&& تجاربي الشخصية مع : كيوتل - القطرية - حماية المستهلك &&

[خليفـة]

بسم الله الرحمن الرحيم

أحب ابدأ كلامي انني هنا لا أسوق لأي أحد .. ولا أعمل دعاية لأي جهة
ولكنني أقول كلمة الحق .. والله على ما اقول شهيد

:)

http://im27.gulfup.com/2012-08-22/1345667658431.jpg (http://www.gulfup.com/show/X9eqdnhj882cc4k)

تجربتي الأولى .. الخطوط القطرية :

قبل عدة سنوات .. حجزت باكيج كامل عن طريق القطرية للعطلات لأحدى الدول العربية
ولما وصلت .. طلعت بعض النواقص .. وحسيت بالاستياء .. ولما رجعت الدوحه
راجعت المكتب الرئيسي للقطرية .. وشرحت لهم الي صار .. وقالوا لي :
امهلنا حتى غدا الصباح لنتأكد من مصداقية كلامك .. وبنتصل لك .
واليوم الثاني كلموني وقالوا لي تشرفنا المكتب .. لما رحت قالت مدير العطلات
كلامك صحيح .. ونعتذر لك عن الي صار .. وانا بأسم القطرية :
نهديك باكيج كامل جديد .. لأي دولة تختارها في شرق اسيا شاملة :
التذاكر لشخصين .. والسكن بفندق 5 نجوم مع وجبة الأفطار .. والمواصلات من والى المطار
شامل الضريبه وجميع الرسوم .. واخترت اروح ماليزيا


http://im27.gulfup.com/2012-08-22/1345667658593.jpg (http://www.gulfup.com/show/X11mxilyxvlis8w)

تجربتي الثانية .. شركة كيوتل :

قبل فترة .. انقطع أحد الكوابل الخاصة بكيوتل بالقرب من منزلي
مما ترتب عليه انقطاع خدمات كيوتل عني .. تلفون وانترنت لمدة 20 يوم تقريباً
وبعد اصلاح العطل وعودة الخدمة .. اتصلت بخدمة العملاء .. وقلت لهم :
المفروض انكم ما تطالبوني بأي رسوم عن الخدمة للفترة الماضية
لأني لم أستفيد من التلفون الأرضي والانترنت لمدة 20 يوم
قالت لي الموظفة .. عطني دقايق وبنرجع نتصل عليك
اتصل لي اليوم الثاني مسؤول خدمة العملاء في كيوتل .. واعتذر لي عن
الانقطاع الغير مقصود للفترة الماضية .. وقال لي لن نطالبك بأي مبلغ طوال فترة
تصليح العطل ونظراً لعدم استفادتك من الخدمات المقدمة طوال الفترة الماضية
وجاتني الفاتورة بالفعل مخصوم منها رسوم 20 يوم

http://im13.gulfup.com/2012-08-22/1345669051191.bmp (http://www.gulfup.com/show/X34wt7dk42728wc)

تجربتي الثالة .. حماية المستهلك :

ذهبت مع صديق لأحد المطاعم المعروفة في السد
وطلبنا نشرب عصير .. وبعد فتره جاني الجرسون وقال لي :
مدير المطعم يقول لازم تطلب طلب بقيمة أعلى من قيمة العصير
حتى نتمكن من خدمتك .. توجهت للمدير مباشرة .. وقال لي نفس الكلام
ولم يناسبني اسلوبه في الكلام .
اليوم الثاني اتصلت لحماية المستهلك .. ويشهد الله ان الشيخ مدير حماية المستهلك
هو من استقبل مكالمتي بنفسه .. ولم أكن اعلم انه الشيخ
وشرحت له الي صار معاي .. وقال لي تتصل على رقم الشكاوي حتى تتسجل الشكوى
وتشرفنا الأدارة بكرة الصباح .. اليوم الثاني رحت لهم .. وشرحت الي صار
وقالوا لي تعطينا يوم للتأكد من الي صار معاك .. وبعدها بيوم اتصلوا لي وقالوا لي :
مدير المحل اعترف بطريقة غير مباشرة .. ولكنه في النهاية اعترف وكلامك صحيح
تم استدعاء مدير المطعم واستدعائي لأدارة حماية المستهلك لحل المشكلة بطريقة وديه
ولكني اصريت ان يأخذ القانون مسراه .. وفي النهاية قال لي مدير المطعم لو ما تنازلت
بينقطع رزق الموظفين لفترة طويلة .. وهذا شي ما يرضيك .. وقالوا لي في حماية المستهلك
انت سيد القرار .. لو ما تنازلت اليوم بيتسكر المطعم لمدة لا تقل عن شهر
في النهاية .. تنازلت وانا رافع راسي .. واخذت تعويض محترم من المطعم
حتى بتأدب المدير من جهة .. وحتى يعرفون ان القطري مب لقمة سهله

