تأجير بيت عالاسكان

[بو علي]

السلام عليكم

عندي فيلا في المطار القديم عمرها عشر سنين افكر أأجرها عالاسكان. للي عنده الخبره، كيف اخاطبهم وإيش الاوراق المطلوبه؟

وهل تنصحون بهالشي ولا الأجار على افراد او شركات بيكون اربح؟

وشكرا.

[شموخ دائم]

,

,


مرحبا


صباح الخير

الاسكان الحين النظام عندهم تغيير ما ياخذون بيوت ويتركونها عندهم والايجار ماشي

الان النظام اذا في احد يبي الفلا الي عندك يسكن فيها هو ياخذها الى الاسكان ويقولهم

هذي الفلا ابيها اسكن فيها وهذي اوراقها

تطلع اللجنه تقيم الفلا من ناحيه صلاحيه ومن ناحيه كم تستاهل ايجار من ناحيه الحجم والمساحه والموقع وهل فيها تكييف او لا ... الخ

ويعرضون عليك مبلغ ما يتجاوز ال 13 الف بالكثير وعاده يكون 12 الف

اذا وافقت كان بها وتوقع العقد واذا رفضت يقولون للموجر جيب لك فلا غيرها

عند الموافقه والتوقيع على العقد

يصرف المبلغ كل 6 شهور 12الف × 6 شهور = 72 الف يحطونها بحسابك في البنك مباشره


طبعا الاسكان افضل من الشركات من كل النواحي حتى لو الايجار اقل بالسعر

الاسكان فيه الفلوس مضمونه وتجيك متجمعه تقدر تستفيد منها

احسن من الشركات او الافراد يوم راجع الشيك ويوم يجيك المبلغ ناقص

واصبر علينا وعندنا ظروف وهذي الامور الكثيره

بالتوفيق لك


,

,


اخوك


شموخ دائم

[بو علي]

تسلم ياخوي وما قصرت على الرد. كفيت ووفيت. شكلها العمليه صارت اصعب من قبل. وين الواحد بيلاقي له حد يبي يستأجر عن طريق الاسكان.

[captin]

نظام التأجير في الإسكان الحكومي

مثل ما قال الأخ شموخ أنهم ما يأجرون ويخلون البيت فاضي

وموقع فيلتك ممتاز بمنطقة المطار القديم وهي من المناطق المطلوبة

أنصحك أعمل صيانة شاملة للفيلا بما في ذلك الصبغ الداخلي والخارجي

وأعرض الفيلا في الإسكان عندهم نموذج تقدم الفيلا عندهم للعرض
هم طبعا تجيهم طلبات كثيرة من الموظفين بالدولة سواء قطريين أو غير قطريين
وبعض من طالبي السكن يحددون يقولون نبي المنطقة الفلانية فإذا صار
وجا أحد وطلب فيلتك وشافها وعجبته راح يكلمونك الإسكان ويعرضون موضوعك
على اللجنة اللي راح تقرر سعر للإيجار وغالبا في المنطقة ما راح يتجاوز 13000 ريال
شهريا وتوقع العقد معاهم ويسري الإيجار من تاريخ التوقيع .

بالتوفيق إن شاء الله

[السيليه]

الله يوفقك اخي

[ali22]

تسجيل متابعة

[بو علي]

مشكورين على الرد وما قصرتو. ان شا الله باعمل بنصايحكم. الواحد فعلاً مافيه شده يلاحق مستأجرين وحاله. اخليها عالاسكان اضمن واريح.