بروح اندونيسيا ... واشرايكم فيها

[محمد_ قطر]

ان شااءلله بسافر الي اندونيسيا بجيب خدم:eek5: هههههه اقصد بروح سياحه:nice: .. وحبيت نصيحتكم لاني اول مره بروح لها .. لو عندكم ارقام السواقين او الاماكن الي ممكن اروح لها ... يعني نصيحتكم بشكل عام:shy:

[آنــه]

والله اذا تبي رأيي روحها وبتسمتع كل شي فيها
جاكرتا عباره عن مدينه وفيها زحمه وفيها مجمعات عجيبه
اذا تبي أرقام جرب تشوف العرب المسافرون والا موقع ترب أدفايسر
صراحه فيه ردود الناس اللي مسافرين الأجانب يبردون الخاطر
وجرب تروح المدن والجزر بتستمتع اكثر

والجو انت تعرف ان معظم دول شرق اسيا جوها استوائي حار

و بس هذا اللي اقدر أخدمك فيه

[محمد_ قطر]

والله اذا تبي رأيي روحها وبتسمتع كل شي فيها
جاكرتا عباره عن مدينه وفيها زحمه وفيها مجمعات عجيبه
اذا تبي أرقام جرب تشوف العرب المسافرون والا موقع ترب أدفايسر
صراحه فيه ردود الناس اللي مسافرين الأجانب يبردون الخاطر
وجرب تروح المدن والجزر بتستمتع اكثر

والجو انت تعرف ان معظم دول شرق اسيا جوها استوائي حار

و بس هذا اللي اقدر أخدمك فيه

الله يجزاك خير :nice: وبنشوف الاعضاء اذا راحوا لها

[WFM]

وانا مثلك يامحمد وانا مخطط لها اذا الله اراد في اجازة عيد الاضحى .

[Abdullah_89]

جاكرتا العاصمه زحمه فيها فنادق وايد انصح بالسكس في فندق سويس بيل جاكرتا عن تجربه


ممكن تزور جزيره بالي ممكن تنسق مع شركه سياحيه هناك ارخص لك من قطر

المشتريات خلها كلها في جاكرتا في الاسواق الشعبيه عندهم أرخص من باقي المناطق


لاتشتري من بالي الا التذكارات لأن البضاعه نفسها في جاكرتا وبالي بس فرق السعر

[انا احمد]

انا رحت ... جدا حلوة شعبها طيب ... جاكرتا عاصمة مزدحمة فيها فنادق ... مكان لازم تروحة انشول "يحتوي على عدة اماكن" ... انشول مكان سياحي فية فنادق و شقق على البحر و داخل انشول فية ملاهي اسمها دنيا فنتازيا و سيي وااتر و كمن مدينة العاب اخري بالاضافة الى مدينة العاب مائية فية مطاعم عربية في جاكرتا عندك مثلا ابو نواس مطعم مندي على كيف كيفك ... لو تخرج من جاكرتا تروح جبل بنشاك كمن يوم تاجرلك بيت في قمة الجبل مايجيك ٢٥٠ دولار يوميا ... على فكرة البيت فية حوش وملاعب و مسبح واقل فيلا شفتها كانت ٥٠٠٠ متر مربع ... فية اول ماتطلع الجبل حديقة حيوانات اسمها سفاري ... و الجبل كلما طلعت الجو يبرد و نوعية الاشجار تتغير .. فية مزارع الشاي "لو تروح هناك بتحلف انا موب منقطعين من الشاي ابد" ماشاءالله على طول النظر ... من جبل بنشاك لوتسوق مدة اربع ساعات فية مكان ناسي اسمة بس انة فوهة بركان "من ناحية تشوف شي جديد" ... وتحتة بنص ساعة فية مسابح مياة بركانية و كنوع من الخصوصية فية فندق ويكون فية حوض سباحة صغير بالحمام"الله يعزكم" يترسونة من الماي الكبريتي ... بالي لو بتروح لازم رحلة داخلية ... بس كشعب و كمناظر ... اختيارك موفق ...