الخلاصة من الموضوع .. كل شخص له حق يطالب فيه
راح يحصل على حقه ان شاء الله كامل مكمل .. بس المهم يعرف وين يتوجه
وماذا يطلب .. والأهم من ذلك ان تكون مطالبة مشروعة وقانونية

:)

ياليت الي له تجارب ايجابية يذكرها .. اما التجارب السلبية
المنتدى عامر بها


وسلامتكم

خليفـــة

[حميداني]

نادر جداً من يتطرق للامور الايجابيه وينصف
احترامي لك ولهالشركات اللي اثبتت جودتها لك كعميل

نتمنى نشوف منهم المزيد

بالتوفيق

[حميداني]

تدري شلون , تمنيت لو كانو يدرسونا قواعد القانون العامه في المدارس
علشان ما نكون لقمه سهله لكل متلاعب في جهلنا به

عالعموم يعطيك العافيه يا خليفه

[خليفـة]

نادر جداً من يتطرق للامور الايجابيه وينصف
احترامي لك ولهالشركات اللي اثبتت جودتها لك كعميل

نتمنى نشوف منهم المزيد

بالتوفيق


تدري شلون , تمنيت لو كانو يدرسونا قواعد القانون العامه في المدارس
علشان ما نكون لقمه سهله لكل متلاعب في جهلنا به

عالعموم يعطيك العافيه يا خليفه

حياك الله اخوي حميداني
للأسف اخوي .. مشكلتنا ان نفتح عيونا للسلبيات فقط
والايجابيات نتجاهلها
انا ما اقول انه مافيه سلبيات .. بلى .. هناك سلبيات
ولكن في المقابل الكمال لله وحده
ولا بد من حصول القصور من هذه الجهة او تلك

استغرب لما اشوف حد يشجع على مقاطعة كيوتل او القطرية
ودي اقول له : خف علينا يالي بتخليهم يعلنون افلاسهم
في النهاية بترجع لهم وانت تضحك
ليش ما تنتقد وتطالب بطريقة قانونية ونظامية
واذا محد انصفك .. هناك جهات اعلى تتقدر تتوجه لها
فقط لو كنت على حق

حياك الله اخوي وشاكر لك مرورك
:)

[حميداني]

:) هههه .. الله يقويك

[khaldoon]

والله كلام جميل و اهنيك يا الغالي على الدعوة الى الخير و ذكر الايجابيات كما يوجد من يدعو الى الشر و ذكر السلبيات

اهنيك لانك ترى الجزء المليء من الكوب بينما غيرك لا يرى الا الجزء الفارغ منه

ما في حق يضيع اذا وراه مطالب و ناس تبي تنصف و تعدل ان شاء الله

كل الشكر و التقدير على هذا الموضوع الجميل

[captin]

خليفة ,,,

طريقة حضارية وراقية في تقييم الشركات وأنت أخترت اكبر ثلاث جهات
ما بين شركتين اللي هم القطرية وكيوتل وإدارة حكومية ممثلة في حماية المستهلك
لها تعامل مع اكبر قطاع من الجمهور في الدولة .

