مواقف الستي سنتر مهزله مب قادرين يصلحون جهاز ...!

[كبير المتداولين]

مع توجهي مع احد الاقرباء وقد اتى زياره سياحيه الى الدوحه خلال عطله العيد
نوينا الذهاب الى مجمع الستي سنتر
وعند دخولنا من البوابه الشماليه الشرقيه حدث اختناق مروري بسبب مكينه بطاقات دخول المواقف
وهالمكينه اتذكرها من فتره 6 اشهر كانت فيها عيب تقعد ساعه لين تطلع تذكره وانا قليل ماروح الستي سنتر نسيت موضوعها
ومن زين الحظ دخلنا هالبوابه تمينا في وسط الحشره من خلفنا
سيارات وامامنا سيارات واحنا واقفين مكانا تمينا من 9 لين 10 عشان نتجاوز مسافه 10 امتار ملينا ونوينا نرد البيت ونفس الشي مب قادرين
نطلع من المكان وبعد ماتجلت شوي الزحمه قدرنا اخيرا بمساعده السكرتي انه نعود ادراجنا الى البيت


ناهيك عن تحويل كل مواقف الستي محلات
وين قاعدين بالصومال احنا

[£عبدالعزيز£]

المكان صاير ما ينطاق

مع افتتاح المجمعات الجديدة اللي عند اللاند وافتتاح فيلاجيو

اتوقع محد بيروح الستي !!

[بورصواوي]

المكان صاير ما ينطاق

مع افتتاح المجمعات الجديدة اللي عند اللاند وافتتاح فيلاجيو

اتوقع محد بيروح الستي !!

الا متروس فل والزحمه تارسه الشوارع

[puree]

المره الجايه انصحك تروح من المواقف اللي ورا ...

أغلب الأوقات المكان يكون فاضي ..

[WFM]

المكان صاير ما ينطاق

مع افتتاح المجمعات الجديدة اللي عند اللاند وافتتاح فيلاجيو

اتوقع محد بيروح الستي !!


شنهي المجمعات الجديده ؟ ومتى ستفتح ؟

[حسن]

عادي عادي انت في الدوحه مش دبي تقبل كل اشي بصدر رحب وحاول انك تروح قبل لايفتح بساعه

امس دبي مول ولع وطفا بروحه شفت الفرق

[Dana’1]

ما اتوقع خلل او عطل بالجهاز حق الكروت ... اتوقع هو برمجتة كذا "الاستشعار"
بمعنى إن لو يفضى موقف واحد داخل المواقف يطلع لك كرت واذا كان زحمة ولافية اي موقف ما يطلع ... عشان ما تصير الزحمة والضيق زود على ضيق هالسرداب
بصراحة انا مو متأكدة اذا يعمل على هالنظام او لا


بس لان لو تلاحظ مواقف الستي بالذات فيها ليتات اوشاد او تنبية ما اعرف الاسم المناسب لها المهم انه اذا الموقف مشغول كانت حمرا بس تطلع السيارة تخضر وبعد برا عن اللفة الي يم الفندق فية لوحة تنبة إن المواقف فل باللون الاحمر

الحل : يسكرون الستي تسكيرة محترمة لين يشوف لة صرفة مع هالمواقف

والحل الآخر مؤقت وهذا الي سويتة قبل كم يوم شفت السرا ووطلعت الى جهت الابراج مع انة زحمة وضيق بس تلاقي الموقف اسرع بس ممن الواحد يتحوف من العبور وقطع الشارع مشي :) مثلي بس الحمدلله عدت على خير
اول مرة بحياتي اسويها وحسيتها اسرع واشرح من هالقبو الي يجيب الكتمة!!!

[(بوطلال)]

هذا نظام مبرمج مايفتح الباب الا اذا فضا موقف حتى مايصير زحام وختناق داخل المواقف . الزحمه الي صارت هالعيد بسبب اغلاق الفيلاجيو وان شالله تنتهي معا افتتاح الفيلاجيو والمجمعات الجديده مقابل اللاند مارك

[Bozizoo]

ما اتوقع خلل او عطل بالجهاز حق الكروت ... اتوقع هو برمجتة كذا "الاستشعار"
بمعنى إن لو يفضى موقف واحد داخل المواقف يطلع لك كرت واذا كان زحمة ولافية اي موقف ما يطلع ... عشان ما تصير الزحمة والضيق زود على ضيق هالسرداب
بصراحة انا مو متأكدة اذا يعمل على هالنظام او لا


بس لان لو تلاحظ مواقف الستي بالذات فيها ليتات اوشاد او تنبية ما اعرف الاسم المناسب لها المهم انه اذا الموقف مشغول كانت حمرا بس تطلع السيارة تخضر وبعد برا عن اللفة الي يم الفندق فية لوحة تنبة إن المواقف فل باللون الاحمر

الحل : يسكرون الستي تسكيرة محترمة لين يشوف لة صرفة مع هالمواقف

والحل الآخر مؤقت وهذا الي سويتة قبل كم يوم شفت السرا ووطلعت الى جهت الابراج مع انة زحمة وضيق بس تلاقي الموقف اسرع بس ممن الواحد يتحوف من العبور وقطع الشارع مشي :) مثلي بس الحمدلله عدت على خير
اول مرة بحياتي اسويها وحسيتها اسرع واشرح من هالقبو الي يجيب الكتمة!!!