[mohsen555]

انا رحت اندونيسيا وقعدت فيها اسبوعين .... بلادهم حلوه .... العاصمه زحمه واسواقهم رخيصه .. ممكن تسكن فندق استون مارينا في منطقه انشول .. قريبه من المطار وفيها ملاهي حلوه .. دنيا فنتازيا ... ولاتنسى تمر على مطعم بندر جاكرتا للأكلات البحريه ... ولايفوتك الجبل ... مسافه الطريق ساعه من العاصمه ... المنطقه اسمها بونشاك .. ممكن تأجر فلل على الجبل .. الجو فيها معتدل .. والمطر عجيب .. .. لي عوده بالتفاصيل ... تحياتي

[بوخالد911]

هلا

رحتها من كمن سنة
وحطيت تقرير عنها

رحت جاكرتا وهي حلوة مجمعاتها كبيرة ونظيفة وراقية

وزرت المناطق التالية :

بونشاق : ع بعد 45د منطقة حلووووووووة مرتفعة وفيها جبال وجوووها رووعة

باندونق : تبعد حول 50 د وفيها براكين لكن بحالة خامدة وليست نشطة

بالي : حلووووووووووووووووووووة مليانة استراليين بحكم قربها من استراليا

حياك تقريري وستجد ما يسركم
:)

[المسعف]

والله ان ردود الاعضاء تخلي الواحد وده يجرب هذه الدول

[حفيد الأنصار]

الله على بلاد العمه

شوف ياسيدي

جاكرتــا : اسواق ويوجد فيها منطقة اسمها انشول على البحر وفيها فنادق وملاهي ومطاعم وفيه مطعم اسمه بندر جاكرتا وفيها التلفريك والسي وورلد ( عالم البحار ) واعتقد تكفيها من 2 الى 3 ايام فقط ..

بونشاك : بونشاك معناها الجبل بالعربي منطقه جميله وجو على كيف كيفك فيها متنزه سفاري ولا اوصيك اسكن في منتجع اسمه ( كوتا بونغا ) امن جدا بامر الله لان الدخول والخروج يكون عن طريق التسجيل عبر البوابة والمنتجع مسور كامل وموجودة فيه بحيرة بالداخل وبالليل يكون هدوء تصلي المغرب وتقعد على الكراسي عند باب الفيلا وعندك براد الشاي ( اوووووووه لاتذكرني بس :nice: ) ويكون برنامجك تطلع مع السواق الصباح وترجع المغرب ..


باندونق : منطقة موجودة فيها براكين وحديقة الفراولة واسواق فقط وافضل انك تروح لها من بونشاك وترجع في نفس الليله يعني ماتسكن في باندونق ..


جزيرة بالي : انا مارحلتها لكن يمدحونها واكثرها استراليين لانها تبعد عن استراليا مدة ساعتين بالطيارة ويتعاملون بالدولار واغلى من جاكرتا والمدن الباقية واذا تبي تروح لها احجز من مكتب في جاكرتا او بونشاك ويحجز كل شي لك ويفضل انه يكون مكتب كاها وموجود فرع له في مطار جاكرتا اول ماتاخذ شنطتك تشوفه اول مكتب واعتقد تكفيها من 3 الى 4 ايام فقط ..

وانتبه لاتطلع تاكسي يفضل انك تكلم السواق من هنا وتتفق معاه على موعد وصول الرحلة ويستقبلك هناك مثل ماسويت انا لان التكاسي بعضهم حرامية وفلوسك لاتخليها كلها مع بعض شيل حق يومك بس والباقي خليه في الفندق او الفيلا في مكان امن ولاتنسى اذا جيت تخرج صور الجواز وخذ الصورة معاك في كل مكان للضرورة والجواز خليه مع الفلوس في الفيلا ( مابي اخوفك لكن الاحتياط واجب )

رحلتك خليها \ جاكرتا ( يومين ) >> بونشاك ( 5 ايام ) >> باندونق ( روح لها من بونشاك الصباح ورد على بونشاك بنفس اليوم بالليل ( يوم واحد ) >> جزيرة بالي ( 3 او 4 ايام ) بالطيارة من جاكرتا >> جاكرتا ( ليلة او ليلتين ومن ثم العودة

وللمعلومية موجود رحلة من الدوحة على بالي دايركت على القطرية وموجود على جاكرتا ايضا .. اختار اللي يناسبك

اذا تبي رقم سواق ثقة لا يمين ولا يسار واشتغل قبل كذا بجدة 3 سنوات كلمني على الخاص ..
تروح وترجع بالسلامة ان شاء الله

[حفيد الأنصار]

نسيت اقولك حاول قد ماتقدر ان يكون وقت طلوعلك للجبل ( بونشاك ) لايوافق يومي السبت والاحد لانه يوافق عندهم ويك اند ونص اللي في جاكرتا يطلعون هناك بدل ماتوصل بساعه ونص تجلس 4 ساعات
انا اتذكر وصلت الجمعه العصر وعلى طول قلت للسواق طلعني الجبل قبل الزحمة لانه تبدا من يوم الجمعه بالليل الزحمه ..
ولاتنسى تصرف دولارات من الدوحة وهناك تحلوها على روبية وللمعلومية الدولارات المطبقه تنزل من سعر العمله يعني حاول تاخذ دولارات جديدة

[حفيد الأنصار]