أنا شخصيا ما حصل لي موقف مع إحدى الجهات الثلاث المذكورة لكن تقييمي على الخدمات
المقدمة كالتالي :

القطرية

خلال السنوات القليلة الماضية ما سافرت على شركة طيران غير القطرية من الدوحة
والحقيقة أنها فعلا أسم على مسمى طيران الخمس نجوم من جميع النواحي ولو حصل قصور
في بعض مواسم الذروة او عطل فني طارئ أجل قيام رحلة عن موعدها أو أجواء غير مناسبة
أخرت هبوط طائرة عن موعدها أو حالة مرضية طارئة في الجو أدت إلى هبوط الطائرة بأقرب مطار ومن ثم تاخير جميع الركاب فهذه الظروف المذكور كلها خارجة عن الإرادة ولا تتعمد أي شركة طيران فعلها. السعر ما راح اتطرق له لأن له سياسة عالمية مطبقة بالنسبة للطيران المباشر أو الترانزيت. ويمكن البعض يختلف مع هذه السياسة وله وجهة نظرة.


كيوتل

تعاملي معهم عادي جدا للخدمات المعروفة الخطوط الثابته والإنترنت والجوال وكل اللي اسويه
إني لما تجيني رسالة بالفواتير اللي علي أدخل الموقع وأسدد سواء كنت في الدوحة أو مسافر.
بس بشكل عام اشوف الخدمات تقدمت وتحسنت عن فترة خمس سنوات مضت من ناحية كاونترات التحصيل خدمات الرد على المكالمات إدخال احدث المنتجات في مجال الإتصالات مثل الفايبر للانترنت واجهزة الواي فاي المنزلية الحديثة وغيرها.
يعيب كيوتل ضعف شبكة الجوال وهاذي شكوى عامة لدى الجميع وخصوصا في السنة الأخيرة
يعيبها أيضا أن العروض ضعيفة وما فيها توفير كبير للزبون مثل ماهو حاصل في السعودية وغيرها من دول الخليج كل العروض وهمية ولو حسبناها عدل نلقى ما فيها توفير حقيقي.

إدارة حماية المستهلك

الإدارة المنتقدة على نطاق واسع في السنتين الأخيرتين بسبب التضخم وإرتفاع الأسعار
لو نظرنا لدور هاذي الإدارة الحقيقي يفترض انه يكون في ضمان تقديم سلعة او خدمة بمواصفة
عالية الجودة تتطابق مع المواصفات القياسية القطرية أو الخليجية بسعر مناسب يتناسب وتكلفة المواد او الخدمات , لكن الإدارة دائما تبرر انها ليست جهة رقابة على الأسعار وان هذا الإختصاص غير مذكور في اختصاصاتها.

أنا أشوف أن هاذي الإدارة تحتاج لإعادة هيكلة وإعادة دراسة اختصاصاتها والحاق خبراء على مستوى من الخبرة والإلمام في الأسواق والإسعار المحلية والخليجية والعالمية وان يكون واحد من إختصاصاتها المهمة هو مراقبة الإسعار سواء للسلع أو الخدمات ودراسة الإسعار بين فترة وأخرى وربطها بمستوى التضخم السنوي بدولة قطر وإصدار توصياتها ورفعها للحكومة بين فترة وفترة لوضع الضوابط المناسبة للأسعار لكافة السلع والخدمات.


وختاما وحدة من وسائل قياس جودة الخدمات هي اخذ آراء الجمهور او متلقي الخدمة
والمفروض تهتم الشركات والجهات اللي تقدم خدماتها للجمهور وتطلب منهم تقييم خدماتها بكل واقعية ودقة لتطوير تلك الخدمات .

يعطيك العافية

[sendarala]

يعطيكم العافية وردودكم تثلج الصدر بس بعد مثل ما قلتوا في اخطاء وسلبيات وعدم مطالبة الفرد بحقوقه


ولكم مني جزيل الشكر

[بصمة قطرية]

ما ضاع حق وراه مطالب ~
بس للأسف وين اللي بيطالب ..!!!

[خليفـة]

والله كلام جميل و اهنيك يا الغالي على الدعوة الى الخير و ذكر الايجابيات كما يوجد من يدعو الى الشر و ذكر السلبيات

اهنيك لانك ترى الجزء المليء من الكوب بينما غيرك لا يرى الا الجزء الفارغ منه

ما في حق يضيع اذا وراه مطالب و ناس تبي تنصف و تعدل ان شاء الله

كل الشكر و التقدير على هذا الموضوع الجميل
حياك الله اخوي خلدون
شاكر لك المرور الطيب والمشاركة الجميلة
:)



خليفة ,,,

طريقة حضارية وراقية في تقييم الشركات وأنت أخترت اكبر ثلاث جهات
ما بين شركتين اللي هم القطرية وكيوتل وإدارة حكومية ممثلة في حماية المستهلك
لها تعامل مع اكبر قطاع من الجمهور في الدولة .

