ايهم افضل الجلاكسي ام الايفون من خلال استخدامكم

[Bo jassim]

:nice:
ويعطيكم العافية

[حميداني]

الجلاكسي دمر الايفون بكل المقاييس

معاي ايفون 4 اس وعندي جالاكسي نوت واستعملت جالاكسي اس 3 لفتره

يعني شقولك بالنسبه للنوت اخترته لانه جداً روعه , هو على حسب استخدامك
ان اغلب استخدامك انترنت وهالسوالف النوت شي رهيب والحجم صدقني اعطيك اسبوع بتشوفه عادي
وخفيف وما يبان بالثوب ولا البدل يعني صج صج انصحك فيه

انقول ان الحجم ما داش راسك هم بعد الجالاكسي اس 3 مدمر الايفون تدمير
بكل المواصفات من سرعه لقابليه لانه منفتح وتقريباً كل شي يشتغل عليه وعندك حريه اكبر فيه
غير بعد الفلاش اللي عاب الايفون واللي بيهملونه الجالاكسي في الاصدارات اليديده على ما سمعت عشان اكون منصف بعد للايفون

المهم من تجربتي
اقل شي اقل شي .. حذف كل الرسايل باني احدد الكل بضغطه
اغلاق البرامج اللي تشتغل كلها بتحديد الكل بضغطه

التحكم الرهيب اللي تقدر فيه تحديد اي برامج تشتغل على الواي فاي واي برامج تشتغل على الشبكه علشان ما تخسر رصيد على برامج تستعمل داتا بالهبل

فيه مرونه وقدرة تحكم رهيبه بالجالاكسي اشهد لهم فيها
البطاريه بعد اقوى من الايفون بالقو والخصائص اللي توفر البطاريه وايش اللي ما تبيه يشتغل بروحه مع الجهاز والخ هذي امور ثانيه مش متواجده بالايفون

وبزودك بعدين ان فضيت
اهم شي من صوبي ومن تجربتي للاثنين
الجالاكسي بالراحه

مع ذلك انصحك انطر لانه اقريب بينزل الايفون 5 والجالاكسي نوت 2 وفيه جوال ثاني بعد نسيت اسمه
في اشياء قويه بتطلع عالسوق اصبر خنشوف وشعندها

[الخـود]

باختصار الجلكســـــــي أفضــــل..

[captin]

ماجربت السامسونغ طول عمري مع الأيفون

انا حاليا في الولايات المتحدة الأمريكية
ولاحظت انتشار كبير للجلاكسي .

لو اللي جرب الإثنين يسوي جدول مقارنة فني للمزايا بين الأثنين
الأيفون والجلاكسي اعتقد بتكون الصورة واضحة للجميع.

[فلتة زمانها]

يمدحون الجلاكسي
شركة ابل متذابحه مع شركة سامسونج ورافعين قضايا على بعض
نزلت ارباح مبيعاتهم بسبة ان السامسونج ماخذين افكارهم

[حميداني]

مقارنة السيري

http://www.************/watch?v=TKAZOJ5uJFc

مقارنة السرعه

http://www.************/watch?v=5Xo9jFKokQk&feature=related

قوة تحمل الشاشه

http://www.************/watch?v=pnwwz0nyOno&feature=related

سرعة التصفح

http://www.************/watch?v=G_j39rx3gag

روح اليوتيوب واكتب Galaxy s3 vs iphone 4s

[خليفـة]

انا جربت الاي فون
وجربت الجلاكسي

الجلاكسي أفضل من الاي فون بدون كلام
ومن كل النواحي

بطارية وبرامج وسهولة استخدام و و و و الخ ..

وحالياً استخدمة مع البي بي
:)

خليفــة

[سكتون]

اخوي انا جربت الاثنين
مميزات الجلكسي
حجم الشاشه
انفتاح النظام
عيوبه
الدعم التعيس
قلة جودة البرامج
الخامه بلاستيكيه
مميزات الايفون
استقرار النظام
برامج لاتعد ولا تحصى
الدعم القوي من ابل
الخامه الراقيه
عيوبه
انغلاق النظام
حجم الشاشه محتاج زياده الا 4 انج

[BIG-VEGA]

