متوهق يالربع

[ولد الدفنه]

وقعت مع شركه ديكور من شهر وللحين مانزل البيت عندي وخذي 50% دفعه من قيمه العقد يعني انا كنت موقع معاه بسعر 180 الف خذ 90 الف ريال ولين الحين ماشتغل وحسب العقد الي احنا موقعين معاه من شهر ان اخر الشهر بتاريخ 30 له دفعه 20000 ريال وهو للحين ماشتغل والحين ابي المخلاص تكفون يالربع ابي الفكه وش الحيله تكفون فيدونا يا اخوانا .

[مرحوم قطر]

اخوي ولد الدفنه شنهو الشغل الي بينك و بينه ؟.؟

و اكيد انك كلمته و قلت له ليه ما تجون شكان رده ؟.؟

[ahmed jasim]

أكتب ملخص للمشكلة وإرفق الأتفاقية والفواتير وإبعثها الى حماية المستهلك
44945500
44945550
cpd@mdt.gov.qa

[Chambray]

أكتب ملخص للمشكلة وإرفق الأتفاقية والفواتير وإبعثها الى حماية المستهلك
44945500
44945550
cpd@mdt.gov.qa

احسن حل ...

المشكلة بعض المحلات نعطيهم الثقه وهم مش قد الثقه للاسف ..

[Bozizoo]

الله يعينك والله

[صمت 1]

اذكر اسم الشركه اذا تكرمت

[أسير الاسهم]

الله يعينك

حاول تستدرجه يشتغل لين يسوي لك حدود قيمة اللي دفعته له عقب شووته

[بنت المطر]

اذا انت تبيه يسوي لك كل يوم روح له وحن على راسه يوميا حضر عندهم ف الشركة واحشرهم اتصالات


بس اذا انت حاب تكنسل العقد ف جوف اذا كان مبلغ العربون ينرد ولا لا

لان أخاف يأخذون عليك مبلغ


بس ممكن اعرف شنو سبب أنك ماتبيهم ؟ هل لان تأخروا او حاب شركة ثانية

[naif3]

الله يعينك

[مضارب دوسري]

كان من الافضل ترتيب الدفعات
يعني عطيته ٥٠٪ وهو للحين مابدا وتبيه يشتغل ؟

كان الافضل توزيع المبلغ الاجمالي الى خمس او ست دفعات

يعني كل دفعه ٣٠٠٠٠ ريال
اتوقع والله اعلم انه مخليك توقع على عقد من غير مراحل
يعني التاريخ الفلاني تدفع كذا

المفروض يكون عند الانتهاء من الاعمال الفلانيه يستلم المبلغ الفلاني

[أسير الاسهم]

والا واناا اخوك ما دون الحقوق الا الحلوق
رد لك فلوسك والا رح له المحل ولايمه بالعقال لين يغني حمار بطنه

[العاصم]

هو الطبيعىي في أغلب عقود التشطيبات إن نصف المبلغ بيكون عند توقيع العقد انما الغريب ان الدفعات لا تكون بتاريخ انما على حسب العمال....بمعنى
انه 50% مقدم
20% عند التوريد
20% عند التركيب
10% بعد التسليم ...وهكذا
وبعدين انت شايل هم الدفعة اللي جايه شيل هم اللي انت دفعته هو المقاول هيكون له عين يطلب دفعة تانية وهو ما عمل اي شيء في البيت
اتصل بيه وعصب عليه..

[kka]

اكيييييد شامي او عربي الله يعوض عليك

[السيليه]

اولا فيه عقد بينك وبينهم
خالك وراهم كل يوم روح المكتب ثرا هم مايبون حد يسوي لهم صجه في المكتب لان الناس رايحه وجايه
جرب الله يوفقك

[باتريوتP]

سلام عليكم ورحمة الله وبركاته
اخوي تطمن ولا تحاتي
احنا شركه وعارفين الاجراءات
بس قبل كل شي تأكد انه مافي شي يعوق شغل الديكور عندك بالبيت يعني بلاستر او اي شي يعطل شغلهم
اذا مافي شي يعطلهم اول شي سو كتاب رسمي وطرشه بالبريد الممتاز بعلم الوصول او الفاكس واحتفظ بالريبوت
اذا ما تعاونوا وياك روح صوب غرفة تجارة وصناعه قطر في مكان اسمه ( التحكيم )
افتح ملف عندهم وبالكثير خلال 30 يوم يكون صدر حكم منهم وحكمهم نفس حكم المحاكم القطريه بالضبط وحاول انك تثبت الاضرار الي ياتك من التأخير
اخوي الحمدالله في قانون وفي نظام مب فوضة حد ياخذ فلوس ومايشتغل بدون سبب بس اهم شي تكأكد انه مافي شي يعوق شغلهم
تحياتي لك يالغالي
باتريوت للتجاره والمقاولات ذ م م

[خزامئ]

ممكن اسمه الشركه ولا تهون

[ابو رها]

هلا اخوي ولد الدفنه

ياخوي لا تشيل هم ولا تتضايق الحق معاك ودام معاك عقد
وفيه وصل استلام بالدفعه سهله ان شاءالله
الافضل قدم عليهم بمركز الشرطه قرصة اذن ويؤخذ عليهم تعهد
ويباشرون الشغل مع الضمان لجودة الشغل


اما اذا ماكنت تبغاهم يشتغلون ثبت عليهم محضر انهم حتى تاريخه مااشتغلوا ولا يوجد اي عائق يمنعهم بعدها توجه للغرفه التجاريه
وقدم عليهم شكوى وطالب بالتعويض واعادة المبلغ وفسخ العقد لانه يحقلك الغاءه نظاماً واكيد العقد مسجل فيه بداية العمل
وترى الواسطه زينه اذا تعرف احد بالتجاره يعجلك الموضوع خلال اسبوع


ولا تزعج حالك ولا تتضايق حقك بتاخذه غصب عنهم

تقبل تحياتي