أنا شخصيا ما حصل لي موقف مع إحدى الجهات الثلاث المذكورة لكن تقييمي على الخدمات
المقدمة كالتالي :

القطرية

خلال السنوات القليلة الماضية ما سافرت على شركة طيران غير القطرية من الدوحة
والحقيقة أنها فعلا أسم على مسمى طيران الخمس نجوم من جميع النواحي ولو حصل قصور
في بعض مواسم الذروة او عطل فني طارئ أجل قيام رحلة عن موعدها أو أجواء غير مناسبة
أخرت هبوط طائرة عن موعدها أو حالة مرضية طارئة في الجو أدت إلى هبوط الطائرة بأقرب مطار ومن ثم تاخير جميع الركاب فهذه الظروف المذكور كلها خارجة عن الإرادة ولا تتعمد أي شركة طيران فعلها. السعر ما راح اتطرق له لأن له سياسة عالمية مطبقة بالنسبة للطيران المباشر أو الترانزيت. ويمكن البعض يختلف مع هذه السياسة وله وجهة نظرة.


كيوتل

تعاملي معهم عادي جدا للخدمات المعروفة الخطوط الثابته والإنترنت والجوال وكل اللي اسويه
إني لما تجيني رسالة بالفواتير اللي علي أدخل الموقع وأسدد سواء كنت في الدوحة أو مسافر.
بس بشكل عام اشوف الخدمات تقدمت وتحسنت عن فترة خمس سنوات مضت من ناحية كاونترات التحصيل خدمات الرد على المكالمات إدخال احدث المنتجات في مجال الإتصالات مثل الفايبر للانترنت واجهزة الواي فاي المنزلية الحديثة وغيرها.
يعيب كيوتل ضعف شبكة الجوال وهاذي شكوى عامة لدى الجميع وخصوصا في السنة الأخيرة
يعيبها أيضا أن العروض ضعيفة وما فيها توفير كبير للزبون مثل ماهو حاصل في السعودية وغيرها من دول الخليج كل العروض وهمية ولو حسبناها عدل نلقى ما فيها توفير حقيقي.

إدارة حماية المستهلك

الإدارة المنتقدة على نطاق واسع في السنتين الأخيرتين بسبب التضخم وإرتفاع الأسعار
لو نظرنا لدور هاذي الإدارة الحقيقي يفترض انه يكون في ضمان تقديم سلعة او خدمة بمواصفة
عالية الجودة تتطابق مع المواصفات القياسية القطرية أو الخليجية بسعر مناسب يتناسب وتكلفة المواد او الخدمات , لكن الإدارة دائما تبرر انها ليست جهة رقابة على الأسعار وان هذا الإختصاص غير مذكور في اختصاصاتها.

أنا أشوف أن هاذي الإدارة تحتاج لإعادة هيكلة وإعادة دراسة اختصاصاتها والحاق خبراء على مستوى من الخبرة والإلمام في الأسواق والإسعار المحلية والخليجية والعالمية وان يكون واحد من إختصاصاتها المهمة هو مراقبة الإسعار سواء للسلع أو الخدمات ودراسة الإسعار بين فترة وأخرى وربطها بمستوى التضخم السنوي بدولة قطر وإصدار توصياتها ورفعها للحكومة بين فترة وفترة لوضع الضوابط المناسبة للأسعار لكافة السلع والخدمات.


وختاما وحدة من وسائل قياس جودة الخدمات هي اخذ آراء الجمهور او متلقي الخدمة
والمفروض تهتم الشركات والجهات اللي تقدم خدماتها للجمهور وتطلب منهم تقييم خدماتها بكل واقعية ودقة لتطوير تلك الخدمات .

