20 ريال و قالي لما تجي مره تنيه حديك الاربع ريال


اهني تظرب ام الديفان عندي و اقلب عليهم المحل فوق تحت

بغيت ادوس في بطنه اشلون تكلمني كذا و كنت بطلب له الدوريه


و كان في شباب قطريين دشو بعدي جو وقفو جمبي و قالوله خاطرك شي

المصري اهني اعتفس ويها و طلعلي 5 ريال و عطاني اياها قالي اذا جيت المطعم رقعلنا الريال

قلت له انا ما اخذ سلف يا انك تاخذ الريال الحين يا تخصمه من الفاتوره و اخصمه غصب عنه


و لول الشباب و الفلبينيين تمو يترجون و يستسمحون كان جد كلمت الشرطه و بعدها جاني لين السياره يستسمح

و مشيت الموضوع

:nice: كفو

[حميداني]

كلامك اخوي صحيح 100% ثرا يمكن هالشي مو بيدة ولا تضلمة لانه. اخر الليل مدير الفرع بياحسبهم على المجموع الي طالع. في مكينة الكاشير وهاي مافيها تلاعب اخوي
مسكين خليتني اتخيل الموقف. وهو فعلا ماله ذنب ومش قاصد لانها محسوبه عليه وراح يدفعها

لا كتكوت سالفة الكاشير هذي ما اطلعت من البدايه , الفاتوره اطلعت ترقيع للي سواه
هو كان يبيني اخذ الطلب من غير ما اطلب الفاتوره بس بعدا ما صار اللي صار وطلبت الفاتوره

اهني توهق وقال احط له اكسترا في هالكم من سندويش
:) حاسبها على عدد السندويشات علشان ما يتوهق

[مضارب دوسري]

يا ريال ماله صخ , ترى النصبه اللي صارتلي من العمال
تصور لو يسوونها في كل زبون ويحط في مخباه من كل واحد 5 ولا عشره ريال

كم زبون يجي سابواي في اليوم اقل شي 20 شخص انقول فرضاً يحط في مخباه عشر
يطلع لك 200 في اليوم هذا لاقل تقدير , في الشهر كم يطلع
الشهر 30 يوم
30 في 200 = 6000 ريال

انقول انها 5 ريال تطلعله " عالاقل " 3000 كل شهر
زياده على معاشه الاساسي بعد

خييير ونعمه

مادام مسجلها فالفاتوره اكسترا ماراح تروح لمخباه بتروح للهامور
هالكلام تقوله لو ان فاتورتك مثلا 15 وقالك 18 من غير مايعطيك الفاتوره ذيك الساعه ال 3 ريال بتروح لمخباه

[حميداني]

مادام مسجلها فالفاتوره اكسترا ماراح تروح لمخباه بتروح للهامور
هالكلام تقوله لو ان فاتورتك مثلا 15 وقالك 18 من غير مايعطيك الفاتوره ذيك الساعه ال 3 ريال بتروح لمخباه

ما بغى يعطيني الفاتوره بعد ما قالي الحساب كذا وعطيته الفلوس , حاسب لي على كل وجباتي اكسترا :) بس توهق لما طلبتها

[@north_star@]

أظن انه غلط بطباعة الفاتورة لما حط اكسترا بس كان المفروض يغير الفاتورة ..... وبالنسبه انه ياخذ الزيادة فهذا شي مستحيل لانه تالي الليل مديرهم بيحاسبهم على الفواتير ....

وبجميع الاحوال لازم الواحد يشيك على فاتورته قبل لا يطلع سواء من مطعم والا جمعية

[Abdullah_89]

مبروكين عليكم زياده الاسعار مره ثانيه


صب واي فرع الوكره


هالمره اللي رفعوا سعره الخبز

[بوخالد911]

انا دووم اشيك الفاواتير

وربعي مسميني المدقق

:)

[حميداني]

انا دووم اشيك الفاواتير

وربعي مسميني المدقق

:)

ما عليك , خلهم يسمونك المدقق
:) على الاقل تدري وتخليهم يدرون انك مب المغفل

[التايه]

صب وي زادوا في الاسعار للأسف مرة ثانية..