كلامك صحيح اختي

صباحكم خير

[رحال]

أنا أشوفه لاهو تنظيم ولا غيره ..

من يوم ماقاموا بتحصيل الرسوم والعملية فوضه عارمة

زحمه وطوابير من أول ساعة عمل ..

وأصحاب المحلات تكبدوا خسائر طائله ..

[كبير المتداولين]

اخواني الي يقولون مبرمج مايفتح الا اذا فضى موقف اقولكم كل الاجهزه تشتغل والدخول فيه انسيابيه نوعا ما الا هالمدخل وهالجهاز والمشكله حتى لو المواقف فاضيه لانه صار لي نفس الموقف من فتره 6 اشهر والمجمعه فاضي

[اجرام]

اخي العزيز هو الجهاز مبرمج كذا وليس عطل وكل المداخل تعمل بالطريقه هذي خاصه بالفتره المسائيه بحيث كل ٥ دقائق تدخل سياره بحيث ماتصير زحمه داخل المواقف والالويه باخذ الموقف الي يدش قبل

[كبير المتداولين]

ولو فرضنا مبرمج الجهاز شنهو هاي وين قاعدين من سبق لبق والله حاله فشلونا

[@الأدعم@]

انا ماانصحكم تروحون الستي خدمتهم تعبانه وتدفع فلوس للموقف ول اتلقى موقف بعد اتمنى يقفلونه الين يشوفون لهم حل

قاطعوووووووا الستي سنتر

[khaldoon]

مثل ما قال الاخوان هذا النظام فيه سينسر ما تفتح اي بوابة سواء الامامية او الخلفيه الا لو فضي باركينج و اضاء باللون الاخضر بدل الاحمر و مثل ما قلت اللي سبق لبق .....و البوابة الامامية و الخلفية بيصير فيهم تأخير و انا مجرب البوابتين...... في عيب ثاني بهالنظام اللي تم تركيبه بالسيتي بس ما راح اقوله علشان ما اتحمل ذنب الخسارة لصاحب السيتي سنتر

[كبير المتداولين]

مثل ما قال الاخوان هذا النظام فيه سينسر ما تفتح اي بوابة سواء الامامية او الخلفيه الا لو فضي باركينج و اضاء باللون الاخضر بدل الاحمر و مثل ما قلت اللي سبق لبق .....و البوابة الامامية و الخلفية بيصير فيهم تأخير و انا مجرب البوابتين...... في عيب ثاني بهالنظام اللي تم تركيبه بالسيتي بس ما راح اقوله علشان ما اتحمل ذنب الخسارة لصاحب السيتي سنتر

شنهو النظام قوله قوله الحين راعي الستي يخسر في ذمتك .

مايخسر الا هالمساكين الي مأجرين من عنده .

[khaldoon]

شنهو النظام قوله قوله الحين راعي الستي يخسر في ذمتك .

مايخسر الا هالمساكين الي مأجرين من عنده .

هههههههههههه و ايش ذنبي ... انا اللي ركبته له؟؟!!!!..... بس لو بقوله والله ما يعود يطلع ارباح مثل الحين

[Chambray]

مع توجهي مع احد الاقرباء وقد اتى زياره سياحيه الى الدوحه خلال عطله العيد
نوينا الذهاب الى مجمع الستي سنتر
وعند دخولنا من البوابه الشماليه الشرقيه حدث اختناق مروري بسبب مكينه بطاقات دخول المواقف
وهالمكينه اتذكرها من فتره 6 اشهر كانت فيها عيب تقعد ساعه لين تطلع تذكره وانا قليل ماروح الستي سنتر نسيت موضوعها
ومن زين الحظ دخلنا هالبوابه تمينا في وسط الحشره من خلفنا
سيارات وامامنا سيارات واحنا واقفين مكانا تمينا من 9 لين 10 عشان نتجاوز مسافه 10 امتار ملينا ونوينا نرد البيت ونفس الشي مب قادرين
نطلع من المكان وبعد ماتجلت شوي الزحمه قدرنا اخيرا بمساعده السكرتي انه نعود ادراجنا الى البيت


ناهيك عن تحويل كل مواقف الستي محلات
وين قاعدين بالصومال احنا

مساكين اهل الصومال .. مب محصلين 1% من مجمع السيتي الله يفرج كربتهم بس

[يراعٌ فراتي]

وانا اشوف
ان سالفة مواقف الستي كلها بوق ونصب حتى الليتات اللي تبين لك الباركن فاضي ولا مشغول مب شغالة
يعني ليش مجمع تجاري ياخذ فلوس من الناس
انت كمجمع غصبن عنك تامن مواقف للناس شنو باركنات بفلوووووووووووووس