لاتنسى تاخذ لك عزبه ( شنطه ) وتفللها معلبات للفطور وبن هيل وشاي وتمر ومعمول لان هناك ماتحصل اكلنا الا في البقالة السعودية وبعض المطاعم العربية لكن الاسعار غالية شوي لكن في مطعم في الجبل اسمه كماننا لا يفوووتك وللمعلومية ترى السعوديين هناك كثييرين وتحصل الاندونيسيين يغنون لك محمد عبده ولا اغاني الاتحاد والهلال والفرق السعودية ( معلمينهم ) ولاتنسى اول ماتوصل الجبل تاخذ لك تيس اتذكر انا وخويي اخذنا واحد صغيرون بـ 160 ريال ويذبحه ويسلخه قدامك وبس ..
اذا تذكرت شي قولتلك ......

[محمد_ قطر]

الله يجزاكم خير على الردود الطيبه ومشاركتي في السفر والمعلومات .. ما قصرتوا بيض الله وجهكم

[FCB 123]

صج صج شوقتونا للسفرة

ناووين مع الربع نروح لها إن شاءالله في اجازة عيد الاضحى إن شاءالله

بالتوفيق للجميع

[captin]

تحمل من دلالوة الحريم في جاكرتا

يقولون إذا نزلت طيارة خليجية عادة يكونون دلالوة عند باب المطار
أول ما يشوفونك خليجي يعرضون عليك يزوجونك وعندهم البومات
فيها صور حريم طبعا مقابل عمولة للدلال إذا تم عقد القران وأعتقد
انه ما يمسى بالزواج العرفي لمدة محددة خلال الإجازة. والله اعلم

[شموخ دائم]

,

,


مرحبا

صباح الخير والنور

جهز البشت يا captin

هههههه

والله انا اشوف لو تروح ( ما ليزيا ) راقيه اكثر ( وانظف ) ومجهزه للسياح بطريقه افضل

احسن من اندونيسيا

الا اذا بتروح الجزر خارج المدن الرئيسيه مثل بالي ... الخ بيكون اوكي

بالتوفيق لك

,

,


اخوك


شموخ دائم

[captin]

صباح الخير والنور

جهز البشت يا captin

هههههه

مساء النور والسرور ياللزيم شموخ دائم

لا ما يحتاج بشت في اندونيسيا
قميص ووزار اخضر :)

الإ أنت جهز الشورتات والتيشرتات والكاب
نرروح اندونيسيا انخلي مطوعهم يملج عند باب المطار
والشهود نشوف لنا أي اثنين نازلين من الطيارة معانا:nice:

ههههههههههههههههه

[qatar6]

من الدول اللي حبيت اني ارجع لها هي اندونيسيا
منطقة البراكين ممكن اتروح لفوهة البركان ، تجربة حلوة
وممكن اتاجر لك فلة تجي لها المياة المعدنية للسباحة
وممكن تشتري لك تيس صغير وتشويه
بالي جزيرة الاثرياء معظمهم سياح استراليين بس طبعا هي رخيصة
بلد رخيصة وجميلة للحين الخليجين ماكتشفوها
ااكد لكم راح تستمتعون بيها ، والله يوفقكم

[محمد_ قطر]

جزاكم الله خير وان شاءالله راح اروح لها ... ياليت حد عنده ارقام سواقين جيدين

[يوسف الحمادي]

اتمنى لك التوفيق
سوق جاكرتا بيعجبك والماركات فيه رخيصة
لا تفوت السفاري بارك
ولا تفوت مطعم اسمه بندر جاكرتا للمأكولات البحرية ( اروع سي فود ذقنه بحياتي )

وفندق جي دبليو ماريوت روعه وراقي ورخيص

والبلاد عموما رخيصة

اما في بالي أنا مقدر أفيدك الا في البحر والغوص والفندق
اسكن في جراد حياة

وبالنسبة للسائق في جاكرتا واحد محترم جداً وفطين ويدل الاماكن السياحية وأمين

اسمه فيري وهذا رقمه 0062087887286363
اذا كلمته قول له انك من طرفي وان شاء الله مابيقصر معاك

ومن أحلى الاشياء انك ماتشوف عرب والشعب الأندونيسي بسيط ودوم يضحك هههههههههههه

اتمنى لك رحلة موفقه

[Ali A]

شكلي باخطط عليها

[المليونير الفقير]

نصيحه روح للجبل الاخضر في منطقة اسمها باقوور تبعد ساعه من جاكرتا لو رحت بتحس انك في محافظه من محافظات السعوديه لان الاكثريه اهناك وعندهم ابيوت بس الجو ولااروع اما جاكرتا خلها مرور لانها حر وزحمه هذا واتمنالك التوفيق