[nokia30]

حمايه المستهك وووينها عن صب وي

[اوف ليميت]

من وين تجيبون هالكلام
اي فرع هذا اللي تقولون عنه
انا كله بفرع الدفنه وفرع طيبه وفرع الخور
نفس المبلغ ونفس الطلب من 2010
سندويشتين 6 انش كل وحده
لا وبعد اقط ال 30 ريال عالطاوله وعقب ابدأ اختار
ومرات اعطيه ريال زياده بس..لاني اقوله يحطلي شبس ليز فالسندويش..يم يم يم

وبس

شسالفه؟!!

:]

[eXpert*]

الوعد اليوم في محطة المسيلة :)

ترى كلام سليم الظاهر الإدارة صايدين عليهم هالحركات أكثر من مرة ، علشان جي حاطين لوحة أطلب فاتورة ولا طلبك يكون مجانيّ .

[Cooki]

عادي .. حتى ستاربكس يسون نفس الحركه انت تطلب قهوه عادي ..
وتجيك الفاتوره بدبل كريم ودبل كرميل والحجم اكبر ..
اذا مانتبهت راحت عليك ..
انا كم مره صاير معاي الموقف .. ولما اسالهم يتعذر انه بالغلط ويعدل الفاتوره ..
السالفه كلها نصب في نصب وخصوصاً على القطريين .. لانهم يدرون ان احنا مانشيك وراهم ..
لكن لو اجنبي مب كفوو يسونها معاه ...

[راشد محمد]

ههههههههههههههههههههه لازم تصيرون المحقق كونان

[Store]

انزين وخدت المبلغ الي زادوه او لا

[بـن عدوان]

انت خطير

بس عندي سؤال

لو انا صدت عليه وابي اشتكي .. اخاف اخر شي يقولون لي بالغلط .. سواء هو ولا الجهة المعنية

شرايك انت ؟

[نور الحور]

صار لي موقف مشابه للأسف من قريب سنة أو سنة ونص في هاجين داز فيلاجيو ..
الفلبيني الشرير جاب لي الفاتورة .. وسبحان الله شيكت هالمرة عليها .. لقيته حاسب عليها زيادة 20 ريال :anger1:.. رحت عند الكاشير أراجع نفس اللي جاب لي الفاتورة ..يا دوب ما كملت كلمتي وأنا أأشر على الفاتورة الا مطلع 20 ريال .. طلع مجهزهم الأخ ابن اللذين :rolleyes2:

[حميداني]

انت خطير

بس عندي سؤال

لو انا صدت عليه وابي اشتكي .. اخاف اخر شي يقولون لي بالغلط .. سواء هو ولا الجهة المعنية

شرايك انت ؟

ما تصير بالغلط وقدامه لوحه من المؤسسه مكتوب فيها
ان ما استلمت الفاتوره من الموظف

فما طلبته منه تقدر تاخذه ببلاش , اخذه ابلاش وتوكل
ما بيقدر يقول بم :)

ومنها تكون رفعت عليه شكوى وان تكررت الشكوى راح يلاحظ ان الشي مب بالغلط
فما بيستطيع يستغل ناس ثانين الا ان ناوي يطير من مكانه

[حميداني]

صار لي موقف مشابه للأسف من قريب سنة أو سنة ونص في هاجين داز فيلاجيو ..
الفلبيني الشرير جاب لي الفاتورة .. وسبحان الله شيكت هالمرة عليها .. لقيته حاسب عليها زيادة 20 ريال :anger1:.. رحت عند الكاشير أراجع نفس اللي جاب لي الفاتورة ..يا دوب ما كملت كلمتي وأنا أأشر على الفاتورة الا مطلع 20 ريال .. طلع مجهزهم الأخ ابن اللذين :rolleyes2:

ارفعي شكوى باسم الموظف , اما تحطينه بصندوق الشكاوي او تطلبين المدير
وتنبيهينه ان هالموظف اما يتغيشم او مب عارف شغله
وان المره الجايه تكرر هالشي راح يكون لج تصرف ثاني , وكلمي حماية المستهلك خلهم يفيدونج ... هذا شغلهم بالاول والاخير

[المعنى88]

السؤال عن السعر والوجبة بكم .......... افضل في الصب واي لأن تسعيرتهم غير واضحة ......... لكني اخر مرة هالشهر وجبتين بــ 30 ريال
والسبب كوبون البيبسي ماقدر يقول لا .... والفلبنيين احسن من اي مصري يشتغل روحوا الفرع اللي مافيه مصري وعلى راحتك
فرع الغرافة احلى