شوي عيب

[حبتور]

تلفزيون قطر في أحد أفلامه الأجنبية البارحمة في آخر مقطع في الفلم أظهر مؤخرة أحد الممثلين وبشكل عاري تماما

[حميداني]

اعتقد انها زله او على قولتهم سقط سهواً , قناتنا معروفه بانها محافظه ولا ما كان هالاستغراب لشي مثل هذا
نصيحتي اخوي دزلهم رساله او نبهم بمكالمه هاتفيه وان شاءالله ما بيقصرون

الاخطاء والحوادث تصير في كل مكان

تحياتي

[المسك1969]

الابتعاد عن الافلام والمسلسلات راحة

[الصغيره]

وين المراقبه ؟؟؟؟

اليوم سقط سهوا وبكره ايش

وين المسووولين عن هذا الخطاء ؟؟؟

للاسف بيصبح عادي سقط سهوا وبكره سقط سهوا لكن ان تمت محاسبة اللي ما راجع الفلم قبل بثه راح يحاسب بالمره القادمه ما يسقط سهوا

لكن هل حد اتصل وقالهم عن المقطع يمكن المسؤوولين لين الحين مادروا بالمقطع

الله يعين

[بوخالد911]

الله يسترررر

[غايه الطواش]

ليله رمضان فلم عربي اظهر بعض المشاهد العاريه
واليوم كما تفضلت به اخي الكريم ، وماذا بعد ياتلفزيون قطر ؟

[دااانة قطر]

ليله رمضان فلم عربي اظهر بعض المشاهد العاريه
واليوم كما تفضلت به اخي الكريم ، وماذا بعد ياتلفزيون قطر ؟




الله المستعاان

[الزعفراني]

للحين في ناس اتابع تلفزيون قطر ؟ :)

[ريتويت]

ههههههه الصراحه شي يضحك

[Galbi]

تلفزيون قطر في أحد أفلامه الأجنبية البارحمة في آخر مقطع في الفلم أظهر مؤخرة أحد الممثلين وبشكل عاري تماما

معليش اخوي
ممكن اسم الفلم الاجنبي اللي تقول عنه

لان اللي اعرفه ان من بداية العيد لليوم ما انعرض اي فلم اجنبي على القناه :con2:

وحتى أتأكد أكثر ، دخلت على موقع مباشر من قطر ، ورحت ليوم أول امس اللي يصادف تاريخ 22 وهو اليوم اللي انعرض فيه الفلم اللي تقول عنه ، وما شفت الا فلم عربي اسمه (الاوله في الغرام) ، وآخر مشهد فيه الممثل يخطب جدام الناس وواحد منخش يثور عليه بالمسدس :nea:




آسف على كلامي .. انا ما اقصدك يا صاحب الموضوع بكلامي
لكن في الفتره الاخيره لاحظت بعض الناس يكتبون عن تلفزيون قطر أشياء مخله عرضها ، ولما ارجع لها يطلع الشي اللي تكلموا عنه أساساً ما انعرض
أو يكون الفيلم او المسلسل او غيره معروض فعلاً لكن المقطع اللي تكلم عنه محذوف ، لكن كاتب الموضوع يقوم ويألف على التلفزيون كلام مب موجود

ونسى ان في موقع يضم اغلب القنوات والاذاعات القطرية اللي من الممكن الرجوع لها في اي وقت للتأكد

ياريت من اداره المنتدى انها ما تخلي مثل هالنوعيه من الناس تكتب اي شي بدون دليل ... سواءً عن تلفزيون قطر او غيره

[intesar]

ما أتابع لذا لا تعليق..