يعطيك العافية





الله يعافيك اخوي
وفيت وكفيت للأمانة

لك كل الشكر والتقدير على هالمشاركة الأكثر من رائعة اخوي
:)


يعطيكم العافية وردودكم تثلج الصدر بس بعد مثل ما قلتوا في اخطاء وسلبيات وعدم مطالبة الفرد بحقوقه


ولكم مني جزيل الشكر
حياج الله اختي سندريلا
لابد من وجود بعض السلبيات والنواقص في كل جهة ومكان
شكرا لمرورج الجميل
:)


ما ضاع حق وراه مطالب ~
بس للأسف وين اللي بيطالب ..!!!

صدقتي اختي بصمة
مثل عادتج .. تدخلين اي موضوع
وتحطين بصمة جميلة من بصماتج الطيبة
:)
شكرا للمرور اختي بصمة

[بـن عدوان]

عندي سؤأل اخوي خليفة

الحين في حال قعدت في اي مطعم في الدوحة .. و قالوا لي لازم يكون الطلب فوق مبلغ معين .. هل يعتبرون مخالفين ؟

[خليفـة]

عندي سؤأل اخوي خليفة

الحين في حال قعدت في اي مطعم في الدوحة .. و قالوا لي لازم يكون الطلب فوق مبلغ معين .. هل يعتبرون مخالفين ؟

نعم اخوي الكريم
وما يحق لمدير المطعم او اي شخص انه يجبرك ان تطلب طلب معين بسعر معين
المهم انك تطلب شيء من المينيو .. عصير او اي شي يعجبك
وما تقعد اخوي من غير ماتطلب
والي فيه خير .. خله يرفض ينزل لك العصير او الطلب الي تبيه
:)

انا صارت معاي شخصياً
وبمطعم راقي ومحترم جداً
وكما ذكرت القصه في المشاركة اعلاه .. بعد الشكوى
طلعتها عليهم اغلى من بيع السوق
وعوضوني تعويض يسوى قيمة العصير الي رفضوا ينزلونه
عشرات الأضعاف
:)
شكرا لمرورك اخوي

[الخزرجي قطر]

الله يعطيك العافيه زين سويت فيهم وطالبت بحق من حقوقك
انا استفدت من تجاربك وموضوعك حتى لاأهمل حقوقي مستقبلا
رغم انه لي تجربه سابقا مع مصرف قطر المركزي وقدمت شكوى
على احدى شركات التمويل عن طريق الانترنت ومافي حد سأل عن شي

[خليفـة]

الله يعطيك العافيه زين سويت فيهم وطالبت بحق من حقوقك
انا استفدت من تجاربك وموضوعك حتى لاأهمل حقوقي مستقبلا
رغم انه لي تجربه سابقا مع مصرف قطر المركزي وقدمت شكوى
على احدى شركات التمويل عن طريق الانترنت ومافي حد سأل عن شي

اللہ يعافيك اخوي
المطالبة بالحقوق اخوي تحتاج للمتابعه أول بأول
ومن جهة آلة جهة
وفي النهاية بتوصل لحقك بأذن اللہ
شكرا لمرورك اخوي وقواك اللہ
:)

[النهار]

نعم اخوي الكريم
وما يحق لمدير المطعم او اي شخص انه يجبرك ان تطلب طلب معين بسعر معين
المهم انك تطلب شيء من المينيو .. عصير او اي شي يعجبك
وما تقعد اخوي من غير ماتطلب
والي فيه خير .. خله يرفض ينزل لك العصير او الطلب الي تبيه
:)

انا صارت معاي شخصياً
وبمطعم راقي ومحترم جداً
وكما ذكرت القصه في المشاركة اعلاه .. بعد الشكوى
طلعتها عليهم اغلى من بيع السوق
وعوضوني تعويض يسوى قيمة العصير الي رفضوا ينزلونه
عشرات الأضعاف
:)
شكرا لمرورك اخوي



اقدر اشتكي على مطعم يرفض توصيل الطلب اقل من 50 ريال يقولك لك لازم الطلب يكون 70 او80 ريال ويقول لك انا بطلع لك مخصوص ويوم يوصل لين عندك تشوف الموتر متروس طلبات وهو في الاصل كاتب على المحل توصيل الطلبات مجانا ومش محدد القيمه

[خليفـة]