وين وزارة الاعمال و البلدية عنهم وين حماية المستهلك

من سمح لهم بهالشي

سكتنا قلنا تخف الزحمة مو مشكلة بس اشوف النتيجة اسوء
اول ساعة ريالين
3 ريال للساعة الثانية و3 ريال للثالثة
بعدها اعتقد عشرة ريال لكل ساعة

===========

اصلن كل سالفة المواقف سووها عشان موظفي المنطقة حول الستي
يروح الدوام ويقط موتره في الستي

رحت ساعة و 3 دقايق دفعوني ساعتين

وللعلم انا ما طبيت السيتي من 3 سنين الا مرتين او ثلاث

بس تورطت ورحت قبل العيد بيومين

[(محمد)]

بعيدا عن موضوع المواقف

الآن هناك سيارات مطافيء واسعاف في المدخل الرئيسي للسيتي سنتر ولا نعرف السبب


انا موجود في احد الفنادق المجاورة ونرى ذلك من موقعنا

[شموخ]

احمد الله اني ما ادل طريق هالمجمعات والله اسواقنا القديمة احسن منها بمليون مرة

[بوخالد911]

صحيح هالمكين بطئية

مثل الاحمسة

[qrt_trading]

هممممممممممممم أنا اعتقد انهم زادو التعرفه لأني رحت اليوم مع زوجي قعدنا تقريبا ساعتين ونص شفها فلم وطلعنا على طول يعني ساعتين وشوي يمكن دفعونا ١٦ ريال ليش ما ادري.

[كبير المتداولين]

المواقف بفلوس ماعليه ماقلنا شيء لاكن بفلوس وفوقها تنجيع بالساعات لا والي غير رايه خلاص مايبي يدش الستي غصب لازم يغوص في الطوشه

[كتكوت الوحش]

انا اوقف بمواقف وزارة البيئة ما عليها كلام بلاش ومضلله وقريبه :shy:

[الشيخة شيوخة]

بصراحة الستى سنتر يرثاله من الفوضة الى فيه فقد بريقه كان جميل ومميز بس الحين طاح سوقه من بين الاسواق

[monatee]

الباركات بفلوس
المكان ضيق ومافيه امان
المواقف ضيفه وتخاف على السياره
مرتين انضربت سيارتي
وفوق هاي لما اطلع ياخذون علي حول 28 ريال

ماقول الا مالت على النفوس اللي ادور البيزه من كل صوب

[بني تميم]

والله حراام لا خدمه مثل الناس وزحمه :weeping:

[ضوى]

ياكرهي للسيتي ، يغمت القلب ، رحته ثالث العيد مجبورة بغيت اموت من الحر والزحمة اففففف مدري على شنو ، الله يفك اسر الفيلاجيو في القريب العاجل

[بصمة قطرية]

مواقف الستي كئيبة
كفاية إنها ضيقة راحوا ضوقوها زيادة
و فتحوا محلات ...!!!
الناس توسع هاذول يضوقون
الله يضوق على العدو ،،
قبل لا يخلونها بفلوس
كانت أفضل ..

[انا احمد]

الله المستعان ...

[مشتاقة لقطر]

من زمان مارحتله

[السيف5]

بصراحة الستي مأساة رحته امس وانتظرت اكثر من ساعة مالقيت موقف وفي الاخير
وقفت بالشارع الثاني صوب شركة دولفين وعبرت الشارع للستي ..صوب السينما كل
المطاعم مسكرة ...الستي يحتاج اعادة تاهيل

[بريق الحق]

الستي لازم ينهدم ويتصكر ... الستي لم فتح على ايامه كانت الزحمة كلش مقارنة بالي احنا فيه الحين من عدد السكان الي كل يوم وقاعد يزيد

[عيون الدوحة]

ما داني هذا المجمع
والمواقف نص في نصب بعد الساعة ال 3 من الدخول يحسب ١٠ ريال
نصب فب نصب
اليهال توهم راجعين ودافعين ٥٨ ريال للمواقف

[hot2000]

ولا مجمع من مجمعات الدوحه

تجئ واحد من مجمعات دبي والرياض وجدة

قاصين علينا لا مواقف سنعه
ولا محلات عدلة
ولا تنظيم مثل الناس
ولا سيفتي

ناس أدور وين اطلع الفلس غصب

[M S A]

الله يصلح الحال و الله المستعان.

[أكتتاب]

مواقف تعبانه ونظام المواقف تعيس جدا بصراحه

امس رحت الستي وعقب ماطلعت دفعوني
28 ريال

لكن ياجماعه ترى اللي بيروح كارفور في له خصم .. وايضا السينما

انا نسيت اخذ الخصم .. فا دفعووني 28

لا والقهر ان الحين فالطابق الثاني مافي مواقف بعد سكروهم بيسون محلات الظاهر هههههههههههه

شسالفه يدورون كل شبر ويسون فيه محل

الله يهديهم بس

[umm yousef]

حسب علمي توجد خدمة توصيل للستي من احد الابراج المقابلة صوب السلام ، و باص ينقل الناس كل 5 دقايق، لي صديقة تستخدمة ساكنة قريب , اريح و اوفر !.. يمكن يكون حل.. لكن مش كافي ..