فندق في الدوحه للمتزوجين الجدد :)

[fahad123]

السلام عليكم ورحمة الله وبركاته

كل عام وانتم بألف خير وتقبل الله صيامكم وقيامكم

واعاده الله علينا وعليكم وعلى المسلمين بالمن والامان ان شاءالله


مثل ماهو موضح في العنوان
بصراحه خويي من الكويت زواجه في الدوحه ان شاءالله
ويبي فندق حلو وراقي وهااادي وخدماتهم للمتزوجين الجدد حلوه
وبصراحه بما اني للحين عزااابي :weeping: ماعرفت شنو الفنادق
اللي تصلح ومثل طلبه :rolleyes2:

خبركم الرجال تووه فرش يبي فندق يسوي له حركات خنفشاريه :tease:

[غايه الطواش]

فندق دبليو سويت wow
فندق شرق بس إزعاج الليل الطيارات سنداره
بس خدمتهم للمتزوجين او عيد زواج وايد حللوه

[عيون الدوحة]

منتجع القصار

[Abdullah_89]

فندق دبليو وبالتحديد سويت واو


فندق الريتز كارلتون

وفندق سانت ريجس


بس لازم يكلم العلاقات العامه فالفندق ويقولهم ان متزوجين جدد


في شغلات مميزه يحطونها فالغرفه مثل مفرش خاص وورد في البانيو وكيك واضاءات ( عن تجربه في فندق شرق وبمبلغ رمزي ) بس فندق شرق عيبه ازعاج الطيارات مثل ماذكر العضو غايه الطواش


بالتوفيق والفال لك يارب

[الخـود]

فورسيزون

[بن غيث]

الاهم مثل ما اذكروا الشباب
انهم يخبرون ادارة الفندق انهم في شهر العسل وهم بيتولون الباقي بدون رسوم اضافية
لا تروح جراند .. خدمتهم تعبانه
اللهم يديم شهر العسل عليهم ان شاء الله

[انا احمد]

فندق w او شرق "راس بوعبود" ...

[fahad123]

مشكووورين جزاكم الله خير

انا مره شفت موضوع اعتقد لغاية الطواش عن فندق دبليو سويت wow

وبنصحه يسكن هالفندق

بس مادري كم سعر هالسويت ؟!!

[م. عبدالعزيز]

الهيلتون حلو على البحر

[fahad123]

شكرا لك اخي المهندس عبدالعزيز
على اقتراحك

باخذ فيه لفه على الفنادق اللي ذكرتوها

جزاكم الله خير ووفقنا الله واياكم والمسلمين :)

[السد]

شوف فندق التاور تورش
بجانب استاد خليفة

[آنــه]

السانت ريجست وايد راقي ونضيف و قعداته حلوه وجديد ويبيضون ألويه
أتوقع انه افضل بعد من الجميع لان مكانه هادي

[بو شريم]

وين مكانه اختي؟

[بـارود]

في فندق جديد توهم فاتحينـه بس ناسي اسمـه

جنب مصنع البيبسي القديم على طريق المطار

ومقابل بنك hsbc

[السهم الملتهب]

السانت ريجست وايد راقي ونضيف و قعداته حلوه وجديد ويبيضون ألويه
أتوقع انه افضل بعد من الجميع لان مكانه هادي


http://www.booking.com/hotel/qa/the-st-regis-doha.ar.html?sid=78675d01cb64294127fef6e62e27fd85; dcid=1

هذا الفندق اللي تقصدة الاخت وهو ملاصق تقريبا لفندق أنتركنتنتال الدوحة على بعد 40 متر أن لم يكن أقل وهو يقع في جهة الجنوب لملاهي علاء الدين سابقا وأنت قاعد على البلكونة تشوف كتارا أذا أعطوك في جهة كتارا ما يعيبه هو غلاء سعره فقط لكن الهدوء هادئ جداااااااااااااا ..:nice:

[المسعف]

الجماعة كفو و وفو
مشاركتي لك هي
الف الف مبروك (زواج مبارك)

[fahad123]

ماقصرتوو جميعاا

كفيتو ووفيتوو

[الزعفراني]

ابعد عن فندق دبليو هيصه وازعاج تالي الليل .. الشباب الاجانب ورفيجاتهم المشخلعات داشين طالعين

أرشح لك سويت في الفورسيزون .. أو الريتزكارلتون ..

[عزووز قطر]

بتكلم من واقع تجربة
جربت الريتز كارلتون وكان التعامل سئ للغاية
النقطة الاولى انا مخبرهم ان هاني موون وماحطوا لا ورد ولا فواكه ولا هالحركات الحلوة ،،،

ويوم طلبت عشا تأخر وماوصل الا عقب ساعة تقريبا :rolleyes2:

والنقطة الثالثة وهي الاهم الحجز كان يوم الخميس والمفروض اطلع يوم الجمعة الظهر ،،، خبرت الرسبشن على أساس أمدد ساعة وحدة بس ،،، علشان اصلي الجمعة وارجع اسوي جيك اوت ورفضوا :rolleyes2:

مع اني سكنت في الكثير من الفنادق وكانوا يتساهلون اذا التمديد يكون ساعة او ساعتين بالكثير ،،،

بس للامانة السويت شكله فخم والفيو على المارينا وكان حلوو وشرح
بس الخدمة سيئة

والله يبارك للمعرس

[تركي محمد]

استغرب في اعضاء امدحوا فندق يعتبر من ازبل الفنادق
وانتوا بكرامه

عموما من خلال تجربة

فندق الشيراتون
فندق فور سيزن
فندق سينت ريجز
فندق الهيلتون - الجديد

[النجلا]

نصيحة مجرب فندق الريتز كارلتون ابتعد عنه ولاتقرب صوبة خدمتهم جدا سيئة ..

ومبروك زواج رفيجك وعقبالك ..

[fahad123]

والله مادري احترت الحين شنو ارشح له من الفنادق

بس على كل حال ماقصرتو والله
عساكم ع القوة ي رب

برشح له على كل الفنادق المذكوره وبترك له الخيار :)
وبعطيه كل النصايح اللي ذكرتوها

[PGR]

الشيخ خذ هالفندق جراند هيرتيج من احلى الفنادق ومميز موجود في منطقة اسباير ويكفيك منظر الفندق :

http://www.grandheritagedoha.com/files/images/preview/_D3X7830compressedwebsite.JPG

وهذا موقعهم :

http://www.grandheritagedoha.com/home

وبالتوفيق ان شاء الله

[اللوز]

شوف فنادق سوق واقف