جلكسي النوت خذته او مانزل
استخدمته تقريبا سبوعين .... نزل كل البرامج من الماركت الاصلي وال بلاك ماركت
بعدها تم في الدرج مده اربع او خمس شهور
من فتره قلت اشغله واقطه على اليهال وماشتغل ووديته المحل وصلحوه
والهيال الحين بعد مايبونه يقولون الالعاب توقف واشوفهم يلعبون في الايفون والايباد

من اكبر عيوب نظام الاندرويد الأمان ضعيف جداً مقارنه مع الايفون
والتحديث شبه مستحيل اذا نزل نظام جديد

صحيح ان اغلب البرامج ببلاش بس عشان يضربون الايفون والإعلانات فيها اذيه

الجلكسي أسهل للاستخدام من الايفون
بس الي يعرف حق الايفون صعب يأخذ جلكسي

اما سالفه سرعه وحجم ذاكره الاثنين متقاربين

[حميداني]

جلكسي النوت خذته او مانزل
استخدمته تقريبا سبوعين .... نزل كل البرامج من الماركت الاصلي وال بلاك ماركت
بعدها تم في الدرج مده اربع او خمس شهور
من فتره قلت اشغله واقطه على اليهال وماشتغل ووديته المحل وصلحوه
والهيال الحين بعد مايبونه يقولون الالعاب توقف واشوفهم يلعبون في الايفون والايباد

من اكبر عيوب نظام الاندرويد الأمان ضعيف جداً مقارنه مع الايفون
والتحديث شبه مستحيل اذا نزل نظام جديد

صحيح ان اغلب البرامج ببلاش بس عشان يضربون الايفون والإعلانات فيها اذيه

الجلكسي أسهل للاستخدام من الايفون
بس الي يعرف حق الايفون صعب يأخذ جلكسي

اما سالفه سرعه وحجم ذاكره الاثنين متقاربين

النوت على حسب استخدامك له , يمكن انت مش من النوعيه اللي تستعمل النت والاديتينج وهالسوالف وايد
اما من ناحية ان الالعاب توقف ومادري ايش تأكد انه يكون في ميموري خارجي علشان الضغط ما يكون على سيستم الفون ونزلك برنامج يمسح الكاتش بضغطه مثل الويدجت

اما من ناحية الابديت فالابديت بالنسبه لي عكس اللي تقوله
انا ينبهني اول ما يجي اصدار جديد ويسألني تبي تنزله ولا لا ما يبيله شي

ولا مقارنه بالحجم , حجم الجالاكسي ممكن يكبر على قد الميموري اللي تحطه
وفيه ميموري له 162 قيقا

والامان لا تحاتيه ان كنت ما تنزل برى القوقل ستور اما ان كنت تنزل من مواقع مش موثوقه فهذي لها انتي فايروس
وهذا فرق ممكن تعتبره ميزه لانه يعطيك الحريه فانت مش مجبر تتقيد بالقوقل ستور , واهناك كثير من المواقع الموثوقه ومنها امازون وايباي

أعتقد ان مشكلتك انك ما لك بارض تتعود وتتعلم عليه
هاي كل ما في الموضوع

[Bo jassim]

يعطيكم العافيه على المعلومات القيمة
وماقصرتو

[المبرمج صلاح]

galaxy s 3

هو الجهاز المتربع على العرش حتى الان بكل المقاييس

اذا الايفون 5 المنتظر لم يتغلب عليه فتقدر تقول السلام على الايفون و شركة ابل

[بوحمد1]

انا جربت الاثنين وبصراحة يبقى الايفون شيخ ومحافظ على مستواه

والسامسونج 3 ماعجبني وتركته في البيت

وجهة نظر

[حميداني]

انا جربت الاثنين وبصراحة يبقى الايفون شيخ ومحافظ على مستواه

والسامسونج 3 ماعجبني وتركته في البيت

وجهة نظر

الشي الوحيد اللي ما عجبني في الجالاكسي اس 3 شكله , شكله ما بلعته علشان جذي ما خذته
:telephone: ان شاءالله ما تكون اشاعة شكل النوت اليديد في انها اتكون شكل الاس 3 صح

[BIG-VEGA]

النوت على حسب استخدامك له , يمكن انت مش من النوعيه اللي تستعمل النت والاديتينج وهالسوالف وايد
اما من ناحية ان الالعاب توقف ومادري ايش تأكد انه يكون في ميموري خارجي علشان الضغط ما يكون على سيستم الفون ونزلك برنامج يمسح الكاتش بضغطه مثل الويدجت