اقدر اشتكي على مطعم يرفض توصيل الطلب اقل من 50 ريال يقولك لك لازم الطلب يكون 70 او80 ريال ويقول لك انا بطلع لك مخصوص ويوم يوصل لين عندك تشوف الموتر متروس طلبات وهو في الاصل كاتب على المحل توصيل الطلبات مجانا ومش محدد القيمه



أخي الكريم
أنـت سألت وجاوبت بنفس الوقت
كاتب إن التوصيل مجانا
ؤمش محدد القيمة
إكلم إدارة المطعم اخوي انهم لو ما وصلوا لك الطلب
بتشتكي عليهم فـي إدارة حماية المستهلك
وأذا ما وصلوا لك الطلب
تقدم بشكوى عليهم وتاكد انهم بيتخذون معاهم الأجراء اللازم
ؤلاحبذا لو دعمت كلامك بتسجيل المكالمة
وصورة للسيارة إلي مكتوب عليها : التوصيل مجانا
صدقني اخوي .. يتشوف مدير المطعم ذليل جدامك حتى تتنازل عن الشكوى
:)
بالتوفيق اخوي إن شاء اللہ

[بوخالد911]

هلا بو دعي

لي موقفين مشرفين

حماية المستهلك : اشتكيت ع مطعم السلطان بشارع النصر
وعند التحقق من صدق شكواي
تم توحيد سعر الشاورما ب 7 ريال
ولله الحمد

وقبل كانوا يقصون ع الزباين بالتالي : لو طلبت تيك اوي السعر ب 7 ريال

لو بتاكل داخل المطعم السعر ب 10 ريال !!!!!!!!!!!!!!!

الحين خلاص تم توحيد الاسعار وجاني اتصال تأكيد من حماية المستهلك وبنفسي مريت ع المطعم وتاكدت منه شخصيا



كيوتل : بشهر 11 / 2011 شريت ايفون 4 اس من فرع كيوتل بالسيتي بسعر 2700 ريال
وقالوا وياه بيكون رقم مجاني بقيمة 500 ريال
قلت اوك

وبعد شهر وشي جاتني فاتورة انهم شركوني بباقة الانترنت بقيمة 200 ريال شهريا
وهالشي ما وضحوووه لي بالعرض مالهم

وقمت عليهم قوووومة
واتصلت واشتكيت
وقلت مالكم حق تاخذون مني ولا ريال

وبعد التحقق من صدقي تم خصم المبلغ والغاء باقة النت


الخلاصة : لازم يكون يكون لسانك مبلتع وياهم عشان تاخذ حقك

وعيدكم مبارك

[خليفـة]

هلا بو دعي

لي موقفين مشرفين

حماية المستهلك : اشتكيت ع مطعم السلطان بشارع النصر
وعند التحقق من صدق شكواي
تم توحيد سعر الشاورما ب 7 ريال
ولله الحمد

وقبل كانوا يقصون ع الزباين بالتالي : لو طلبت تيك اوي السعر ب 7 ريال

لو بتاكل داخل المطعم السعر ب 10 ريال !!!!!!!!!!!!!!!

الحين خلاص تم توحيد الاسعار وجاني اتصال تأكيد من حماية المستهلك وبنفسي مريت ع المطعم وتاكدت منه شخصيا



كيوتل : بشهر 11 / 2011 شريت ايفون 4 اس من فرع كيوتل بالسيتي بسعر 2700 ريال
وقالوا وياه بيكون رقم مجاني بقيمة 500 ريال
قلت اوك

وبعد شهر وشي جاتني فاتورة انهم شركوني بباقة الانترنت بقيمة 200 ريال شهريا
وهالشي ما وضحوووه لي بالعرض مالهم

وقمت عليهم قوووومة
واتصلت واشتكيت
وقلت مالكم حق تاخذون مني ولا ريال

وبعد التحقق من صدقي تم خصم المبلغ والغاء باقة النت


الخلاصة : لازم يكون يكون لسانك مبلتع وياهم عشان تاخذ حقك

وعيدكم مبارك


اخوي مسيو بوخالد
كل عام وانت بخير يالغالي
وبيض الله ويهك على هالمشاركة الطيبة
واتفق معاك 100% طال عمرك
الحقوق ما تجي لأصحابها بدون المطالبة بها
والمطالبة بالحقوق لابد ان تكون عن طريق اللسان المبلتع
والأهم من ذلك .. ان يكون الشخص فاهم شنو الي له وشنو الي عليه
تحياتي لك مسيو بوخالد
:victory:

