رأيكم في شركة يورك ديزان للمقاولات

[qatar15]

الاخوة رواد المنتدى المتميز المحترمين
السلام عليكم ورحمة الله وبركاته

انا انشالله مقدم على التعاقد مع شركة يورك ديزان للمقاولات لبناء فيلا جديدة واللي موجودة في مجمع بن طوار. ارجو منكم إخواني النصيحة اذا حد منكم سبق وتعامل مع هذه الشركة او سمع عنها لتعم الفائدة.

في انتظار ردودكم المفيدة

شكرًا

[السد]

شوف اخوي
اذا عندهم بيوت قاعدين يبنونها
روح المواقع واتصل على الملاك استفسرمنهم لان محد بيفيدك الا الملاك اللي قاعدين يتعاملون مع الشركة
واهم الشي
عقد البناء
عقد البناء
عقد البناء

يكون واضح وبالتفاصيل والمواصفات الفنية
حتى ازالة مخلفات البناء تنذكر في البناء
وغرامة التاخير

[ولد المنصور]

ماقصر اخوي السد كفى ووافى.....

[قطري قديم]

مرحبا اخوي نفس ماتفضل اخوي السد اهم شي تشوف المواقع الي شغالين فيها والمباني الي انجزوها وتحاول تتواصل مع احد الملاك الي الشركه شغاله في بيته من ناحيه التاخير والعمال والمهندسين المشرفين علي الشغل بالاضافه اهم شي ياخوي تفصل بنود العقد من ناحيه الحديد ايبوكسي ولا اسود من ناحيه الطابوق اسمنتي ولاعازل من ناحيه الكهرباء والماء اذا كانت علي الشركه اذكر في العقد نوعيه بيبات الكهرباء عماني او غيره من ناحيه بيبات الماء اذكر نوعياتها بي بي ار الماني او تركي او اردني او نحاس عاديه مخفيه ولا خارجيه من ناحيه التشطيب اذا كان علي الشركه نوعيه المواد كلها بما فيها سخاانات الماء نوعيه العوازل سعودي ولابحريني وفي الاخير ياخوي اهم شي تذكر غرامات التاخير لاتقل ياخوي عن 300 ريال .
والله يوفقك ببيت العمر انشاء الله

[qatar15]

مرحبا اخوي نفس ماتفضل اخوي السد اهم شي تشوف المواقع الي شغالين فيها والمباني الي انجزوها وتحاول تتواصل مع احد الملاك الي الشركه شغاله في بيته من ناحيه التاخير والعمال والمهندسين المشرفين علي الشغل بالاضافه اهم شي ياخوي تفصل بنود العقد من ناحيه الحديد ايبوكسي ولا اسود من ناحيه الطابوق اسمنتي ولاعازل من ناحيه الكهرباء والماء اذا كانت علي الشركه اذكر في العقد نوعيه بيبات الكهرباء عماني او غيره من ناحيه بيبات الماء اذكر نوعياتها بي بي ار الماني او تركي او اردني او نحاس عاديه مخفيه ولا خارجيه من ناحيه التشطيب اذا كان علي الشركه نوعيه المواد كلها بما فيها سخاانات الماء نوعيه العوازل سعودي ولابحريني وفي الاخير ياخوي اهم شي تذكر غرامات التاخير لاتقل ياخوي عن 300 ريال .
والله يوفقك ببيت العمر انشاء الله

ما قصرت يالشيخ وللامانه انهم وفروا كل اللي ذكرته في العقد واكثر بس حبيت أتأكد من شغلهم ومن تعاملهم من حد تعامل معاهم وبنا عندهم
ومشكور بالغالي عالمرور والنصائح الثمينة

[qatar15]

شوف اخوي
اذا عندهم بيوت قاعدين يبنونها
روح المواقع واتصل على الملاك استفسرمنهم لان محد بيفيدك الا الملاك اللي قاعدين يتعاملون مع الشركة
واهم الشي
عقد البناء
عقد البناء
عقد البناء

يكون واضح وبالتفاصيل والمواصفات الفنية
حتى ازالة مخلفات البناء تنذكر في البناء
وغرامة التاخير

اخوي السد ما قصرت وكفيت ووفيت ونصيحتك جداً مهمة وبعتمد عليها في المرحلة الجاية انشاء الله من التعاقد
اشكرك على المرور الاكثر من رائع

[qatar15]

ماقصر اخوي السد كفى ووافى.....

شكرًا اخوي على المرور

[بن غيث]

اختار اي شركة .. الاهم الاستشاري المشرف على شغلهم
شوفلك استشاري محترم وياليت يكون غير عربي
وموفق ان شاء الله