اما من ناحية الابديت فالابديت بالنسبه لي عكس اللي تقوله
انا ينبهني اول ما يجي اصدار جديد ويسألني تبي تنزله ولا لا ما يبيله شي

ولا مقارنه بالحجم , حجم الجالاكسي ممكن يكبر على قد الميموري اللي تحطه
وفيه ميموري له 162 قيقا

والامان لا تحاتيه ان كنت ما تنزل برى القوقل ستور اما ان كنت تنزل من مواقع مش موثوقه فهذي لها انتي فايروس
وهذا فرق ممكن تعتبره ميزه لانه يعطيك الحريه فانت مش مجبر تتقيد بالقوقل ستور , واهناك كثير من المواقع الموثوقه ومنها امازون وايباي

أعتقد ان مشكلتك انك ما لك بارض تتعود وتتعلم عليه
هاي كل ما في الموضوع
مسحت الكاتش .... بعدين التلفون جديد مته لحق يمتلي الكاتش!!!

وانا من النوع الي يستخدم النت :)

والتحديث .... النوت يجي بنظام السندويتش (شال الاسامي) اقدر اسويه الايسكريم (عاشت الاسامي)
بالطرق الرسميه لا والف لا

[اليحصبي]

حآليا لم ابلـع الـ قلكسي إطلاقا
http://www.mrusf.com/imgs/bbm/biggrin.png
بس ينزل الايفون الجديد ونحكم
http://www.mrusf.com/imgs/bbm/angel.png

[النهار]

الاي فون وبس

[kitmat]

الايفون ثم الايفون انا شريت من فترة انا وزوجي يعني خذنا 2 جلاكسي نوت واحد لي وواحد له اول ما شريناة استانسنا علية وبعد اسبوعين ماقدرت مزعج كبير يضحك شكلك اذا بتستخدمة للاتصال حتى الواتس اب شوي معقد مب مثل الايفون سهل في كل شي الجلكسي اصعب والحين انا وزوجي ركناه على جنب وحاليا نستخدم الايفون الصراحة انا ما انصحك

[حميداني]

مسحت الكاتش .... بعدين التلفون جديد مته لحق يمتلي الكاتش!!!

وانا من النوع الي يستخدم النت :)

والتحديث .... النوت يجي بنظام السندويتش (شال الاسامي) اقدر اسويه الايسكريم (عاشت الاسامي)
بالطرق الرسميه لا والف لا


ايه تقدر بالطرق الرسميه اتحصله في السيتينج ان كان له تحديث
ممكن تخليه على انه يحدث بشكل اتوماتيكي ^^ ان حبيت

[مثير للجدل]

اكيد الايفون افضل ،، الجلكسي معقد وشكله (..)
الايفون سلس ومريح ونظام تشغيل افضل
انتظر الجديد واترك عنك الكوبي بست
للعلم عندي جالكسي٢ وال٣ يعني اتكلم عن تجربه
الايفون افضل بمراحل كثيره حق الي يفهم فقط هالكلام
وشكرا

[jaf111]

iphone

[حميداني]

ايه والبلوتوث ^^

[TEAMspirit]

الايفون بدون تردد

[gxr o.z]

galaxy s3

[آلملآزم]

الايفون بلا منازع

[قطري vip]

Galaxy s3 او note وبس

[كتكوت الوحش]

Galaxy s3

[حميداني]

Note II قريب

[sweet qatar]

الجلاكسي أفضل..

ما استغنى عنه خصوصا للشغل..

افتح عليه كل التطبيقات وشاشته مريحة ما اتعب لما اشتغل عليها ثلاث او اربع ساعات متواصل..


عيال اختي صغار الله يحفظهم ماخذين جهاز ابوهم عشان الالعاب.. مستانسين عليهم..
مع ان عندهم ايفون وايباد..

وبعد من مدة سمعت بنات المكتب يتكلمون عن جهاز المدير ^_^


يعني ماعندك مشكلة مع الالعاب او مع الفخامة.. والناس أذواق..


على العموم جرب الاثنين وقرر بنفسك.. بالتوفيق..

[بوخالد911]

ايفون

والجديد 5
بتكون شاشته 4 انش

وحاليا الشاشة 3 ونص