[مرحوم قطر]

هذي مشكلة بعض القطريين يقولون امورهم السلبيه و مايقولون الايجابيات


انا برد عليك بس بقارن الامور في قطر بدول ثانيه


كيوتل :

خدمة كيوتل في قطر ارسال قوي نعطيه 85% تاخذ فلوس وايد منه

بس في نفس الوقت تحس ان في اشياء زينه مثل تحمل الانتر نت او البلاكبيري

في مصر شركة فودافون عبيت رصيدي 100 جنيه و خذت اكبر باقه

وقالي انترنت مفتوح يا باشا حملت فلمين قصار افلام عاديه من برودكاستات

خلص الرصيد و يوم سالت قالي لا هو بص حضرتك هو الانترنت مجانن للدردشه و التويتر و الفيس بوك

اما تحمل الافلام لا هو بيكون على التسعيره و حقم الفيلم


نقطه ثانيه :

قارن بين شركة فودافون قطر و كيوتل


و شوف الفرق اكفايه الشكاوي الي كل يوم بخصوص سرقة الارقام ((( اي اسميها سرقه )))



بس صراحه احم احم ماعندي شي ثاني اقدر امدح فيه كيوتل

من مساعه احاول اعصر مخي بس مب محصل شي امدحهم فيه لان بصراحه مساوؤهم كثيره



اما بخصوص القطريه سعرها صحيح انه عالي

بس صراحه خدمتهم يعني تستاهل وبعد بقول المثال على مصر

في مصر على ايام الثوره اطريت اركب طيران المصريه و للاسف

لو راكب باص مدرسه قديم ابركلي من الخدمه و الي شفته في الطياره



وبعد اقولك ماعندي شي ثاني امدح فيه طيران القطريه


بس بخصوص حماية المستهلك

ترى يالربع جد اذا كلمتهم يفيدونك

في معصره في فريجنا سكروها مرتين و الثالثه ثابته و غيرو النشاط



و كذا مره كنت في مطعم و هددتهم ابحماية المستهلك و كانو يخافون يحسيت عندي فزعه


و في اشياء وايد نقدر نقول تعدلة بس بعد مطلوب اكثر ابوايد



لاكن خلي نقول الاشياء الايجابيه في اماكن ثانيه بعد على سبيل المثال البلديه في قطر

لو تلاحظون اذا مب كل اغلبية مطاعم الدوحه نظيفه لان يخافون يعرفون ان وراهم رادع

اما لو تروح دول ثانيه تشوف الوصاخه الاكل في الشارع و الطباخ الله بالخير


في السعوديه كنت في الحسا و طلبت شوارما والله في الشارع و يشتغل ابيده و عطس عطسه

زين الفرن ما طار من قدامه و بعد كمل قلت له اذلف وين اكل من ورى عطستك


و نفس الحاله في مصر والله طاوله قديييييييييييييييييييييمه و منتفه الفيران ماكله منها عليها تاييرن تصير مطعم


و المصريين مستانسين و تلاقونهم متجمعين حولها ياكلون بيض و جبن و بصل و شي يعني قرف

يجيك شعور ان اذا قربت من هلاكل يبيلك غسيل معده و واحد من الشباب مره كل صاده تسمم و بغا يموت علينا



النظافه


يالربع بلادنا نظيفه

و الحمدلله و الشكر له نظيفه نظيفه نظيفه


في البحرين كان عندي عرس ناس تقرب لي و اطريت اقعد اسبوع ((( خيركم الحريم )))


كنت كل يوم مرتين اروح الكرك لان خويكم مدمن كرك مع ان كركهم تعبان

والله يالربع قدام المطعم بشوي كل ما امر و لمدة اسبوع اشوف اكياس الزباله كرمكم الله تزيد

اقول في خاطري وين النظافه يالبيه قطر

و نفس الحال في السعوديه و كثير دول

بس مصر طبعاً ما بتكلم عنها لان الوصاخه اهناك غير شكل و مايعترفون ابشي اسمه نظافه

((( اسمحولي اتكلم عن مصر وايد لاني ادرس اهناك و طافح الكيل منهم )))


