منتجع الغارية والاستراحات [الأرشيف] - منتديات شبكة الأسهم القطرية

مشاهدة النسخة كاملة : منتجع الغارية والاستراحات

angelicheart

24-08-2012, 12:18 AM

السلام عليكم ورحمة الله وبركاته

احد عنده فكره اذا منتجع الغارية مفتوح ولا لا ؟ لأني صار لي 3ايام اكلمهم على كل الأرقام ومحد يرد، ومعظم الاستراحات بعد مغيرين الأرقام وما يردون

السكين

24-08-2012, 12:37 AM

كلمتهم قبل رمضان وكانوا فاتحين والأسعار اعتقد قال لي اليوم بـ 2500 ريال ولو يومين 4500 ريال .

عاد الله اعلم لو تسكر والا لا لانه اصلاً خدمتهم تعيسة ، سواءاً بمكتبهم في التاون سنتر أو بالمنتجع نفسه ، ولو تشوفلك طريقه غيره يكون أفضل لأنه بصراحة خدة العملاء والأمن والخصوصية صفر .

angelicheart

24-08-2012, 01:44 PM

السكين مشكور اخوي ع الرد ، وفعلا اليوم شخص ثاني بعد قالي الخصوصية والأمان معدومة ، للأسف الاماكن السياحية عندنا معدومة ومعدودة جداً ، وطول فترة الصيف واحنا قاعدين ف البيت

غرِيبهـ

24-08-2012, 03:19 PM

اسفه ارد في الموضوع

بس لان اليوم راجعين من شاليهات جراند حياة
اول مره نروح لها فيها امان و هاديه الصراحه

والشاليه كبير وحلو

اي معلومات اضافيه حابه بشرحها لك

احنا خذنا شاليه 3 غرف كان الليله ب 3650 ريال
ولما جيت اسوي جيك اوت قالي عندهم عرض الاسبوع الجاي
نفس الشاليه بيكون ب 1600 ريال على شرط مو اقل من ليلتين

حمد 2002

25-08-2012, 12:35 AM

أنا رحت الغاريه من يومين بالعيد والليله ب 3000. النظافه سيئه جدا ، والاداره عندهم تعبانه ومستواها زيرو واكلهم بالمطاعم وبالسوبرماركت غالي واايد ، انصحك ماتروحله ، فلوس واايد على الفاضي

حمد 2002

25-08-2012, 12:38 AM

السكين

25-08-2012, 01:21 AM

طالما الكل تكلم الحمد لله ما طلعت ظالمهم ورح اتكلم بالتفاصيل .

شوفي أختي النظافة والخصوصية والخدمة كلها كوم والأمن كوم ثاني ..

قبل سنتين تقريباً قطعت على المنتجع الكهرباء ومافي بني آدم جا يتفقد طبعاً الكل راح يركض على بركة النساء المغلقة كون انه الكهربا قطعت وهما داخلها ، وللأسف الشديد ما كان في بكل لمنتجع أنوار طواريء والبركة كان فيها اطفال ولا شايفين شي لولا ان بعض الشباب جزاهم الله خير وجهوا انوار سياراتهم باتجاه الباب اللي فتحوه شوي النساء حتى يقدروا يطلعوهم من البركة .

وللاسف الكهرباء ظلت قاطعة طول اليوم والفجر الأغلب غادر واستردينا فلوسنا منهم .

وأنا تفاجأت بنسيبي مرة جاييني هناك وداخل من البوابة بمجرد أنه اخبرهم اني رايح للشاليه رقم كذا باسم فلان الفلاني ودخلوه وهذا خطأ إنهم ما بلغوني بدخول زائر عندي يمكن أرفض دخوله ..

ناهيك عن القذارة وريحة الزفر بالشاليه اول ما تستلموه ومعاكسات السكوترات ووصولهم امام بوابات الشاليه الخلفية مباشرة حتى انه تفقد اي خصوصية ورشهم الماي على البلكونات وايذاء خلق الله باستعراضهم .

غرِيبهـ

25-08-2012, 05:35 PM

بعد اذن صاحب الموضوع عندي سؤال للأخت ، هل الشاليه على البحر مباشره وهل فيه خصوصيه للعاوايل ،.

اذا تقصد نفس شاليهات سيلين على البحر مباشره لا

فيه قسم من الشاليهات مطله على البحر
وهي تتكون من 4 غرف وقريبه من حمام السباحه

ممكن تشوف الشاليهات من قوقل ايرث تصميمهم

الحلو انها هاديه وبتلاقي على الشاطى كله عوايل واكثر شي حريم
ويهال يلعبون ويسبحون ف البحر واهلهم جنبهم

angelicheart

04-09-2012, 03:24 PM

مشكورين ع الردود ، وفعلا رحنا جراند حياة المكان حلو بس زحمه ، والشاليه كبير ما شاء الله ، اهم شي اليهال استانسوا وغيرنا جو قبل الدوامات :)