صحيح ان قطر مافيها اماكن ترفيهيه كثيره


بس يالربع والله لو اودي اخواني الصغار او عيالنا الحدايق يستانسون و انا نفسي استانس

اشوف مناظر نظيفه و مرتبه اشوف اشياء حلوه من كم يوم وديت بنات اختي حديقة الهتمي صراحه وايد حلوه مع انها صغيره




و من هنا اوجه كل الشكر حق وزارة البلديه على مجهودها



وزارة الاوقاف

يالربع قطر كل شارع فيها مسجد ولله الحمد و المنه و مساجدنا نظيفه مرتبه مكيفتها عدله مساجد تحس

لما تدخلها انك داخل مكان طاهر و طيب و تكرمون حمامات في الاغلب نظيفه


ام اذا كنت في السعوديه و على الخط خلص نفسك في محطة البوعينين ولا الله يستر عليك شغل بر وا احجز فندق

و في مصر باقي يفتحون بسطات في المساجد استغفر الله

و غيره و غيره




و هنا نشكر وزارة الاوقاف على مجهودها



نتكلم عن الداخليه

والله بعد ما شفت الي شفته في مصر و الي شفته في البحرين و في كثيييير دول

تايلند السعوديه ((( اي نعم السعوديه ))) تونس و دول ثانيه كثير


يالربع احمد ربي مليون مره على نعمة الامن و الامان الي حنى عايشين فيها


والله حنى عايشين في نعيم


يالربع في شارع جامعة الدول العربيه المصريين كانو يتمشون بسلاح

اهني كفو تشوف حد عنده سلاح في الشارع


في مصر المصريين يتذابحون قدام الشرطه و الجيش ولا احد يقولهم شي سبوهم يخلصو على بعض


اهني كفو حد يسوي كذا


و هلاشياء انا شفتها بعيوني و انا للاسف يمكن كنت الاسوء حظاً لاني دوم اطيح في وسط المعمعه مع اني ما اطلع وايد


يالربع صحيح ان في فساد في قطر في الشوارع و المجمعات


بس يالربع واصلنا مواصيل و اقولها بالفم المليان اغلبية دول العالم

تشوف اشياء انتقزز منها في الشوارع و المجمعات و في كل مكان


يالربع في دول و انا شفت هلشي بعيوني و عربيه و اسلاميه و دوله قمه في الاهميه شفت قدامي شوف عيني

التحرش في الشارع و باليد استغربت انصدمت انصعقت

و الشرطي يطالع و يضحك واللهي يطالع و يضحك ولا حرك شي

و انا اشوف و مستغرب والله كذا عيني عينك و في الشارع و قدام كل الناس و باليد و اماكن حساسه


والله لو في قطر كان انقصبت

يقولولي لا عادي اي عادي اي بطيخ



الكلام وايد و اكتفي بالي ذكرته و اسمحولي على الاطاله

[Laffan]

السلام عليكم جميعاً

اخوي خليفة بيض الله ويهك على أسلوبك الراقي والقانوني في التعامل مع الشركات والمحلات، المفروض كل أهل قطر يتبعون نفس الإجراء عشان محد يقدر يتلاعب.

بس حبيت أضيف معلومة ليلة العيد قدمت شكوى في البلدية على احدى المحلات عن طريق الخن الساخن مالهم، والموظف كان مأخذ الموضوع بكل جدية واهتمام وقالي بالحرف الواحد الجمهور احيانا ما يساعدونا مايتفاعلون معانا وهذا الشي طبعا تخلي المحلات تتمادى بالخطأ

يالربع كل ماعليك تتصل بس وتعطيهم المعلومات، وخل جهة الاختصاص تشوف شغلها، ترى مب شرط لازم يتسكر المحل، حتى لو يحصل على رسالة تنبية او ملاحظة من البلدية او حماية المستهلك بفكر عقب ألف مرة اذا يبي يزيد او يخالف بشي لانه بكون انقرص.

اتمنى من الكل يتفاعل مع البلدية او حقوق المستهلك، خل اصحاب المحلات والشركات يعرفون انه المستهلك القطري واعي ويعرف ياخذ حقوقه.